Verse 1: ബലമുള്ളവരായ നാം ദുര്‍ബലരുടെ പോരായ്‌മകള്‍ സഹിക്കുകയാണുവേണ്ടത്‌, നമ്മെത്തന്നെ പ്രീതിപ്പെടുത്തുകയല്ല.
Verse 2: നാം ഓരോരുത്തരും അയല്‍ക്കാരന്‍െറ നന്‍മയെ ഉദ്‌ദേശിച്ച്‌ അവന്‍െറ ഉത്‌കര്‍ഷത്തിനായി അവനെ പ്രീതിപ്പെടുത്തണം.
Verse 3: എന്തെന്നാല്‍, ക്രിസ്‌തുവും തന്നെത്തന്നെ പ്രീതിപ്പെടുത്തിയില്ല. ഇങ്ങനെ എഴുതപ്പെട്ടിരിക്കുന്നു: അങ്ങയെ അധിക്‌ഷേപിച്ചവരുടെ അധിക്‌ഷേപങ്ങള്‍ എന്‍െറ മേല്‍ പതിച്ചു!
Verse 4: മുമ്പ്‌ എഴുതപ്പെട്ടവയെല്ലാം നമ്മുടെ പ്രബോധനത്തിനു വേണ്ടിയാണ്‌-സ്‌ഥൈര്യത്താലും വിശുദ്‌ധ ലിഖിതങ്ങളില്‍നിന്നു ലഭിക്കുന്ന സമാശ്വാസത്താലും നമുക്കു പ്രത്യാശയുളവാക്കുവാന്‍വേണ്ടി.
Verse 5: സ്‌ഥൈര്യവും സമാശ്വാസവും നല്‍കുന്ന ദൈവം പരസ്‌പരൈക്യത്തില്‍ യേശുക്രിസ്‌തുവിനോടു ചേര്‍ന്നു ജീവിക്കാന്‍ നിങ്ങളെ അനുഗ്രഹിക്കട്ടെ!
Verse 6: അങ്ങനെ നിങ്ങളൊത്തൊരുമിച്ച്‌ ഏകസ്വരത്തില്‍ നമ്മുടെ കര്‍ത്താവായ യേശുക്രിസ്‌തുവിന്‍െറ ദൈവവും പിതാവുമായവനെ മഹത്വപ്പെടുത്താനിടയാകട്ടെ.
Verse 7: ആകയാല്‍, ദൈവമഹത്വത്തിനായി ക്രിസ്‌തു നിങ്ങളെ സ്വീകരിച്ചതുപോലെ നിങ്ങള്‍ അന്യോന്യം സ്വീകരിക്കുവിന്‍.
Verse 8: ദൈവത്തിന്‍െറ സത്യനിഷ്‌ഠവെളിപ്പെടുത്താന്‍വേണ്ടി ക്രിസ്‌തു പരിച്‌ഛേദിതര്‍ക്കു ശുശ്രൂഷകനായി എന്നു ഞാന്‍ നിങ്ങളോടു പറയുന്നു. അങ്ങനെ പിതാക്കന്‍മാരോടു ചെയ്‌ത വാഗ്‌ദാനം സ്‌ഥിരീകരിക്കപ്പെട്ടു.
Verse 9: കൂടാതെ, ദൈവകാരുണ്യത്തെക്കുറിച്ചു വിജാതീയര്‍ അവിടുത്തെ പ്രകീര്‍ത്തിക്കുന്നതിനിടയാവുകയും ചെയ്‌തു. ഇങ്ങനെ എഴുതപ്പെട്ടിരിക്കുന്നു: ആകയാല്‍, വിജാതീയരുടെയിടയില്‍ ഞാന്‍ അങ്ങയെ സ്‌തുതിക്കും. അങ്ങയുടെ നാമത്തിനു കീര്‍ത്തനം പാടും.
Verse 10: മാത്രമല്ല, വിജാതീയരേ, നിങ്ങള്‍ അവിടുത്തെ ജനത്തോടൊത്ത്‌ ആനന്‌ദിക്കുവിന്‍ എന്നും പറയപ്പെട്ടിരിക്കുന്നു.
Verse 11: സമസ്‌തവിജാതീയരേ, കര്‍ത്താവിനെ സ്‌തുതിക്കുവിന്‍; സമസ്‌ത ജനങ്ങളും അവിടുത്തെ സ്‌തുതിക്കട്ടെ എന്നു മറ്റൊരിടത്തും പറഞ്ഞിരിക്കുന്നു.
