Verse 1: കര്‍ത്താവു മോശയോട്‌ അരുളിച്ചെയ്‌തു:
Verse 2: വസ്‌ത്രങ്ങള്‍, അഭിഷേകതൈലം, പാപപരിഹാരബലിക്കുള്ള കാള, രണ്ടു മുട്ടാടുകള്‍, ഒരുകുട്ട പുളിപ്പില്ലാത്ത അപ്പം എന്നിവയോടുകൂടി അഹറോനെയും പുത്രന്‍മാരെയുംകൊണ്ടുവരിക.
Verse 3: സമാഗമകൂടാരത്തിന്‍െറ വാതില്‍ക്കല്‍ സമൂഹത്തെ ഒന്നിച്ചുകൂട്ടുക.
Verse 4: കര്‍ത്താവു കല്‍പിച്ചതുപോലെ മോശ ചെയ്‌തു. സമാഗമകൂടാരത്തിന്‍െറ വാതില്‍ക്കല്‍ സമൂഹത്തെ ഒന്നിച്ചുകൂട്ടി.
Verse 5: അപ്പോള്‍ മോശ സമൂഹത്തോടു പറഞ്ഞു: ഇങ്ങനെ ചെയ്യണമെന്നാണ്‌ കര്‍ത്താവ്‌ കല്‍പിച്ചത്‌.
Verse 6: അനന്തരം, മോശ അഹറോനെയും പുത്രന്‍മാരെയും മുന്‍പോട്ടുകൊണ്ടുവന്ന്‌ അവരെ വെള്ളംകൊണ്ടു കഴുകി;
Verse 7: അഹറോനെ കുപ്പായം അണിയിച്ച്‌ അരപ്പട്ടകെട്ടി, മേലങ്കി ധരിപ്പിച്ചു. അതിനുമീതെ എഫോദ്‌ അണിയിച്ചു. എഫോദിന്‍െറ വിദഗ്‌ദ്‌ധമായി നെയ്‌തെടുത്ത പട്ട അവന്‍െറ അരയില്‍ ചുറ്റി.
Verse 8: പിന്നീട്‌ ഉരസ്‌ത്രാണം ധരിപ്പിച്ചു. അതില്‍ ഉറീമും തുമ്മീമും നിക്‌ഷേപിച്ചു.
Verse 9: തലപ്പാവു ധരിപ്പിച്ച്‌ അതിന്‍െറ മുന്‍വശത്തായി കര്‍ത്താവു കല്‍പിച്ചിരുന്നതുപോലെ വിശുദ്‌ധകിരീടമായ പൊന്‍തകിടു ചാര്‍ത്തി.
Verse 10: അനന്തരം, അഭിഷേകതൈലമെടുത്ത്‌ കൂടാരവും അതിലുള്ളതൊക്കെയും അഭിഷേ കം ചെയ്‌തു വിശുദ്‌ധീകരിച്ച്‌ അതില്‍നിന്നു കുറച്ചെടുത്ത്‌ ബലിപീഠത്തില്‍ ഏഴുപ്രാവശ്യം തളിച്ചു.
Verse 11: ബലിപീഠവും അതിന്‍െറ എല്ലാ ഉപകരണങ്ങളും ക്‌ഷാളനപാത്രവും അതിന്‍െറ ചുവടും അഭിഷേകം ചെയ്‌തു വിശുദ്‌ധീകരിച്ചു.
Verse 12: പിന്നീട്‌ ശിരസ്‌സില്‍ തൈലാഭിഷേകം ചെയ്‌ത്‌ അഹറോനെ വിശുദ്‌ധീകരിച്ചു.
Verse 13: കര്‍ത്താവ്‌ കല്‍പിച്ചിരുന്നതുപോലെ മോശ അഹറോന്‍െറ പുത്രന്‍മാരെയും മുന്നോട്ടു കൊണ്ടുവന്ന്‌ കുപ്പായമണിയിക്കുകയും അരപ്പട്ട കെട്ടുകയും തൊപ്പി ധരിപ്പിക്കുകയും ചെയ്‌തു.
Verse 14: മോശ പാപപരിഹാരബലിക്കുള്ള കാളയെ കൊണ്ടുവന്നു. അഹറോനും പുത്രന്‍മാരും അതിന്‍െറ തലയില്‍ കൈകള്‍വച്ചു.
