Verse 1: ഇസ്രായേലിനെ അനുഗ്രഹിക്കുന്നതു കര്‍ത്താവിനു പ്രസാദകരമെന്നു മനസ്സിലാക്കിയപ്പോള്‍, മുന്നവസരങ്ങളില്‍ ചെയ്‌തതുപോലെ ശകുനം നോക്കാന്‍ പോകാതെ ബാലാം മരുഭൂമിയിലേക്കു മുഖം തിരിച്ചു നിന്നു.
Verse 2: അവന്‍ കണ്ണുകളുയര്‍ത്തി; ഗോത്രങ്ങള്‍ അനുസരിച്ച്‌ ഇസ്രായേല്‍ പാളയമടിച്ചിരിക്കുന്നതു കണ്ടു. ദൈവത്തിന്‍െറ ആത്‌മാവ്‌ അവന്‍െറ മേല്‍ ആവസിച്ചു.
Verse 3: അവന്‍ പ്രവചിച്ചു പറഞ്ഞു : ബയോറിന്‍െറ മകന്‍ ബാലാമിന്‍െറ പ്രവചനം, ദര്‍ശനം ലഭിച്ചവന്‍െറ പ്രവചനം.
Verse 4: ദൈവത്തിന്‍െറ വാക്കുകള്‍ ശ്രവിച്ചവന്‍, സര്‍വശക്‌തനില്‍നിന്നു ദര്‍ശനംസിദ്‌ധിച്ചവന്‍, തുറന്ന കണ്ണുകളോടെ സമാധിയില്‍ലയിച്ചവന്‍ പ്രവചിക്കുന്നു:
Verse 5: യാക്കോബേ, നിന്‍െറ കൂടാരങ്ങള്‍എത്ര മനോഹരം! ഇസ്രായേലേ, നിന്‍െറ പാളയങ്ങളും.
Verse 6: വിശാലമായ താഴ്‌വരപോലെയാണവ; നദീതീരത്തെ ഉദ്യാനങ്ങള്‍പോലെയും, കര്‍ത്താവു നട്ട കാരകില്‍നിരപോലെയും, നീര്‍ച്ചാലിനരികെയുള്ള ദേവദാരുപോലെയും.
Verse 7: അവന്‍െറ ഭരണികളില്‍നിന്നുവെള്ളം കവിഞ്ഞൊഴുകും, വിത്തുകള്‍ക്കു സമൃദ്‌ധമായി ജലം ലഭിക്കും. അവന്‍െറ രാജാവ്‌ അഗാഗിനെക്കാള്‍ഉന്നതനായിരിക്കും. അവന്‍െറ രാജ്യം മഹത്വമണിയും.
Verse 8: ദൈവം ഈജിപ്‌തില്‍നിന്ന്‌അവനെ കൊണ്ടുവന്നു; അവനു കാട്ടുപോത്തിന്‍െറ കരുത്തുണ്ട്‌; ശത്രുജനതകളെ അവന്‍ സംഹരിക്കും; അവരുടെ അസ്‌ഥികള്‍ അവന്‍ തകര്‍ക്കും; അവന്‍െറ അസ്‌ത്രങ്ങള്‍ അവരെ പിളര്‍ക്കും.
Verse 9: സിംഹത്തെപ്പോലെയും സിംഹിയെപ്പോലെയും അവന്‍ പതുങ്ങിക്കിടക്കുന്നു. അവനെ ഉണര്‍ത്താന്‍ ആര്‍ക്കു ധൈര്യമുണ്ടാകും? നിന്നെ അനുഗ്രഹിക്കുന്നവന്‍ അനുഗൃഹീതന്‍, നിന്നെ ശപിക്കുന്നവന്‍ ശാപഗ്രസ്‌തന്‍!
Verse 10: ബാലാമിനെതിരേ ബാലാക്കിന്‍െറ കോപം ജ്വലിച്ചു. അവന്‍ കൈ കൂട്ടിയടിച്ചുകൊണ്ടു പറഞ്ഞു: എന്‍െറ ശത്രുക്കളെ ശപിക്കാന്‍ ഞാന്‍ നിന്നെ കൊണ്ടുവന്നു. എന്നാല്‍ മൂന്നു പ്രാവശ്യവും നീ അവരെ അനുഗ്രഹിച്ചിരിക്കുന്നു.
Verse 11: അതിനാല്‍ നിന്‍െറ ദേശത്തേക്ക്‌ ഓടിക്കൊള്ളുക. വലിയ ബഹുമതികള്‍ നല്‍കാമെന്നു ഞാന്‍ വാഗ്‌ദാനം ചെയ്‌തിരുന്നു. എന്നാല്‍, കര്‍ത്താവു നിനക്ക്‌ അതു നിഷേധിച്ചിരിക്കുന്നു.
