Verse 1: കര്‍ത്താവു മോശയോട്‌ അരുളിച്ചെയ്‌തു:
Verse 2: ഇസ്രായേല്‍ജനത്തോടു പറയുക, ഞാന്‍ നിങ്ങളുടെ ദൈവമായ കര്‍ത്താവാണ്‌.
Verse 3: നിങ്ങള്‍ വസിച്ചിരുന്ന ഈജിപ്‌തുദേശത്തെ ജനങ്ങളെപ്പോലെ നിങ്ങള്‍ പ്രവര്‍ത്തിക്കരുത്‌. ഞാന്‍ നിങ്ങളെ പ്രവേശിപ്പിക്കാനിരിക്കുന്ന കാനാന്‍ദേശത്തെ ആളുകളെപ്പോലെയും നിങ്ങള്‍ പ്രവര്‍ത്തിക്കരുത്‌. അവരുടെ ചട്ടങ്ങളനുസരിച്ചു നിങ്ങള്‍ വ്യാപരിക്കുകയുമരുത്‌.
Verse 4: നിങ്ങള്‍ എന്‍െറ പ്രമാണങ്ങളും കല്‍പനകളുമനുസരിച്ചു വ്യാപരിക്കണം.
Verse 5: നിങ്ങളുടെ ദൈവമായ കര്‍ത്താവ്‌ ഞാനാണ്‌. നിങ്ങള്‍ എന്‍െറ കല്‍പനകളും പ്രമാണങ്ങളും അനുസരിക്കുക. അവ അനുസരിക്കുന്നവന്‍ അതിനാല്‍ ജീവിക്കും. ഞാനാണ്‌ കര്‍ത്താവ്‌.
Verse 6: നിങ്ങളില്‍ ആരും തന്‍െറ ചാര്‍ച്ചക്കാരുടെ നഗ്‌നത അനാവൃതമാക്കാന്‍ അവരെ സമീപിക്കരുത്‌. ഞാനാണ്‌ കര്‍ത്താവ്‌.
Verse 7: നിന്‍െറ മാതാവിന്‍െറ നഗ്‌നത അനാവൃതമാക്കി നിന്‍െറ പിതാവിനെ അപമാനിക്കരുത്‌. അവള്‍ നിന്‍െറ അമ്മയായതുകൊണ്ടും അവളുടെ നഗ്‌നത അനാവൃതമാക്കരുത്‌.
Verse 8: നിന്‍െറ പിതാവിന്‍െറ ഭാര്യയുടെ നഗ്‌നത നീ അനാവൃതമാക്കരുത്‌. അതു നിന്‍െറ പിതാവിന്‍െറ തന്നെ നഗ്‌നതയാണ്‌.
Verse 9: നിന്‍െറ സഹോദരിയുടെ - നിന്‍െറ പിതാവിന്‍െറ യോ മാതാവിന്‍െറ യോ പുത്രിയുടെ, അവള്‍ സ്വദേശത്തോ അന്യദേശത്തോ ജനിച്ചവളാകട്ടെ - നഗ്‌നത അനാവൃതമാക്കരുത്‌.
Verse 10: നിന്‍െറ മകന്‍െറ മകളുടെയോ മകളുടെ മകളുടെയോ നഗ്‌നത നീ അനാവൃതമാക്കരുത്‌. കാരണം, അവരുടെ നഗ്‌നത നിന്‍െറ തന്നെ നഗ്‌നതയാണ്‌.
Verse 11: നിന്‍െറ പിതാവിന്‍െറ ഭാര്യയില്‍ അവനു ജനി ച്ചമകള്‍ നിന്‍െറ സഹോദരിയാണ്‌; നീ അവളുടെ നഗ്‌നത അനാവൃത മാക്കരുത്‌.
Verse 12: നിന്‍െറ പിതാവിന്‍െറ സഹോദരിയുടെ നഗ്‌നത നീ അനാവൃതമാക്കരുത്‌; അവള്‍ നിന്‍െറ പിതാവിന്‍െറ അടുത്ത ചാര്‍ച്ചക്കാരിയാണ്‌.
Verse 13: നിന്‍െറ മാതാവിന്‍െറ സഹോദരിയുടെ നഗ്‌നത നീ അനാവൃതമാക്കരുത്‌; അവള്‍ നിന്‍െറ മാതാവിന്‍െറ അടുത്ത ചാര്‍ച്ചക്കാരിയാണ്‌.
Verse 14: നിന്‍െറ പിതൃസഹോദരനെ അവന്‍െറ ഭാര്യയുടെ നഗ്‌നത അനാവൃതമാക്കി അപമാനിക്കരുത്‌. അവള്‍ നിന്‍െറ ചാര്‍ച്ചക്കാരിയാണ്‌.
Verse 15: നിന്‍െറ മരുമകളുടെ നഗ്‌നത നീ അനാവൃതമാക്കരുത്‌. കാരണം, അവള്‍ നിന്‍െറ പുത്രന്‍െറ ഭാര്യയാണ്‌. അവളുടെ നഗ്‌നത നീ അനാവൃതമാക്കരുത്‌.
