Verse 1: നീതിമാന്‍മാരുടെ ആത്‌മാവ്‌ ദൈവകരങ്ങളിലാണ്‌, ഒരു ഉപദ്രവവും അവരെ സ്‌പര്‍ശിക്കുകയില്ല.
Verse 2: അവര്‍ മരിച്ചതായി ഭോഷന്‍മാര്‍ കരുതി;
Verse 3: അവരുടെ മരണം പീഡനമായും നമ്മില്‍ നിന്നുള്ള വേര്‍പാട്‌ നാശമായും അവര്‍ കണക്കാക്കി; അവരാകട്ടെ ശാന്തി അനുഭവിക്കുന്നു.
Verse 4: ശിക്‌ഷിക്കപ്പെട്ടവരെന്ന്‌ മനുഷ്യദൃഷ്‌ടിയില്‍ തോന്നിയാലും അനശ്വരമായ പ്രത്യാശയുള്ളവരാണവര്‍.
Verse 5: ദൈവം അവരെ പരിശോധിക്കുകയും യോഗ്യരെന്നു കാണുകയും ചെയ്‌തു. അല്‍പകാലശിക്‌ഷ ണത്തിനുശേഷം അവര്‍ക്കു വലിയ നന്‍മ കൈവരും.
Verse 6: ഉലയില്‍ സ്വര്‍ണമെന്നപോലെ അവിടുന്ന്‌ അവരെ ശോധനചെയ്‌ത്‌ ദഹന ബലിയായി സ്വീകരിച്ചു.
Verse 7: അവിടുത്തെ സന്‌ദര്‍ശനത്തില്‍ അവര്‍ പ്രശോഭിക്കും, വയ്‌ക്കോലില്‍ തീപ്പൊരിയെന്നപോലെ അവര്‍ കത്തിപ്പടരും.
Verse 8: അവര്‍ ജനതകളെ ഭരിക്കും; രാജ്യങ്ങളുടെമേല്‍ ആധിപത്യം സ്‌ഥാപിക്കും. കര്‍ത്താവ്‌ അവരെ എന്നേക്കും ഭരിക്കും.
Verse 9: അവിടുത്തെ ആശ്രയിക്കുന്നവര്‍ സത്യം ഗ്രഹിക്കും; വിശ്വസ്‌തര്‍ അവിടുത്തെ സ്‌നേഹത്തില്‍ വസിക്കും. അവിടുത്തെ തിരഞ്ഞെടുക്കപ്പെട്ടവരുടെമേല്‍ അവിടുന്ന്‌ കരുണയും അനുഗ്രഹവും വര്‍ഷിക്കും; വിശുദ്‌ധരെ അവിടുന്ന്‌ പരിപാലിക്കുന്നു.
Verse 10: നീതിമാനെ അവഗണിക്കുകയും കര്‍ത്താവിനെ ധിക്കരിക്കുകയും ചെയ്‌തതിനാല്‍, അധര്‍മിക്ക്‌ അവന്‍െറ ചിന്തയ്‌ക്കൊത്തു ശിക്‌ഷലഭിക്കും.
Verse 11: ജ്‌ഞാനവും പ്രബോധനവും പുച്‌ഛിച്ചുതള്ളുന്നവന്‍െറ നില ശോചനീയമാണ്‌. അവരുടെ പ്രത്യാശ വ്യര്‍ഥവും പ്രയത്‌നം നിഷ്‌ഫലവുമാണ്‌; അവര്‍ ഉണ്ടാക്കുന്നത്‌ നിരുപയോഗവുമാണ്‌.
Verse 12: അവരുടെ ഭാര്യമാര്‍ ബുദ്‌ധിശൂന്യകളും മക്കള്‍ ദുര്‍മാര്‍ഗികളുമാണ്‌.
Verse 13: അവരുടെ സന്തതികള്‍ ശാപഗ്രസ്‌തരാണ്‌. പാപകരമായ വേഴ്‌ചയില്‍ ഏര്‍പ്പെടാത്തനിഷ്‌കളങ്കയായ വന്‌ധ്യ അനുഗൃഹീതയാണ്‌. ദൈവം ആത്‌മാക്കളെ ശോധന ചെയ്യുമ്പോള്‍ അവള്‍ക്കു പ്രതിഫലം ലഭിക്കും.
Verse 14: നിയമവിരുദ്‌ധമായ പ്രവൃത്തിയില്‍ ഏര്‍പ്പെടാത്ത ഷണ്‍ഡനും അനുഗൃഹീതനാണ്‌. നിയമവിരുദ്‌ധമായ പ്രവൃത്തിയില്‍ ഏര്‍പ്പെടുകയോ, കര്‍ത്താവിനെതിരേ അകൃത്യങ്ങള്‍ ആലോചിക്കുകയോ ചെയ്യാത്ത ഷണ്‍ഡനും അനുഗൃഹീതനാണ്‌. അവന്‍െറ വിശ്വസ്‌തതയ്‌ക്കു പ്രതിഫലം ലഭിക്കും. കര്‍ത്താവിന്‍െറ ആലയത്തില്‍ അവന്‌ ആ നന്‌ദകരമായ സ്‌ഥാനം ലഭിക്കും.
Verse 15: സത്‌ പ്രവൃത്തികള്‍ മഹത്തായ ഫലം ഉളവാക്കുന്നു. വിവേകത്തിന്‍െറ വേര്‌ അറ്റുപോവുകയില്ല.
Verse 16: വ്യഭിചാരികളുടെ സന്തതി പക്വത പ്രാപിക്കുകയില്ല. നിയമവിരുദ്‌ധമായ വേഴ്‌ചയുടെ ഫലം നശിക്കും.
Verse 17: ദീര്‍ഘകാലം ജീവിച്ചാലും അവരെ ആരും പരിഗണിക്കുകയില്ല. അവരുടെ വാര്‍ധക്യവും അവ മാനം നിറഞ്ഞിരിക്കും.
Verse 18: യൗവനത്തില്‍ മരിച്ചാലും അവര്‍ക്ക്‌ ആശയ്‌ക്കു വഴിയില്ല. വിധിദിവസത്തില്‍ അവര്‍ക്ക്‌ ആശ്വാസം ലഭിക്കുകയില്ല.
Verse 19: അധര്‍മികളുടെ തലമുറയ്‌ക്കു ഭീകരമായ നാശം സംഭവിക്കും.