Verse 1: യൂദാരാജാവായയഹോയാക്കിമിന്‍െറ മൂന്നാം ഭരണവര്‍ഷം ബാബിലോണ്‍രാജാവായ നബുക്കദ്‌നേസര്‍ ജറുസലെമിനെതിരേ വന്ന്‌ അതിനെ ആക്രമിച്ചു.
Verse 2: കര്‍ത്താവ്‌ യൂദാരാജാവായയഹോയാക്കിമിനെ അവന് ഏല്‍പിച്ചുകൊടുത്തു; ദേവാലയത്തിലെ പാത്രങ്ങളില്‍ ചിലതും അവിടുന്ന്‌ അവനു നല്‍കി. നബുക്കദ്‌നേസര്‍ അവനെ പാത്രങ്ങളോടൊപ്പം ഷീനാര്‍ദേശത്ത്‌ തന്‍െറ ദേവന്‍െറ ക്‌ഷേത്രത്തിലേക്കു കൊണ്ടുപോന്നു; പാത്രങ്ങള്‍ ദേവന്‍െറ ഭണ്‍ഡാരത്തില്‍ സൂക്‌ഷിച്ചു.
Verse 3: ഷണ്‍ഡന്‍മാരുടെ നായകനായ അഷ്‌പേനാസിനോടു രാജാവ്‌ കല്‍പിച്ചു: രാജകുലത്തിലും പ്രഭുവര്‍ഗത്തിലും ജനി ച്ചകുറെ ഇസ്രായേല്‍ക്കാരെ കൊണ്ടുവരുക.
Verse 4: അവര്‍ കുറ്റമറ്റവരും സുമുഖരും വൈദഗ്‌ധ്യമുള്ളവരും വിജ്‌ഞാനമാര്‍ജിച്ചവരും ഗ്രഹണശക്‌തിയുള്ളവരും കൊട്ടാരത്തില്‍ സേവനം ചെയ്യാന്‍ കഴിവുള്ളവരും ആയയുവാക്കളായിരിക്കണം. കല്‍ദായഭാഷയും ലിപിയും അവരെ പഠിപ്പിക്കണം.
Verse 5: വിഭവ സമൃദ്‌ധമായരാജകീയഭക്‌ഷണത്തിന്‍െറയും രാജാവ്‌ കുടിച്ചിരുന്ന വീഞ്ഞിന്‍െറയും ഓഹരി ദിവസേന അവര്‍ക്കു കൊടുക്കുന്നതിനും രാജാവ്‌ നിര്‍ദേശിച്ചു. അപ്രകാരം മൂന്നുവര്‍ഷത്തെ പരിശീലനത്തിനുശേഷം അവര്‍ രാജസേവനത്തില്‍ പ്രവേശിക്കേണ്ടിയിരുന്നു.
Verse 6: ഇപ്രകാരം തിരഞ്ഞെടുക്കപ്പെട്ടവരുടെ കൂട്ടത്തില്‍ യൂദാഗോത്രത്തില്‍പ്പെട്ട ദാനിയേല്‍, ഹനനിയാ, മിഷായേല്‍, അസറിയാ എന്നിവര്‍ ഉണ്ടായിരുന്നു.
Verse 7: കൊട്ടാരഷണ്‍ഡന്‍മാരുടെ നായകന്‍ അവര്‍ക്കു പേരുകള്‍ നല്‍കി: ദാനിയേലിനെ ബല്‍ത്തെഷാസര്‍ എന്നും ഹനനിയായെ ഷദ്രാക്‌ എന്നും മിഷായേലിനെ മെഷാക്ക്‌ എന്നും അസറിയായെ അബെദ്‌നെഗോ എന്നും വിളിച്ചു.
Verse 8: എന്നാല്‍, രാജാവിന്‍െറ വിഭവസമൃദ്‌ധമായ ഭക്‌ഷണംകൊണ്ടോ അവന് കുടിച്ചിരുന്ന വീഞ്ഞുകൊണ്ടോ മലിനനാവുകയില്ലെന്നു ദാനിയേല്‍ നിശ്‌ചയിച്ചു. അതിനാല്‍, മലിനനാകാതിരിക്കാന്‍ തന്നെ അനുവദിക്കണമെന്ന്‌ അവന് ഷണ്‍ഡന്‍മാരുടെ നായകനോട്‌ അഭ്യര്‍ഥിച്ചു.
Verse 9: ദാനിയേലിനോട്‌ അവനു പ്രീതിയും അനുകമ്പയും തോന്നാന്‍ ദൈവം ഇടയാക്കി.
