Verse 1: സഹോദരരേ, നിങ്ങള് സ്വീകരിച്ചതും നിങ്ങളുടെ അടിസ്ഥാനമായി നിലകൊള്ളുന്നതും നിങ്ങള്ക്കു രക്ഷപ്രദാനം ചെയ്തതുമായ സുവിശേഷം ഞാന് എപ്രകാരമാണ് നിങ്ങളോടു പ്രസംഗിച്ചതെന്ന് ഇനി നിങ്ങളെ അനുസ്മരിപ്പിക്കാം.
Verse 2: അതനുസരിച്ചു നിങ്ങള് അചഞ്ചലരായി അതില് നിലനിന്നാല് നിങ്ങളുടെ വിശ്വാസം വ്യര്ഥമാവുകയില്ല.
Verse 3: എനിക്കു ലഭിച്ചതു സര്വപ്രധാനമായി കരുതി ഞാന് നിങ്ങള്ക്ക് ഏല്പിച്ചുതന്നു. വിശുദ്ധ ലിഖിതങ്ങളില് പറഞ്ഞിട്ടുളളതുപോലെ,
Verse 4: ക്രിസ്തു നമ്മുടെ പാപങ്ങള്ക്കുവേണ്ടി മരിക്കുകയും സംസ്കരിക്കപ്പെടുകയും എഴുതപ്പെട്ടിരുന്നതുപോലെ മൂന്നാംനാള് ഉയിര്പ്പിക്കപ്പെടുകയും ചെയ്തു.
Verse 5: അവന് കേപ്പായ്ക്കും പിന്നീടു പന്ത്രണ്ടുപേര്ക്കും പ്രത്യക്ഷനായി.
Verse 6: അതിനുശേഷം ഒരുമിച്ച് അഞ്ഞൂറിലധികം സഹോദരര്ക്കു പ്രത്യക്ഷനായി. അവരില് ഏതാനുംപേര് മരിച്ചുപോയി. മിക്കവരും ഇന്നും ജീവിച്ചിരിപ്പുണ്ട്.
Verse 7: പിന്നീട് അവന് യാക്കോബിനും, തുടര്ന്ന് മറ്റെല്ലാ അപ്പസ്തോലന്മാര്ക്കും കാണപ്പെട്ടു.
Verse 8: ഏറ്റവും ഒടുവില് അകാലജാതന് എന്നതുപോലെ എനിക്കും അവിടുന്നു പ്രത്യക്ഷ നായി.
Verse 9: ഞാന് അപ്പസ്തോലന്മാരില് ഏറ്റ വും നിസ്സാരനാണ്. ദൈവത്തിന്െറ സഭയെ പീഡിപ്പിച്ചതുനിമിത്തം അപ്പസ്തോലനെന്ന നാമത്തിനു ഞാന് അയോഗ്യനുമാണ്.
Verse 10: ഞാന് എന്തായിരിക്കുന്നുവോ അതു ദൈവകൃപയാലാണ്. എന്െറ മേല് ദൈവം ചൊരിഞ്ഞകൃപ നിഷ്ഫലമായിപ്പോയിട്ടില്ല. നേരേമറിച്ച് മറ്റെല്ലാവരെയുംകാള് അധികം ഞാന് അധ്വാനിച്ചു. എന്നാല്, ഞാനല്ല എന്നിലുള്ള ദൈവകൃപയാണ് അധ്വാനിച്ചത്.
Verse 11: അതുകൊണ്ട്, ഞാനോ അവരോ, ആരുതന്നെയായാലും ഇതാണ് ഞങ്ങള് പ്രസംഗിക്കുന്നതും നിങ്ങള് വിശ്വസിച്ചതും.
Verse 12: ക്രിസ്തു മരിച്ചവരില്നിന്ന് ഉയിര്പ്പിക്കപ്പെട്ടതായി പ്രഘോഷിക്കപ്പെടുന്നെങ്കില് മരിച്ചവര്ക്കു പുനരുത്ഥാനം ഇല്ല എന്നു നിങ്ങളില് ചിലര് പറയുന്നതെങ്ങനെ?
Verse 13: മരിച്ചവര്ക്കു പുനരുത്ഥാനം ഇല്ലെങ്കില് ക്രിസ്തുവും ഉയിര്പ്പിക്കപ്പെട്ടിട്ടില്ല.
Verse 14: ക്രിസ്തു ഉയിര്പ്പിക്കപ്പെട്ടില്ലെങ്കില് ഞങ്ങളുടെ പ്രസംഗം വ്യര്ഥമാണ്. നിങ്ങളുടെ വിശ്വാസവും വ്യര്ഥം.
