Verse 1: സഹോദരരേ, എനിക്കു നിങ്ങളോട്‌, ആത്‌മീയമനുഷ്യരോട്‌ എന്നതുപോലെ സംസാരിക്കാന്‍ സാധിച്ചില്ല. ജഡികമനുഷ്യരോട്‌ എന്നതുപോലെയും ക്രിസ്‌തുവിനെക്കുറിച്ചുള്ള അറിവിന്‍െറ കാര്യത്തില്‍ പൈതങ്ങളോട്‌ എന്നതുപോലെയുമാണ്‌ നിങ്ങളോടു ഞാന്‍ സംസാരിച്ചത്‌.
Verse 2: ഗുരുവായ ഭക്‌ഷണം കഴിക്കാന്‍ ശക്‌തരല്ലാതിരുന്നതിനാല്‍ നിങ്ങള്‍ക്കു ഞാന്‍ പാല്‍ തന്നു. ഇപ്പോഴും നിങ്ങള്‍ ആ അവസ്‌ഥയിലാണ്‌.
Verse 3: എന്തെന്നാല്‍, നിങ്ങള്‍ ഇപ്പോഴും ജഡികമനുഷ്യര്‍ തന്നെ. നിങ്ങളുടെ ഇടയില്‍ അസൂയയും തര്‍ക്കവും നിലനില്‍ക്കുമ്പോള്‍ നിങ്ങള്‍ ജഡികരും സാധാരണക്കാരുമല്ലേ?
Verse 4: ലൗകികരായതുകൊണ്ടല്ലേ നിങ്ങളില്‍ ചിലര്‍ ഞാന്‍ പൗലോസിന്‍െറ ആളാണ്‌ എന്നും ചിലര്‍ ഞാന്‍ അപ്പോളോസിന്‍െറ ആളാണ്‌ എന്നും പറഞ്ഞു നടക്കുന്നത്‌?
Verse 5: അപ്പോളോസ്‌ ആരാണ്‌? പൗലോസ്‌ ആരാണ്‌? കര്‍ത്താവു നിശ്‌ചയിച്ചുതന്നതനുസരിച്ച്‌ നിങ്ങളെ വിശ്വാസത്തിലേക്കു നയി ച്ചശുശ്രൂഷകര്‍ മാത്രം.
Verse 6: ഞാന്‍ നട്ടു; അപ്പോളോസ്‌ നനച്ചു; എന്നാല്‍, ദൈവമാണു വളര്‍ത്തിയത്‌.
Verse 7: അതുകൊണ്ട്‌, നടുന്നവനോ നനയ്‌ക്കുന്നവനോ അല്ല വളര്‍ത്തുന്നവനായ ദൈവത്തിനാണ്‌ പ്രാധാന്യം.
Verse 8: നടുന്നവനും നനയ്‌ക്കുന്നവനും തുല്യരാണ്‌. ജോലിക്കു തക്ക കൂലി ഓരോരുത്തര്‍ക്കും ലഭിക്കും.
Verse 9: ഞങ്ങള്‍ ദൈവത്തിന്‍െറ കൂട്ടുവേലക്കാരാണ്‌; നിങ്ങളാകട്ടെ ദൈവത്തിന്‍െറ വയലും വീടും.
Verse 10: എനിക്കു നല്‍കപ്പെട്ട ദൈവകൃപയനുസരിച്ച്‌, ഒരു വിദഗ്‌ധശില്‍പിയെപ്പോലെ, ഞാന്‍ അടിസ്‌ഥാനമിട്ടു. മറ്റൊരുവന്‍ അതിന്‍മേല്‍ പണിയുകയും ചെയ്യുന്നു. എപ്രകാരമാണ്‌ താന്‍ പണിയുന്നതെന്ന്‌ ഓരോരുത്തരും ഗൗരവപൂര്‍വം ചിന്തിക്കട്ടെ.
Verse 11: യേശുക്രിസ്‌തുവെന്ന അടിസ്‌ഥാനം സ്‌ഥാപിക്കപ്പെട്ടു കഴിഞ്ഞു; അതിനുപുറമേ മറ്റൊന്നു സ്‌ഥാപിക്കാന്‍ ആര്‍ക്കും സാധിക്കുകയില്ല.
