Verse 1: ഞാന്‍ നോക്കി. അതാ, കെരൂബുകളുടെ മീതേയുള്ള വിതാനത്തില്‍, അവയുടെ തലയ്‌ക്കുമുകളിലായി ഇന്‌ദ്രനീലനിര്‍മിതമായ സിംഹാസനംപോലെ എന്തോ ഒന്ന്‌.
Verse 2: അവിടുന്ന്‌ ചണവസ്‌ത്രധാരിയോട്‌ ആജ്‌ഞാപിച്ചു: നീ കെരൂബുകളുടെ കീഴിലുള്ള ചക്രങ്ങള്‍ക്കിടയിലേക്കു പോവുക. കെരൂബുകളുടെ ഇടയില്‍ നിന്നു നിന്‍െറ കൈ നിറയെ ജ്വലിക്കുന്നതീക്കനല്‍ എടുത്ത്‌ നഗരത്തിനുമീതേ വിതറുക. ഞാന്‍ നോക്കിനില്‍ക്കേ അവന്‍ പോയി.
Verse 3: അവന്‍ ഉള്ളില്‍ക്കടന്നപ്പോള്‍ കെരൂബുകള്‍ ആലയത്തിന്‍െറ തെക്കുഭാഗത്തു നില്‍ക്കുകയായിരുന്നു. അകത്തളത്തില്‍ ഒരു മേഘം നിറഞ്ഞുനിന്നു.
Verse 4: കര്‍ത്താവിന്‍െറ മഹത്വം കെരൂബുകളില്‍ നിന്ന്‌ ഉയര്‍ന്ന്‌ ആലയത്തിന്‍െറ പടിവാതില്‍ക്കലേക്കു പോയി, ആലയം മുഴുവന്‍ മേഘത്താല്‍ നിറഞ്ഞു. അങ്കണമാകെ കര്‍ത്താവിന്‍െറ മഹത്വത്തിന്‍െറ ശോഭയാല്‍ പൂരിതമായി.
Verse 5: സര്‍വശക്‌തനായ ദൈവം സംസാരിക്കു മ്പോഴുള്ള സ്വരംപോലെ കെരൂബുകളുടെ ചിറകടിശബ്‌ദം പുറത്തെ അങ്കണംവരെ കേള്‍ക്കാമായിരുന്നു.
Verse 6: അവിടുന്നു ചണവസ്‌ത്രധാരിയോടു തിരിയുന്ന ചക്രങ്ങള്‍ക്കിടയില്‍നിന്ന്‌, കെരൂബുകള്‍ക്കിടയില്‍നിന്ന്‌ അഗ്‌നിയെടുക്കുക എന്ന്‌ ആജ്‌ഞാപിച്ചപ്പോള്‍, അവന്‍ അകത്തു കടന്നു ചക്രത്തിനു സമീപം നിന്നു.
Verse 7: കെരൂബുകള്‍ക്കിടയില്‍നിന്ന്‌ ഒരു കെരൂബ്‌ തങ്ങളുടെ ഇടയിലുള്ള അഗ്‌നിയിലേക്കു കൈനീട്ടി. അതില്‍നിന്ന്‌ കുറച്ചെടുത്ത്‌ ചണവസ്‌ത്രധാരിയുടെ കൈയില്‍വച്ചു. അവന്‍ അതു വാങ്ങി പുറത്തേക്കു പോയി.
Verse 8: കെരൂബുകള്‍ക്കു ചിറകിന്‍കീഴില്‍ മനുഷ്യകരത്തിന്‍െറ രൂപത്തില്‍ എന്തോ ഒന്ന്‌ ഉള്ളതായി കാണപ്പെട്ടു.
Verse 9: ഞാന്‍ നോക്കി. അതാ, കെരൂബുകളുടെ സമീപത്തു നാലു ചക്രങ്ങള്‍, ഓരോ കെരൂബിനും സമീപത്ത്‌ ഓരോ ചക്രം. ചക്രങ്ങള്‍ വെട്ടിത്തിളങ്ങുന്ന ഗോമേദകംപോലെ.
Verse 10: നാലിനും ഒരേ രൂപമാണുണ്ടായിരുന്നത്‌. ഒരു ചക്രം മറ്റൊന്നിനുള്ളിലെന്നപോലെ കാണപ്പെട്ടു.
Verse 11: നാലുദിക്കുകളില്‍ ഏതിലേക്കും അവയ്‌ക്ക്‌ പോകാമായിരുന്നു. പോകുമ്പോള്‍ അവ ഇടംവലം തിരിയുകയില്ല. മുന്‍ചക്രത്തെ മറ്റുള്ളവ അനുഗമിച്ചു. സഞ്ചരിക്കുമ്പോള്‍ അവ ഇടംവലം തിരിഞ്ഞിരുന്നില്ല.
