Verse 1: ബല്‍ഷാസര്‍ രാജാവിന്‍െറ മൂന്നാം ഭരണ വര്‍ഷം, ദാനിയേലായ എനിക്ക്‌ വീണ്ടും ഒരു ദര്‍ശനമുണ്ടായി.
Verse 2: ദര്‍ശനത്തില്‍ ഞാന്‍ കണ്ടു: ഞാന്‍ ഏലാം ദേശത്ത്‌, തലസ്‌ഥാന മായ സൂസായിലായിരുന്നു; ഞാന്‍ ഉലായ്‌ നദിയുടെ കരയില്‍ നില്‍ക്കുകയായിരുന്നു.
Verse 3: ഞാന്‍ കണ്ണുകളുയര്‍ത്തി. ഇതാ, ഒരു മുട്ടാട്‌ നദീതീരത്തു നില്‍ക്കുന്നു; അതിനു രണ്ടു വലിയ കൊമ്പുകളുണ്ടായിരുന്നു; ഒന്നു മറ്റേതിനെക്കാള്‍ നീളമുള്ളതായിരുന്നു; നീളം കൂടുതലുള്ളത്‌ അവസാനം മുളച്ചതാണ്‌.
Verse 4: ആ മുട്ടാട്‌ പടിഞ്ഞാറോട്ടും വടക്കോട്ടും തെക്കോട്ടും ഇടിച്ചു മുന്നേറുന്നതു ഞാന്‍ കണ്ടു; ഒരു മൃഗത്തിനും അവനോടു എതിര്‍ത്തു നില്‍ക്കാനോ അവന്‍െറ ശക്‌തിയില്‍നിന്നു രക്‌ഷപെടാനോ കഴിഞ്ഞില്ല. തന്നിഷ്‌ടംപോലെ അവന്‍ പ്രവര്‍ത്തിക്കുകയും ഗര്‍വ്‌ കാണിക്കുകയും ചെയ്‌തു.
Verse 5: ഞാന്‍ ചിന്തിച്ചുകൊണ്ടിരിക്കേ, ഇതാ, ഒരു കോലാട്ടുകൊറ്റന്‍, ഭൂതലത്തിനു കുറുകെ, പടിഞ്ഞാറു നിന്ന്‌, നിലംതൊടാതെ, പാഞ്ഞുവരുന്നു. ആ കോലാടിനു കണ്ണുകള്‍ക്കിടയില്‍ തങ്ങിനില്‍ക്കുന്ന ഒരു കൊമ്പുണ്ടായിരുന്നു.
Verse 6: നദീതീരത്തു നില്‍ക്കുന്നതായി ഞാന്‍ കണ്ട, ഇരുകൊമ്പുകളുള്ള മുട്ടാടിനുനേരേ ഉഗ്രമായ കോപത്തോടെ അതു പാഞ്ഞുവന്നു;
Verse 7: അവന്‍ മുട്ടാടിനടുത്തെത്തുന്നതും, ഉഗ്രകോപം പൂണ്ട്‌, ഇടിച്ചു മുട്ടാടിന്‍െറ കൊമ്പു രണ്ടും തകര്‍ക്കുന്നതും ഞാന്‍ കണ്ടു; അവനെ നേരിടാന്‍മുട്ടാടിനു ശക്‌തിയില്ലായിരുന്നു; അവന്‍ അതിനെ നിലത്തു വീഴ്‌ത്തി ചവിട്ടിമെതിച്ചു; അതിനെ അവനില്‍ നിന്നു രക്‌ഷിക്കാന്‍ ആര്‍ക്കും കഴിഞ്ഞില്ല.
Verse 8: പിന്നീട്‌ കോലാട്ടുകൊറ്റന്‍ അതീവശക്‌ത നായി; പക്ഷേ, ശക്‌തിയുടെ പാരമ്യത്തില്‍ എത്തിയപ്പോള്‍ അവന്‍െറ വലിയ കൊമ്പു തകര്‍ന്നുപോയി. അതിനു പകരം ആകാശത്തിന്‍െറ നാലു കാറ്റുകളുടെയും നേരേ ശക്‌തമായ നാലു കൊമ്പുകള്‍ മുളച്ചുവന്നു.