Verse 12: ജസ്‌സെയില്‍നിന്ന്‌ ഒരു മുള പൊട്ടിപ്പുറപ്പെടും; വിജാതീയരെ ഭരിക്കാനുള്ളവന്‍ ഉദയംചെയ്യും; വിജാതീയര്‍ അവനില്‍പ്രത്യാശവയ്‌ക്കും എന്ന്‌ ഏശയ്യായും പറയുന്നു.
Verse 13: പ്രത്യാശയുടെ ദൈവം നിങ്ങളുടെ വിശ്വാസത്താല്‍ സകല സന്തോഷവും സമാധാനവുംകൊണ്ടു നിങ്ങളെ നിറയ്‌ക്കട്ടെ! അങ്ങനെ, പരിശുദ്‌ധാത്‌മാവിന്‍െറ ശക്‌തിയാല്‍ നിങ്ങള്‍പ്രത്യാശയില്‍ സമൃദ്‌ധി പ്രാപിക്കുകയും ചെയ്യട്ടെ!
Verse 14: സഹോദരരേ, നിങ്ങള്‍ നന്‍മയാല്‍ പൂരിതരും എല്ലാ അറിവും തികഞ്ഞവരും പരസ്‌പരം ഉപദേശിക്കാന്‍ കഴിവുള്ളവരുമാണെന്ന കാര്യത്തില്‍ എനിക്ക്‌ ഒരു സംശയവുമില്ല.
Verse 15: ദൈവം എനിക്കു നല്‍കിയ കൃപയാല്‍ ധൈര്യത്തോടെ ചില കാര്യങ്ങള്‍ ഓര്‍മിപ്പിക്കാന്‍വേണ്ടിയാണു നിങ്ങള്‍ക്കു ഞാന്‍ എഴുതിയത്‌.
Verse 16: ദൈവത്തിന്‍െറ കൃപ എന്നെ വിജാതീയര്‍ക്കുവേണ്ടി യേശുക്രിസ്‌തുവിന്‍െറ ശുശ്രൂഷകനാക്കിയിരിക്കുകയാണല്ലോ. വിജാതീയരാകുന്ന ബലിവസ്‌തു സ്വീകാര്യവും പരിശുദ്‌ധാത്‌മാവിനാല്‍ പവിത്രീ കൃതവും ആകാന്‍വേണ്ടി ഞാന്‍ ദൈവത്തിന്‍െറ സുവിശേഷത്തിനു പുരോഹിത ശുശ്രൂഷ ചെയ്യുന്നു.
Verse 17: അതുകൊണ്ട്‌, ദൈവത്തിനുവേണ്ടിയുള്ള ജോലിയെക്കുറിച്ച്‌ എനിക്ക്‌ യേശുക്രിസ്‌തുവില്‍ അഭിമാനിക്കാന്‍ കഴിയും.
Verse 18: വിജാതീയരുടെ അനുസരണം നേടിയെടുക്കേണ്ടതിനു വാക്കാലും പ്രവൃത്തിയാലും, അടയാളങ്ങളുടെയും അദ്‌ഭുതങ്ങളുടെയും ബലത്താലും പരിശുദ്‌ധാത്‌മാവിന്‍െറ ശക്‌തിയാലും ഞാന്‍ വഴി ക്രിസ്‌തു പ്രവര്‍ത്തിച്ചവയൊഴികെ ഒന്നിനെക്കുറിച്ചും സംസാരിക്കാന്‍ ഞാന്‍ തുനിയുകയില്ല.
Verse 19: തന്നിമിത്തം, ഞാന്‍ ജറുസലെം തുടങ്ങി ഇല്ലീ റിക്കോണ്‍വരെ ചുറ്റിസഞ്ചരിച്ച്‌ ക്രിസ്‌തുവിന്‍െറ സുവിശേഷം പൂര്‍ത്തിയാക്കി.
Verse 20: അങ്ങനെ മറ്റൊരുവന്‍ സ്‌ഥാപി ച്ചഅടിസ്‌ഥാനത്തിന്‍മേല്‍ പണിയാതെ ക്രിസ്‌തുവിനെ അറിയാത്ത സ്‌ഥലങ്ങളില്‍ സുവിശേഷംപ്രസംഗിക്കുന്നതില്‍ ഞാന്‍ അത്യധികം ഉത്‌ സാഹം കാണിച്ചു.
Verse 21: ഒരിക്കലും അറിഞ്ഞിട്ടില്ലാത്തവനെ അവര്‍ ദര്‍ശിക്കും. അവനെക്കുറിച്ചു കേട്ടിട്ടില്ലാത്തവര്‍ അവനെ മന സ്‌സിലാക്കും എന്ന്‌ എഴുതപ്പെട്ടിട്ടുണ്ടല്ലോ.
Verse 22: മുന്‍പറഞ്ഞകാരണത്താലാണ്‌ നിങ്ങളുടെ അടുക്കല്‍ വരുന്നതിന്‌ എനിക്കു പലപ്പോഴും തടസ്‌സം നേരിട്ടത്‌.
