Verse 1: ഇതിനുശേഷം പൗലോസ്‌ ആഥന്‍സ്‌ വിട്ടു കോറിന്തോസില്‍ എത്തി.
Verse 2: അവന് പോന്തസുകാരനായ അക്വീലാ എന്ന ഒരു യഹൂദനെ കണ്ടുമുട്ടി. അവന് തന്‍െറ ഭാര്യയായ പ്രിഷില്ലയോടൊപ്പം ആയിടെ ഇറ്റലിയില്‍നിന്ന്‌ എത്തിയതേ ഉണ്ടായിരുന്നുള്ളൂ. എന്തെന്നാല്‍, എല്ലാ യഹൂദരും റോമാ വിട്ടുകൊള്ളണമെന്ന്‌ ക്ലാവുദിയൂസിന്‍െറ കല്‍പനയുണ്ടായിരുന്നു. പൗലോസ്‌ അവരുടെ വീട്ടില്‍ച്ചെന്നു.
Verse 3: അവര്‍ ഒരേ തൊഴില്‍ക്കാരായിരുന്നതുകൊണ്ട്‌ അവന് അവരുടെകൂടെ താമസിക്കുകയും ഒന്നിച്ചു ജോലിചെയ്യുകയും ചെയ്‌തു. കൂടാരപ്പണിയായിരുന്നു അവരുടെ ജോലി.
Verse 4: എല്ലാ സാബത്തിലും അവന് സിനഗോഗില്‍വച്ച്‌ സംവാദത്തില്‍ ഏര്‍പ്പെടുകയും യഹൂദരെയും ഗ്രീക്കുകാരെയും വിശ്വസിക്കാന്‍ പ്രരിപ്പിക്കുകയുംചെയ്‌തു.
Verse 5: സീലാസും തിമോത്തേയോസും മക്കെദോനിയായില്‍നിന്ന്‌ എത്തിച്ചേര്‍ന്ന അവസരത്തില്‍, യേശുവാണ്‌ ക്രിസ്‌തുവെന്നു സാക്‌ഷ്യം നല്‍കിക്കൊണ്ട്‌, യഹൂദര്‍ക്കുബോധ്യം വരുത്താനുള്ള തീവ്രശ്രമത്തിലായിരുന്നു പൗലോസ്‌.
Verse 6: അവര്‍ അവനെ എതിര്‍ക്കുകയും ദൂഷണം പറയുകയും ചെയ്‌തപ്പോള്‍, അവന് സ്വന്തം വസ്‌ത്രങ്ങള്‍ കുട ഞ്ഞുകൊണ്ട്‌ അവരോടു പറഞ്ഞു: നിങ്ങളുടെ രക്‌തം നിങ്ങളുടെ തന്നെ ശിരസ്‌സില്‍ പതിക്കട്ടെ. ഞാന്‍ നിരപരാധനാണ്‌. ഇനി ഞാന്‍ വിജാതീയരുടെ അടുക്കലേക്കു പോകുന്നു.
Verse 7: അവിടംവിട്ട്‌ അവന് ദൈവഭക്‌തനായ തീസിയോസ്‌യുസ്‌തോസ്‌ എന്നൊരുവന്‍െറ വീട്ടിലേക്കു പോയി.
Verse 8: സിനഗോഗിനുതൊട്ടടുത്തായിരുന്നു അവന്‍െറ വീട്‌. സിനഗോഗധികാരിയായ ക്രിസ്‌പൂസും അവന്‍െറ കുടുംബം മുഴുവനും കര്‍ത്താവില്‍ വിശ്വസിച്ചു. കോറിന്തോസുകാരില്‍ പലരും വചനംകേട്ടു വിശ്വസിക്കുകയും ജ്‌ഞാനസ്‌നാനം സ്വീകരിക്കുകയും ചെയ്‌തു.
Verse 9: രാത്രിയില്‍ കര്‍ത്താവ്‌ ദര്‍ശനത്തില്‍ പൗലോസിനോടു പറഞ്ഞു: ഭയപ്പെടേണ്ടാ, നിശ്‌ശബ്‌ദനായിരിക്കാതെ പ്രസംഗിക്കുക.
