Verse 1: യോഹന്നാന്‍ ഗസറായില്‍നിന്നു തന്‍െറ പിതാവ്‌ ശിമയോന്‍െറ അടുക്കലെത്തി, സെന്തെബേയൂസ്‌ പ്രവര്‍ത്തിച്ചതൊക്കെയും അറിയിച്ചു.
Verse 2: ശിമയോന്‍ തന്‍െറ മൂത്തപുത്രന്‍മാരായ യൂദാസിനെയും യോഹന്നാനെയും വിളിച്ച്‌ ഇങ്ങനെ പറഞ്ഞു: ഞങ്ങളുടെ ചെറുപ്പംമുതല്‍ ഈ ദിവസംവരെ ഞാനും എന്‍െറ സഹോദരന്‍മാരും പിതൃഭവനവും ഇസ്രായേലിനുവേണ്ടിയുദ്‌ധം ചെയ്‌തു. ഞങ്ങളുടെ നേതൃത്വത്തില്‍ കാര്യങ്ങള്‍ ഭംഗിയായി നടക്കുകയും ഞങ്ങള്‍ പലപ്പോഴും ഇസ്രായേലിനു മോചനം നേടിക്കൊടുക്കുകയും ചെയ്‌തു.
Verse 3: ഇപ്പോള്‍ എനിക്കു വയസ്‌സായി, ദൈവകൃപയാല്‍ നിങ്ങള്‍ക്കു പ്രായപൂര്‍ത്തി വന്നിരിക്കുന്നു. അതിനാല്‍, എന്‍െറയും എന്‍െറ സഹോദരന്‍മാരുടെയും സ്‌ഥാനം ഏറ്റെടുത്ത്‌ നമ്മുടെ രാജ്യത്തിനുവേണ്ടി പൊരുതുക. സ്വര്‍ഗത്തില്‍നിന്നുള്ള സഹായം നിങ്ങള്‍ക്കുണ്ടാകട്ടെ!
Verse 4: യോഹന്നാന്‍ രാജ്യത്തുനിന്ന്‌ ഇരുപതിനായിരം യോദ്‌ധാക്കളെയും കുതിരപ്പടയാളികളെയും തിരഞ്ഞെടുത്ത്‌ സെന്തെബേയൂസിനെതിരേ മുന്നേറി, രാത്രി മൊദെയിനില്‍ പാളയമടിച്ചു.
Verse 5: അവര്‍ അതിരാവിലെ എഴുന്നേറ്റ്‌ സമ തലത്തിലേക്കു പുറപ്പെട്ടു. അപ്പോള്‍ ഭടന്‍മാരും കുതിരപ്പടയാളികളുമടങ്ങിയ ഒരു വലിയ സൈന്യം തങ്ങള്‍ക്കെതിരേ വരുന്നതു കണ്ടു. ഇരുവര്‍ക്കുമിടയില്‍ ഒരരുവി ഒഴുകിയിരുന്നു.
Verse 6: അവനും സൈന്യവും ശത്രുവിനെതിരേ അണിനിരന്നു. അരുവികടക്കാന്‍ ഭടന്‍മാര്‍ ഭയപ്പെടുന്നതു കണ്ട്‌ അവന് ആദ്യം അതുകടന്നു. അതുകണ്ട്‌ പിന്നാലെ അവരും അരുവികടന്നു.
Verse 7: തന്‍െറ സേനയെ വിഭജിച്ച്‌, കുതിരപ്പടയാളികളെ അവന് കാലാള്‍പ്പടയ്‌ക്കു മധ്യേ നിര്‍ത്തി. കാരണം, ശത്രുവിന്‍െറ കുതിരപ്പടയാളികള്‍ അസംഖ്യമായിരുന്നു.
Verse 8: അവര്‍ കാഹളം മുഴക്കി. സെന്തെബേയൂസും സൈന്യവും പലായനം ചെയ്‌തു. അവരില്‍ പലരും മുറിവേറ്റുവീണു. അവശേഷിച്ചവര്‍ കോട്ടയ്‌ക്കുള്ളില്‍ അഭയം പ്രാപിച്ചു.
Verse 9: യോഹന്നാന്‍െറ സഹോദരന്‍ യൂദാസിനു മുറിവേറ്റു. എന്നാല്‍, യോഹന്നാന്‍ സെന്തെബേയൂസിനെ അവന് പണികഴിപ്പി ച്ചകെദ്രാന്‍ കോട്ടവരെ പിന്തുടര്‍ന്നു.
Verse 10: അസോത്തൂസ്‌ വയലുകളിലെ ഗോപുരങ്ങളിലും അവര്‍ അഭയംപ്രാപിച്ചു. യോഹന്നാന്‍ അത്‌ അഗ്‌നിക്കിരയാക്കി. ഏകദേശം രണ്ടായിരംപേര്‍ മരിച്ചുവീണു. യോഹന്നാന്‍ സുരക്‌ഷിതനായിയൂദയായിലേക്കു മടങ്ങി.
Verse 11: അബൂബുസിന്‍െറ മകന്‍ ടോളമി, ജറീക്കോസമതലത്തിന്‍െറ അധിപനായി നിയമിക്കപ്പെട്ടു. അവനു ധാരാളം സ്വര്‍ണവും വെ ള്ളിയും ഉണ്ടായിരുന്നു.
