Verse 1: ചത്ത ഈ ച്ചപരിമളദ്രവ്യത്തില്‍ ദുര്‍ഗന്‌ധം കലര്‍ത്തുന്നു; അതുപോലെ ജ്‌ഞാനവും പ്രശസ്‌തിയും കെടുത്താന്‍ അല്‍പം മൗഢ്യം മതി.
Verse 2: ജ്‌ഞാനിയുടെ ഹൃദയം വലത്തോട്ടും വിഡ്‌ഢിയുടെ ഹൃദയം ഇടത്തോട്ടും ചായ്‌വു കാണിക്കുന്നു.
Verse 3: മൂഢന്‍ വഴിയേ നടന്നാല്‍ മതി, അല്‍പബുദ്‌ധിയായ അവന്‍ താന്‍ ഭോഷനാണെന്ന്‌ വെളിപ്പെടുത്തും.
Verse 4: രാജാവ്‌ കോപിച്ചാല്‍ സ്‌ഥലം വിടാതെ അവിടെത്തന്നെ നില്‍ക്കണം; വിധേയത്വം വലിയ തെറ്റുകള്‍ക്കു പരിഹാരമായി ഭവിക്കും.
Verse 5: സൂര്യനു കീഴേ ഞാന്‍ ഒരു തിന്‍മ കണ്ടു. രാജാക്കന്‍മാര്‍ക്കു പറ്റുന്ന ഒരു തെറ്റ്‌. ഭോഷന്‍ ഉന്നതസ്‌ഥാനത്തെത്തുന്നു.
Verse 6: സമ്പന്നര്‍ താണ തലങ്ങളിലിരിക്കുന്നു.
Verse 7: അടിമകള്‍ കുതിരപ്പുറത്തും പ്രഭുക്കള്‍ അടിമകളെപ്പോലെ കാല്‍നടയായും സഞ്ചരിക്കുന്നത്‌ ഞാന്‍ കണ്ടു.
Verse 8: കുഴി കുഴിക്കുന്നവന്‍ അതില്‍ വീഴും; ചുമരുപൊളിക്കുന്നവന്‌ സര്‍പ്പദംശനമേല്‍ക്കും.
Verse 9: കല്ലു വെട്ടുന്നവന്‌ അതുകൊണ്ടുതന്നെ മുറിവേല്‍ക്കും. വിറകു കീറുന്നവന്‌ അതില്‍നിന്ന്‌ അപകടം ഭവിക്കും.
Verse 10: മുന തേ ഞ്ഞഇരുമ്പ്‌ കൂര്‍പ്പിക്കാതിരുന്നാല്‍ അധികം ശക്‌തി പ്രയോഗിക്കേണ്ടി വരും.
Verse 11: എന്നാല്‍, ജ്‌ഞാനം വിജയംനേടുന്നു. മെരുക്കുന്നതിനുമുന്‍പ്‌ സര്‍പ്പം ദംശിച്ചാല്‍ പാമ്പാട്ടിയെക്കൊണ്ടു പ്രയോജനമില്ല.
Verse 12: ജ്‌ഞാനിയുടെ വചനം പ്രസാദകരമാണ്‌; ഭോഷന്‍െറ അധരം അവനെത്തന്നെ ഗ്രസിക്കുന്നു.
Verse 13: അവന്‍െറ മൊഴികളുടെ ആരംഭം വിഡ്‌ഢിത്തമാണ്‌; സംസാരത്തിന്‍െറ അവ സാനം തനി ഭ്രാന്തും.
Verse 14: തനിക്കുശേഷം എന്തു സംഭവിക്കുമെന്നു പറയാന്‍ ആര്‍ക്കും സാധിക്കുകയില്ല; വരാനിരിക്കുന്നത്‌ ആരും അറിയുന്നില്ല; എങ്കിലും ഭോഷന്‍ അതിഭാഷണം ചെയ്യുന്നു.
Verse 15: നഗരത്തിലേക്കുള്ള വഴി അറിയാതെ കഷ്‌ടപ്പെട്ട്‌ ഭോഷന്‍ തളരുന്നു.
Verse 16: ശിശു ഭരണം നടത്തുകയും രാജകുമാരന്‍മാര്‍ ഉഷസ്‌സില്‍ വിരുന്നുണ്ണുകയും ചെയ്യുന്ന രാജ്യമേ, നിനക്കു ഹാ കഷ്‌ടം!
Verse 17: ആഭിജാത്യമുള്ള രാജാവിനെ ലഭി ച്ചരാജ്യം ഭാഗ്യമുള്ളത്‌. അവിടെ രാജകുമാരന്‍മാര്‍ ശക്‌തിയാര്‍ജിക്കാന്‍വേണ്ടി, ഉന്‍മത്തരാകാനല്ല, ഉചിത സമയത്തുമാത്രം വിരുന്നു നടത്തുന്ന രാജ്യം ഭാഗ്യമുള്ളത്‌.
Verse 18: ഉടമസ്‌ഥന്‍ അശ്രദ്‌ധനായാല്‍ മേല്‍ക്കൂര ഇടിഞ്ഞുവീഴും; അവന്‍ അലസനായാല്‍ പുര ചോരും.
Verse 19: അപ്പം ഉണ്ടാക്കുന്നത്‌ സന്തോഷിക്കാനാണ്‌; വീഞ്ഞ്‌ ജീവിതത്തിന്‌ ആനന്‌ദം പകരുന്നു. എന്നാല്‍ എല്ലാറ്റിനും പണം വേണം.
Verse 20: രാജാവിനെ വിചാരത്തില്‍പോലും ശപിക്കരുത്‌. ഉറക്കറയില്‍പോലും ധനവാനെയും; ആകാശപ്പറ വകള്‍ നിന്‍െറ ശബ്‌ദം ഏറ്റെടുക്കും, ഏതെങ്കിലും പതത്രിജാതി അക്കാര്യം ഉതിര്‍ത്തെന്നുവരും.