Verse 1: യേശുക്രിസ്‌തുവിന്‍െറ അപ്പസ്‌തോലനായി ദൈവഹിതാനുസരണം വിളിക്കപ്പെട്ട പൗലോസും സഹോദരന്‍ സൊസ്‌തേനെ സ്‌സും
Verse 2: കോറിന്തോസിലുള്ള ദൈവത്തിന്‍െറ സഭയ്‌ക്ക്‌ എഴുതുന്നത്‌: യേശുക്രിസ്‌തുവില്‍ വിശുദ്‌ധരായവര്‍ക്കും വിശുദ്‌ധരാകാന്‍ വിളിക്കപ്പെട്ടവര്‍ക്കും നമ്മുടെ കര്‍ത്താവായ യേശുക്രിസ്‌തുവിന്‍െറ നാമം എല്ലായിടത്തും വിളിച്ചപേക്‌ഷിക്കുന്ന എല്ലാവര്‍ക്കും
Verse 3: നമ്മുടെ പിതാവായ ദൈവത്തില്‍നിന്നും കര്‍ത്താവായ യേശുക്രിസ്‌തുവില്‍നിന്നും കൃപയും സമാധാനവും.
Verse 4: യേശുക്രിസ്‌തുവില്‍ നിങ്ങള്‍ക്കു കൈവന്ന ദൈവകൃപയ്‌ക്കു ഞാന്‍ നിങ്ങളെപ്രതി ദൈവത്തിനു സദാ നന്‌ദി പറയുന്നു.
Verse 5: എന്തുകൊണ്ടെന്നാല്‍, അവിടുന്ന്‌ എല്ലാവിധത്തിലും, പ്രത്യേകിച്ച്‌, വചനത്തിലും വിജ്‌ഞാനത്തിലും നിങ്ങളെ സമ്പന്നരാക്കി.
Verse 6: ക്രിസ്‌തുവിനെപ്പറ്റിയുള്ള സാക്‌ഷ്യം നിങ്ങളില്‍ ഉറപ്പിക്കപ്പെട്ടതിന്‍െറ ഫലമായി,
Verse 7: നമ്മുടെ കര്‍ത്താവായ യേശുക്രിസ്‌തുവിന്‍െറ വെളിപാടു കാത്തിരിക്കുന്ന നിങ്ങള്‍ക്ക്‌യാതൊരു ആത്‌മീയദാനത്തിന്‍െറയും കുറവില്ല.
Verse 8: നമ്മുടെ കര്‍ത്താവായ യേശുക്രിസ്‌തുവിന്‍െറ ദിനത്തില്‍ നിങ്ങള്‍ കുറ്റമില്ലാത്തവരായിരിക്കേണ്ടതിന്‌ അവസാനംവരെ അവിടുന്നു നിങ്ങളെ പരിപാലിക്കും.
Verse 9: തന്‍െറ പുത്രനും നമ്മുടെ കര്‍ത്താവുമായ യേശുക്രിസ്‌തുവിന്‍െറ സഹവാസത്തിലേക്കു നിങ്ങളെ വിളി ച്ചദൈവം വിശ്വസ്‌തനാണ്‌.
Verse 10: സഹോദരരേ, നിങ്ങള്‍ എല്ലാവരും സ്വരച്ചേര്‍ച്ചയോടും ഐക്യത്തോടും ഏകമനസ്‌സോടും ഏകാഭിപ്രായത്തോടുംകൂടെ വര്‍ത്തിക്കണമെന്നു നമ്മുടെ കര്‍ത്താവായ യേശുക്രിസ്‌തുവിന്‍െറ നാമത്തില്‍ ഞാന്‍ നിങ്ങളോട്‌ അഭ്യര്‍ഥിക്കുന്നു.
Verse 11: എന്‍െറ സഹോദരരേ, നിങ്ങളുടെയിടയില്‍ തര്‍ക്കങ്ങള്‍ ഉണ്ടെന്നു ക്‌ളോയെയുടെ ബന്‌ധുക്കള്‍ എന്നെ അറിയിച്ചിരിക്കുന്നു.