Verse 9: അവയില്‍ ഒന്നില്‍ നിന്ന്‌ ഒരു ചെറിയ കൊ മ്പു മുളച്ചു തെക്കോട്ടും കിഴക്കോട്ടും മഹ ത്വത്തിന്‍െറ ദേശത്തിനുനേരേയും വളര്‍ന്നു വലുതായി.
Verse 10: അത്‌ ആകാശസൈന്യത്തോളം വളര്‍ന്നു വലുതായി. നക്‌ഷത്രവ്യൂഹങ്ങളില്‍ ചിലതിനെ കുത്തിവീഴ്‌ത്തി ചവിട്ടിമെതിച്ചു.
Verse 11: അത്‌ ആകാശസൈന്യത്തിന്‍െറ അധിപനെ വെല്ലുവിളിക്കുക പോലും ചെയ്‌തു. അവിടുത്തെനിരന്തര ദഹനബലികള്‍ മുടക്കുകയും വിശുദ്‌ധമന്‌ദിരത്തെ കീഴ്‌മേല്‍ മറിക്കുകയും ചെയ്‌തു.
Verse 12: ജനം തങ്ങളുടെ പാപം നിമിത്തം അവന്‍െറ പിടിയില്‍ അമര്‍ന്നു. നിരന്തരദഹനബലി മുടങ്ങി; സത്യം നിലത്തു വലിച്ചെറിയപ്പെട്ടു; കൊമ്പാകട്ടെ അടിക്കടി വിജയം നേടി.
Verse 13: അപ്പോള്‍, ഒരു പരിശുദ്‌ധന്‍ സംസാരിക്കുന്നതു ഞാന്‍ കേട്ടു; വേറൊരു പരിശുദ്‌ധന്‍ ആദ്യം സംസാരിച്ചവനോടു പറഞ്ഞു: നിരന്തര ദഹനബലിയെയും, നാശം വിതയ്‌ക്കുന്ന പാപത്തെയും, വിശുദ്‌ധ മന്‌ദിരവും സൈന്യവും കാല്‍ക്കീഴില്‍ ചവിട്ടി മെതിക്കപ്പെടുന്നതിനെയും കുറിച്ച്‌ ദര്‍ശനത്തില്‍ ഞാന്‍ കണ്ടത്‌ എത്രത്തോളം നീണ്ടുനില്‍ക്കും?
Verse 14: അവന്‍ അവനോടു പറഞ്ഞു: രണ്ടായിരത്തി മൂന്നൂറു സന്‌ധ്യകളും പ്രഭാതങ്ങളുംവരെ. അപ്പോള്‍ വിശുദ്‌ധമന്‌ദിരം പുനരുദ്‌ധരിക്കപ്പെടും.
Verse 15: ദാനിയേലായ ഞാന്‍ ഈ ദര്‍ശനം ഗ്രഹിക്കാന്‍ ശ്രമിച്ചുകൊണ്ടിരിക്കേ, ഇതാ, എന്‍െറ മുന്‍പില്‍ മനുഷ്യരൂപമുള്ള ഒരുവന്‍ നില്‍ക്കുന്നു.
Verse 16: ഉലായ്‌ത്തീരങ്ങളില്‍ നിന്ന്‌ ഒരുവന്‍ വിളിച്ചു പറയുന്നതു ഞാന്‍ കേട്ടു: ഗബ്രിയേല്‍, ദര്‍ശനം ഇവനെ ഗ്രഹിപ്പിക്കുക.
Verse 17: ഞാന്‍ നിന്നിടത്തേക്ക്‌ അവന്‍ വന്നു. അവന്‍ വന്നപ്പോള്‍ ഞാന്‍ ഭയവിഹ്വലനായി സാഷ്‌ടാംഗം വീണു. അവന്‍ എന്നോടു പറഞ്ഞു: മനുഷ്യപുത്രാ, ഗ്രഹിച്ചുകൊള്ളുക; ഈ ദര്‍ശനം അവസാനകാലത്തേക്കുള്ളതാണ്‌.
Verse 18: അവന്‍ എന്നോടു സംസാരിച്ചുകൊണ്ടിരിക്കുമ്പോള്‍, ഞാന്‍ മൂര്‍ഛിച്ചു വീണു. എന്നാല്‍, അവന്‍ എന്നെ തൊട്ട്‌ എഴുന്നേല്‍പിച്ചു നിര്‍ത്തി.
