Verse 1: ഞങ്ങളുടെ ദൈവമേ, അവിടുന്ന്‌ ദയാലുവും വിശ്വസ്‌തനും ക്‌ഷമാശീലനുമാണ്‌. അവിടുന്ന്‌ എല്ലാറ്റിനെയും കൃപയോടെ പരിപാലിക്കുന്നു.
Verse 2: ഞങ്ങള്‍ പാപികളെങ്കിലും അങ്ങയുടെ ജനമാണ്‌; ഞങ്ങള്‍ അവിടുത്തെ ശക്‌തി അറിയുന്നു. അങ്ങ്‌ ഞങ്ങളെ, സ്വന്തമായി കണക്കാക്കിയെന്ന്‌ അറിയുന്നതിനാല്‍ ഞങ്ങള്‍ പാപം ചെയ്യുകയില്ല;
Verse 3: അങ്ങയെ അറിയുന്നതാണ്‌ നീതിയുടെ പൂര്‍ണ ത. അങ്ങയുടെ ശക്‌തി അറിയുന്നതാണ്‌ അമര്‍ത്യതയുടെ ആരംഭം.
Verse 4: മനുഷ്യന്‍െറ കരവേലയുടെ ദുഷ്‌പ്രരണയോ, ചിത്രകാരന്‍െറ നിഷ്‌ഫലയത്‌നമായ നാനാവര്‍ണാഞ്ചിതമായ ചിത്രങ്ങളോ ഞങ്ങളെ വ്യതിചലിപ്പിക്കുകയില്ല.
Verse 5: അവയുടെ രൂപം മൂഢരെ ആവേശം കൊള്ളിക്കുന്നു. നിര്‍ജീവവിഗ്രഹങ്ങളുടെ ജഡരൂപം അവരെ മോഹിപ്പിക്കുന്നു.
Verse 6: അവനിര്‍മിക്കുകയോ ആഗ്രഹിക്കുകയോ ആരാധിക്കുകയോ ചെയ്യുന്നവര്‍ തിന്‍മയുടെ കമിതാക്കളാണ്‌; അവയില്‍ കവിഞ്ഞഒന്നിലും ആശ്രയിക്കാന്‍ അവര്‍ക്ക്‌ അര്‍ഹ തയില്ല.
Verse 7: കുശവന്‍ കളിമണ്ണു കുഴച്ച്‌, കിണഞ്ഞു പരിശ്രമിച്ച്‌, ഉപയോഗയോഗ്യമായ പാത്രങ്ങളുണ്ടാക്കുന്നു. ഒരേ മണ്ണില്‍ നിന്ന്‌ ഒരേ രീതിയില്‍ അവന്‍ ശുദ്‌ധവും അശുദ്‌ധവുമായ ഉപയോഗങ്ങള്‍ക്കു പാത്രങ്ങളുണ്ടാക്കുന്നു; ഓരോന്നിന്‍െറയും ഉപയോഗം അവനാണ്‌ നിര്‍ണയിക്കുന്നത്‌.
Verse 8: അല്‍പകാലം മുന്‍പ്‌ മണ്ണുകൊണ്ടു നിര്‍മിക്കപ്പെട്ടവനും, അല്‍പകാലം കഴിയുമ്പോള്‍, തനിക്കു കടമായി ലഭി ച്ചആത്‌മാവിനെ ദാതാവ്‌ ആവശ്യപ്പെടുമ്പോള്‍ തിരിച്ചേല്‍പിച്ച്‌ മണ്ണിലേക്ക്‌ മടങ്ങേണ്ടവനുമായ മനുഷ്യനാണ്‌ വിഫലമായി അതേ മണ്ണില്‍നിന്ന്‌ വ്യാജദൈവത്തെ മെനയുന്നത്‌.
Verse 9: തനിക്കു മരണമുണ്ടെന്നോ തന്‍െറ ജീവിതം ഹ്രസ്വമെന്നോ അവന്‍ ചിന്തിക്കുന്നില്ല. എന്നാല്‍ അവന്‍ സ്വര്‍ണം, വെള്ളി എന്നിവയില്‍ പണിയുന്നവരോടു മത്‌സരിക്കുന്നു; ചെമ്പുപണിക്കാരെ അനുകരിക്കുന്നു. വ്യാജദൈവങ്ങളെ ഉണ്ടാക്കുന്നതില്‍ അഭിമാനിക്കുന്നു.
