Verse 1: സഭാശ്രഷ്‌ഠനായ ഞാന്‍ ആത്‌മാര്‍ഥമായി സ്‌നേഹിക്കുന്ന പ്രിയപ്പെട്ട ഗായൂസിന്‌ എഴുതുന്നത്‌:
Verse 2: വാത്‌സല്യഭാജനമേ, നിന്‍െറ ആത്‌മാവു ക്‌ഷേമസ്‌ഥിതിയിലായിരിക്കുന്നതുപോലെ തന്നെ, എല്ലാകാര്യങ്ങളിലും നിനക്ക്‌ ഐശ്വര്യമുണ്ടാകട്ടെ എന്നും നീ ആരോഗ്യവാനായിരിക്കട്ടെ എന്നും ഞാന്‍ പ്രാര്‍ ഥിക്കുന്നു.
Verse 3: നീ സത്യമനുസരിച്ചാണു ജീവിക്കുന്നത്‌ എന്ന്‌ സഹോദരന്‍മാര്‍ വന്നു നിന്‍െറ സത്യത്തെക്കുറിച്ചു സാക്‌ഷ്യപ്പെടുത്തിയപ്പോള്‍ ഞാന്‍ വളരെ സന്തോഷിച്ചു.
Verse 4: എന്‍െറ മക്കള്‍ സത്യത്തിലാണു ജീവിക്കുന്നത്‌ എന്നു കേള്‍ക്കുന്നതിനെക്കാള്‍ വലിയ സന്തോഷം എനിക്കുണ്ടാകാനില്ല.
Verse 5: വാത്‌സല്യഭാജനമേ, നീ സഹോദരര്‍ക്കുവേണ്ടി, പ്രത്യേകിച്ച്‌, അപരിചിതര്‍ക്കുവേണ്ടി ചെയ്യുന്നതെല്ലാം വിശ്വാസത്തിനു യോജി ച്ചപ്രവൃത്തികളാണ്‌.
Verse 6: അവര്‍ സഭയുടെ മുമ്പാകെ നിന്‍െറ സ്‌നേഹത്തെക്കുറിച്ചു സാക്‌ഷ്യപ്പെടുത്തി. ദൈവത്തിനു പ്രീതികരമായവിധം നീ അവരെയാത്രയാക്കുന്നതു നന്നായിരിക്കും.
Verse 7: കാരണം, അവിടുത്തെനാമത്തെപ്രതിയാണ്‌ അവര്‍ ഇറങ്ങിത്തിരിച്ചിരിക്കുന്നത്‌. വിജാതീയരില്‍നിന്ന്‌ അവര്‍ ഒരു സഹായവും സ്വീകരിച്ചിട്ടില്ല.
Verse 8: ആകയാല്‍, നാം സത്യത്തില്‍ സഹപ്രവര്‍ത്തകരായിരിക്കേണ്ടതിന്‌ ഇപ്രകാരമുള്ളവരെ സ്വീകരിച്ചു സംരക്‌ഷിക്കേണ്ടിയിരിക്കുന്നു.
Verse 9: ഞാന്‍ ചില കാര്യങ്ങള്‍ സഭയ്‌ക്കെഴുതിയിരുന്നു. എന്നാല്‍, പ്രഥമസ്‌ഥാനം മോഹിക്കുന്ന ദിയോത്രഫെസ്‌ ഞങ്ങളുടെ അധികാരത്തെ അംഗീകരിക്കുന്നില്ല.
Verse 10: അതിനാല്‍, ഞാന്‍ വന്നാല്‍ അവന്‍െറ ചെയ്‌തികളെപ്പറ്റി അവനെ അനുസ്‌മരിപ്പിക്കും. അവന്‍ ഞങ്ങള്‍ക്കെതിരേ ദുഷിച്ചു സംസാരിക്കുന്നു. അതുകൊണ്ടും തൃപ്‌തനാകാതെ സഹോദരരെ അവന്‍ നിരസിക്കുന്നു. തന്നെയുമല്ല, അവരെ സ്വീകരിക്കാന്‍ തയ്യാറാകുന്നവരെ അവന്‍ തടയുകയും സഭയില്‍നിന്നു പുറത്താക്കുകയും ചെയ്യുന്നു.
Verse 11: വാത്‌സല്യഭാജനമേ, തിന്‍മയെ അനുകരിക്കരുത്‌; നന്‍മയെ അനുകരിക്കുക. നന്‍മ പ്രവര്‍ത്തിക്കുന്നവന്‍ ദൈവത്തിന്‍െറ സ്വന്തമാണ്‌. തിന്‍മ പ്രവര്‍ത്തിക്കുന്നവനാകട്ടെ ദൈവത്തെ കണ്ടിട്ടേയില്ല.
Verse 12: ദെമേത്രിയോസിന്‌ എല്ലാവരിലുംനിന്ന്‌, സത്യത്തില്‍നിന്നുതന്നെയും, സാക്‌ഷ്യം ലഭിച്ചിരിക്കുന്നു. ഞങ്ങളും അവനു സാക്‌ഷ്യം നല്‍കുന്നു. ഞങ്ങളുടെ സാക്‌ഷ്യം സത്യമാണെന്നു നിനക്കറിയാം.
Verse 13: എനിക്കു വളരെയധികം കാര്യങ്ങള്‍ എഴുതാനുണ്ട്‌. എന്നാല്‍, അതെല്ലാം തൂലികയും മഷിയും കൊണ്ടു നിനക്കെഴുതാന്‍ ഞാന്‍ ആഗ്രഹിക്കുന്നില്ല.
Verse 14: താമസിയാതെ നിന്നെ കാണാമെന്നു ഞാന്‍ പ്രതീക്‌ഷിക്കുന്നു. അപ്പോള്‍ മുഖാഭിമുഖം നമുക്കു സംസാരിക്കാം.
Verse 15: നിനക്കു സമാധാനം. സ്‌നേഹിതന്‍മാര്‍ നിന്നെ അഭിവാദനം ചെയ്യുന്നു. എല്ലാ സ്‌നേഹിതരെയും പ്രത്യേകം പ്രത്യേകം അഭിവാദനം അറിയിക്കുക.