Verse 15: മോശ അതിനെ കൊന്നു രക്‌തമെടുത്ത്‌ അതില്‍ വിരല്‍ മുക്കി ബലിപീഠത്തിന്‍െറ കൊമ്പുകളില്‍ പുരട്ടി ബലിപീഠം ശുദ്‌ധീകരിച്ചു. ബാക്കി രക്‌തം ബലിപീഠത്തിന്‍െറ ചുവട്ടിലൊഴിച്ചു; അങ്ങനെ ബലിപീഠം ശുദ്‌ധിചെയ്‌ത്‌ പരിഹാര കര്‍മത്തിനു സജ്‌ജമാക്കി.
Verse 16: ആന്തരികാവയവങ്ങളിന്‍മേലുണ്ടായിരുന്ന മേദസ്‌സു മുഴുവനും കരളിന്‍മേലുണ്ടായിരുന്ന നെയ്‌വലയും ഇരു വൃക്കകളും അവയുടെ മേദസ്‌സുമെടുത്ത്‌ ബലിപീഠത്തില്‍വച്ചു ദഹിപ്പിച്ചു.
Verse 17: എന്നാല്‍, കാളയെ - അതിന്‍െറ തോല്‍, മാംസം, ചാണകം എന്നിവ - കര്‍ത്താവ്‌ മോശയോടു കല്‍പിച്ചിരുന്നതുപോലെ കൂടാരത്തിനു വെളിയില്‍ വച്ചാണ്‌ ദഹിപ്പിച്ചത്‌.
Verse 18: ദഹനബലിക്കുള്ള മുട്ടാടിനെ അവന്‍ കൊണ്ടുവന്നു. അഹറോനും പുത്രന്‍മാരും അതിന്‍െറ തലയില്‍ കൈകള്‍വച്ചു.
Verse 19: മോശ അതിനെ കൊന്ന്‌ രക്‌തം ബലിപീഠത്തിനുചുറ്റും ഒഴിച്ചു.
Verse 20: അതിനെ കഷണങ്ങളായി മുറിച്ച്‌ തലയും കഷണങ്ങളും മേദസ്‌സും ദഹിപ്പിച്ചു.
Verse 21: കര്‍ത്താവു കല്‍പിച്ചിരുന്നതുപോലെ മോശ അതിന്‍െറ ആന്തരികാവയവങ്ങളും കാലുകളും വെള്ളത്തില്‍ കഴുകി, അതിനെ മുഴുവനും അവിടുത്തേക്കു പ്രീതിജനകമായ സൗരഭ്യം നല്‍കുന്ന ദഹന ബലിയായി ബലിപീഠത്തില്‍വച്ചു ദഹിപ്പിച്ചു.
Verse 22: അവന്‍ മറ്റേ മുട്ടാടിനെ - പുരോഹിതാഭിഷേകത്തിന്‍െറ മുട്ടാടിനെ - കൊണ്ടുവന്നു. അഹറോനും പുത്രന്‍മാരും അതിന്‍െറ തലയില്‍ കൈകള്‍വച്ചു.
Verse 23: മോശ അതിനെ കൊന്ന്‌ കുറെരക്‌തമെടുത്ത്‌ അഹറോന്‍െറ വലത്തുചെവിയുടെ അഗ്രത്തിലും വലത്തുകൈയുടെ തള്ളവിരലിലും വലത്തുകാലിന്‍െറ പെരുവിരലിലും പുരട്ടി.
Verse 24: പിന്നീട്‌ അഹറോന്‍െറ പുത്രന്‍മാരെ അടുക്കല്‍ വരുത്തി കുറച്ചു രക്‌തം ഓരോരുത്തരുടെയും വലത്തുചെവിയുടെ അഗ്രത്തിലും വലത്തുകൈയുടെ തള്ള വിരലിലും വലത്തുകാലിന്‍െറ പെരുവിരലിലും പുരട്ടി. ശേഷി ച്ചരക്‌തം ബലിപീഠത്തിനുചുറ്റും ഒഴിച്ചു.
Verse 25: കൊഴുത്ത വാലും ആന്തരികാവയവങ്ങളിന്‍മേലുള്ള മേദസ്‌സും കര ളിന്‍മേലുള്ള നെയ്‌വലയും ഇരുവൃക്കകളും അവയുടെ മേദസ്‌സും വലത്തെ കുറകും എടുത്തു.
Verse 26: കര്‍ത്താവിന്‍െറ സന്നിധിയില്‍ പുളിപ്പില്ലാത്ത അപ്പമിരിക്കുന്ന കുട്ടയില്‍ നിന്ന്‌ ഒരപ്പവും എണ്ണചേര്‍ത്ത ഒരപ്പവും ഒരടയുമെടുത്ത്‌ മേദസ്‌സിന്‍മേലും വലത്തെ കുറകിന്‍മേലും വച്ചു.
