Verse 1: ആമോസിന്‍െറ പുത്രനായ ഏശയ്യായ്‌ക്ക്‌ ബാബിലോണിനെ സംബന്‌ധിച്ചുണ്ടായ ദര്‍ശനം.
Verse 2: മൊട്ടക്കുന്നില്‍ അടയാളം ഉയര്‍ത്തുവിന്‍. അവരോട്‌ ഉച്ചത്തില്‍ വിളിച്ചുപറയുവിന്‍. പ്രഭുക്കന്‍മാരുടെ വാതിലുകള്‍ക്കുള്ളില്‍ പ്രവേശിക്കാന്‍ കൈവീശി അവര്‍ക്ക്‌ അടയാളം നല്‍കുവിന്‍.
Verse 3: ഞാന്‍ തന്നെ എന്‍െറ വിശുദ്‌ധഭടന്‍മാരോടു കല്‍പിച്ചു. എന്‍െറ കോപം നടപ്പാക്കുന്നതിന്‌ എന്‍െറ ഒൗന്നത്യത്തില്‍ അഭിമാനംകൊള്ളുന്ന വീരപോരാളികളെ ഞാന്‍ നിയോഗിച്ചു.
Verse 4: അതാ, പര്‍വതങ്ങളില്‍ വലിയ ജനക്കൂട്ടത്തിന്‍േറ തുപോലുള്ള ആരവം! രാജ്യങ്ങളുടെ അലര്‍ച്ച! ജനതകള്‍ ഒന്നിച്ചുചേരുന്ന ശബ്‌ദം! സൈന്യങ്ങളുടെ കര്‍ത്താവ്‌ സൈന്യത്തെ അണിനിരത്തുന്നു!
Verse 5: ഭൂമിയെ ഒന്നാകെ നശിപ്പിക്കാന്‍ കര്‍ത്താവും അവിടുത്തെ രോഷത്തിന്‍െറ ആയുധങ്ങളും ദൂരദേശത്തുനിന്ന്‌, ആകാശത്തിന്‍െറ അതിരുകളില്‍ നിന്ന്‌, വരുന്നു.
Verse 6: ഉച്ചത്തില്‍ വിലപിക്കുവിന്‍. കര്‍ത്താവിന്‍െറ ദിനം സമീപിച്ചിരിക്കുന്നു. സര്‍വശക്‌തനില്‍നിന്നുള്ള വിനാശംപോലെ അതുവരും.
Verse 7: എല്ലാ കരങ്ങളും ദുര്‍ബലമാകും. എല്ലാവരുടെയും ഹൃദയം ഉരുകും.
Verse 8: അവര്‍ സംഭ്രാന്തരാകും. കഠിനവേദനയും ദുഃഖവും അവരെ ഗ്രസിക്കും. ഈറ്റുനോവെടുത്തവളെപ്പോലെ അവര്‍ പിടയും. അവര്‍ പരസ്‌പരം തുറിച്ചുനോക്കുകയും അവരുടെ മുഖം ജ്വലിക്കുകയും ചെയ്യും.
Verse 9: ഇതാ, കര്‍ത്താവിന്‍െറ ക്രൂരമായ ദിനം ആസന്നമായിരിക്കുന്നു. ഭൂമിയെ ശൂന്യമാക്കാനും പാപികളെ നശിപ്പിക്കാനും കോപത്തോടും ക്രോധത്തോടുംകൂടെ അതു വരുന്നു.
Verse 10: ആകാശത്തിലെ നക്‌ഷത്രങ്ങളും നക്‌ഷത്രരാശിയും പ്രകാശം തരുകയില്ല. സൂര്യന്‍ ഉദയത്തില്‍ത്തന്നെ ഇരുണ്ടുപോകും. ചന്‌ദ്രന്‍ പ്രകാശം പൊഴിക്കുകയില്ല.
Verse 11: ലോകത്തെ അതിന്‍െറ തിന്‍മനിമിത്ത വും ദുഷ്‌ടരെ അവരുടെ അനീതി നിമിത്തവും ഞാന്‍ ശിക്‌ഷിക്കും. അഹങ്കാരിയുടെ ഒൗ ധത്യം ഞാന്‍ അവസാനിപ്പിക്കും. നിര്‍ദയന്‍െറ ഗര്‍വ്‌ ഞാന്‍ ശമിപ്പിക്കും.
