Verse 1: അതിവിശുദ്‌ധമായ പ്രായശ്‌ചിത്തബലിക്കുള്ള നിയമമിതാണ്‌:
Verse 2: ദഹനബലിക്കുള്ള മൃഗത്തെ കൊല്ലുന്ന സ്‌ഥലത്തുവച്ചുതന്നെ പ്രായശ്‌ചിത്തബലിക്കുള്ള മൃഗത്തെയും കൊല്ലണം. അതിന്‍െറ രക്‌തം ബലിപീഠത്തിനു ചുറ്റും തളിക്കണം.
Verse 3: അതിന്‍െറ മേദസ്‌സു മുഴുവനും - ആന്തരികാവയവങ്ങളെ പൊതിഞ്ഞിരിക്കുന്നതും അരക്കെട്ടിനോടു ചേര്‍ന്നുള്ള വൃക്കകളിലുള്ളതും -
Verse 4: ഇരുവൃക്കകളുംകൊഴുത്ത വാലും കരളിന്‍മേലുള്ള നെയ്‌വ ലയും എടുക്കണം.
Verse 5: പുരോഹിതന്‍ അവ കര്‍ത്താവിനായി ബലിപീഠത്തില്‍വച്ചു ദഹിപ്പിക്കണം. ഇതു പ്രായശ്‌ചിത്തബലിയാണ്‌.
Verse 6: പുരോഹിതവംശത്തില്‍പ്പെട്ട എല്ലാ പുരുഷന്‍മാര്‍ക്കും അതു ഭക്‌ഷിക്കാം. വിശുദ്‌ധ സ്‌ഥലത്തുവച്ചു വേണം അതു ഭക്‌ഷിക്കാന്‍.
Verse 7: അത്‌ അതിവിശുദ്‌ധമാണ്‌. പ്രായശ്‌ചിത്ത ബലി പാപപരിഹാരബലിപോലെ തന്നെയാണ്‌. അവയുടെ നിയമവും ഒന്നുതന്നെ. ബലിവസ്‌തു പരിഹാരകര്‍മം ചെയ്യുന്ന പുരോഹിതനുള്ളതാണ്‌.
Verse 8: ആര്‍ക്കെങ്കിലും വേണ്ടി ദഹനബലിയായി അര്‍പ്പിക്കപ്പെടുന്ന മൃഗത്തിന്‍െറ തുകല്‍ ബലിയര്‍പ്പിക്കുന്ന പുരോഹിതനുള്ളതാണ്‌.
Verse 9: അടുപ്പിലോ ഉരുളിയിലോ വറചട്ടിയിലോ പാകപ്പെടുത്തിയ ധാന്യബലി വസ്‌തുക്കളെല്ലാം ബലിയര്‍പ്പിക്കുന്ന പുരോഹിതനുള്ളതാണ്‌.
Verse 10: എണ്ണ ചേര്‍ത്തതുംചേര്‍ക്കാത്തതുമായ എല്ലാ ധാന്യബലിവസ്‌തുക്കളും അഹറോന്‍െറ പുത്രന്‍മാര്‍ക്കെല്ലാവര്‍ക്കും ഒന്നുപോലെ അവകാശപ്പെട്ടതാണ്‌.
Verse 11: കര്‍ത്താവിനു സമര്‍പ്പിക്കുന്ന സമാധാനബലിയുടെ നിയമം ഇതാണ്‌:
Verse 12: കൃത ജ്‌ഞതാപ്രകാശനത്തിനുവേണ്ടിയാണ്‌ ഒരുവന്‍ അത്‌ അര്‍പ്പിക്കുന്നതെങ്കില്‍, എണ്ണചേര്‍ത്ത പുളിപ്പില്ലാത്ത അപ്പവും എണ്ണപുര ട്ടിയ പുളിപ്പില്ലാത്ത അടയും നേരിയമാവില്‍ എണ്ണചേര്‍ത്തു കുഴച്ചു ചുട്ട അപ്പവുമാണ്‌ കൃതജ്‌ഞതാബലിയോടു ചേര്‍ത്തു സമര്‍പ്പിക്കേണ്ടത്‌.
Verse 13: കൃതജ്‌ഞതാപ്രകാശനത്തിനുള്ള സമാധാനബലിയോടുകൂടി പുളിപ്പുള്ള അപ്പവും കാഴ്‌ചയര്‍പ്പിക്കണം.
Verse 14: ഓരോ ബലിയര്‍പ്പണത്തിലും കര്‍ത്താവിനു കാഴ്‌ചയായി ഓരോ അപ്പം നല്കണം. അത്‌ സമാധാന ബലിമൃഗത്തിന്‍െറ രക്‌തം തളിക്കുന്ന പുരോ ഹിതനുള്ളതാണ്‌.
