Verse 1: ഇതിനുശേഷം സ്വര്‍ഗത്തില്‍ വലിയ ജനക്കൂട്ടത്തിന്‍േറ തുപോലുള്ള ശക്‌തമായ സ്വരം ഞാന്‍ കേട്ടു; ഹല്ലേലുയ്യാ! രക്‌ഷയും മഹത്വവും ശക്‌തിയും നമ്മുടെ ദൈവത്തിന്‍േറതാണ്‌.
Verse 2: അവിടുത്തെ വിധികള്‍ സത്യവും നീതിപൂര്‍ണവുമാണ്‌. വ്യഭിചാരംകൊണ്ടു ലോകത്തെ മലിനമാക്കിയ മഹാവേശ്യയെ അവിടുന്നു വിധിച്ചു. അവളുടെ കൈകൊണ്ടു ചിന്തിയ അവിടുത്തെ ദാസരുടെ രക്‌തത്തിന്‌ അവിടുന്നു പ്രതികാരം ചെയ്‌തു.
Verse 3: രണ്ടാമതും അവര്‍ പറഞ്ഞു: ഹല്ലേലുയ്യാ! അവളുടെ പുക എന്നേക്കും ഉയര്‍ന്നുകൊണ്ടിരിക്കുന്നു.
Verse 4: അപ്പോള്‍ ഇരുപത്തിനാലുശ്രഷ്‌ഠന്‍മാരും നാലു ജീവികളും ആമേന്‍, ഹല്ലേലുയ്യാ എന്നു പറഞ്ഞുകൊണ്ട്‌ സാഷ്‌ടാംഗം പ്രണമിച്ച്‌ സിംഹാസനസ്‌ഥനായദൈവത്തെ ആരാധിച്ചു.
Verse 5: സിംഹാസനത്തില്‍നിന്ന്‌ ഒരു സ്വരംകേട്ടു: ദൈവത്തിന്‍െറ ദാസരും അവിടുത്തെ ഭയപ്പെടുന്നവരും ചെറിയവരും വലിയവരുമായ നിങ്ങളെല്ലാവരും നമ്മുടെ ദൈവത്തെ സ്‌തുതിക്കുവിന്‍.
Verse 6: പിന്നെ വലിയ ജനക്കൂട്ടത്തിന്‍െറയും പെരുവെള്ളത്തിന്‍െറയും ഗംഭീരമായ ഇടിമുഴക്കത്തിന്‍െറയും ശബ്‌ദംപോലെയുള്ള ഒരു സ്വരം ഞാന്‍ കേട്ടു; ഹല്ലേലുയ്യാ! സര്‍വശക്‌തനും നമ്മുടെ ദൈവവുമായ കര്‍ത്താവു വാഴുന്നു.
Verse 7: നമുക്ക്‌ ആനന്‌ദിക്കാം; ആഹ്ലാദിച്ച്‌ ആര്‍പ്പുവിളിക്കാം. അവിടുത്തേക്ക്‌ മഹത്വം നല്‍കാം. എന്തെന്നാല്‍, കുഞ്ഞാടിന്‍െറ വിവാഹം സമീപിച്ചിരിക്കുന്നു. അവിടുത്തെ മണവാട്ടി അണിഞ്ഞൊരുങ്ങിക്കഴിഞ്ഞു.
Verse 8: ശോഭയേറിയതും നിര്‍മലവുമായ മൃദുലവസ്‌ത്രം ധരിക്കാനുള്ള അനുഗ്രഹം അവള്‍ക്കു നല്‍കപ്പെട്ടിരിക്കുന്നു. ആ വസ്‌ത്രം വിശുദ്‌ധരുടെ സത്‌പ്രവൃത്തികളാണ്‌.
Verse 9: ദൂതന്‍ എന്നോടുപറഞ്ഞു, എഴുതുക; കുഞ്ഞാടിന്‍െറ വിവാഹവിരുന്നിനു വിളിക്കപ്പെട്ടവര്‍ ഭാഗ്യവാന്‍മാര്‍! അവര്‍ വീണ്ടും പറഞ്ഞു: ഇവ ദൈവത്തിന്‍െറ സത്യവചസ്‌സുകളാണ്‌.
Verse 10: അപ്പോള്‍ ഞാന്‍ അവനെ ആരാധിക്കാനായി കാല്‍ക്കല്‍ വീണു. എന്നാല്‍, അവന് എന്നോടു പറഞ്ഞു: അരുത്‌. ഞാന്‍ നിന്‍െറ ഒരു സഹദാസനാണ്‌ വ യേശുവിനു സാക്‌ഷ്യം നല്‍കുന്ന നിന്‍െറ സഹോദരില്‍ ഒരുവന്‍ . നീ ദൈവത്തെ ആരാധിക്കുക. യേശുവിനുളള സാക്‌ഷ്യമാണു പ്രവചനത്തിന്‍െറ ആത്‌മാവ്‌.
