Verse 1: കര്‍ത്താവ്‌ പറയുന്ന വാക്കു കേള്‍ക്കുക: എഴുന്നേറ്റ്‌, പര്‍വതങ്ങളുടെ മുന്‍പില്‍ നിന്‍െറ ആവലാതികള്‍ ബോധിപ്പിക്കുക. കുന്നുകള്‍ നിന്‍െറ ശബ്‌ദം കേള്‍ക്കട്ടെ!
Verse 2: പര്‍വതങ്ങളേ, ഭൂമിയുടെ ഉറപ്പുള്ള അസ്‌ഥിവാരങ്ങളേ, കര്‍ത്താവിന്‍െറ ആരോപണങ്ങള്‍ കേള്‍ക്കുവിന്‍. അവിടുന്ന്‌ തന്‍െറ ജനത്തിനെതിരേ കുറ്റമാരോപിക്കുന്നു; ഇസ്രായേലിനെതിരേ വാദിക്കുന്നു.
Verse 3: എന്‍െറ ജനമേ, നിങ്ങളോടു ഞാന്‍ എന്തു ചെയ്‌തു? എങ്ങനെ ഞാന്‍ നിങ്ങള്‍ക്കു ശല്യമായി? ഉത്തരം പറയുവിന്‍.
Verse 4: ഞാന്‍ നിങ്ങളെ ഈജിപ്‌തില്‍നിന്നു മോ ചിപ്പിച്ചു; അടിമത്തത്തിന്‍െറ ഭവനത്തില്‍നിന്നു നിങ്ങളെ വീണ്ടെടുത്തു; നിങ്ങളെ നയിക്കാന്‍ മോശയെയും അഹറോനെയും മിരിയാമിനെയും അയച്ചു.
Verse 5: എന്‍െറ ജനമേ,മോവാബ്‌രാജാവായ ബാലാക്‌ നിങ്ങള്‍ക്കെതിരേ ആലോചി ച്ചഉപായങ്ങളും അവന്‌ ബയോറിന്‍െറ മകന്‍ ബാലാം നല്‍കിയ മറുപടിയും ഓര്‍ക്കുക. ഷിത്തിംമുതല്‍ ഗില്‍ഗാല്‍വരെ സംഭവിച്ചതു സ്‌മരിക്കുക. അങ്ങനെ കര്‍ത്താവിന്‍െറ രക്‌ഷാകരമായ പ്രവൃത്തികള്‍ ഗ്രഹിക്കുക.
Verse 6: കര്‍ത്താവിന്‍െറ മുന്‍പില്‍ ഞാന്‍ എന്തു കാഴ്‌ചയാണ്‌ കൊണ്ടുവരേണ്ടത്‌? അത്യുന്നതനായ ദൈവത്തിന്‍െറ മുന്‍പില്‍ ഞാന്‍ എങ്ങനെയാണ്‌ കുമ്പിടേണ്ടത്‌? ദഹനബലിക്ക്‌ ഒരു വയസ്‌സുള്ള കാളക്കിടാവുമായിട്ടാണോ ഞാന്‍ വരേണ്ടത്‌?
Verse 7: ആയിരക്കണക്കിനു മുട്ടാടുകളിലും പതിനായിരക്കണക്കിന്‌ എണ്ണപ്പുഴകളിലും അവിടുന്ന്‌ സംപ്രീതനാകുമോ? എന്‍െറ അതിക്രമങ്ങള്‍ക്കു പരിഹാരമായി എന്‍െറ ആദ്യജാതനെ ഞാന്‍ നല്‍കണമോ? ആത്‌മാവിന്‍െറ പാപത്തിനുപകരം ശരീരത്തിന്‍െറ ഫലം കാഴ്‌ചവയ്‌ക്കണമോ?
Verse 8: മനുഷ്യാ, നല്ലതെന്തെന്ന്‌ അവിടുന്ന്‌ നിനക്കു കാണിച്ചുതന്നിട്ടുണ്ട്‌. നീതി പ്രവര്‍ത്തിക്കുക; കരുണ കാണിക്കുക; നിന്‍െറ ദൈവത്തിന്‍െറ സന്നിധിയില്‍ വിനീതനായി ചരിക്കുക. ഇതല്ലാതെ മറ്റെന്താണ്‌ കര്‍ത്താവ്‌ നിന്നില്‍നിന്ന്‌ ആവശ്യപ്പെടുന്നത്‌?
Verse 9: കര്‍ത്താവിന്‍െറ ശബ്‌ദം നഗരത്തില്‍ മുഴങ്ങുന്നു. അവിടുത്തെനാമത്തെ ഭയപ്പെടുകയാണ്‌യഥാര്‍ഥജ്‌ഞാനം.ഗോത്രങ്ങളേ, നഗരസഭയേ, കേള്‍ക്കുവിന്‍.
Verse 10: ദുഷ്‌ടരുടെ ഭവനത്തിലെ തിന്‍മയുടെ നിക്‌ഷേപങ്ങളും ശപ്‌തമായ കള്ള അളവുകളും എനിക്കു മറക്കാനാവുമോ?
Verse 11: കള്ളത്തുലാസും കള്ളക്കട്ടികളും കൈവശം വയ്‌ക്കുന്നവനെ ഞാന്‍ വെറുതെവിടുമോ?
Verse 12: നിന്‍െറ ധനികരത്രയും അക്രമാസക്‌തരാണ്‌. നിന്‍െറ നിവാസികള്‍ വ്യാജം പറയുന്നു. അവരുടെ നാവുകള്‍ വഞ്ചന നിറഞ്ഞതാണ്‌.
Verse 13: അതിനാല്‍, നിന്നെ ഞാന്‍ അതികഠിനമായി പീഡിപ്പിക്കാന്‍ തുടങ്ങിയിരിക്കുന്നു. നിന്‍െറ പാപങ്ങള്‍ നിമിത്തം നിന്നെ ഞാന്‍ വിജനമാക്കും.
Verse 14: നീ ഭക്‌ഷിക്കും, എന്നാല്‍, തൃപ്‌തിവരുകയില്ല. ഉദരത്തില്‍നിന്നു വിശപ്പു വിട്ട കലുകയില്ല. നീ നീക്കിവയ്‌ക്കും, എന്നാല്‍, ഒന്നും സമ്പാദിക്കുകയില്ല, സമ്പാദിച്ചാല്‍ത്തന്നെ അതു ഞാന്‍ വാളിനിരയാക്കും.
Verse 15: നീ വിതയ്‌ക്കും, എന്നാല്‍ കൊയ്യുകയില്ല. നീ ഒലിവ്‌ ആട്ടും, എന്നാല്‍ എണ്ണകൊണ്ട്‌ അഭിഷേകം ചെയ്യുകയില്ല. നീ മുന്തിരി പിഴിയും, എന്നാല്‍ വീഞ്ഞുകുടിക്കുകയില്ല.
Verse 16: കാരണം, നീ ഓമ്രിയുടെ അനുശാസനകള്‍ പാലിച്ചു. ആഹാബ്‌ഭവനത്തിന്‍െറ ചെയ്‌തികള്‍ നീ ആവര്‍ത്തിച്ചു; അവരുടെ ഉപദേശങ്ങള്‍ക്കനുസരിച്ചു വ്യാപരിച്ചു. അതിനാല്‍, ഞാന്‍ നിന്നെ ശൂന്യമാക്കും. നിന്‍െറ നിവാസികളെ പരിഹാസവിഷയമാക്കും. അങ്ങനെ നീ ജനതകളുടെ നിന്‌ദനമേല്‍ക്കും.