Verse 10: അവന്‍െറ ഹൃദയം ചാ മ്പലും, പ്രത്യാശ കുപ്പയെക്കാള്‍ വിലകുറഞ്ഞതും, ജീവിതം കളിമണ്ണിനെക്കാള്‍ നിസ്‌സാരവുമാണ്‌.
Verse 11: തന്നെ സൃഷ്‌ടിക്കുകയും പ്രവര്‍ത്തനനിരതമായ ആത്‌മാവിനാല്‍ പ്രചോദിപ്പിക്കുകയും ജീവചൈതന്യത്തെ തന്നിലേക്കു പ്രവേശിപ്പിക്കുകയും ചെയ്‌ത ദൈവത്തെ അറിയാന്‍ അവന്‍ വിസമ്മതിച്ചു.
Verse 12: നമ്മുടെ അസ്‌തിത്വത്തെ അലസവിനോദമായും ജീവിതത്തെ ആദായകരമായ ഉത്‌സവമായും പരിഗണിച്ചു. ഹീനമാര്‍ഗങ്ങളിലൂടെപ്പോലും മനുഷ്യന്‍ കഴിയുന്നത്ര പണം സമ്പാദിക്കണമെന്നാണ്‌ അവന്‍ പറയുന്നത്‌.
Verse 13: ജഡപദാര്‍ഥത്തില്‍നിന്നു ദുര്‍ബ ലപാത്രങ്ങളും കൊത്തുവിഗ്രഹങ്ങളും നിര്‍മിക്കുമ്പോള്‍ താന്‍ പാപം ചെയ്യുകയാണെന്ന്‌ അവന്‍ എല്ലാവരെയുംകാള്‍ നന്നായി അറിയുന്നുണ്ട്‌.
Verse 14: ശിശുക്കളുടേതിനെക്കാളും ബുദ്‌ധിഹീനവും ശോചനീയവുമാണ്‌, അങ്ങയുടെ ജനത്തെ മര്‍ദിക്കുന്ന ശത്രുക്കളുടെ നില.
Verse 15: കാ ഴ്‌ചയില്ലാത്ത കണ്ണുകളും ശ്വസിക്കാത്തനാസാരന്‌ധ്രങ്ങളും കേള്‍ക്കാത്ത ചെവികളും സ്‌പര്‍ശനം സാധ്യമല്ലാത്ത വിരലുകളും നടക്കാന്‍ ഉപകരിക്കാത്ത പാദങ്ങളും ഉള്ളമ്ലേച്ഛവിഗ്രഹങ്ങള്‍ ദേവന്‍മാരാണെന്ന്‌ അവര്‍ വിചാരിക്കുന്നു.
Verse 16: വായ്‌പ വാങ്ങിയചൈതന്യം മാത്രമുള്ള മനുഷ്യന്‍ ഉണ്ടാക്കിയതാണ്‌ അവ. തന്നെപ്പോലെതന്നെയുള്ളദൈവത്തെ സൃഷ്‌ടിക്കുക ഒരുവനും സാധ്യമല്ലല്ലോ. അവന്‍ മര്‍ത്യനാണ്‌,
Verse 17: അവന്‍െറ അനുസരണമില്ലാത്ത കരങ്ങള്‍ നിര്‍മിക്കുന്നതും മൃതമാണ്‌. അവന്‍ ആരാധിക്കുന്ന വസ്‌തുക്കളെക്കാള്‍ അവന്‍ ഉത്‌കൃഷ്‌ടനാണ്‌; അവനു ജീവനുണ്ട്‌, അവയ്‌ക്ക്‌ അതില്ല.
Verse 18: അങ്ങയുടെ ജനത്തിന്‍െറ വൈരികള്‍ നികൃഷ്‌ട ജന്തുക്കളെപ്പോലും ആരാധിക്കുന്നു. ബുദ്‌ധിഹീനതനോക്കുമ്പോള്‍ അവ മറ്റുള്ള എല്ലാറ്റിനെയുംകാള്‍ മോശമാണ്‌.
Verse 19: മൃഗങ്ങള്‍ എന്ന നിലയ്‌ക്കുപോലും അവ കാഴ്‌ചയില്‍ അനാകര്‍ഷകമാണ്‌. ദൈവത്തിന്‍െറ മതിപ്പോ അനുഗ്രഹമോ അവയെ സ്‌പര്‍ശിച്ചിട്ടില്ല.