Verse 15: കൃതജ്‌ഞതാപ്രകാശ നത്തിനുള്ള സമാധാനബലിമൃഗത്തിന്‍െറ മാംസം ബലിയര്‍പ്പിക്കുന്ന ദിവസംതന്നെ ഭക്‌ഷിക്കണം. അതില്‍ ഒട്ടും പ്രഭാതംവരെ ബാക്കിവയ്‌ക്കരുത്‌.
Verse 16: എന്നാല്‍, ബലി നേര്‍ച്ചയോ സ്വാഭീഷ്‌ടക്കാഴ്‌ചയോ ആയിട്ടാണ്‌ അര്‍പ്പിക്കുന്നതെങ്കില്‍ അര്‍പ്പിക്കുന്ന ദിവസം തന്നെ അതു ഭക്‌ഷിക്കണം. അവശേഷിക്കുന്നതു പിറ്റേ ദിവസം ഭക്‌ഷിക്കാം.
Verse 17: ബലിമൃഗത്തിന്‍െറ മാംസം മൂന്നാം ദിവസവും അവശേഷിക്കുന്നുവെങ്കില്‍ അത്‌ അഗ്‌നിയില്‍ ദഹിപ്പിക്കണം.
Verse 18: സമാധാനബലിയുടെ മാംസം മൂന്നാം ദിവസം ഭക്‌ഷിക്കയാണെങ്കില്‍ ബലി സ്വീകരിക്കപ്പെടുകയില്ല. സമര്‍പ്പകന്‌ അതിന്‍െറ ഫലം ലഭിക്കുകയുമില്ല. അത്‌ അശുദ്‌ധമായിരിക്കും. ഭക്‌ഷിക്കുന്നവന്‍ കുറ്റമേല്‍ക്കേണ്ടിവരും.
Verse 19: അശുദ്‌ധവസ്‌തുക്കളുടെ സ്‌പര്‍ശമേറ്റ മാംസം ഭക്‌ഷിക്കരുത്‌. അതു തീയില്‍ ദഹിപ്പിച്ചുകളയണം. ശുദ്‌ധിയുള്ള എല്ലാവര്‍ക്കും മാംസം ഭക്‌ഷിക്കാം.
Verse 20: എന്നാല്‍, അശുദ്‌ധനായിരിക്കേ ആരെങ്കിലും കര്‍ത്താവിന്‌ അര്‍പ്പിക്കപ്പെട്ട സമാധാനബലിയുടെ മാംസം ഭക്‌ഷിച്ചാല്‍ അവന്‍ സ്വജനത്തില്‍നിന്നു വിച്‌ഛേദിക്കപ്പെടണം.
Verse 21: അശുദ്‌ധമായ ഏതെങ്കിലുമൊന്നിനെ, മാനുഷിക മാലിന്യത്തെയോ അശുദ്‌ധമായ മൃഗത്തെയോ നിന്‌ദ്യമായ എന്തെങ്കിലും അശുദ്‌ധവസ്‌തുവിനെയോ, സ്‌പര്‍ശിച്ചതിനുശേഷം കര്‍ത്താവിന്‌ അര്‍പ്പിക്കപ്പെട്ട സമാധാനബലിയുടെ മാംസം ഭക്‌ഷിക്കുന്നവന്‍ സ്വജനത്തില്‍നിന്നു വിച്‌ഛേദിക്കപ്പെടണം.
Verse 22: കര്‍ത്താവു മോശയോട്‌ അരുളിച്ചെയ്‌തു:
Verse 23: ഇസ്രായേല്‍ജനത്തോടു പറയുക, നിങ്ങള്‍ കാളയുടെയോ ചെമ്മരിയാടിന്‍െറ യോ കോലാടിന്‍െറ യോ മേദസ്‌സു ഭക്‌ഷിക്കരുത്‌.
Verse 24: ചത്തതോ വന്യമൃഗങ്ങള്‍ കൊന്നതോ ആയ മൃഗത്തിന്‍െറ മേദസ്‌സു ഒരു കാരണവശാലും ഭക്‌ഷിക്കരുത്‌. അതു മറ്റാവശ്യങ്ങള്‍ക്ക്‌ ഉപയോഗിക്കാം.
Verse 25: കര്‍ത്താവിനു ദഹനബലിയായി അര്‍പ്പി ച്ചമൃഗത്തിന്‍െറ മേദസ്‌സ്‌ ആരെങ്കിലും ഭക്‌ഷിച്ചാല്‍ അവനെ സ്വജനത്തില്‍നിന്നു വിച്‌ഛേദിക്കണം.