Verse 12: ബാലാം അവനോടു പറഞ്ഞു:
Verse 13: നിന്‍െറ ദൂതന്‍മാരോടു ഞാന്‍ പറഞ്ഞില്ലേ, ബാലാക്‌ തന്‍െറ വീടു നിറയെ പൊന്നും വെള്ളിയും തന്നാല്‍പ്പോലും കര്‍ത്താവിന്‍െറ കല്‍പനയ്‌ക്കപ്പുറം സ്വമേധയാ നന്‍മയോ തിന്‍മയോ ചെയ്യാന്‍ എനിക്കു സാധിക്കുകയില്ല; കര്‍ത്താവ്‌ അരുളിച്ചെയ്യുന്നതെന്തോ അതു ഞാന്‍ പറയും എന്ന്‌?
Verse 14: ഇതാ എന്‍െറ ജനത്തിന്‍െറ അടുത്തേക്കു ഞാന്‍ മടങ്ങുന്നു. ഭാവിയില്‍ ഇസ്രായേല്‍ നിന്‍െറ ജനത്തോട്‌ എന്തു ചെയ്യുമെന്ന്‌ ഞാന്‍ അറിയിക്കാം :
Verse 15: ബാലാം പ്രവചനം തുടര്‍ന്നു : ബയോറിന്‍െറ മകന്‍ ബാലാമിന്‍െറ പ്രവചനം, ദര്‍ശനം ലഭിച്ചവന്‍െറ പ്രവചനം :
Verse 16: ദൈവത്തിന്‍െറ വാക്കുകള്‍ ശ്രവിച്ചവന്‍, അത്യുന്നതന്‍െറ അറിവില്‍ പങ്കുചേര്‍ന്നവന്‍, സര്‍വശക്‌തനില്‍നിന്നു ദര്‍ശനം സിദ്ധിച്ചവന്‍, തുറന്ന കണ്ണുകളോടെ സമാധിയില്‍ലയിച്ചവന്‍ പ്രവചിക്കുന്നു :
Verse 17: ഞാന്‍ അവനെ കാണുന്നു, എന്നാല്‍ ഇപ്പോഴല്ല; ഞാന്‍ അവനെ ദര്‍ശിക്കുന്നു, എന്നാല്‍ അടുത്തല്ല. യാക്കോബില്‍നിന്ന്‌ ഒരു നക്ഷത്രം ഉദിക്കും, ഇസ്രായേലില്‍നിന്ന്‌ ഒരു ചെങ്കോല്‍ ഉയരും, അതു മൊവാബിന്‍െറ നെറ്റിത്തടം തകര്‍ക്കും, ഷേത്തിന്‍െറ പുത്രന്‍മാരെസംഹരിക്കുകയും ചെയ്യും.
Verse 18: ഏദോം അന്യാധീനമാകും;ശത്രുവായ സെയിറും. ഇസ്രായേലോ സുധീരം മുന്നേറും.
Verse 19: ഭരണം നടത്താനുള്ളന്‍ യാക്കോബില്‍നിന്നു വരും; പട്ടണങ്ങളില്‍ അവശേഷിക്കുന്നവര്‍നശിപ്പിക്കപ്പെടും.
Verse 20: അവന്‍ അമലേക്കിനെ നോക്കി പ്രവചിച്ചു : അമലേക്ക്‌ ജനതകളില്‍ ഒന്നാമനായിരുന്നു; എന്നാല്‍, അവസാനം അവന്‍ പൂര്‍ണമായി നശിക്കും.
Verse 21: അവന്‍ കേന്യരെ നോക്കി പ്രവചിച്ചു : നിന്‍െറ വാസസ്‌ഥലം സുശക്‌തമാണ്‌; പാറയില്‍ നീ കൂടുവച്ചിരിക്കുന്നു.
Verse 22: എന്നാല്‍, നീ നശിച്ചുപോകും, അസ്സൂര്‍ നിന്നെ അടിമയായികൊണ്ടുപോകും.
Verse 23: ബാലാം പ്രവചനം തുടര്‍ന്നു : ഹാ, ദൈവം ഇതു ചെയ്യുമ്പോള്‍ആരു ജീവനോടിരിക്കും!
Verse 24: കിത്തിമില്‍നിന്നു കപ്പലുകള്‍ പുറപ്പെടും, അസ്സൂറിനെയും ഏബറിനെയുംപീഡിപ്പിക്കും, എന്നാല്‍, അവനും നാശമടയും.
Verse 25: ബാലാം സ്വദേശത്തേക്കു മടങ്ങി : ബാലാക്‌ തന്‍െറ വഴിക്കും പോയി.