Verse 1: എനിക്കു ഹാ, കഷ്‌ടം! ഗ്രീഷ്‌മകാല ഫലങ്ങള്‍ ശേഖരിക്കുകയും മുന്തിരിപ്പഴങ്ങള്‍ പറിക്കുകയും ചെയ്‌തതിനുശേഷം കാലാപെ റുക്കുന്നവനെപ്പോലെ ആയിരിക്കുന്നു ഞാന്‍. തിന്നാന്‍ ഒരു മുന്തിരിക്കുലയോ അത്തിയുടെ അഭികാമ്യമായ കടിഞ്ഞൂല്‍ ഫലങ്ങളോ ഇല്ല.
Verse 2: ദൈവഭക്‌തരായവര്‍ ഭൂമുഖത്തുനിന്ന്‌ അപ്രത്യക്‌ഷരായിരിക്കുന്നു. മനുഷ്യരുടെയിടയില്‍ സത്യസന്‌ധരായി ആരുമില്ല. അവരെല്ലാവരും രക്‌തത്തിനുവേണ്ടി പതിയിരിക്കുന്നു. ഓരോരുത്തരും സ്വസഹോദരനെ കുടുക്കാന്‍ വലവിരിക്കുന്നു.
Verse 3: തിന്‍മ പ്രവര്‍ത്തിക്കാന്‍ അവന്‍ ഉത്‌സാഹത്തോടെ കൈനീട്ടുന്നു. രാജാവുംന്യായാധിപനും കൈക്കൂലി ആവശ്യപ്പെടുന്നു. ഉന്നതന്‍മാര്‍ ദുരാഗ്രഹങ്ങള്‍ വെളിപ്പെടുത്തുന്നു. അങ്ങനെ അവര്‍ ഒരുമിച്ച്‌ അതു നെയ്‌തെടുക്കുന്നു.
Verse 4: അവരില്‍ ഏറ്റവും ഉത്തമന്‍ ഒരു മുള്‍ച്ചെടിപോലെയും ഏറ്റവും സത്യസന്‌ധന്‍ ഒരു മുള്ളുവേലിപോലെയും ആണ്‌. അവരുടെ കാവല്‍ക്കാര്‍ അ റിയി ച്ചദിനം, ശിക്‌ഷയുടെ ദിനം, വന്നുകഴിഞ്ഞു. അവര്‍ക്കു സംഭ്രാന്തിയുടെ സമയമായി.
Verse 5: അയല്‍ക്കാരനെ വിശ്വസിക്കരുത്‌, സ്‌നേഹിതനില്‍ വിശ്വാസമര്‍പ്പിക്കരുത്‌, നിന്‍െറ മടിയില്‍ ശയിക്കുന്നവളുടെ മുന്‍പില്‍ അധരകവാടം തുറക്കരുത്‌.
Verse 6: പുത്രന്‍ പിതാവിനോടു നിന്‌ദയോടെ വര്‍ത്തിക്കുന്നു. മകള്‍ അമ്മയ്‌ക്കും മരുമകള്‍ അമ്മായിയമ്മയ്‌ക്കും എതിരേ നിലകൊള്ളുന്നു. സ്വന്തം കുടുംബത്തിലെ അംഗങ്ങള്‍തന്നെ ഒരുവനു ശത്രുക്ക ളായിത്തീരുന്നു.
Verse 7: എന്നാല്‍ ഞാന്‍ കര്‍ത്താവിങ്കലേക്കു കണ്ണുകളുയര്‍ത്തും. എന്‍െറ രക്‌ഷകനായ ദൈവത്തിനു വേണ്ടി ഞാന്‍ കാത്തിരിക്കും, എന്‍െറ ദൈവം എന്‍െറ പ്രാര്‍ഥന കേള്‍ക്കും.
Verse 8: എന്‍െറ ശത്രുക്കളേ, എന്നെക്കുറിച്ച്‌ ആഹ്‌ളാദിക്കേണ്ടാ. വീണാലും ഞാന്‍ എഴുന്നേല്‍ക്കും. ഞാന്‍ ഇരുട്ടിലിരുന്നാലും കര്‍ത്താവ്‌ എന്‍െറ വെളിച്ചമായിരിക്കും.
Verse 9: അവിടുന്ന്‌ എനിക്കുവേണ്ടി വാദിക്കുകയും എനിക്കു നീതി നടത്തിത്തരുകയും ചെയ്യുന്നതുവരെ ഞാന്‍ കര്‍ത്താവിന്‍െറ രോഷം സഹിക്കും. ഞാന്‍ അവിടുത്തേക്കെതിരായി പാപം ചെയ്‌തുപോയി. അവിടുന്ന്‌ എന്നെ വെളിച്ചത്തിലേക്കു നയിക്കും. ഞാന്‍ അവിടുത്തെ രക്‌ഷ ദര്‍ശിക്കും.
