Verse 1: പേര്‍ഷ്യാ രാജാവായ സൈറസിന്‍െറ മൂന്നാം ഭരണവര്‍ഷം, ബല്‍ത്തെഷാസര്‍ എന്നു വിളിക്കുന്ന ദാനിയേലിന്‌ ഒരു വെളിപാടുണ്ടായി. അത്‌ സത്യവും വലിയയുദ്‌ധത്തെക്കുറിച്ചുള്ളതുമായിരുന്നു. ഒരു ദര്‍ശനത്തിലൂടെ അതിന്‍െറ അര്‍ഥം ഗ്രഹിക്കാന്‍ അവനു കഴിഞ്ഞു.
Verse 2: ദാനിയേലെന്ന ഞാന്‍ മൂന്നാഴ്‌ചക്കാലത്തേക്ക്‌ വിലാപം ആചരിക്കുകയായിരുന്നു.
Verse 3: ആ മൂന്നാഴ്‌ചക്കാലം മുഴുവന്‍ ഞാന്‍ രുചികരമായ ഭക്‌ഷണം കഴിക്കുകയോ മാംസവും വീഞ്ഞും ആസ്വദിക്കുകയോ സുഗന്‌ധലേപനം നടത്തുകയോ ചെയ്‌തില്ല.
Verse 4: ഒന്നാംമാസം ഇരുപത്തിനാലാം ദിവസം ഞാന്‍ ടൈഗ്രീസ്‌ എന്ന മഹാന ദിയുടെ കരയില്‍ നില്‍ക്കുകയായിരുന്നു.
Verse 5: ഞാന്‍ കണ്ണുയര്‍ത്തി നോക്കിയപ്പോള്‍, ചണ വസ്‌ത്രവും ഊഫാസിലെ സ്വര്‍ണം കൊണ്ടുള്ള അരപ്പട്ടയും ധരി ച്ചഒരുവനെ കണ്ടു.
Verse 6: അവന്‍െറ ശരീരം ഗോമേദകം പോലെയും മുഖം മിന്നല്‍ പോലെയും കണ്ണുകള്‍ ജ്വലിക്കുന്ന പന്തം പോലെയും ആയിരുന്നു. അവന്‍െറ കൈകാലുകള്‍ മിനുക്കിയ ഓടിന്‍െറ ഭംഗിയുള്ളവയും സ്വരം ജനക്കൂട്ടത്തിന്‍െറ ഇര മ്പല്‍ പോലയും ആയിരുന്നു.
Verse 7: ദാനിയേലായ ഞാന്‍ മാത്രം ഈ ദര്‍ശനം കണ്ടു; എന്നോടൊപ്പമുണ്ടായിരുന്നവര്‍ അതു കണ്ടില്ല. മഹാഭീതി പിടിപെട്ട്‌ അവര്‍ ഓടിയൊളിച്ചു.
Verse 8: അങ്ങനെ തനിച്ചായ ഞാന്‍ ഈ മഹാദര്‍ശനം കണ്ടു; എന്‍െറ ശക്‌തി ചോര്‍ന്നുപോയി. എന്‍െറ മുഖം തിരിച്ചറിയാന്‍ വയ്യാത്തവിധം മാറിപ്പോയി. എന്‍െറ ശക്‌തിയറ്റു.
Verse 9: അപ്പോള്‍ ഞാന്‍ അവന്‍െറ സ്വരം കേട്ടു, അവന്‍െറ സ്വരം ശ്രവി ച്ചഞാന്‍ പ്രജ്‌ഞയറ്റ്‌ നിലംപതിച്ചു.
Verse 10: എന്നാല്‍, ഒരു കരം എന്നെ സ്‌പര്‍ശിച്ചു. അവന്‍ എന്നെ എഴുന്നേല്‍പിച്ചു. വിറയലോടെയാണെങ്കിലും മുട്ടും കൈയും ഊന്നി ഞാന്‍ നിന്നു.
Verse 11: അവന്‍ എന്നോടു പറഞ്ഞു: ഏറ്റവും പ്രിയങ്കരനായ ദാനിയേലേ, എഴുന്നേല്‍ക്കുക; ഞാന്‍ നിന്നോടു പറയുന്ന വാക്കുകള്‍ ശ്രദ്‌ധിച്ചു കേള്‍ക്കുക. എന്നെ നിന്‍െറ അടുത്തേക്ക്‌ അയച്ചിരിക്കുകയാണ്‌. അവന്‍ ഇതു പറഞ്ഞപ്പോള്‍ ഞാന്‍ വിറയലോടെ നിവര്‍ന്നുനിന്നു.
