Verse 1: കര്‍ത്താവു മോശയോട്‌ അരുളിച്ചെയ്‌തു :
Verse 2: ഇസ്രായേല്‍ജനത്തോടു പറയുക, ഗോത്രത്തിന്‌ ഒന്നുവീതം എല്ലാ ഗോത്രനേതാക്കന്‍മാരിലും നിന്നു പന്ത്രണ്ടു വടി വാങ്ങി ഓരോന്നിലും പേരെഴുതുക.
Verse 3: ലേവി ഗോത്രത്തിന്‍െറ വടിയില്‍ അഹറോന്‍െറ പേരെഴുതുക. കാരണം, ഓരോ ഗോത്രത്തല വനും ഓരോ വടി ഉണ്ടായിരിക്കണം.
Verse 4: സമാഗമകൂടാരത്തില്‍ ഞാന്‍ നിങ്ങള്‍ക്കു ദര്‍ശനം അനുവദിക്കുന്ന സാക്ഷ്യപേടകത്തിനു മുമ്പില്‍ നീ അവ വയ്‌ക്കണം.
Verse 5: ഞാന്‍ തിര ഞ്ഞെടുക്കുന്നവന്‍െറ വടി തളിര്‍ക്കും. അങ്ങനെ നിങ്ങള്‍ക്കെതിരായുള്ള ഇസ്രായേല്‍ജനത്തിന്‍െറ പിറുപിറുപ്പ്‌ ഞാന്‍ അവസാനിപ്പിക്കും. മോശ ഇസ്രായേല്‍ജനത്തോടു സംസാരിച്ചു.
Verse 6: എല്ലാ ഗോത്രത്തലവന്‍മാരുംഗോത്രത്തിന്‌ ഒരു വടി എന്ന കണക്കില്‍ പന്ത്രണ്ടു വടി മോശയ്‌ക്കു കൊടുത്തു. അഹറോന്‍െറ വടി മറ്റു വടികളോടൊപ്പം ഉണ്ടായിരുന്നു.
Verse 7: സാക്ഷ്യകൂടാരത്തില്‍ കര്‍ത്താവിന്‍െറ മുമ്പില്‍ മോശ വടികള്‍ വച്ചു.
Verse 8: പിറ്റേദിവസം മോശ സാക്ഷ്യകൂടാരത്തിലേക്കു ചെന്നു. ലേവി കുടുംബത്തിനുവേണ്ടിയുള്ള അഹറോന്‍െറ വടി മുളപൊട്ടി പൂത്തു തളിര്‍ത്തു ബദാം പഴങ്ങള്‍ കായിച്ചു നിന്നു.
Verse 9: മോശ വടികള്‍ കര്‍ത്താവിന്‍െറ സന്നിധിയില്‍നിന്നെടുത്തു ജനത്തിന്‍െറ അടുത്തേക്കു കൊണ്ടുവന്നു. ഓരോരുത്തനും സ്വന്തം വടി നോക്കിയെടുത്തു.
Verse 10: കര്‍ത്താവു മോശയോട്‌ അരുളിച്ചെയ്‌തു: അവരുടെ പിറുപിറുപ്പ്‌ അവസാനിപ്പിക്കുന്നതിനും അവര്‍ മരിക്കാതിരിക്കുന്നതിനും കലഹക്കാര്‍ക്ക്‌ ഒരടയാളമായി സൂക്ഷിക്കുന്നതിനും വേണ്ടി അഹറോന്‍െറ വടി സാക്ഷ്യപേടകത്തിനുമുമ്പില്‍ വയ്‌ക്കുക.
Verse 11: മോശ അപ്രകാരം ചെയ്‌തു. കര്‍ത്താവു കല്‍പിച്ചതുപോലെ അവന്‍ പ്രവര്‍ത്തിച്ചു.
Verse 12: ഇസ്രായേല്‍ജനം മോശയോടു പറഞ്ഞു: ഇതാ ഞങ്ങള്‍ മരിക്കുന്നു; ഞങ്ങള്‍ നശിക്കുന്നു; ഒന്നൊഴിയാതെ ചത്തൊടുങ്ങുന്നു.
Verse 13: കര്‍ത്താവിന്‍െറ കൂടാരത്തെ സമീപിക്കുന്ന ഏവനും മരിക്കുന്നു; ഞങ്ങളെല്ലാവരും നശിക്കണമോ?