Verse 1: നീയുദ്‌ധത്തിനു പുറപ്പെടുമ്പോള്‍ ശത്രുവിനു നിന്നെക്കാള്‍ കൂടുതല്‍ കുതിരകളും രഥങ്ങളും സൈന്യങ്ങളും ഉണ്ടെന്നു കണ്ടാലും ഭയപ്പെടരുത്‌. എന്തെന്നാല്‍, നിന്നെ ഈജിപ്‌തില്‍ നിന്നു കൊണ്ടുവന്ന നിന്‍െറ ദൈവമായ കര്‍ത്താവ്‌ നിന്നോടുകൂടെയുണ്ട്‌.
Verse 2: യുദ്‌ധം തുടങ്ങാറാകുമ്പോള്‍ പുരോഹിതന്‍മുന്നോട്ടു വന്നു ജനത്തോടു സംസാരിക്കണം.
Verse 3: അവന്‍ ഇപ്രകാരം പറയട്ടെ: ഇസ്രായേലേ, കേള്‍ക്കുക, ശത്രുക്കള്‍ക്കെതിരായി നിങ്ങള്‍യുദ്‌ധത്തിനിറങ്ങുകയാണ്‌. ദുര്‍ബല ഹൃദയരാകരുത്‌; അവരുടെ മുന്‍പില്‍ ഭയപ്പെടുകയോ പരിഭ്രമിക്കുകയോ അരുത്‌.
Verse 4: നിങ്ങളുടെ ദൈവമായ കര്‍ത്താവാണു നിങ്ങളുടെ കൂടെ വന്ന്‌ ശത്രുക്കള്‍ക്കെതിരായിയുദ്‌ധംചെയ്‌തു വിജയം നേടിത്തരുന്നത്‌.
Verse 5: അനന്തരം, നായകന്‍മാര്‍ ജനത്തോട്‌ ഇപ്രകാരം പറയണം: ഭവനം പണിയിച്ചിട്ട്‌ അതിന്‍െറ പ്രതിഷ്‌ഠാകര്‍മം നിര്‍വഹിക്കാത്ത ആരാണ്‌ ഇക്കൂട്ടത്തിലുള്ളത്‌? താന്‍യുദ്‌ധത്തില്‍ മരിക്കുകയും മറ്റൊരാള്‍ അതിന്‍െറ പ്രതിഷ്‌ഠാകര്‍മം നിര്‍വഹിക്കുകയും ചെയ്യാന്‍ ഇടയാകാതിരിക്കേണ്ടതിന്‌ അവന്‍ വീട്ടിലേക്കു മടങ്ങിപ്പോകട്ടെ.
Verse 6: മുന്തിരിത്തോട്ടം നട്ടുപിടിപ്പിച്ചിട്ട്‌ അതിന്‍െറ ഫലം അനുഭവിക്കാത്ത ആരാണ്‌ ഇക്കൂട്ടത്തിലുള്ളത്‌? താന്‍യുദ്‌ധത്തില്‍ മരിക്കുകയും മറ്റൊരാള്‍ അതിന്‍െറ ഫലം അനുഭവിക്കുകയും ചെയ്യാന്‍ ഇടയാകാതിരിക്കേണ്ടതിന്‌ അവന്‍ വീട്ടിലേക്കു മടങ്ങിപ്പോകട്ടെ.
Verse 7: സ്‌ത്രീയോടു വിവാഹവാഗ്‌ദാനം നടത്തുകയും എന്നാല്‍ അവളെ സ്വീകരിക്കാതിരിക്കുകയും ചെയ്‌ത ആരാണ്‌ ഇക്കൂട്ടത്തിലുള്ളത്‌? താന്‍യുദ്‌ധത്തില്‍ മരിക്കുകയും മറ്റൊരാള്‍ അവളെ സ്വീകരിക്കുകയും ചെയ്യാതിരിക്കേണ്ടതിന്‌ അവന്‍ വീട്ടിലേക്കു മടങ്ങിപ്പോകട്ടെ.
Verse 8: നായകന്‍മാര്‍ തുടര്‍ന്നു പറയണം: ദുര്‍ബലഹൃദയനും ഭീരുവുമായ ആരാണ്‌ ഇക്കൂട്ടത്തിലുള്ളത്‌? അവന്‍െറ സഹോദരന്‍മാരും അവനെപ്പോലെ ചഞ്ചലചിത്തരാകാതിരിക്കേണ്ടതിന്‌ അവന്‍ വീട്ടിലേക്കു മടങ്ങിപ്പോകട്ടെ.
Verse 9: നായകന്‍മാര്‍ ജനത്തോടു സംസാരിച്ചു കഴിയുമ്പോള്‍, ജനത്തെനയിക്കുന്നതിനായി പടത്തലവന്‍മാരെ നിയമിക്കണം.