Verse 15: മാത്രമല്ല, ഞങ്ങള് ദൈവത്തിനുവേണ്ടി കപടസാക്ഷ്യം വഹിക്കുന്നവരായിത്തീരുന്നു. എന്തെന്നാല്, ദൈവം ക്രിസ്തുവിനെ ഉയിര്പ്പിച്ചു എന്നു ഞങ്ങള് സാക്ഷ്യ പ്പെടുത്തി. മരിച്ചവര്യഥാര്ഥത്തില് ഉയിര്പ്പിക്കപ്പെടുന്നില്ലെങ്കില് ദൈവം ക്രിസ്തുവിനെയും ഉയിര്പ്പിച്ചിട്ടില്ല.
Verse 16: മരിച്ചവര് ഉയിര്പ്പിക്കപ്പെടുന്നില്ലെങ്കില് ക്രിസ്തുവും ഉയിര്പ്പിക്കപ്പെട്ടിട്ടില്ല.
Verse 17: ക്രിസ്തു ഉയിര്പ്പിക്കപ്പെട്ടിട്ടില്ലെങ്കില് നിങ്ങളുടെ വിശ്വാസം നിഷ്ഫല മാണ്. നിങ്ങള് നിങ്ങളുടെ പാപങ്ങളില്ത്തന്നെ വര്ത്തിക്കുന്നു.
Verse 18: ക്രിസ്തുവില് നിദ്രപ്രാപിച്ചവര് നശിച്ചുപോവുകയും ചെയ്തിരിക്കുന്നു.
Verse 19: ഈ ജീവിതത്തിനുവേണ്ടി മാത്രം ക്രിസ്തുവില് പ്രത്യാശ വച്ചിട്ടുള്ളവരാണെങ്കില് നമ്മള് എല്ലാ മനുഷ്യരെയുംകാള് നിര്ഭാഗ്യരാണ്.
Verse 20: എന്നാല്, നിദ്രപ്രാപി ച്ചഎല്ലാവരുടെയും ആദ്യഫലമായി ക്രിസ്തു മരിച്ചവരുടെ ഇടയില്നിന്ന് ഉയിര്പ്പിക്കപ്പെട്ടു.
Verse 21: ഒരു മനുഷ്യന്വഴി മരണം ഉണ്ടായതുപോലെ ഒരു മനുഷ്യന്വഴി പുനരുത്ഥാനവും ഉണ്ടായി.
Verse 22: ആദത്തില് എല്ലാവരും മരണാധീനരാകുന്നതുപോലെ ക്രിസ്തുവില് എല്ലാവരും പുനര്ജീവിക്കും.
Verse 23: എന്നാല്, ഓരോരുത്തരും താന്താങ്ങളുടെ ക്രമമനുസരിച്ചായിരിക്കും. ആദ്യഫലം ക്രിസ്തു; പിന്നെ ക്രിസ്തുവിന്െറ ആഗമനത്തില് അവനുള്ളവരും.
Verse 24: അവന് എല്ലാ ഭരണവും അധികാരവും ശക്തിയും നിര്മാര്ജനംചെയ്ത് രാജ്യം പിതാവായ ദൈവത്തിനു സമര്പ്പിക്കുമ്പോള് എല്ലാറ്റിന്െറയും അവസാനമാകും.
Verse 25: എന്തെന്നാല്, സകല ശത്രുക്കളെയും തന്െറ പാദസേവ കരാക്കുന്നതുവരെ അവിടുന്നു വാഴേണ്ടിയിരിക്കുന്നു.
Verse 26: മരണമെന്ന അവസാനശത്രുവും നശിപ്പിക്കപ്പെട്ടിരിക്കുന്നു.
Verse 27: ദൈവം സമസ്തവും അധീനമാക്കി തന്െറ പാദത്തിന്കീഴാക്കിയിരിക്കുന്നു. എന്നാല്, സമസ്തവും അധീനമാക്കി എന്നു പറയുമ്പോള് അവ അധീനമാക്കിയവന് ഒഴികെ എന്നതു സ്പ ഷ്ടം.
Verse 28: സമസ്തവും അവിടുത്തേക്ക് അധീനമായിക്കഴിയുമ്പോള് സമസ്തവും തനിക്ക് അധീനമാക്കിയവന് പുത്രന്തന്നെയും അധീനനാകും. ഇത് ദൈവം എല്ലാവര്ക്കും എല്ലാമാകേണ്ടതിനുതന്നെ.