Verse 26: നിങ്ങള്‍ എവിടെ പാര്‍ത്താലും പക്‌ഷിയുടെയോ മൃഗത്തിന്‍െറ യോ രക്‌തം ഭക്‌ഷിക്കരുത്‌.
Verse 27: രക്‌തം ഭക്‌ഷിക്കുന്നവന്‍ സ്വജനത്തില്‍ നിന്നു വിച്‌ഛേദിക്കപ്പെടണം.
Verse 28: കര്‍ത്താവു മോശയോട്‌ അരുളിച്ചെയ്‌തു:
Verse 29: ഇസ്രായേല്‍ജനത്തോടു പറയുക, കര്‍ത്താവിനു സമാധാനബലിയര്‍പ്പിക്കുന്നവന്‍ തന്‍െറ ബലിവസ്‌തുവില്‍ ഒരു ഭാഗം അവിടുത്തേക്കു പ്രത്യേക കാഴ്‌ചയായികൊണ്ടുവരണം.
Verse 30: കര്‍ത്താവിനുള്ള ദഹനബലിവസ്‌തുക്കള്‍ സ്വന്തം കൈകളില്‍ത്തന്നെ അവന്‍ കൊണ്ടുവരട്ടെ. ബലിമൃഗത്തിന്‍െറ നെഞ്ചോടൊപ്പം മേദസ്‌സും കൊണ്ടുവരണം. നെഞ്ച്‌ അവിടുത്തെ മുന്‍പില്‍ നീരാജനം ചെയ്യണം.
Verse 31: മേദസ്‌സ്‌ പുരോഹിതന്‍ ബലിപീഠത്തില്‍ വച്ച്‌ ദഹിപ്പിക്കണം. എന്നാല്‍, നെഞ്ച്‌ അഹറോനും പുത്രന്‍മാര്‍ക്കുമുള്ളതാണ്‌.
Verse 32: സമാധാനബലിക്കുള്ള മൃഗത്തിന്‍െറ വലത്തെ കുറക്‌ പ്രത്യേക കാഴ്‌ചയായി പുരോഹിതനു നല്കണം.
Verse 33: വലത്തെ കുറക്‌ സമാധാനബലിയുടെ രക്‌തവും മേദസ്‌സും അര്‍പ്പിക്കുന്ന അഹറോന്‍െറ പുത്രനുള്ളതാണ്‌.
Verse 34: നീരാജനംചെയ്‌ത നെഞ്ചും അര്‍പ്പി ച്ചകുറകും ഇസ്രായേല്‍ജനത്തില്‍നിന്നുള്ള ശാശ്വതാവകാശമായി സമാധാനബലിയില്‍നിന്ന്‌ അഹറോനും പുത്രന്‍മാര്‍ക്കും ഞാന്‍ നല്‍കിയിരിക്കുന്നു.
Verse 35: അഹറോനും പുത്രന്‍മാരും കര്‍ത്താവിന്‍െറ പുരോഹിതരായി ശുശ്രൂഷചെയ്യാന്‍ അഭിഷിക്‌തരായ ദിവസം, അവിടുത്തെ ദഹനബലികളില്‍നിന്ന്‌ അവര്‍ക്കു ലഭി ച്ചഓഹരിയാണിത്‌.
Verse 36: ഇത്‌ അവര്‍ക്കു നല്‍കണമെന്ന്‌ അവരുടെ അഭിഷേകദിവസം കര്‍ത്താവ്‌ ഇസ്രായേല്‍ജനത്തോടു കല്‍പിച്ചിട്ടുണ്ട്‌. ഇതു തലമുറതോറും അവരുടെ ശാശ്വതാവകാശമാണ്‌.
Verse 37: ദഹനബലി, ധാന്യബലി, പാപപരിഹാരബലി, പ്രായശ്‌ചിത്തബലി, സമാധാന ബലി, അഭിഷേകം എന്നിവ സംബന്‌ധിച്ചുള്ള നിയമമാണിത്‌.
Verse 38: സീനായ്‌ മരുഭൂമിയില്‍വച്ച്‌ തനിക്കു ബലികളര്‍പ്പിക്കണമെന്ന്‌ ഇസ്രായേല്‍ക്കാരോടു കല്‍പിച്ചനാളിലാണ്‌ സീനായ്‌ മലയില്‍വച്ച്‌ കര്‍ത്താവു മോശ യോട്‌ ഇങ്ങനെ ആജ്‌ഞാപിച്ചത്‌.