Verse 10: എന്തെന്നാല്‍, ഞാന്‍ നിന്നോടുകൂടെയുണ്ട്‌. ആരും നിന്നെ ആക്രമിക്കുകയോ ഉപദ്രവിക്കുകയോ ഇല്ല. ഈ നഗരത്തില്‍ എനിക്കു വളരെ ആളുകളുണ്ട്‌.
Verse 11: പൗലോസ്‌ അവരുടെയിടയില്‍ ദൈവവചനം പഠിപ്പിച്ചുകൊണ്ട്‌ അവിടെ ഒരു വര്‍ഷവും ആറു മാസവും താമസിച്ചു.
Verse 12: ഗാല്ലിയോ അക്കായിയായില്‍ ഉപസ്‌ഥാനപതിയായിരിക്കുമ്പോള്‍, യഹൂദര്‍ പൗലോസിനെതിരേ സംഘടിതമായ ഒരാക്രമണം നടത്തി. അവര്‍ അവനെന്യായാസനത്തിനു മുമ്പില്‍ കൊണ്ടുവന്ന്‌ ഇപ്രകാരം പറഞ്ഞു:
Verse 13: ഈ മനുഷ്യന്‍ നിയമവിരുദ്‌ധമായരീതിയില്‍ ദൈവാരാധന നടത്താന്‍ ജനങ്ങളെ പ്രരിപ്പിക്കുന്നു.
Verse 14: പൗലോസ്‌ സംസാരിക്കാന്‍ തുടങ്ങിയപ്പോഴേക്കും ഗാല്ലിയോ യഹൂദരോടു പറഞ്ഞു: യഹൂദരേ, വല്ല കുറ്റ കൃത്യത്തിന്‍െറ യോ ഗുരുതരമായ പാതകത്തിന്‍െറ യോ കാര്യമാണെങ്കില്‍ നിങ്ങള്‍ പറയുന്നത്‌ തീര്‍ച്ചയായും ഞാന്‍ കേള്‍ക്കുമായിരുന്നു.
Verse 15: എന്നാല്‍, ഇതു വാക്കുകളെക്കുറിച്ചും പേരുകളെക്കുറിച്ചും നിങ്ങളുടെ നിയമത്തെക്കുറിച്ചുമുള്ള പ്രശ്‌നമാകയാല്‍ നിങ്ങള്‍തന്നെ കൈകാര്യം ചെയ്യുക; ഇക്കാര്യങ്ങളുടെ വിധികര്‍ത്താവാകാന്‍ ഞാന്‍ ഒരുക്കമല്ല.
Verse 16: അവന് ന്യായാസനത്തിനുമുമ്പില്‍ നിന്ന്‌ അവരെ പുറത്താക്കി.
Verse 17: അവരെല്ലാം ഒന്നുചേര്‍ന്ന്‌ സിനഗോഗധികാരിയായ സൊസ്‌തനേസിനെ പിടിച്ച്‌ കോടതിയുടെ മുമ്പില്‍വച്ചുതന്നെ അടിച്ചു. എന്നാല്‍ ഗാല്ലിയോ ഇതൊന്നും ശ്രദ്‌ധിച്ചതേയില്ല.
Verse 18: പൗലോസ്‌ കുറെനാള്‍കൂടി അവിടെ താമസിച്ചിട്ട്‌, സഹോദരരോടുയാത്ര പറഞ്ഞ്‌ സിറിയായിലേക്കു കപ്പല്‍ കയറി. പ്രിഷില്ലയും അക്വീലായും അവന്‍െറ കൂടെപ്പോയി. അവനു നേര്‍ച്ചയുണ്ടായിരുന്നതിനാല്‍ , കെങ്ക്‌റെയില്‍വച്ച്‌ തല മുണ്‍ഡനം ചെയ്‌തു.
Verse 19: അവര്‍ എഫേസോസില്‍ എത്തിച്ചേര്‍ന്നു. അവന് മറ്റുള്ളവരെ അവിടെ വിട്ടിട്ട്‌, സിനഗോഗില്‍ പ്രവേശിച്ച്‌ യഹൂദരുമായി വാദത്തില്‍ ഏര്‍പ്പെട്ടു.
Verse 20: കുറെനാള്‍കൂടി തങ്ങളോടൊത്തു താമസിക്കാന്‍ അവര്‍ ആവശ്യപ്പെട്ടെങ്കിലും അവന് സമ്മതിച്ചില്ല.