Verse 29: അല്ലെങ്കില് മരിച്ചവര്ക്കുവേണ്ടി ജ്ഞാ നസ്നാനം സ്വീകരിക്കുന്നതു കൊണ്ട് എന്താണര്ഥമാക്കുന്നത്? മരിച്ചവര് ഉയിര്പ്പിക്കപ്പെടുന്നില്ലെങ്കില് മരിച്ചവര്ക്കുവേണ്ടി എന്തിനു ജ്ഞാനസ്നാനം സ്വീകരിക്കണം?
Verse 30: ഞങ്ങള് തന്നെയും എന്തിനു സദാസമയ വും അപകടത്തെ അഭിമുഖീഭവിക്കണം?
Verse 31: സഹോദരരേ, നമ്മുടെ കര്ത്താവായ യേശുക്രിസ്തുവില് നിങ്ങളെക്കുറിച്ച് എനിക്കുള്ള അഭിമാനത്തെ ആധാരമാക്കി ഞാന് പറയുന്നു, ഞാന് പ്രതിദിനം മരിച്ചുകൊണ്ടിരിക്കുന്നു.
Verse 32: മാനുഷികമായിപ്പറഞ്ഞാല്, എഫേസോസില്വച്ചു വന്യമൃഗങ്ങളോടു പോരാടിയതുകൊണ്ട് എനിക്കെന്തു പ്രയോജനം? മരിച്ചവര്ക്കു പുനരുത്ഥാനമില്ലെങ്കില് നമുക്കു തിന്നുകയും കുടിക്കുകയും ചെയ്യാം; എന്തെന്നാല്, നാളെ നമ്മള് മരിച്ചുപോകും. നിങ്ങള് വഞ്ചിതരാകരുത്.
Verse 33: അധമമായ സംസര്ഗം സദാചാരങ്ങളെ ദുഷിപ്പിക്കും.
Verse 34: നിങ്ങള് നീതിപൂര്വം സമചിത്തതപാലിക്കയും പാപം വര്ജിക്കയും ചെയ്യുവിന്. ചിലര്ക്കുദൈവത്തെപ്പറ്റി ഒരറിവുമില്ല. നിങ്ങളെ ലജ്ജിപ്പിക്കാനാണ് ഞാന് ഇതു പറയുന്നത്.
Verse 35: ആരെങ്കിലും ചോദിച്ചേക്കാം: മരിച്ചവര് എങ്ങനെയാണ് ഉയിര്പ്പിക്കപ്പെടുക? ഏതുതരം ശരീരത്തോടുകൂടെയായിരിക്കും അവര് പ്രത്യക്ഷപ്പെടുക?
Verse 36: വിഡ്ഢിയായ മനുഷ്യാ, നീ വിതയ്ക്കുന്നത് നശിക്കുന്നില്ലെങ്കില് അതു പുനര്ജീവിക്കുകയില്ല.
Verse 37: ഉണ്ടാകാനിരിക്കുന്ന പദാര്ഥമല്ല നീ വിതയ്ക്കുന്നത്; ഗോതമ്പിന്െറ യോ മറ്റു വല്ല ധാന്യത്തിന്െറ യോ വെറുമൊരു മണിമാത്രം.
Verse 38: എന്നാല്, ദൈവം തന്െറ ഇഷ്ടമനുസരിച്ച് ഓരോ വിത്തിനും അതിന്േറ തായ ശരീരം നല്കുന്നു.
Verse 39: എല്ലാ ശരീരവും ഒന്നുപോലെയല്ല. മനുഷ്യരുടേത് ഒന്ന്, മൃഗങ്ങളുടേതു മറ്റൊന്ന്, പക്ഷികളുടേത് വേറൊന്ന്, മത്സ്യങ്ങളുടേതു വേറൊന്ന്.
Verse 40: സ്വര്ഗീയ ശരീരങ്ങളുണ്ട്; ഭൗമികശരീരങ്ങളുമുണ്ട്; സ്വര്ഗീയശരീരങ്ങളുടെ തേജസ്സ് ഒന്ന്; ഭൗമിക ശരീരങ്ങളുടെ തേജസ്സ് മറ്റൊന്ന്.
Verse 41: സൂര്യന്െറ തേജസ്സ് ഒന്ന്; ചന്ദ്രന്േറ തു മറ്റൊന്ന്; നക്ഷത്രങ്ങളുടേതു വേറൊന്ന്. നക്ഷത്രങ്ങള് തമ്മിലും തേജസ്സിനു വ്യത്യാസ മുണ്ട്.