Verse 12: ഞാന്‍ പൗലോസിന്‍േറതാണ്‌, ഞാന്‍ അപ്പോളോസിന്‍േറതാണ്‌, ഞാന്‍ കേപ്പായുടേതാണ്‌, ഞാന്‍ ക്രി സ്‌തുവിന്‍േറതാണ്‌ എന്നിങ്ങനെ നിങ്ങളോരോരുത്തരും പറയുന്നതിനെയാണ്‌ ഞാന്‍ ഉദ്‌ദേശിക്കുന്നത്‌.
Verse 13: ക്രിസ്‌തു വിഭജിക്കപ്പെട്ടിരിക്കുന്നുവോ? നിങ്ങള്‍ക്കുവേണ്ടി ക്രൂശിത നായതു പൗലോസാണോ? പൗലോസിന്‍െറ നാമത്തിലാണോ നിങ്ങള്‍ ജ്‌ഞാനസ്‌നാനം സ്വീകരിച്ചത്‌?
Verse 14: ക്രിസ്‌പോസിനെയും ഗായൂസിനെയുമല്ലാതെ നിങ്ങളില്‍ മറ്റാരെയും ഞാന്‍ ജ്‌ഞാനസ്‌നാനപ്പെടുത്തിയിട്ടില്ല എന്നതില്‍ ദൈവത്തിനു നന്‌ദി പറയുന്നു.
Verse 15: അതുകൊണ്ട്‌, എന്‍െറ നാമത്തില്‍ സ്‌നാനം സ്വീകരിച്ചു എന്നു പറയാന്‍ നിങ്ങളിലാര്‍ക്കും സാധിക്കുകയില്ല.
Verse 16: സ്‌തേഫാനോസിന്‍െറ കുടുംബത്തെക്കൂടി ഞാന്‍ സ്‌നാനപ്പെടുത്തിയിട്ടുണ്ട്‌. അതല്ലാതെ മറ്റാരെയെങ്കിലും ഞാന്‍ സ്‌നാനപ്പെടുത്തിയിട്ടുണ്ടോ എന്ന്‌ അറിഞ്ഞുകൂടാ.
Verse 17: എന്തെന്നാല്‍, ക്രിസ്‌തു എന്നെ അയച്ചത്‌ സ്‌നാനം നല്‍കുവാനല്ല, സുവിശേഷം പ്രസംഗിക്കാനാണ്‌. എന്നാല്‍, വാഗ്വിലാസത്തോടെയല്ല; ആയിരുന്നെങ്കില്‍ ക്രിസ്‌തുവിന്‍െറ കുരിശു വ്യര്‍ഥമാകുമായിരുന്നു.
Verse 18: നാശത്തിലൂടെ ചരിക്കുന്നവര്‍ക്കു കുരിശിന്‍െറ വചനം ഭോഷത്തമാണ്‌. രക്‌ഷയിലൂടെ ചരിക്കുന്ന നമുക്കോ അതു ദൈവത്തിന്‍െറ ശക്‌തിയത്ര.
Verse 19: വിജ്‌ഞാനികളുടെ വിജ്‌ഞാനം ഞാന്‍ നശിപ്പിക്കും, വിവേകികളുടെ വിവേകം ഞാന്‍ നിഷ്‌ഫലമാക്കും എന്ന്‌ എഴുതപ്പെട്ടിരിക്കുന്നുവല്ലോ.
Verse 20: വിജ്‌ഞാനി എവിടെ? നിയമജ്‌ഞന്‍ എവിടെ? ഈയുഗത്തിന്‍െറ താര്‍ക്കികന്‍ എവിടെ? ലൗകികവിജ്‌ഞാനത്തെ ദൈവം ഭോഷത്തമാക്കിയില്ലയോ?