Verse 19: അവന്‍ പറഞ്ഞു: കാലത്തിന്‍െറ അവസാനത്തില്‍, ക്രോധത്തിന്‍െറ നിമിഷത്തില്‍, എന്തു സംഭവിക്കുമെന്ന്‌ ഞാന്‍ നിനക്കു വെളിപ്പെടുത്തിത്തരാം.യുഗാന്തത്തെ സംബന്‌ധിക്കുന്നതാണ്‌ ഇത്‌.
Verse 20: രണ്ടു കൊമ്പുള്ളതായി നീ കണ്ട മുട്ടാട്‌ മേദിയായിലെയും പേര്‍ഷ്യായിലെയും രാജാക്കന്‍മാരാണ്‌.
Verse 21: കോലാട്ടുകൊറ്റന്‍യവനരാജാവാണ്‌; അവന്‍െറ കണ്ണുകള്‍ക്കിടയിലുള്ള വലിയ കൊമ്പ്‌ ആദ്യത്തെ രാജാവാണ്‌.
Verse 22: തകര്‍ക്കപ്പെട്ട കൊമ്പിന്‍െറ സ്‌ഥാനത്തു മറ്റു നാലെണ്ണം മുളച്ചതുപോലെ, അവന്‍െറ രാജ്യത്തുനിന്നു നാലു രാജ്യങ്ങള്‍ ഉദയം ചെയ്യും. പക്ഷേ, അവന്‍െറ ശക്‌തി അവര്‍ക്കുണ്ടായിരിക്കുകയില്ല.
Verse 23: അവരുടെ ഭരണത്തിന്‍െറ അവസാനഘട്ടത്തില്‍ പാപികളുടെ അതിക്രമം പൂര്‍ണരൂപം പ്രാപിക്കുമ്പോള്‍, ഉഗ്രഭാവമുള്ളവനും തന്ത്രശാലിയുമായ ഒരു രാജാവ്‌ ഉയര്‍ന്നുവരും.
Verse 24: അവന്‍െറ ശക്‌തി വലുതായിരിക്കും; അവന്‍ ഭീകരനാശങ്ങള്‍ക്കു കാരണമാകും; തന്‍െറ പ്രവൃത്തികളിലെല്ലാം അവന്‍ വിജയിക്കും; ശക്‌തരെയും പരിശുദ്‌ധരെയും അവന്‍ നശിപ്പിക്കും.
Verse 25: കൗശലംകൊണ്ട്‌ അവന്‍ വഞ്ചന നിറഞ്ഞമാര്‍ഗങ്ങളില്‍ വിജയിക്കും. അവന്‍ അതിരറ്റ്‌ അഹങ്കരിക്കും. മുന്നറിയിപ്പുകൂടാതെ അവന്‍ അനേകരെ നശിപ്പിക്കും; രാജാധിരാജനെതിരേപോലും അവന്‍ പൊരുതും; എന്നാല്‍, അവന്‍ തകര്‍ക്കപ്പെടും; മനുഷ്യകരംകൊണ്ട്‌ ആയിരിക്കുകയില്ല.
Verse 26: സന്‌ധ്യകളെയും പ്രഭാതങ്ങളെയും കുറിച്ച്‌ അറിയി ച്ചദര്‍ശനം സത്യമാണ്‌. എന്നാല്‍, അനേക നാളുകള്‍ക്കു ശേഷം സംഭവിക്കേണ്ടതാകയാല്‍ അതു മൂടി മുദ്രവയ്‌ക്കുക.
Verse 27: ദാനിയേലായ ഞാന്‍ തളര്‍ന്ന്‌ ഏതാനും ദിവസം രോഗിയായി കിടന്നു. പിന്നെ ഞാന്‍ എഴുന്നേറ്റ്‌ രാജാവിന്‍െറ കാര്യങ്ങളില്‍ മുഴുകി. ദര്‍ശനം നിമിത്തം ഞാന്‍ അസ്വസ്‌ഥനായിരുന്നു; അതു ഗ്രഹിക്കാന്‍ എനിക്കു സാധിച്ചതുമില്ല.