Verse 12: അവന്‍ പറഞ്ഞു: ദാനിയേലേ, ഭയപ്പെടേണ്ടാ; ശരിയായി അറിയുന്നതിന്‌ നീ നിന്‍െറ ദൈവത്തിന്‍െറ മുന്‍പില്‍ നിന്നെത്തന്നെ എളിമപ്പെടുത്താന്‍ തുടങ്ങിയ ദിവസം മുതല്‍ നിന്‍െറ പ്രാര്‍ഥന കേള്‍ക്കപ്പെട്ടിരിക്കുന്നു. നിന്‍െറ പ്രാര്‍ഥന നിമിത്തമാണ്‌ ഞാന്‍ ഇപ്പോള്‍ വന്നിരിക്കുന്നത്‌.
Verse 13: പേര്‍ഷ്യാരാജ്യത്തിന്‍െറ കാവല്‍ദൂതന്‍ ഇരുപത്തൊന്നു ദിവസം എന്നോട്‌ എതിര്‍ത്തുനിന്നു; എങ്കിലും പ്രധാന ദൂതന്‍മാരില്‍ ഒരാളായ മിഖായേല്‍ എന്‍െറ സഹായത്തിനെത്തി. അതുകൊണ്ട്‌, അവനെ പേര്‍ഷ്യാരാജ്യത്തിന്‍െറ കാവല്‍ ദൂതനോട്‌ എതിരിടാന്‍ വിട്ട്‌,
Verse 14: വരാനിരിക്കുന്ന നാളുകളില്‍ നിന്‍െറ ജനത്തിന്‌ എന്തു സംഭവിക്കുമെന്ന്‌ നിന്നെ ഗ്രഹിപ്പിക്കാന്‍ ഞാന്‍ വന്നിരിക്കുന്നു. ദര്‍ശനം ഭാവിയെ സംബന്‌ധിക്കുന്നതാണ്‌.
Verse 15: അവന്‍ എന്നോട്‌ ഇപ്രകാരം പറഞ്ഞപ്പോള്‍ ഞാന്‍ മുഖം കുനിച്ചു മൂകനായി നിന്നു.
Verse 16: മനുഷ്യനെപ്പോലെയുള്ള ഒരുവന്‍ എന്‍െറ അധരങ്ങളെ സ്‌പര്‍ശിച്ചു; അപ്പോള്‍ ഞാന്‍ വായ്‌ തുറന്നു സംസാരിച്ചു. എന്‍െറ അടുത്തു നിന്നിരുന്നവനോടു ഞാന്‍ പറഞ്ഞു: പ്രഭോ, ദര്‍ശനം നിമിത്തം ഞാന്‍ വേദന അനുഭവിക്കുന്നു. എന്‍െറ ശക്‌തി ക്‌ഷയിച്ചു.
Verse 17: എങ്ങനെ ഈ ദാസന്‌ അങ്ങയോടു സംസാരിക്കാനാവും? ശക്‌തിയോ ശ്വാസമോ എന്നില്‍ശേഷിച്ചിട്ടില്ല.
Verse 18: മനുഷ്യരൂപമുണ്ടായിരുന്നവന്‍ എന്നെ സ്‌പര്‍ശിച്ചു ശക്‌തി പകര്‍ന്നു.
Verse 19: അവന്‍ പറഞ്ഞു: ഏറ്റവും പ്രിയപ്പെട്ടവനായ മനുഷ്യാ, നീ ഭയപ്പെടേണ്ടാ, നിനക്കു സമാധാനം! ശക്‌തനും ധീരനുമായിരിക്കുക. അവന്‍ എന്നോടു സംസാരിച്ചപ്പോള്‍ ശക്‌തി പ്രാപി ച്ചഞാന്‍ പറഞ്ഞു: പ്രഭോ, സംസാരിച്ചാലും; അങ്ങ്‌ എന്നെ ശക്‌തനാക്കിയിരിക്കുന്നു.
Verse 20: അവന്‍ പറഞ്ഞു: ഞാന്‍ നിന്‍െറ അടുത്തേക്കു വന്നത്‌ എന്തിനാണെന്നു നിനക്കറിയാമോ? ഞാന്‍ ഇപ്പോള്‍ പേര്‍ഷ്യായുടെ കാവല്‍ദൂതനെതിരേയുദ്‌ധം ചെയ്യാന്‍മടങ്ങിപ്പോകും.
Verse 21: ഞാന്‍ അവനെ തോല്‍പിച്ചു കഴിയുമ്പോള്‍യവനരാജ്യത്തിന്‍െറ കാവല്‍ ദൂതന്‍ വരും. സത്യത്തിന്‍െറ ഗ്രന്‌ഥത്തില്‍ എഴുതപ്പെട്ടിരിക്കുന്നത്‌ എന്തെന്നു ഞാന്‍ നിന്നോടു പറയാം. നിന്‍െറ കാവല്‍ദൂതനായ മിഖായേല്‍ ഒഴികെ എന്‍െറ പക്‌ഷത്തുനിന്ന്‌ ഇവര്‍ക്കെതിരേ പൊരുതാന്‍ ആരുമില്ല.