Verse 23: ഇപ്പോഴാകട്ടെ, എനിക്ക്‌ ഈ പ്രദേശങ്ങളില്‍ പ്രവര്‍ത്ത നത്തിനുള്ള സാധ്യതയൊന്നുമില്ല. നിങ്ങളുടെയടുക്കല്‍ വരാന്‍ പല വര്‍ഷങ്ങളായി ഞാന്‍ ആഗ്രഹിക്കുകയും ചെയ്യുന്നു.
Verse 24: അതുകൊണ്ട്‌, സ്‌പെയിനിലേക്കുള്ളയാത്രയ്‌ക്കിടയില്‍ നിങ്ങളെ കാണാമെന്നും നിങ്ങളുടെ സഹവാസം ഞാന്‍ കുറെക്കാലം ആസ്വദിച്ചതിനുശേഷം നിങ്ങള്‍ എന്നെ അങ്ങോട്ടുയാത്രയാക്കുമെന്നും പ്രതീക്‌ഷിക്കുന്നു.
Verse 25: ഇപ്പോള്‍ ഞാന്‍ വിശുദ്‌ധരെ സഹായിക്കാന്‍ ജറുസലെമിലേക്കു പോവുകയാണ്‌.
Verse 26: എന്തെന്നാല്‍, ജറുസലെമിലെ വിശുദ്‌ധ രില്‍ നിര്‍ധനരായവര്‍ക്കു കുറെ സംഭാവനകൊടുക്കാന്‍മക്കെദോനിയായിലും അക്കായിയായിലും ഉള്ളവര്‍ സന്‍മനസ്‌സു പ്രകടിപ്പിച്ചിരിക്കുന്നു.
Verse 27: അവര്‍ അതു സന്തോഷത്തോടെയാണു ചെയ്‌തിരിക്കുന്നത്‌. അവര്‍ക്ക്‌ അതിനു കടപ്പാടുമുണ്ട്‌. എന്തെന്നാല്‍, അവരുടെ ആത്‌മീയാനുഗ്രഹങ്ങളില്‍ പങ്കുകാരായ വിജാതീയര്‍ ഭൗതികകാര്യങ്ങളില്‍ അവരെ സഹായിക്കേണ്ടതാണ്‌.
Verse 28: അതുകൊണ്ട്‌, ഞാന്‍ ഈ ജോലി പൂര്‍ത്തിയാക്കുകയും ശേഖരിച്ചത്‌ അവരെ ഏല്‍പിക്കുകയും ചെയ്‌തിട്ട്‌ നിങ്ങളുടെയടുത്തു വന്ന്‌, ആ വഴി സ്‌പെയിനിലേക്കു പോകും.
Verse 29: ഞാന്‍ അവിടെ വരുന്നതു ക്രിസ്‌തുവിന്‍െറ സ മ്പൂര്‍ണമായ അനുഗ്രഹത്തോടുകൂടെയായിരിക്കും എന്ന്‌ എനിക്കറിയാം.
Verse 30: സഹോദരരേ, നമ്മുടെ കര്‍ത്താവായ യേശുക്രിസ്‌തുവിന്‍െറയും ആത്‌മാവിന്‍െറ സ്‌നേഹത്തിന്‍െറയുംപേരില്‍ ഞാന്‍ നിങ്ങളോട്‌ അപേക്‌ഷിക്കുന്നു: എനിക്കുവേണ്ടി ദൈവത്തോടുള്ള പ്രാര്‍ഥനകളില്‍ എന്നോടൊപ്പം നിങ്ങളും ഉത്‌സുകരായിരിക്കണം.
Verse 31: അതുയൂദയായിലുള്ള അവിശ്വാസികളില്‍നിന്നു ഞാന്‍ രക്‌ഷപെടുന്നതിനും ജറുസലെമിലെ എന്‍െറ ശുശ്രൂഷ വിശുദ്‌ധര്‍ക്കു സ്വീകാര്യമാകുന്നതിനുംവേണ്ടിയാണ്‌.
Verse 32: അങ്ങനെ ദൈവഹിതമനുസരിച്ച്‌ ഞാന്‍ സന്തോഷപൂര്‍വം നിങ്ങളുടെ അടുത്തെത്തുകയും നിങ്ങളുടെ സഹവാസത്തില്‍ ഉന്‍മേഷഭരിതനാവുകയും ചെയ്യും.
Verse 33: സമാധാനത്തിന്‍െറ ദൈവം നിങ്ങളെല്ലാവരോടുംകൂടെ ഉണ്ടായിരിക്കട്ടെ! ആമേന്‍.