Verse 21: ദൈവം അനുവദിച്ചാല്‍ ഞാന്‍ നിങ്ങളുടെ അടുത്തേക്കു തിരിച്ചുവരും എന്നുപറഞ്ഞ്‌ അവന് വിടവാങ്ങുകയും എഫേസോസില്‍നിന്നു കപ്പല്‍ കയറുകയും ചെയ്‌തു.
Verse 22: കേസറിയായിലെത്തി അവിടത്തെ സഭയെ അഭിവാദനം ചെയ്‌തിട്ട്‌ അവന് അന്ത്യോക്യയിലേക്കുപോയി.
Verse 23: കുറെക്കാലം അവിടെ ചെലവഴിച്ചതിനുശേഷം അവന് യാത്രപുറപ്പെട്ട്‌ ഗലാത്തിയാ, ഫ്രീജിയാ എന്നീ പ്രദേശങ്ങളിലൂടെ സഞ്ചരിച്ച്‌ എല്ലാ ശിഷ്യര്‍ക്കും ശക്‌തി പകര്‍ന്നുകൊണ്ടിരുന്നു.
Verse 24: ആയിടയ്‌ക്ക്‌ അപ്പോളോസ്‌ എന്നുപേരുള്ള അലക്‌സാണ്‍ഡ്രിയാക്കാരനായ ഒരു യഹൂദന്‍ എഫേസോസില്‍ വന്നു. അവന് വാഗ്‌മിയും വിശുദ്‌ധലിഖിതങ്ങളില്‍ അവ ഗാഹം നേടിയവനുമായിരുന്നു.
Verse 25: കര്‍ത്താവിന്‍െറ മാര്‍ഗത്തെക്കുറിച്ച്‌ അവന് ഉപദേശവും ലഭിച്ചിരുന്നു. അവനു യോഹന്നാന്‍െറ ജ്‌ഞാനസ്‌നാനത്തെക്കുറിച്ചു മാത്രമേ അറിവുണ്ടായിരുന്നുള്ളു. എങ്കിലും, യേശുവിനെക്കുറിച്ചുള്ള കാര്യങ്ങള്‍ ആത്‌മാവില്‍ ഉണര്‍വോടെ, തെറ്റുകൂടാതെ പഠിപ്പിക്കുകയും പ്രസംഗിക്കുകയും ചെയ്‌തിരുന്നു.
Verse 26: അവന് സിനഗോഗിലും ധൈര്യപൂര്‍വം പ്രസംഗിക്കാന്‍ തുടങ്ങി. പ്രിഷില്ലയും അക്വീലായും അവന്‍െറ പ്രസംഗം കേട്ടു. അവര്‍ അവനെ കൂട്ടിക്കൊണ്ടുപോയി ദൈവത്തിന്‍െറ മാര്‍ഗം കൂടുതല്‍ വ്യക്‌തമായി പറഞ്ഞുകൊടുത്തു.
Verse 27: അവന് അക്കായിയായിലേക്കുപോകാന്‍ ആഗ്രഹിച്ചു. സഹോദരര്‍ അവനെ പ്രാത്‌സാഹിപ്പിക്കുകയും അവനെ സ്വീകരിക്കുന്നതിന്‌ ശിഷ്യര്‍ക്ക്‌ എഴുതുകയും ചെയ്‌തു. അവിടെ എത്തിച്ചേര്‍ന്നതിനുശേഷം, കൃപാവരംമൂലം വിശ്വാസം സ്വീകരിച്ചവരെ അവന് വളരെയധികം സഹായി ച്ചു.
Verse 28: എന്തെന്നാല്‍, അവന് പൊതുസ്‌ഥ ലങ്ങളില്‍ വച്ച്‌ വിശുദ്‌ധഗ്രന്‌ഥങ്ങള്‍ ഉദ്‌ധ രിച്ചുകൊണ്ട്‌ ക്രിസ്‌തു യേശുതന്നെയാണെന്ന്‌ തെളിയിക്കുകയും യഹൂദന്‍മാരെ വാക്കുമുട്ടിക്കുകയും ചെയ്‌തിരുന്നു.