Verse 1: യൂദാരാജാവായിരുന്ന ഉസിയായുടെ പുത്രനായ യോഥാമിന്‍െറ പുത്രന്‍ ആഹാസിന്‍െറ കാലത്ത്‌ സിറിയാരാജാവായ റസീനും, ഇസ്രായേല്‍ രാജാവും റമാലിയായുടെ പുത്രനുമായ പെക്കായും ജറുസലെമിനെതിരേയുദ്‌ധത്തിനു വന്നു. എന്നാല്‍ അവര്‍ക്കതിനെ കീഴടക്കാന്‍ കഴിഞ്ഞില്ല.
Verse 2: സിറിയാ, എഫ്രായിമിനോടു സഖ്യം ചെയ്‌തിരിക്കുന്നു എന്ന്‌ ദാവീദുഭവനം അറിഞ്ഞപ്പോള്‍, കൊടുങ്കാറ്റില്‍ വനത്തിലെ വൃക്‌ഷങ്ങള്‍ ഇള കുന്നതുപോലെ, അവന്‍െറയും ജനത്തിന്‍െറയും ഹൃദയം വിറച്ചു.
Verse 3: കര്‍ത്താവ്‌ ഏശയ്യായോട്‌ അരുളിച്ചെയ്‌തു: നീ പുത്രനായ ഷെയാര്‍യാഷുബുമൊത്തു ചെന്ന്‌ അലക്കുകാരന്‍െറ വയലിലേക്കുള്ള രാജവീഥിയുടെ അരികെയുള്ള മേല്‍ക്കളത്തിലെ നീര്‍ച്ചാലിന്‍െറ അറ്റത്തുവച്ച്‌ ആഹാസിനെക്കണ്ട്‌
Verse 4: ഇപ്രകാരം പറയുക: ശ്രദ്‌ധിക്കുക, സമാധാനമായിരിക്കുക, ഭയപ്പെടേണ്ട, പുകഞ്ഞുകൊണ്ടിരിക്കുന്ന ഈ രണ്ടു തീക്കൊള്ളി നിമിത്തം, റസീന്‍െറയും സിറിയായുടെയും റമാലിയായുടെ പുത്രന്‍െറയും ഉഗ്രകോപം നിമിത്തം, നീ ഭയപ്പെടരുത്‌.
Verse 5: നമുക്ക്‌ യൂദായ്‌ക്കെതിരേ ചെന്ന്‌
Verse 6: അതിനെ ഭയപ്പെടുത്തുകയും കീഴടക്കി തബേലിന്‍െറ പുത്രനെ അതിന്‍െറ രാജാവായി വാഴിക്കുകയും ചെയ്യാമെന്നു പറഞ്ഞുകൊണ്ട്‌ സിറിയായും എഫ്രായിമും റമാലിയായുടെ പുത്രനും നിനക്കെതിരേ ഗൂഢാലോചന നടത്തി.
Verse 7: ആകയാല്‍ ദൈവമായ കര്‍ത്താവ്‌ അരുളിച്ചെയ്യുന്നു: അതു സംഭവിക്കുകയില്ല, ഒരിക്കലും സംഭവിക്കുകയില്ല.
Verse 8: സിറിയായുടെ തലസ്‌ഥാനം ദമാസ്‌ക്കസും, ദമാസ്‌ക്കസിന്‍െറ തലവന്‍ റസീനും ആണ്‌. അറുപത്തഞ്ചു വര്‍ഷത്തിനുള്ളില്‍ എഫ്രായിം ഛിന്നഭിന്നമാക്കപ്പെടും. മേലില്‍ അത്‌ ഒരു ജനതയായിരിക്കുകയില്ല.
Verse 9: എഫ്രായിമിന്‍െറ തലസ്‌ഥാനം സമരിയായും അധിപന്‍ റമാലിയായുടെ പുത്രനും ആണ്‌. വിശ്വസിക്കുന്നില്ലെങ്കില്‍ നിനക്കു സുസ്‌ഥിതി ലഭിക്കുകയില്ല.
Verse 10: കര്‍ത്താവ്‌ വീണ്ടും ആഹാസിനോട്‌ അരുളിച്ചെയ്‌തു:
Verse 11: നിന്‍െറ ദൈവമായ കര്‍ത്താവില്‍ നിന്ന്‌ ഒരടയാളം ആവശ്യപ്പെടുക; അതു പാതാളംപോലെ അഗാധമോ ആകാശംപോലെ ഉന്നതമോ ആയിരിക്കട്ടെ.
Verse 12: ആ ഹാസ്‌ പ്രതിവചിച്ചു: ഞാന്‍ അത്‌ ആവശ്യപ്പെടുകയോ കര്‍ത്താവിനെ പരീക്‌ഷിക്കുകയോ ഇല്ല.