Verse 12: ഈ അടിസ്‌ഥാനത്തിന്‍മേല്‍ ആരെങ്കിലും സ്വര്‍ണമോ വെള്ളിയോ രങ്ങളോ തടിയോ പുല്ലോ വയ്‌ക്കോലോ ഉപയോഗിച്ചു പണിതാലും
Verse 13: ഓരോരുത്തരുടെയും പണി പരസ്യമാകും. കര്‍ത്താവിന്‍െറ ദിനത്തില്‍ അതു വിളംബരം ചെയ്യും. അഗ്‌നിയാല്‍ അതു വെളിവാക്കപ്പെടും. ഓരോരുത്തരുടെയും പണി ഏതു തരത്തിലുള്ളതെന്ന്‌ അഗ്‌നി തെളിയിക്കുകയും ചെയ്യും.
Verse 14: ആരുടെ പണി നിലനില്‍ക്കുന്നുവോ അവന്‍ സമ്മാനിതനാകും.
Verse 15: ആരുടെ പണി അഗ്‌നിക്കിരയാകുന്നുവോ അവന്‍ നഷ്‌ടം സഹിക്കേണ്ടിവരും; എങ്കിലും അഗ്‌നിയിലൂടെയെന്ന വണ്ണം അവന്‍ രക്‌ഷപ്രാപിക്കും.
Verse 16: നിങ്ങള്‍ ദൈവത്തിന്‍െറ ആ ലയമാണെന്നും ദൈവാത്‌മാവ്‌ നിങ്ങളില്‍ വസിക്കുന്നുവെന്നും നിങ്ങള്‍ അറിയുന്നില്ലേ?
Verse 17: ദൈവത്തിന്‍െറ ആലയം നശിപ്പിക്കുന്നവനെ ദൈവവും നശിപ്പിക്കും. എന്തെന്നാല്‍, ദൈവത്തിന്‍െറ ആലയം പരിശുദ്‌ധമാണ്‌. ആ ആലയം നിങ്ങള്‍ തന്നെ.
Verse 18: ആരും ആത്‌മവഞ്ചന ചെയ്യാതിരിക്ക ട്ടെ. ആരെങ്കിലും ഈ ലോകത്തില്‍ ജ്‌ഞാനിയെന്നു വിചാരിക്കുന്നപക്‌ഷംയഥാര്‍ഥ ജ്‌ഞാനിയാകേണ്ടതിന്‌ തന്നെത്തന്നെ ഭോഷനാക്കട്ടെ.
Verse 19: എന്തെന്നാല്‍, ഈ ലോകത്തിന്‍െറ വിജ്‌ഞാനം ദൈവത്തിനു ഭോഷത്തമാണ്‌.
Verse 20: അവന്‍ ബുദ്‌ധിശാലികളെ അവരുടെ തന്ത്രങ്ങളില്‍ത്തന്നെ കുടുക്കുന്നു എന്നും ബുദ്‌ധിശാലികളുടെ ആലോചനകള്‍ വ്യര്‍ഥങ്ങളാണെന്നു കര്‍ത്താവ്‌ അറിയുന്നു എന്നും എഴുതപ്പെട്ടിരിക്കുന്നു.
Verse 21: അതിനാല്‍, മനുഷ്യരുടെ പേരില്‍ നിങ്ങള്‍ അഭിമാനിക്കേണ്ടാ. എല്ലാം നിങ്ങളുടെ സ്വന്തമാണ്‌.
Verse 22: പൗലോസും അപ്പോളോസും കേപ്പായും ലോകവും ജീവനും മരണവും ഇപ്പോഴുള്ളവയും ഉണ്ടാകാനിരിക്കുന്നവയും എല്ലാം നിങ്ങളുടേതുതന്നെ.
Verse 23: നിങ്ങളാകട്ടെ ക്രിസ്‌തുവിന്‍േറ തും, ക്രിസ്‌തു ദൈവത്തിന്‍േറ തും.