Verse 12: കെരൂബുകളുടെ ശരീരമാകെ - പിന്നിലും കൈകളിലും ചിറകുകളിലും ചക്രങ്ങളിലും - നിറയെ കണ്ണുകളുണ്ടായിരുന്നു.
Verse 13: ഞാന്‍ കേള്‍ക്കെത്തന്നെ ചക്രങ്ങള്‍ ചുഴലിച്ചക്രം എന്നു പേര്‍ വിളിക്കപ്പെട്ടു.
Verse 14: ഓരോന്നിനും നാലു മുഖങ്ങളുണ്ടായിരുന്നു. ഒന്നാമത്തെ മുഖം കെരൂബിന്‍േറ തുപോലെ, രണ്ടാമത്തേത്‌ മനുഷ്യന്‍േറ തുപോലെ, മൂന്നാമത്തേത്‌ സിംഹത്തിന്‍േറ തുപോലെ, നാലാമത്തേത്‌ കഴുകന്‍േറ തുപോലെ.
Verse 15: കെരൂബുകള്‍ മുകളിലേക്കുയര്‍ന്നു. കേബാര്‍ നദീതീരത്തുവച്ചു ഞാന്‍ ദര്‍ശി ച്ചജീവികള്‍തന്നെയാണ്‌ ഇവ.
Verse 16: കെരൂബുകള്‍ പോയപ്പോള്‍ ചക്രങ്ങള്‍ അവയോടു ചേര്‍ന്നുപോയി. കെരൂബുകള്‍ ഭൂമിയില്‍ നിന്നുയരാനായി ചിറകുകള്‍ പൊക്കിയപ്പോള്‍ ചക്രങ്ങള്‍ അവയില്‍നിന്നു വേര്‍പെട്ടില്ല.
Verse 17: കെരൂബുകള്‍ നിശ്‌ചലരായപ്പോള്‍ ചക്രങ്ങളും നിശ്‌ചലമായി. കെരൂബുകള്‍ ഉയര്‍ന്നപ്പോള്‍ ചക്രങ്ങളും ഒപ്പം ഉയര്‍ന്നു. കാരണം, ആ ജീവികളുടെ ആത്‌മാവ്‌ അവയിലുണ്ടായിരുന്നു.
Verse 18: കര്‍ത്താവിന്‍െറ മഹത്വം ആലയത്തിന്‍െറ പടിവാതില്‍ക്കല്‍ നിന്നു പുറപ്പെട്ട്‌ കെരൂബുകളുടെമീതേ നിന്നു.
Verse 19: ഞാന്‍ നോക്കിനില്‍ക്കേ കെരൂബുകള്‍ ചിറകുകള്‍ വിടര്‍ത്തി ഭൂമിയില്‍നിന്ന്‌ ഉയര്‍ന്നു. അവ പോയപ്പോള്‍ സമീപത്തായി ചക്രങ്ങളും ഉണ്ടായിരുന്നു. കര്‍ത്താവിന്‍െറ ആലയത്തിന്‍െറ കിഴക്കേ കവാടത്തിങ്കല്‍ അവനിന്നു. ഇസ്രായേലിന്‍െറ ദൈവത്തിന്‍െറ മഹത്വം അവയുടെ മുകളില്‍ നിലകൊണ്ടു.
Verse 20: കേബാര്‍നദീതീരത്തുവച്ച്‌ ഇസ്രായേലിന്‍െറ ദൈവത്തിന്‍െറ കീഴിലായി ഞാന്‍ കണ്ട ജീവികള്‍തന്നെയാണ്‌ ഇവ. ഇവ കെരൂബുകളാണെന്നു ഞാന്‍ മനസ്‌സിലാക്കി.
Verse 21: ഓരോന്നിനും നാലു മുഖങ്ങളും നാലു ചിറകുകകളുമുണ്ടായിരുന്നു. ചിറകുകള്‍ക്കു കീഴില്‍ മനുഷ്യകരങ്ങള്‍ക്കു സദൃശ്യമായരൂപവും.
Verse 22: കേബാര്‍നദീതീരത്തുവച്ച്‌ ഞാന്‍ കണ്ട ജീവികളുടെ മുഖത്തിന്‍െറ രൂപംതന്നെയായിരുന്നു ഇവയുടെ മുഖത്തിനും. അവ ഓരോന്നും നേരേ മുമ്പോട്ടു പോയി.