Verse 27: ഇവയെല്ലാം അവന്‍ അഹറോന്‍െറയും പുത്രന്‍മാരുടെയും കൈകളില്‍വച്ച്‌ കര്‍ത്താവിന്‍െറ മുമ്പില്‍ നീരാജനം ചെയ്‌തു.
Verse 28: അനന്തരം, മോശ അവ അവരുടെ കൈകളില്‍നിന്നെടുത്ത്‌ ബലിപീഠത്തിന്‍മേല്‍ ദഹനബലിവസ്‌തുക്കളോടൊപ്പം വച്ചു ദഹിപ്പിച്ചു. അഭിഷേകബലിയായി കര്‍ത്താവിനു പ്രീതികരമായ സൗരഭ്യമായി അര്‍പ്പി ച്ചദഹനബലിയാണിത്‌.
Verse 29: മോശ അതിന്‍െറ നെഞ്ച്‌ കര്‍ത്താവിന്‍െറ സന്നിധിയില്‍ നീരാജനം ചെയ്‌തു. കര്‍ത്താവു കല്‍പിച്ചതുപോലെ അഭിഷേകബലിയാടില്‍നിന്ന്‌ മോശയ്‌ക്കുള്ള ഓഹരിയായിരുന്നു അത്‌.
Verse 30: അനന്തരം, മോശ കുറച്ച്‌ അഭിഷേകതൈലവും ബലിപീഠത്തിന്‍മേലുള്ള രക്‌തവുമെടുത്ത്‌ അഹറോന്‍െറയും അവന്‍െറ വ സ്‌ത്രങ്ങളുടെയുംമേലും, പുത്രന്‍മാരുടെയും അവരുടെ വസ്‌തങ്ങളുടെയുംമേലും തളിച്ചു. അങ്ങനെ മോശ അഹറോനെയും അവന്‍െറ വസ്‌ത്രങ്ങളെയും പുത്രന്‍മാരെയും അവരുടെ വസ്‌ത്രങ്ങളെയും വിശുദ്‌ധീകരിച്ചു.
Verse 31: മോശ അഹറോനോടും പുത്രന്‍മാരോടും പറഞ്ഞു: സമാഗമകൂടാരത്തിന്‍െറ വാ തില്‍ക്കല്‍വച്ച്‌ മാംസം വേവിക്കണം. ഞാന്‍ കല്‍പിച്ചിട്ടുള്ളതനുസരിച്ച്‌ അതും അഭിഷേ കകാഴ്‌ചകളുടെ കുട്ടയിലുള്ള അപ്പവും അഹറോനും പുത്രന്‍മാരും അവിടെവച്ചു ഭക്‌ഷിക്കണം.
Verse 32: ശേഷിക്കുന്ന അപ്പവും മാംസവും തീയില്‍ ദഹിപ്പിക്കണം.
Verse 33: അഭിഷേകത്തിന്‍െറ ദിവസങ്ങള്‍ തീരുന്നതുവരെ ഏഴു ദിവ സത്തേക്കു സമാഗമകൂടാരത്തിന്‍െറ വാ തില്‍ക്കല്‍നിന്നു പുറത്തുപോകരുത്‌. എന്തെന്നാല്‍, അഭിഷേകത്തിന്‌ ഏഴുദിവസം വേണം.
Verse 34: ഇന്നു ചെയ്‌തത്‌ കര്‍ത്താവിന്‍െറ കല്‍പനയനുസരിച്ച്‌ നിങ്ങളുടെ പാപങ്ങളുടെ പരിഹാരത്തിനുവേണ്ടിയാണ്‌.
Verse 35: ആകയാല്‍, കര്‍ത്താവിന്‍െറ കല്‍പനകള്‍ കാത്തുകൊണ്ട്‌ ഏഴുദിവസം രാവും പകലും നിങ്ങള്‍ സമാഗമകൂടാരത്തിന്‍െറ വാതില്‍ക്കല്‍ കഴിയുവിന്‍. അല്ലെങ്കില്‍, നിങ്ങള്‍ മരിക്കും. എന്തെന്നാല്‍, ഇങ്ങനെയാണ്‌ കര്‍ത്താവ്‌ എന്നോടു കല്‍പിച്ചിരിക്കുന്നത്‌.
Verse 36: മോശവഴി കര്‍ത്താവ്‌ കല്‍പിച്ചിരുന്നതെല്ലാം അഹറോനും പുത്രന്‍മാരും നിറവേറ്റി.