Verse 10: അവന് ദാനിയേലിനോടു പറഞ്ഞു: നിന്‍െറ പ്രായത്തിലുള്ള മറ്റുയുവാക്കന്‍മാരെക്കാള്‍ നീ ക്‌ഷീണിച്ചിരിക്കുന്നതായി, നിനക്കു ഭക്‌ഷണപാനീയങ്ങള്‍ തരാന്‍ നിയോഗി ച്ചഎന്‍െറ രാജാവ്‌ കണ്ടേക്കുമെന്നു ഞാന്‍ ഭയപ്പെടുന്നു. അങ്ങനെയായാല്‍ രാജസമക്‌ഷം എന്‍െറ ജീവന്‍ നീ അപകടത്തിലാക്കും.
Verse 11: തനിക്കും ഹനനിയായ്‌ക്കും മിഷായേലിനും അസറിയായ്‌ക്കുംവേണ്ടി പ്രധാന ഷണ്‍ഡന്‍ നിയമിച്ചിരുന്ന വിചാരിപ്പുകാരനോട്‌ ദാനിയേല്‍ പറഞ്ഞു:
Verse 12: നിന്‍െറ ഈ ദാസന്‍മാരെ പത്തു ദിവസത്തേക്കു പരീക്‌ഷിച്ചു നോക്കൂ; ഞങ്ങള്‍ക്കു സസ്യഭക്‌ഷണവും ജലവും മാത്രം തരുക.
Verse 13: അതിനുശേഷം, ഞങ്ങളുടെയും രാജകീയഭക്‌ഷണം കഴിക്കുന്നയുവാക്കളുടെയും മുഖം നീ കാണുക. നീ കാണുന്നതനുസരിച്ച്‌ നിന്‍െറ ദാസന്‍മാരോടു വര്‍ത്തിച്ചാലും.
Verse 14: അവരുടെ വാക്കുകേട്ട്‌ അവന് അവരെ പത്തു ദിവസത്തേക്കു പരീക്‌ഷിച്ചു.
Verse 15: പത്തുദിവസങ്ങള്‍ക്കുശേഷം അവര്‍ രാജ കീയ ഭക്‌ഷണം കഴിച്ചിരുന്നയുവാക്കളെക്കാള്‍ ആരോഗ്യമുള്ളവരും കൊഴുത്തവരുമായി കാണപ്പെട്ടു.
Verse 16: അതുകൊണ്ട്‌, വിചാരിപ്പുകാരന്‍ അവരുടെ വിഭവസമൃദ്‌ധമായ ഭക്‌ഷണത്തിനും അവര്‍ കുടിക്കേണ്ടിയിരുന്ന വീഞ്ഞിനും പകരം അവര്‍ക്കു സസ്യഭക്‌ഷണം നല്‍കി.
Verse 17: ദൈവം ഈ നാലുയുവാക്കള്‍ക്ക്‌ എല്ലാ വിദ്യകളിലും വിജ്‌ഞാനത്തിലും അറിവും സാമര്‍ഥ്യവും നല്‍കി. സകലവിധ ദര്‍ശനങ്ങളും സ്വപ്‌നങ്ങളും വ്യാഖ്യാനിക്കാന്‍ ദാനിയേലിനു കഴിഞ്ഞിരുന്നു.
Verse 18: അവരെ തന്‍െറ മുന്‍പില്‍ കൊണ്ടുവരണമെന്നു രാജാവ്‌ കല്‍പിച്ചിരുന്ന ദിവസം വന്നപ്പോള്‍ പ്രധാന ഷണ്‍ഡന്‍ അവരെ നബുക്കദ്‌നേസറിന്‍െറ മുന്‍പില്‍ കൊണ്ടുവന്നു.
Verse 19: രാജാവ്‌ അവരോടു സംസാരിച്ചു. എന്നാല്‍ ദാനിയേല്‍, ഹനനിയാ, മിഷായേല്‍, അസറിയാ എന്നിവര്‍ക്കു തുല്യരായി അവരില്‍ ആരുമുണ്ടായിരുന്നില്ല. അതിനാല്‍ അവര്‍ രാജസേവകരായിത്തീര്‍ന്നു.
Verse 20: വിജ്‌ഞാനത്തെയും അറിവിനെയും സംബന്‌ധിച്ച്‌ രാജാവ്‌ ചോദി ച്ചഏതു കാര്യത്തിലും അവര്‍ രാജ്യത്തെ ഏതു മാന്ത്രികനെയും ആഭിചാരകനെയുംകാള്‍ പത്തിരട്ടി മെച്ചപ്പെട്ടവരായി കാണപ്പെട്ടു.
Verse 21: സൈറസ്‌രാജാവിന്‍െറ ഒന്നാം ഭരണ വര്‍ഷംവരെ ദാനിയേല്‍ അവിടെ കഴിഞ്ഞു.