Verse 12: പ്രധാനപുരോഹിതന്‍െറ ജാമാതാവായിരുന്നു അവന് .
Verse 13: അഹങ്കാരം പൂണ്ട്‌ രാജ്യം കൈയടക്കാന്‍ അവന് തീരുമാനിച്ചു. ശിമയോനെയും പുത്രന്‍മാരെയും നശിപ്പിക്കാന്‍ അവന് ദുരാലോചന നടത്തി.
Verse 14: അപ്പോള്‍ ശിമയോന്‍ രാജ്യത്തെനഗരങ്ങള്‍ സന്‌ദര്‍ശിച്ച്‌ അവിടത്തെ ആവശ്യങ്ങളില്‍ ശ്രദ്‌ധ പതിച്ചുകൊണ്ടിരുന്നു. നൂറ്റിയെഴുപത്തേഴാമാണ്ടു പതിനൊന്നാം മാസമായ ഷേബാത്തില്‍ അവന് പുത്രന്‍മാരായ മത്താത്തിയാസും യൂദാസുമൊത്തു ജറീക്കോയിലേക്കു പോയി.
Verse 15: അബൂബുസിന്‍െറ പുത്രന്‍ താന്‍ നിര്‍മി ച്ചദോക്ക്‌ എന്ന ചെറിയ കോട്ടയില്‍ അവരെ വഞ്ചനാപൂര്‍വം സ്വീകരിച്ചു. അവര്‍ക്കു വലിയൊരു വിരുന്നു നല്‍കി. തന്‍െറ ആള്‍ക്കാരെ അവന് അവിടെ ഒളിപ്പിച്ചുനിര്‍ത്തിയിരുന്നു.
Verse 16: ശിമയോനും പുത്രന്‍മാരും കുടിച്ചുന്‍മത്തരായപ്പോള്‍, ടോളമിയും അവന്‍െറ ആള്‍ക്കാരും ആയുധങ്ങളുമായി അടുത്ത്‌, വിരുന്നുശാലയില്‍വച്ച്‌ ശിമയോനെയും ഇരുപുത്രന്‍മാരെയും ഏതാനും സേവകരെയും വധിച്ചു.
Verse 17: അങ്ങനെ അവന് വന്‍ചതി കാണിക്കുകയും നന്‍മയ്‌ക്കു പകരം തിന്‍മ പ്രവര്‍ത്തിക്കുകയും ചെയ്‌തു.
Verse 18: ഈ വിവരങ്ങളെല്ലാം കാണിച്ച്‌ ടോളമി, രാജാവിന്‌ എഴുതി. തന്‍െറ സഹായത്തിനായി സൈന്യങ്ങളെ അയയ്‌ക്കണമെന്നും നഗരങ്ങളും രാജ്യവും തനിക്ക്‌ ഏല്‍പിച്ചുതരണമെന്നും അവന് അഭ്യര്‍ഥിച്ചു.
Verse 19: യോഹന്നാനെ നിഗ്രഹിക്കാന്‍ ഗസറായിലേക്ക്‌ അവന് ഒരുസേനാവിഭാഗത്തെ അയച്ചു. സ്വര്‍ണവും,വെള്ളിയും സമ്മാനങ്ങളും സ്വീകരിക്കാന്‍ വരണമെന്നഭ്യര്‍ഥിച്ചുകൊണ്ട്‌ അവന് സേനാധിപന്‍മാര്‍ക്കു കത്തുകളയച്ചു.
Verse 20: മറ്റൊരു വിഭാഗത്തെ ജറുസലെമും ദേവാലയഗിരിയും അധീനമാക്കാന്‍ അയച്ചു.
Verse 21: ഗസറായിലുള്ള യോഹന്നാന്‍െറ അടുത്തേക്ക്‌ ആരോ ഓടിച്ചെന്ന്‌, അവന്‍െറ പിതാവും സഹോദരന്‍മാരും കൊല്ലപ്പെട്ടുവെന്നും, അവനെയും വധിക്കാന്‍ ടോളമി ആളയച്ചിരിക്കുന്നു എന്നും അറിയിച്ചു.
Verse 22: ഇതുകേട്ട്‌ അവന് സ്‌തബ്‌ധനായി. തന്നെ നശിപ്പിക്കാന്‍ വന്നവരെ അവന് പിടികൂടി വധിച്ചു. തന്നെ വധിക്കാനാണ്‌ അവര്‍ വന്നിരുന്നതെന്ന്‌ അവന് അറിവു കിട്ടിയിരുന്നല്ലോ.
Verse 23: യോഹന്നാന്‍െറ മറ്റു പ്രവര്‍ത്തനങ്ങളും അവന്‍െറ യുദ്‌ധങ്ങളും ധീരകൃത്യങ്ങളും മതില്‍നിര്‍മാണവുമെല്ലാം
Verse 24: പിതാവിന്‍െറ മരണത്തിനുശേഷം അവന് പുരോഹിതനായ നാള്‍മുതലുള്ള പ്രധാന പൗരോഹിത്യത്തിന്‍െറ ദിനവൃത്താന്തത്തില്‍ രേഖപ്പെടുത്തിയിട്ടുണ്ട്‌.