Verse 1: അബിമെലക്കിനുശേഷം ഇസ്രായേലിനെ രക്‌ഷിക്കാന്‍ തോല നിയുക്‌തനായി. ഇസാക്കര്‍ഗോത്രജനായ ദോദോയുടെ പുത്രന്‍ പൂവ്വാ ആയിരുന്നു ഇവന്‍െറ പിതാവ്‌.
Verse 2: അവന് എഫ്രായിം മലനാട്ടിലെ ഷാമീറില്‍ ജീവിച്ചുകൊണ്ട്‌ ഇസ്രായേലിനെ ഇരുപത്തിമൂന്നുവര്‍ഷം നയിച്ചു; മരിച്ച്‌ അവിടെത്തന്നെ അടക്കപ്പെട്ടു.
Verse 3: തുടര്‍ന്ന്‌ ഗിലയാദുകാരനായ ജായിര്‍ വന്നു. അവന് ഇസ്രായേലില്‍ ഇരുപത്തിരണ്ടു വര്‍ഷംന്യായപാലനം നടത്തി.
Verse 4: അവന് മുപ്പതു പുത്രന്‍മാരുണ്ടായിരുന്നു. അവര്‍ കഴുതപ്പുറത്ത്‌ സവാരിചെയ്‌തു. ഗിലയാദുദേശത്ത്‌ ഇന്നും ഹാവോത്ത്‌ജായിര്‍ എന്ന്‌ അറിയപ്പെടുന്ന മുപ്പതു പട്ടണങ്ങള്‍ അവരുടെ അധീനതയില്‍ ആയിരുന്നു.
Verse 5: ജായിര്‍ മരിച്ചു കാമോനില്‍ അടക്കപ്പെട്ടു.
Verse 6: ഇസ്രായേല്‍ വീണ്ടും കര്‍ത്താവിന്‍െറ മുന്‍പില്‍ തിന്‍മചെയ്‌തു. അവര്‍ ബാല്‍ദേവന്‍മാരെയും അസ്‌താര്‍ത്തെദേവതകളെയും സിറിയാ, സീദോന്‍, മൊവാബ്‌, അമ്മോന്‍, ഫിലിസ്‌ത്യാ എന്നിവിടങ്ങളിലെദേവന്‍മാരെയും സേവിച്ചു; കര്‍ത്താവിനെ അവര്‍ പരിത്യജിച്ചു; അവിടുത്തെ സേവിച്ചതുമില്ല.
Verse 7: കര്‍ത്താവിന്‍െറ കോപം ഇസ്രായേലിനെതിരേ ജ്വലിച്ചു; ഫിലിസ്‌ത്യര്‍ക്കും അമ്മോന്യര്‍ക്കും കര്‍ത്താവ്‌ അവരെ ഏല്‍പിച്ചുകൊടുത്തു.
Verse 8: ആ വര്‍ഷം അവര്‍ ഇസ്രായേല്‍മക്കളെ ക്രൂരമായി ഞെരുക്കി. ജോര്‍ദാനക്കരെ ഗിലയാദിലുള്ള അമോര്യരുടെ സ്‌ഥലത്തു വസിച്ചിരുന്ന ഇസ്രായേല്യരെ മുഴുവന്‍പതിനെട്ടു വര്‍ഷം അവര്‍ പീഡിപ്പിച്ചു.
Verse 9: അമ്മോന്യര്‍ ജോര്‍ദാന്‍ കടന്ന്‌ യൂദാ, ബഞ്ചമിന്‍, എഫ്രായിം എന്നീ ഗോത്രങ്ങളോട്‌യുദ്‌ധംചെയ്യാന്‍ വന്നു. തന്‍മൂലം, ഇസ്രായേല്‍ വലിയ ക്ലേശമനുഭവിച്ചു.
Verse 10: ഇസ്രായേല്‍ക്കാര്‍ കര്‍ത്താവിനോട്‌ നിലവിളിച്ചു പറഞ്ഞു: ഞങ്ങളുടെ ദൈവത്തെ മറന്ന്‌ ബാലിനെ സേവിച്ചതുകൊണ്ട്‌ ഞങ്ങള്‍ അങ്ങേക്കെ തിരെ പാപം ചെയ്‌തിരിക്കുന്നു.
Verse 11: കര്‍ത്താവ്‌ ഇസ്രായേല്‍ക്കാരോട്‌ ചോദിച്ചു: ഈജിപ്‌തുകാര്‍, അമോര്യര്‍, അമ്മോന്യര്‍, ഫിലിസ്‌ത്യര്‍ എന്നിവരില്‍നിന്ന്‌ ഞാന്‍ നിങ്ങളെ രക്‌ഷിച്ചില്ലേ?
Verse 12: സീദോന്യരും അമലേക്യരും മാവോന്യരും നിങ്ങളെ പീഡിപ്പിച്ചു. അപ്പോഴൊക്കെ നിങ്ങളെന്നോട്‌ നിലവിളിച്ചു.
Verse 13: ഞാന്‍ നിങ്ങളെ അവരുടെ കൈയില്‍നിന്ന്‌ മോചിപ്പിക്കുകയും ചെയ്‌തു. എങ്കിലും നിങ്ങള്‍ എന്നെ ഉപേക്‌ഷിച്ച്‌ അന്യദേവന്‍മാരെ സേവിച്ചു. അതുകൊണ്ട്‌, ഇനി ഒരിക്കലും ഞാന്‍ നിങ്ങളെ രക്‌ഷിക്കുകയില്ല.
Verse 14: പോയി നിങ്ങള്‍ തിരഞ്ഞെടുത്ത ദേവന്‍മാരോട്‌ നിലവിളിക്കുവിന്‍. കഷ്‌ടതയില്‍നിന്ന്‌ അവര്‍ നിങ്ങളെ മോചിപ്പിക്കട്ടെ. ഇസ്രായേല്‍ജനം കര്‍ത്താവിനോട്‌ പറഞ്ഞു:
Verse 15: ഞങ്ങള്‍ പാപംചെയ്‌തുപോയി! അങ്ങേക്കിഷ്‌ടമുള്ളത്‌ ഞങ്ങളോട്‌ ചെയ്‌തുകൊള്ളുക. ഇക്കുറി ഞങ്ങളെ രക്‌ഷിക്കുക എന്നുമാത്രം ഞങ്ങള്‍ പ്രാര്‍ഥിക്കുന്നു.
Verse 16: അവര്‍ അന്യദേവന്‍മാരെ തങ്ങളുടെ ഇടയില്‍നിന്ന്‌ നീക്കംചെയ്‌ത്‌ കര്‍ത്താവിനെസേവിച്ചു. ഇസ്രായേലിന്‍െറ കഷ്‌ടത കണ്ട്‌ അവിടുന്ന്‌ രോഷാകുലനായി.
Verse 17: അമ്മോന്യര്‍യുദ്‌ധത്തിനൊരുങ്ങി. ഗിലയാദില്‍ താവളമടിച്ചു;
Verse 18: ഇസ്രായേല്‍ജനം ഒന്നിച്ചുചേര്‍ന്ന്‌ മിസ്‌പായിലും താവളമടിച്ചു. ഗിലയാദിലെ നേതാക്കന്‍മാരായ ആളുകള്‍ പരസ്‌പരം പറഞ്ഞു: അമ്മോന്യരോട്‌യുദ്‌ധം ആരംഭിക്കുന്നത്‌ ആരോ അവനായിരിക്കും ഗിലയാദ്‌ നിവാസികള്‍ക്ക്‌ അധിപന്‍.