Verse 42: ഇപ്രകാരംതന്നെയാണു മരിച്ചവരുടെ പുനരുത്ഥാനവും. നശ്വരതയില് വിതയ്ക്കപ്പെടുന്നു;
Verse 43: അനശ്വരതയില് ഉയിര്പ്പിക്കപ്പെടുന്നു. അവമാനത്തില് വിതയ്ക്കപ്പെടുന്നു; മഹിമയില് ഉയിര്പ്പിക്കപ്പെടുന്നു. ബലഹീ നതയില് വിതയ്ക്കപ്പെടുന്നു; ശക്തിയില് ഉയിര്പ്പിക്കപ്പെടുന്നു.
Verse 44: വിതയ്ക്കപ്പെടുന്നതു ഭൗതികശരീരം, പുനര്ജീവിക്കുന്നത് ആത്മീയശരീരം. ഭൗതികശരീരമുണ്ടെങ്കില് ആത്മീയശരീരവുമുണ്ട്.
Verse 45: ആദ്യമനുഷ്യനായ ആദം ജീവനുള്ളവനായിത്തീര്ന്നു എന്ന് എഴുതപ്പെട്ടിരിക്കുന്നു. അവസാനത്തെ ആദം ജീവദാതാവായ ആത്മാവായിത്തീര്ന്നു.
Verse 46: എന്നാല്, ആദ്യമുള്ളത് ആത്മീയനല്ല, ഭൗതികനാണ്; പിന്നീട് ആത്മീയന്.
Verse 47: ആദ്യമനുഷ്യന് ഭൂമിയില് നിന്നുള്ള ഭൗമികനാണ്; രണ്ടാമത്തെ മനുഷ്യനോ സ്വര്ഗത്തില്നിന്നുള്ളവന്.
Verse 48: ഭൂമിയില്നിന്നുള്ള വന് എങ്ങനെയോ അങ്ങനെതന്നെ ഭൗമികരും; സ്വര്ഗത്തില്നിന്നുള്ളവന് എങ്ങനെയോ അങ്ങനെതന്നെ സ്വര്ഗീയരും.
Verse 49: നമ്മള് ഭൗമികന്െറ സാദൃശ്യം ധരിച്ചതുപോലെതന്നെ സ്വര്ഗീയന്െറ സാദൃശ്യവും ധരിക്കും.
Verse 50: സഹോദരരേ, ശരീരത്തിനോ രക്തത്തിനോ ദൈവരാജ്യം അവകാശപ്പെടുത്തുക സാധ്യമല്ലെന്നും നശ്വരമായത് അനശ്വരമായതിനെ അവകാശപ്പെടുത്തുകയില്ലെന്നും ഞാന് പറയുന്നു.
Verse 51: ഇതാ, ഞാന് നിങ്ങളോട് ഒരു രഹസ്യം പറയുന്നു: നാമെല്ലാവരും നിദ്രപ്രാപിക്കുകയില്ല.
Verse 52: അവസാനകാഹളം മുഴങ്ങുമ്പോള്, കണ്ണിമയ്ക്കുന്നത്ര വേഗത്തില് നാമെല്ലാവരും രൂപാന്തരപ്പെടും. എന്തെന്നാല്, കാഹളം മുഴങ്ങുകയും മരിച്ചവര് അക്ഷയരായി ഉയിര്ക്കുകയും നാമെല്ലാവരും രൂപാന്തരപ്പെടുകയും ചെയ്യും.
Verse 53: നശ്വരമായത് അനശ്വരവും മര്ത്യമായത് അമര്ത്യവും ആകേണ്ടിയിരിക്കുന്നു.
Verse 54: അങ്ങനെ, നശ്വരമായത് അനശ്വരതയും മര്ത്യമായത് അമര്ത്യതയും പ്രാപിച്ചുകഴിയുമ്പോള്, മരണത്തെ വിജയം ഗ്രസിച്ചു എന്നെഴുതപ്പെട്ടതുയാഥാര്ഥ്യമാകും. മരണമേ, നിന്െറ വിജയം എവിടെ?
Verse 55: മരണമേ, നിന്െറ ദംശനം എവിടെ?
Verse 56: മരണത്തിന്െറ ദംശനം പാപവും പാപത്തിന്െറ ശക്തി നിയമവുമാണ്.
Verse 57: നമ്മുടെ കര്ത്താവായ യേശുക്രിസ്തുവഴി നമുക്കു വിജയം നല്കുന്ന ദൈവത്തിനു നന്ദി.
Verse 58: അതിനാല്, എന്െറ വത്സലസഹോദരരേ, കര്ത്താവില് നിങ്ങളുടെജോലി നിഷ്ഫലമല്ലെന്നു ബോധ്യപ്പെട്ട്, അവിടുത്തെജോലിയില് സദാ അഭിവൃദ്ധി പ്രാപിച്ച് സ്ഥിരചിത്തരും അചഞ്ചലരുമായിരിക്കുവിന്.