Verse 10: എന്‍െറ ശത്രുക്കള്‍ അതു കാണും. നിന്‍െറ ദൈവമായ കര്‍ത്താവ്‌ എവിടെ എന്നു ചോദിച്ചവളെ ലജ്‌ജ മൂടിക്കളയും. തെരുവിലെ ചേറുപോലെ അവള്‍ ചവിട്ടിത്തേയ്‌ക്കപ്പെടും. ഞാന്‍ അവ ളുടെ പതനം കണ്ട്‌ ആഹ്‌ളാദിക്കും.
Verse 11: നിന്‍െറ മതിലുകള്‍ പുനരുദ്‌ധരിക്കപ്പെടുന്ന ദിനം വരുന്നു! അന്നു നിന്‍െറ അതിരുകള്‍ വിസ്‌തൃതമാക്കപ്പെടും.
Verse 12: അസ്‌സീറിയാമുതല്‍ ഈജിപ്‌തുവരെയും ഈജിപ്‌തു മുതല്‍ നദിവരെയും, കടല്‍മുതല്‍ കടല്‍വരെയും പര്‍വതംമുതല്‍ പര്‍വതംവരെയും ഉള്ളവര്‍ അന്നു നിന്‍െറ അടുക്കല്‍ വരും.
Verse 13: എന്നാല്‍, അന്നു ഭൂമി അതിലെ നിവാസികള്‍ നിമിത്തം, അവരുടെ പ്രവൃത്തികളുടെ ഫലമായി ശൂന്യമായിത്തീരും.
Verse 14: കാര്‍മലിലെ വനാന്തരത്തില്‍ ഏകരായിക്കഴിയുന്നവരും അങ്ങയുടെ അവകാശവുമായ അജഗണത്തെ അങ്ങയുടെ ദണ്‍ഡുകൊണ്ടു മേയ്‌ക്കണമേ! മുന്‍കാലങ്ങളിലെപ്പോലെ അവര്‍ ബാഷാനിലും ഗിലയാദിലും മേയട്ടെ!
Verse 15: നീ ഈജിപ്‌തില്‍നിന്നു പുറത്തുവന്ന നാളുകളിലെന്നപോലെ അദ്‌ഭുതകര മായ കാര്യങ്ങള്‍ ഞാന്‍ അവര്‍ക്കു കാണിച്ചു കൊടുക്കും.
Verse 16: ജനതകള്‍ അതുകണ്ട്‌ തങ്ങളുടെ ശക്‌തിയെക്കുറിച്ചു ലജ്‌ജിക്കും. അവര്‍ വായ്‌ പൊത്തും. അവരുടെ കാതുകള്‍ ബധിരമാകും;
Verse 17: സര്‍പ്പങ്ങളെപ്പോലെ, ഭൂമിയില്‍ ഇഴയുന്ന ജീവികളെപ്പോലെ അവര്‍ പൊടിനക്കും. ശക്‌തിദുര്‍ഗങ്ങളില്‍ നിന്ന്‌ അവര്‍ വിറപൂണ്ട്‌ ഇറങ്ങിവരും. കൊടുംഭീതിയാല്‍ അവര്‍ നമ്മുടെ കര്‍ത്താവായ ദൈവത്തിങ്കലേക്കു തിരിയും. അവര്‍ അങ്ങുനിമിത്തം ഭയചകിതരാകും.
Verse 18: തന്‍െറ അവകാശത്തിന്‍െറ അവശേഷി ച്ചഭാഗത്തോട്‌ അവരുടെ അപരാധങ്ങള്‍ പൊറുക്കുകയും അതിക്രമങ്ങള്‍ ക്‌ഷമിക്കുകയും ചെയ്യുന്ന അങ്ങയെപ്പോലെ ഒരു ദൈവം വേറെ ആരുണ്ട്‌? അവിടുന്നു തന്‍െറ കോപം എന്നേക്കുമായി വച്ചു പുലര്‍ത്തുന്നില്ല; എന്തെന്നാല്‍, അവിടുന്ന്‌ കാരുണ്യത്തില്‍ ആനന്‌ദിക്കുന്നു.
Verse 19: അവിടുന്ന്‌ വീണ്ടും നമ്മോടു കാരുണ്യം കാണിക്കും. നമ്മുടെ അകൃത്യങ്ങളെ അവിടുന്ന്‌ ചവിട്ടിമെതിക്കും. ആഴിയുടെ അഗാധങ്ങളിലേക്കു നമ്മുടെ പാപങ്ങളെ അവിടുന്ന്‌ തൂത്തെറിയും.
Verse 20: പൂര്‍വകാലം മുതല്‍ ഞങ്ങളുടെ പിതാക്കന്‍മാരോടു വാഗ്‌ദാനം ചെയ്‌തിരുന്നതുപോലെ അങ്ങ്‌ യാക്കോബിനോടു വിശ്വസ്‌തതയും അബ്രാഹത്തോടു കാരുണ്യവും കാണിക്കും.