Verse 1: ഒരുവന്‍ വിവാഹിതനായതിനുശേഷം ഭാര്യയില്‍ എന്തെങ്കിലും തെറ്റുകണ്ട്‌ അവന് അവളോട്‌ ഇഷ്‌ടമില്ലാതായാല്‍, ഉപേക്‌ഷാപത്രം കൊടുത്ത്‌ അവളെ വീട്ടില്‍ നിന്നു പറഞ്ഞയയ്‌ക്കട്ടെ. അവന്‍െറ വീട്ടില്‍നിന്ന്‌ പോയതിനുശേഷം
Verse 2: അവള്‍ വീണ്ടും വിവാഹിതയാകുന്നെന്നിരിക്കട്ടെ.
Verse 3: രണ്ടാമത്തെ ഭര്‍ത്താവ്‌ അവളെ വെറുത്ത്‌ ഉപേക്‌ഷാപത്രം കൊടുത്ത്‌ വീട്ടില്‍നിന്നു പറഞ്ഞയയ്‌ക്കുകയോ അവന് മരിച്ചുപോവുകയോ ചെയ്‌താല്‍,
Verse 4: അവളെ - ആദ്യം ഉപേക്‌ഷി ച്ചഭര്‍ത്താവിന്‌ അശുദ്‌ധയായിത്തീര്‍ന്ന അവളെ - വീണ്ടും പരിഗ്രഹിച്ചുകൂടാ; അതു കര്‍ത്താവിനു നിന്‌ദ്യമാണ്‌. നിന്‍െറ ദൈവമായ കര്‍ത്താവു നിനക്ക്‌ അവകാശമായിത്തരുന്നദേശം നീ മലിനമാക്കരുത്‌.
Verse 5: പുതുതായി വിവാഹം ചെയ്‌ത പുരുഷനെ സൈനിക സേവനത്തിനോ മറ്റെന്തെങ്കിലും പൊതുപ്രവര്‍ത്തനത്തിനോ നിയോഗിക്കരുത്‌. അവന് ഒരു വര്‍ഷം വീട്ടില്‍ ഭാര്യയോടൊന്നിച്ച്‌ സന്തോഷപൂര്‍വം വസിക്കട്ടെ.
Verse 6: തിരികല്ലോ അതിന്‍െറ മേല്‍ക്കല്ലോ പണയം വാങ്ങരുത്‌; ജീവന്‍ പണയം വാങ്ങുന്നതി നു തുല്യമാണത്‌.
Verse 7: ആരെങ്കിലും തന്‍െറ ഇസ്രായേല്യസഹോദരനെ മോഷ്‌ടിച്ച്‌ അടിമയാക്കുകയോ വില്‍ക്കുകയോ ചെയ്‌താല്‍, അവനെ വധിക്കണം. അങ്ങനെ നിങ്ങളുടെയിടയില്‍ നിന്നു ആ തിന്‍മ നീക്കിക്കളയണം.
Verse 8: കുഷ്‌ഠം ബാധിച്ചാല്‍, ലേവ്യപുരോഹിതര്‍ നിര്‍ദേശിക്കുന്നതുപോലെ ചെയ്യണം. ഞാന്‍ അവരോടു കല്‍പിച്ചിട്ടുള്ളതെല്ലാം നിങ്ങള്‍ശ്രദ്‌ധാപൂര്‍വം അനുസരിക്കണം.
Verse 9: നിങ്ങള്‍ ഈജിപ്‌തില്‍നിന്നു പോരുന്നവഴിക്ക്‌ നിങ്ങളുടെ ദൈവമായ കര്‍ത്താവു മിരിയാമിനോടു ചെയ്‌തത്‌ ഓര്‍ത്തുകൊള്ളുക.
Verse 10: കൂട്ടുകാരനു വായ്‌പകൊടുക്കുമ്പോള്‍ പണയം വാങ്ങാന്‍ അവന്‍െറ വീട്ടിനകത്തു കടക്കരുത്‌.
Verse 11: നീ പുറത്തു നില്‍ക്കണം. വായ്‌പ വാങ്ങുന്നവന്‍ പണയം നിന്‍െറ അടുത്തു കൊണ്ടുവരട്ടെ.
Verse 12: അവന് ദരിദ്രനാണെങ്കില്‍ പണയംവച്ചവസ്‌ത്രം രാത്രിയില്‍ നീ കൈവശം വയ്‌ക്കരുത്‌.