Verse 13: അപ്പോള്‍ ഏശയ്യാ പറഞ്ഞു: ദാവീദിന്‍െറ ഭവനമേ, ശ്രദ്‌ധിക്കുക, മനുഷ്യരെ അസഹ്യപ്പെടുത്തുന്നതു പോരാഞ്ഞിട്ടാണോ എന്‍െറ ദൈവത്തിന്‍െറ ക്‌ഷമ പരീക്‌ഷിക്കുന്നത്‌?
Verse 14: അതിനാല്‍, കര്‍ത്താവുതന്നെ നിനക്ക്‌ അടയാളം തരും.യുവതി ഗര്‍ഭംധരിച്ച്‌ ഒരു പുത്രനെ പ്രസവിക്കും. അവന്‍ ഇമ്മാനുവേല്‍ എന്നു വിളിക്കപ്പെടും.
Verse 15: തിന്‍മ ത്യജിക്കാനും നന്‍മസ്വീകരിക്കാനും പ്രായമാകുമ്പോള്‍ ബാലന്‍ തൈരും തേനും ഭക്‌ഷിക്കും.
Verse 16: നന്‍മതിന്‍മകള്‍ തിരിച്ചറിയാന്‍ ആ ബാലനു പ്രായമാകുന്നതിനുമുന്‍പ്‌ നിങ്ങള്‍ ഭയപ്പെടുന്ന രണ്ടു രാജാക്കന്‍മാരുടെയും രാജ്യങ്ങള്‍ നിര്‍ജനമാകും.
Verse 17: യൂദായില്‍നിന്ന്‌ എഫ്രായിം വേര്‍പിരിഞ്ഞതില്‍പ്പിന്നെ വന്നിട്ടില്ലാത്തതരത്തിലുള്ള ദിനങ്ങള്‍ - അസ്‌സീ റിയാരാജാവിന്‍െറ ഭരണംതന്നെ-കര്‍ത്താവ്‌ നിന്‍െറയും ജനത്തിന്‍െറയും നിന്‍െറ പിതൃഭവനത്തിന്‍െറയും മേല്‍ വരുത്തും.
Verse 18: അന്ന്‌ ഈജിപ്‌തിലെ നദികളുടെ ഉദ്‌ഭവ സ്‌ഥാനത്തുള്ള ഈച്ചകളെയും അസ്‌സീറിയാരാജ്യത്തെ തേനീച്ചകളെയും കര്‍ത്താവ്‌ വിളിച്ചുവരുത്തും.
Verse 19: അവ ആഴമേറിയ മലയിടുക്കുകളിലും പാറയിടുക്കുകളിലും മുള്‍ച്ചെടികളിലും മേച്ചില്‍്‌പുറങ്ങളിലും വന്നുകൂടും.
Verse 20: അന്ന്‌ കര്‍ത്താവ്‌ നദിയുടെ അക്കരെനിന്നു കടംവാങ്ങിയ ക്ഷൗരക്കത്തികൊണ്ട്‌ - അസ്‌സീറിയാരാജാവിനെക്കൊണ്ടുതന്നെ- തലയും കാലിലെ രോമവും താടിയും ക്‌ഷൗരം ചെയ്യഹ്നും.
Verse 21: ആ നാളില്‍ ഒരുവന്‍ ഒരു പശുക്കിടാവിനെയും രണ്ട്‌ ആടുകളെയും വളര്‍ത്തും.
Verse 22: അവ സമൃദ്‌ധമായി പാല്‍ നല്‍കുന്നതുകൊണ്ട്‌ അവന്‍ തൈരു ഭക്‌ഷിക്കും; ആ ദേശത്ത്‌ അവശേഷിക്കുന്നവരും തൈരും തേനും ഭക്‌ഷിക്കും.
Verse 23: ആദിനത്തില്‍ ആയിരം ഷെക്കല്‍ വെള്ളി വിലവരുന്ന ആയിരം മുന്തിരിച്ചെടികള്‍ വളര്‍ന്നിരുന്ന സ്‌ഥലങ്ങളില്‍ മുള്‍ച്ചെടികളും മുള്ളുകളും വളരും.
Verse 24: ദേശം മുഴുവന്‍മുള്‍ച്ചെടികള്‍ നിറഞ്ഞിരിക്കുന്നതിനാല്‍ , അമ്പും വില്ലുമായിട്ടേ ആളുകള്‍ അവിടെ പ്രവേശിക്കുകയുള്ളു.
Verse 25: തൂമ്പാകൊണ്ടു കിളച്ചിളക്കപ്പെട്ടിരുന്ന ആ കുന്നുകളില്‍ ഇന്നു മുള്ളും മുള്‍ച്ചെടിയും നിറഞ്ഞിരിക്കുന്നതിനാല്‍ , നീ അവിടെ പ്രവേശിക്കുകയില്ല, അത്‌ കന്നുകാലികളെ അഴിച്ചുവി ടാനും ആടുകള്‍ക്കു മേയാനും ഉള്ള സ്‌ഥല മാകും.