Verse 21: ദൈവത്തിന്‍െറ ജ്‌ഞാനത്തില്‍ ലോകം ലൗകികവിജ്‌ഞാനത്താല്‍ അവിടുത്തെ അറിഞ്ഞില്ല. തന്‍മൂലം വിശ്വസിക്കുന്നവരെ സുവിശേഷപ്രസംഗത്തിന്‍െറ ഭോഷത്തം വഴി രക്‌ഷിക്കാന്‍ അവിടുന്നു തിരുമന സ്‌സായി.
Verse 22: യഹൂദര്‍ അടയാളങ്ങള്‍ ആവശ്യപ്പെടുന്നു; ഗ്രീക്കുകാര്‍ വിജ്‌ഞാനം അന്വേഷിക്കുന്നു.
Verse 23: ഞങ്ങളാകട്ടെ, യഹൂദര്‍ക്ക്‌ ഇടര്‍ച്ചയും വിജാതീയര്‍ക്കു ഭോഷത്തവുമായ ക്രൂശിക്കപ്പെട്ട ക്രിസ്‌തുവിനെ പ്രസംഗിക്കുന്നു.
Verse 24: വിളിക്കപ്പെട്ടവര്‍ക്ക്‌ - യഹൂദരോ ഗ്രീക്കുകാരോ ആകട്ടെ-ക്രിസ്‌തു ദൈവത്തിന്‍െറ ശക്‌തിയും ദൈവത്തിന്‍െറ ജ്‌ഞാനവുമാണ്‌.
Verse 25: എന്തെന്നാല്‍, ദൈവത്തിന്‍െറ ഭോഷത്തം മനുഷ്യരെക്കാള്‍ ജ്‌ഞാനമുള്ളതും ദൈവത്തിന്‍െറ ബലഹീനത മനുഷ്യരെക്കാള്‍ ശ ക്‌തവുമാണ്‌.
Verse 26: സഹോദരരേ, നിങ്ങള്‍ക്കുലഭിച്ചിരിക്കുന്ന ദൈവവിളിയെപ്പറ്റിത്തന്നെ ചിന്തിക്കുവിന്‍; ലൗകികമാനദണ്‍ഡമനുസരിച്ച്‌ നിങ്ങളില്‍ ബുദ്‌ധിമാന്‍മാര്‍ അധികമില്ല; ശക്‌തരും കുലീനരും അധികമില്ല.
Verse 27: എങ്കിലും വിജ്‌ഞാനികളെ ലജ്‌ജിപ്പിക്കാന്‍ ലോക ദൃഷ്‌ടിയില്‍ ഭോഷന്‍മാരായവരെ ദൈവം തെരഞ്ഞെടുത്തു. ശക്‌തമായവയെ ലജ്‌ജിപ്പിക്കാന്‍ ലോകദൃഷ്‌ടിയില്‍ അശക്‌തമായവയെയും.
Verse 28: നിലവിലുള്ളവയെ നശിപ്പിക്കുവാന്‍വേണ്ടി ലോകദൃഷ്‌ട്യാ നിസ്‌സാരങ്ങളായവയെയും അവഗണിക്കപ്പെട്ടവയെയും ഇല്ലായ്‌മയെത്തന്നെയും ദൈവം തെരഞ്ഞെടുത്തു.
Verse 29: ദൈവസന്നിധിയില്‍ ആരും അഹങ്കരിക്കാതിരിക്കാനാണ്‌ അവിടുന്ന്‌ ഇങ്ങനെ ചെയ്‌തത്‌.
Verse 30: യേശുക്രിസ്‌തുവിലുള്ള നിങ്ങളുടെ ജീവിതത്തിന്‍െറ ഉറവിടം അവിടുന്നാണ്‌. ദൈവം അവനെ നമുക്കു ജ്‌ഞാനവും നീതിയും വിശുദ്‌ധീകരണവും പരിത്രാണവും ആക്കിയിരിക്കുന്നു.
Verse 31: അതുകൊണ്ട്‌, എഴുതപ്പെട്ടിരിക്കുന്നതുപോലെ, അഭിമാനിക്കുന്നവന്‍ കര്‍ത്താവില്‍ അഭിമാനിക്കട്ടെ.