Verse 13: അവന് തന്‍െറ വസ്‌ത്രം പുതച്ചുറങ്ങേണ്ടതിന്‌ സൂര്യനസ്‌തമിക്കുമ്പോള്‍ നീ അതു തിരിയെക്കൊടുക്കണം. അപ്പോള്‍ അവന് നിന്നെ അനുഗ്രഹിക്കും. അതു നിന്‍െറ ദൈവമായ കര്‍ത്താവിന്‍െറ മുന്‍പില്‍ നിനക്കു നീതിയായിരിക്കുകയും ചെയ്യും.
Verse 14: അഗതിയും ദരിദ്രനുമായ കൂലിക്കാരനെ, അവന് നിന്‍െറ സഹോദരനോ നിന്‍െറ നാട്ടിലെ പട്ടണങ്ങളിലൊന്നില്‍ വസിക്കുന്ന പരദേശിയോ ആകട്ടെ, നീ പീഡിപ്പിക്കരുത്‌.
Verse 15: അവന്‍െറ കൂലി അന്നന്നു സൂര്യനസ്‌തമിക്കുന്നതിനു മുന്‍പു കൊടുക്കണം. അവന് ദരിദ്രനും അതിനായി കാത്തിരിക്കുന്നവനുമാണ്‌. അവന് നിനക്കെതിരായി കര്‍ത്താവിനോടു നിലവിളിച്ചാല്‍ നീ കുറ്റക്കാരനായിത്തീരും.
Verse 16: മക്കള്‍ക്കുവേണ്ടി പിതാക്കന്‍മാരെയോ പിതാക്കന്‍മാര്‍ക്കുവേണ്ടി മക്കളെയോ വധിക്കരുത്‌. പാപത്തിനുള്ള മരണശിക്‌ഷ അവനവന്‍തന്നെ അനുഭവിക്കണം.
Verse 17: പരദേശിക്കും അനാഥനും നീതി നിഷേധിക്കരുത്‌. വിധവയുടെ വസ്‌ത്രം പണയം വാങ്ങുകയുമരുത്‌.
Verse 18: നീ ഈജിപ്‌തില്‍ അടിമയായിരുന്നുവെന്നും നിന്‍െറ ദൈവമായ കര്‍ത്താവു നിന്നെ അവിടെനിന്നു മോചിപ്പിച്ചുവെന്നും ഓര്‍ക്കണം. അതുകൊണ്ടാണ്‌ ഇങ്ങനെചെയ്യണമെന്നു നിന്നോടു ഞാന്‍ കല്‍പിക്കുന്നത്‌.
Verse 19: നിന്‍െറ വയലില്‍ വിളവു കൊയ്യുമ്പോള്‍ ഒരു കറ്റ അവിടെ മറന്നിട്ടു പോന്നാല്‍ അതെ ടുക്കാന്‍ തിരിയെപ്പോകരുത്‌. നിന്‍െറ ദൈവമായ കര്‍ത്താവു നിന്‍െറ സകല പ്രവൃത്തിയിലും നിന്നെ അനുഗ്രഹിക്കേണ്ടതിന്‌ അതു പരദേശിക്കും അനാഥനും വിധവയ്‌ക്കും ഉള്ളതായിരിക്കട്ടെ.
Verse 20: ഒലിവു മരത്തിന്‍െറ ഫലംതല്ലിക്കൊഴിക്കുമ്പോള്‍ കൊമ്പുകളില്‍ ശേഷിക്കുന്നത്‌ പറിക്കരുത്‌. അതു പരദേശിക്കും വിധവയ്‌ക്കും അനാഥനും ഉള്ളതാണ്‌.
Verse 21: മുന്തിരിത്തോട്ടത്തിലെ പഴം ശേഖരിക്കുമ്പോള്‍ കാല പെറുക്കരുത്‌. അതു പരദേശിക്കും അനാഥനും വിധവയ്‌ക്കും ഉള്ളതാണ്‌.
Verse 22: നീ ഈജിപ്‌തില്‍ അടിമയായിരുന്നുവെന്നോര്‍ക്കണം; അതുകൊണ്ടാണ്‌ ഇപ്രകാരം ചെയ്യാന്‍ നിന്നോടു ഞാന്‍ കല്‍പിക്കുന്നത്‌.