Verse 16: നിന്‍െറ സഹോദരന്‍െറ ഭാര്യയുടെ നഗ്‌നത നീ അനാവൃതമാക്കരുത്‌. അതു നിന്‍െറ സഹോദരന്‍െറ നഗ്‌നതയാണ്‌.
Verse 17: ഒരു സ്‌ത്രീയുടെയും അവളുടെതന്നെ മകളുടെയും നഗ്‌നത നീ അനാവൃതമാക്കരുത്‌. അവളുടെ പുത്രന്‍െറ യോ പുത്രിയുടെയോ മകളുടെ നഗ്‌നത നീ അനാവൃതമാക്കരുത്‌. അവര്‍ അവളുടെ അടുത്ത ചാര്‍ച്ചക്കാരികളാണ്‌. അത്‌ അധര്‍മമാണ്‌.
Verse 18: ഭാര്യ ജീവിച്ചിരിക്കുമ്പോള്‍ അവളുടെ സഹോദരിയുടെ നഗ്‌നത അനാവൃതമാക്കി അവളെ നീ പരിഗ്രഹിക്കരുത്‌.
Verse 19: ആര്‍ത്തവം നിമിത്തം അശുദ്‌ധയായിരിക്കുന്ന സ്‌ത്രീയുടെ നഗ്‌നത നീ അനാവൃതമാക്കരുത്‌.
Verse 20: നിന്‍െറ അയല്‍ക്കാരന്‍െറ ഭാര്യയോടുകൂടെ ശയിച്ച്‌ അവള്‍ നിമിത്തം നീ അശുദ്‌ധനാകരുത്‌.
Verse 21: നിന്‍െറ സന്തതികളില്‍ ഒന്നിനെയും മോളെക്കിനു ബലിയര്‍പ്പിച്ച്‌ ദൈവനാമത്തെ അശുദ്‌ധമാക്കരുത്‌. ഞാനാണ്‌ കര്‍ത്താവ്‌.
Verse 22: സ്‌ത്രീയോടുകൂടെയെന്നതുപോലെ പുരുഷനോടുകൂടെ നീ ശയിക്കരുത്‌. അതു മ്ലേച്ഛതയാകുന്നു.
Verse 23: സ്‌ത്രീയോ പുരുഷനോ മൃഗങ്ങളുമായി ലൈംഗികബന്‌ധത്തിലേര്‍പ്പെട്ട്‌ തന്നെത്തന്നെ അശുദ്‌ധമാക്കരുത്‌. അതു ലൈംഗികവൈകൃതമാണ്‌.
Verse 24: ഇവയിലൊന്നുകൊണ്ടും നിങ്ങള്‍ അശുദ്‌ധരാകരുത്‌. ഞാന്‍ നിങ്ങളുടെ മുന്‍പില്‍നിന്ന്‌ അകറ്റിക്കളയുന്ന ജനതകള്‍ ഇവമൂലം തങ്ങളെത്തന്നെ അശുദ്‌ധരാക്കിയിരിക്കുന്നു.
Verse 25: ആ ദേശവും അശുദ്‌ധമായിരിക്കുന്നു. അതിന്‍െറ അകൃത്യത്തിന്‌ ഞാന്‍ അതിനെ ശിക്‌ഷിക്കും. അത്‌ അതിലെ നിവാസികളെ പുറന്തള്ളുകയും ചെയ്യും.
Verse 26: നിങ്ങളും നിങ്ങളുടെയിടയില്‍ വസിക്കുന്ന വിദേശീയരും എന്‍െറ കല്‍പനകളും പ്രമാണങ്ങളും പാലിക്കുകയും ഇത്തരം മ്ലേച്ഛ മായ പ്രവൃത്തികളില്‍ ഏര്‍പ്പെടാതിരിക്കുകയും വേണം.
Verse 27: നിങ്ങള്‍ക്കുമുന്‍പ്‌ ഈ നാട്ടില്‍ വസിച്ചിരുന്നവര്‍ ഈവിധം മ്ലേച്ഛ തകള്‍കൊണ്ട്‌ നാട്‌ മലിനമാക്കി.
Verse 28: ആകയാല്‍, ഈദേശം നിങ്ങള്‍ക്കുമുന്‍പുണ്ടായിരുന്നവരെ പുറന്തള്ളിയതുപോലെ അതിനെ അശുദ്‌ധമാക്കുകവഴി നിങ്ങളെയും പുറന്തള്ളാതിരിക്കാന്‍ സൂക്‌ഷിച്ചുകൊള്ളുവിന്‍.
Verse 29: ഇത്തരം മ്ലേച്ഛപ്രവൃത്തികള്‍ ചെയ്യുന്നവന്‍ സ്വജനത്തില്‍നിന്നു വിച്‌ഛേദിക്കപ്പെടണം.
Verse 30: നിങ്ങള്‍ക്കുമുന്‍പു നടമാടിയിരുന്ന ഈ മ്ലേച്ഛതകളില്‍ വ്യാപരിച്ച്‌ നിങ്ങളെത്തന്നെ അശുദ്‌ധരാക്കരുത്‌ എന്ന എന്‍െറ കല്‍പന അനുസരിക്കുവിന്‍. ഞാനാണ്‌ നിങ്ങളുടെ ദൈവമായ കര്‍ത്താവ്‌.