Verse 11: സ്വര്‍ഗം തുറക്കപ്പെട്ടതായി ഞാന്‍ കണ്ടു. ഇതാ, ഒരു വെള്ളക്കുതിര. അതിന്‍െറ പുറത്തിരിക്കുന്നവന്‍ വിശ്വസ്‌തനെന്നും സ ത്യവാനെന്നും വിളിക്കപ്പെടുന്നു. അവന് നീതിയോടെ വിധിക്കുകയും പടപൊരുതുകയുംചെയ്യുന്നു.
Verse 12: അവന്‍െറ മിഴികള്‍ തീനാളംപോലെ; അവന്‍െറ ശിരസ്‌സില്‍ അനേകം കിരീടങ്ങള്‍. അവന് ആലേഖനം ചെയ്യപ്പെട്ട ഒരു നാമം ഉണ്ട്‌; അത്‌ അവനല്ലാതെ മറ്റാര്‍ക്കും അറിഞ്ഞുകൂടാ.
Verse 13: അവന് രക്‌തത്തില്‍ മുക്കിയ മേലങ്കി ധരിച്ചിരിക്കുന്നു. അവന്‍െറ നാമം ദൈവവചനം എന്നാണ്‌.
Verse 14: സ്വര്‍ഗീയ സൈന്യങ്ങള്‍ നിര്‍മലവും ധവളവുമായ മൃദുലവസ്‌ത്രമണിഞ്ഞു വെള്ളക്കുതിരകളുടെ പുറത്ത്‌ അവനെ അനുഗമിക്കുന്നു.
Verse 15: അവന്‍െറ വായില്‍നിന്നു മൂര്‍ച്ചയുള്ള ഒരു വാള്‍ പുറപ്പെടുന്നു. സര്‍വ ജനതകളുടെയും മേല്‍ അതു പതിക്കും. ഇരുമ്പുദണ്‍ഡുകൊണ്ട്‌ അവരെ ഭരിക്കും. സര്‍വശക്‌തനായ ദൈവത്തിന്‍െറ ഉഗ്രക്രോധത്തിന്‍െറ മുന്തിരിച്ചക്ക്‌ അവന് ചവിട്ടുകയും ചെയ്യും.
Verse 16: അവനു മേലങ്കിയിലും തുടയിലും എഴുതപ്പെട്ട ഒരു നാമ മുണ്ട്‌: രാജാക്കന്‍മാരുടെ രാജാവും നാഥന്‍മാരുടെ നാഥനും.
Verse 17: സൂര്യനില്‍ നില്‍ക്കുന്ന ഒരു ദൂതനെയും ഞാന്‍ കണ്ടു. അവന് മധ്യാകാശത്തില്‍ പറക്കുന്ന സകല പക്‌ഷികളോടും വലിയ സ്വരത്തില്‍ വിളിച്ചു പറഞ്ഞു: ദൈവത്തിന്‍െറ മഹാവിരുന്നിനു വരുവിന്‍.
Verse 18: രാജാക്കന്‍മാര്‍, സൈന്യാധിപന്‍മാര്‍, ശക്‌തന്‍മാര്‍ എന്നിവരുടെയും, കുതിരകളുടെയും അവയുടെ പുറത്തിരിക്കുന്നവരുടെയും, സ്വതന്ത്രരും അടിമകളും ചെറിയവരും വലിയവരും ആയ എല്ലാവരുടെയും മാംസം ഭക്‌ഷിക്കുന്നതിന്‌ ഒന്നിച്ചുകൂടുവിന്‍.
Verse 19: അപ്പോള്‍ അശ്വാരൂഢനോടും അവന്‍െറ സൈന്യനിരയോടുംയു ദ്‌ധം ചെയ്യാന്‍മൃഗവും ഭൂമിയിലെ രാജാക്കന്‍മാരും അവരുടെ സൈന്യങ്ങളും ഒന്നിച്ചുകൂടിയിരിക്കുന്നതു ഞാന്‍ കണ്ടു.
Verse 20: മൃഗം പിടിക്കപ്പെട്ടു. അതിനോടൊപ്പം അതിന്‍െറ മുമ്പാകെ അടയാളങ്ങള്‍ കാണിച്ച്‌, മൃഗത്തിന്‍െറ മുദ്രസ്വീകരിക്കുകയും അതിന്‍െറ സാദ്യശ്യത്തെ ആരാധിക്കുകയും ചെയ്‌തിരുന്നവരെ പാപത്തിലേക്കു വശീകരിച്ചിരുന്ന വ്യാജപ്രവാചകനും പിടിക്കപ്പെട്ടു. ഇരുവരും ഗന്‌ധകമെരിയുന്ന അഗ്‌നിത്തടാകത്തിലേക്കു ജീവനോടെ എറിയപ്പെട്ടു. ശേഷിച്ചിരുന്നവര്‍
Verse 21: അ ശ്വാരൂഢന്‍െറ വായില്‍നിന്നു പുറപ്പെട്ട വാളുകൊണ്ടു വധിക്കപ്പെട്ടു. പക്‌ഷികളെല്ലാം അവരുടെ മാംസം തിന്നു തൃപ്‌തിയടഞ്ഞു.