Verse 10: യുദ്‌ധത്തിനായി നിങ്ങള്‍ ഒരു നഗരത്തെ സമീപിക്കുമ്പോള്‍ സമാധാന സന്‌ധിക്കുള്ള അവസരം നല്‍കണം.
Verse 11: അവര്‍ സമാധാന സന്‌ധിക്കു തയ്യാറാവുകയും കവാടങ്ങള്‍ തുറന്നുതരുകയും ചെയ്‌താല്‍ നഗരവാസികള്‍ അടിമകളായി നിന്നെ സേവിക്കട്ടെ.
Verse 12: എന്നാല്‍, ആ നഗരം സന്‌ധി ചെയ്യാതെ നിനക്കെതിരേയുദ്‌ധം ചെയ്‌താല്‍ നീ അതിനെ വളഞ്ഞ്‌ ആക്രമിക്കണം.
Verse 13: നിന്‍െറ ദൈവമായ കര്‍ത്താവ്‌ അതിനെ നിന്‍െറ കൈയില്‍ ഏല്‍പിക്കുമ്പോള്‍ അവിടെയുള്ള പുരുഷന്‍മാരെയെല്ലാം വാളിനിരയാക്കണം.
Verse 14: എന്നാല്‍ സ്‌ത്രീകളെയും കുട്ടികളെയും കന്നുകാലികളെയും നഗരത്തിലുള്ള മറ്റെല്ലാ സാധനങ്ങളോടുമൊപ്പം കൊള്ളവസ്‌തുക്കളായി എടുത്തുകൊള്ളുക. നിന്‍െറ ദൈവമായ കര്‍ത്താവ്‌ നിനക്കു തരുന്ന ശത്രുക്ക ളുടെ വസ്‌തുവകകളെല്ലാം അനുഭവിച്ചുകൊള്ളുക.
Verse 15: ഈ ദേശക്കാരുടേതല്ലാത്ത വിദൂരസ്‌ഥമായ പട്ടണങ്ങളോടു നീ ഇപ്രകാരമാണ്‌ പ്രവര്‍ത്തിക്കേണ്ടത്‌.
Verse 16: എന്നാല്‍, നിന്‍െറ ദൈവമായ കര്‍ത്താവ്‌ നിനക്ക്‌ അവകാശ മായിത്തരുന്ന ഈ ജനതകളുടെ പട്ടണങ്ങളില്‍ ഒന്നിനെയും ജീവിക്കാന്‍ അനുവദിക്കരുത്‌.
Verse 17: നിന്‍െറ ദൈവമായ കര്‍ത്താവു കല്‍പിച്ചിട്ടുള്ളതുപോലെ ഹിത്യര്‍, അമോര്യര്‍, കാനാന്യര്‍, പെരീസ്യര്‍, ഹിവ്യര്‍, ജബൂസ്യര്‍ എന്നിവരെ നിശ്‌ശേഷം നശിപ്പിക്കണം.
Verse 18: അവര്‍ തങ്ങളുടെ ദേവന്‍മാരുടെ മുന്‍പില്‍ ചെയ്യുന്ന മ്ലേച്ഛതകള്‍ നിങ്ങളെ പഠിപ്പിക്കാതിരിക്കാനും അങ്ങനെ നിങ്ങളുടെ ദൈവമായ കര്‍ത്താവിനെതിരായി നിങ്ങള്‍ പാപം ചെയ്യാതിരിക്കാനും ആണ്‌ ഇപ്രകാരം നിര്‍ദേശിച്ചിട്ടുള്ളത്‌.
Verse 19: ഒരു നഗരത്തോടുയുദ്‌ധംചെയ്‌ത്‌ അതു പിടിച്ചെടുക്കാനായി വളരെക്കാലം അതിനെ ഉപരോധിക്കേണ്ടിവരുമ്പോള്‍ അതിലെ വൃക്‌ഷങ്ങളിലൊന്നും കോടാലികൊണ്ടു വെട്ടിനശിപ്പിക്കരുത്‌. അവയുടെ ഫലങ്ങള്‍ നിങ്ങള്‍ക്കു ഭക്‌ഷിക്കാം; എന്നാല്‍, അവ വെട്ടിക്കളയരുത്‌. വയലിലെ മരങ്ങളെ ഉപരോധിക്കാന്‍ അവ മനുഷ്യരാണോ?
Verse 20: ഭക്‌ഷണത്തിനുപകരിക്കാത്ത വൃക്‌ഷങ്ങള്‍ മാത്രം നശിപ്പിക്കുകയോ അവ വെട്ടി ആ നഗരങ്ങളോടുയുദ്‌ധം ചെയ്യാന്‍ ഉപകരണങ്ങള്‍ ഉണ്ടാക്കുകയോ ചെയ്‌തുകൊള്ളുക.