Verse 12: മനുഷ്യന്‍ തങ്കത്തെക്കാള്‍, മനുഷ്യവംശം ഓഫീര്‍പൊന്നിനെക്കാള്‍ വിരളമാകാന്‍ ഞാന്‍ ഇടയാക്കും.
Verse 13: സൈന്യങ്ങളുടെ കര്‍ത്താവിന്‍െറ രോഷത്തില്‍, അവിടുത്തെ ക്രോധത്തിന്‍െറ ദിനത്തില്‍, ഞാന്‍ ആകാശത്തെ വിറകൊള്ളിക്കും. ഭൂമി അതിന്‍െറ സ്‌ഥാനത്തുനിന്നിളകും.
Verse 14: വേട്ടയാടപ്പെടുന്ന മാന്‍കുട്ടിയെപ്പോലെയും, ഇടയനില്ലാത്ത ആടുകളെപ്പോലെയും ഓരോരുത്തരും സ്വന്തം ജനത്തിന്‍െറ അടുത്തേക്കു തിരിഞ്ഞ്‌, സ്വന്തം നാട്ടിലേക്ക്‌ ഓടിപ്പോകും.
Verse 15: കാണുന്നവനെയെല്ലാം കുത്തിപ്പിളരും; പിടികിട്ടുന്നവനെയെല്ലാം വാളിനിരയാക്കും.
Verse 16: അവരുടെ ശിശുക്കളെ അവരുടെ മുന്‍പില്‍വച്ചുതന്നെ നിലത്തടിച്ചു ചിതറിക്കും. അവരുടെ ഭവനങ്ങള്‍ കൊള്ളയടിക്കപ്പെടും. അവരുടെ ഭാര്യമാര്‍ അവമാനിതരാകും.
Verse 17: ഞാന്‍ മേദിയാക്കാരെ അവര്‍ക്കെതിരേ ഇളക്കിവിടുന്നു. അവര്‍ വെള്ളി കാര്യമാക്കുന്നില്ല; സ്വര്‍ണത്തില്‍ താത്‌പര്യവുമില്ല.
Verse 18: അവരുടെ അമ്പ്‌യുവാക്കന്‍മാരെ വധിക്കും. ഉദരഫലത്തോട്‌ അവര്‍ക്കു കരുണയുണ്ടാവുകയില്ല. ശിശുക്കളോട്‌ അവര്‍ ദയ കാണിക്കുകയില്ല.
Verse 19: രാജ്യങ്ങളുടെ മഹ ത്വവും കല്‍ദായരുടെ മഹിമയും അഭിമാനവുമായിരുന്ന ബാബിലോണ്‍ ദൈവം നശിപ്പി ച്ചസോദോമും ഗൊമോറായുംപോലെ ആയിത്തീരും.
Verse 20: അത്‌ എന്നും നിര്‍ജനമായിരിക്കും. തലമുറകളോളം അതില്‍ ആരും വസിക്കുകയില്ല; അറബികള്‍ അവിടെ കൂടാരം അടിക്കുകയില്ല; ഇടയന്‍മാര്‍ തങ്ങളുടെ ആടുകള്‍ക്ക്‌ അവിടെ ആല ഉണ്ടാക്കുകയില്ല.
Verse 21: അത്‌ വന്യമൃഗങ്ങളുടെ ആസ്‌ഥാനമായിത്തീരും. അതിന്‍െറ വീടുകള്‍ ഓരിയിടുന്ന ജീവികളെക്കൊണ്ടു നിറയും. ഒട്ടക പ്പക്‌ഷികള്‍ അവിടെ വസിക്കും. കാട്ടാടുകള്‍ അവിടെ തുള്ളിനടക്കും.
Verse 22: അതിന്‍െറ ഗോപുരങ്ങളില്‍ ചെന്നായ്‌ക്കളും മനോഹരമന്‌ദിരങ്ങളില്‍ കുറുക്കന്‍മാരും ഓരിയിടും. അതിന്‍െറ സമയം ആസന്നമായിരിക്കുന്നു. അതിന്‍െറ ദിനങ്ങള്‍ ദീര്‍ഘിക്കുകയില്ല.