Verse 1: കര്‍ത്താവു മോശയോട്‌ അരുളിച്ചെയ്‌തു :
Verse 2: ഇസ്രായേല്‍ ജനത്തോടു കല്‍പിക്കുക, എനിക്കു ദഹനബലികളും സുരഭിലമായ ഭോജനബലികളുംയഥാസമയം അര്‍പ്പിക്കാന്‍ നിങ്ങള്‍ ശ്രദ്ധിക്കണം.
Verse 3: നീ അവ രോടു പറയണം: നിങ്ങള്‍ ദഹനബലിക്കായി ഒരു വയസ്സുള്ള ഊനമറ്റ രണ്ട്‌ ആട്ടിന്‍കുട്ടികളെ അനുദിനം കര്‍ത്താവിന്‌ അര്‍പ്പിക്കണം.
Verse 4: ഒന്നിനെ രാവിലെയും മറ്റേതിനെ വൈകുന്നേരവും ബലിയര്‍പ്പിക്കണം.
Verse 5: കൂടാതെ, ധാന്യബലിയായി ഒരു ഹിന്നിന്‍െറ നാലിലൊന്നു ശുദ്ധമായ എണ്ണ ചേര്‍ത്ത്‌ ഒരു എഫായുടെ പത്തിലൊന്നു നേരിയ മാവ്‌ അര്‍പ്പിക്കണം.
Verse 6: കര്‍ത്താവിന്‍െറ മുമ്പില്‍ പരിമളം പരത്തുന്ന ദഹനബലിയായി സീനായ്‌ മലയില്‍വച്ചു നിര്‍ദേശിക്കപ്പെട്ട അനുദിനമുള്ള ദഹനബലിയാണിത്‌.
Verse 7: അതോടൊപ്പം ഒരാട്ടിന്‍കുട്ടിക്ക്‌ ഒരു ഹിന്നിന്‍െറ നാലിലൊന്ന്‌ എന്ന തോതില്‍ പാനീയബലിയും അര്‍പ്പിക്കണം. കര്‍ത്താവിനുള്ള പാനീയബലിയായി ലഹരിയുള്ള വീഞ്ഞ്‌ നിങ്ങള്‍ വിശുദ്ധ സ്‌ഥലത്ത്‌ ഒഴിക്കണം.
Verse 8: മറ്റേ ആട്ടിന്‍കുട്ടിയെ വൈകുന്നേരവും ബലിയര്‍പ്പിക്കണം. രാവിലത്തെ ധാന്യബലിയും അതിന്‍െറ പാനീയബലിയുംപോലെ കര്‍ത്താവിന്‍െറ മുമ്പില്‍ പരിമളം പരത്തുന്ന ദഹനബലിയായി അതിനെ അര്‍പ്പിക്കണം.
Verse 9: സാബത്തു ദിവസം ഒരു വയസ്സുള്ള ഊ നമറ്റ രണ്ട്‌ ആണ്‍ചെമ്മരിയാടുകളെയും ധാന്യബലിയായി ഒരു എഫായുടെ പത്തില്‍ രണ്ട്‌ എണ്ണ ചേര്‍ത്ത നേരിയ മാവും അതിന്‍െറ പാനീയബലിയും അര്‍പ്പിക്കണം.
Verse 10: അനുദിനമുള്ള ദഹനബലിയും അതിന്‍െറ പാനീയബലിയും കൂടാതെ സാബത്തുതോ റുമുള്ള ദഹനബലിയാണിത്‌.
Verse 11: മാസാരംഭത്തില്‍ നിങ്ങള്‍ കര്‍ത്താവിനു ദഹനബലിയായി രണ്ടു കാളകള്‍, ഒരു മുട്ടാട്‌, ഒരു വയസ്സുള്ള ഊനമറ്റ ഏഴ്‌ആണ്‍ചെമ്മരിയാടുകള്‍ എന്നിവയെ ബലി അര്‍പ്പിക്കണം.
Verse 12: അതിനോടൊപ്പം ധാന്യബലിയായി കാളയൊന്നിന്‌ ഒരു എഫായുടെ പത്തില്‍ മൂന്നും, മുട്ടാടിന്‌ പത്തില്‍ രണ്ടും,
Verse 13: ആട്ടിന്‍കുട്ടിയൊന്നിന്‌ പത്തിലൊന്നും നേരിയ മാവ്‌ എണ്ണ ചേര്‍ത്ത്‌ അര്‍പ്പിക്കണം. കര്‍ത്താവിന്‍െറ മുമ്പില്‍ പരിമളം പരത്തുന്ന ദഹനബലിയാണിത്‌.
Verse 14: അവയുടെ പാനീയബലി കാളയൊന്നിന്‌ അര ഹിന്‍, മുട്ടാടിന്‌ മൂന്നിലൊന്നു ഹിന്‍, ആട്ടിന്‍കുട്ടിയൊന്നിന്‌ കാല്‍ ഹിന്‍ എന്ന തോതിലായിരിക്കണം. വര്‍ഷംതോറും ഓരോ മാസവും അര്‍പ്പിക്കാനുള്ള ദഹനബലിയാണിത്‌.
Verse 15: അനുദിന ദഹനബലിക്കും അതിന്‍െറ പാനീയബലിക്കും പുറമേ പാപപഹിഹാര ബലിയായി ഒരു കോലാട്ടിന്‍മുട്ടനെ കര്‍ത്താവിന്‌ അര്‍പ്പിക്കണം.
Verse 16: ഒന്നാംമാസം പതിനാലാംദിവസം കര്‍ത്താവിന്‍െറ പെസഹാ ആണ്‌.
Verse 17: ആ മാസം പതിനഞ്ചാം ദിവസം ഉത്‌സവദിനമാണ്‌. ഏഴു ദിവസം പുളിപ്പില്ലാത്ത അപ്പം ഭക്‌ഷിക്കണം.
Verse 18: ഒന്നാം ദിവസം വിശുദ്ധ സമ്മേളനം ഉണ്ടായിരിക്കണം; ആദിവസം ശ്രമകരമായ ജോലിയൊന്നും ചെയ്യരുത്‌.
Verse 19: കര്‍ത്താവിനു ദഹനബലിയായി രണ്ടു കാളക്കുട്ടികളെയും ഒരു മുട്ടാടിനെയും ഒരു വയസ്സുള്ള ഏഴ്‌ആട്ടിന്‍കുട്ടികളെയും അര്‍പ്പിക്കണം; അവ ഊനമറ്റവ ആയിരിക്കണം.
Verse 20: അവയുടെ ധാന്യബലിയായി എണ്ണ ചേര്‍ത്ത നേരിയ മാവ്‌, കാളയൊന്നിന്‌ ഒരു എഫായുടെ പത്തില്‍ മൂന്നും മുട്ടാടിന്‌ പത്തില്‍ രണ്ടും,
Verse 21: ഏഴ്‌ആട്ടിന്‍കുട്ടികളില്‍ ഓരോന്നിനും പത്തില്‍ ഒന്ന്‌ എന്ന തോതില്‍ അര്‍പ്പിക്കണം.
Verse 22: കൂടാതെ, നിങ്ങള്‍ക്കുവേണ്ടി പരിഹാരമനുഷ്‌ഠിക്കുന്നതിന്‌ ഒരു കോലാട്ടിന്‍മുട്ടനെ പാപപരിഹാരബലിയായും അര്‍പ്പിക്കണം.
Verse 23: പ്രഭാതത്തിലെ അനുദിന ദഹനബലിക്കു പുറമേ ഇവയെല്ലാം നിങ്ങള്‍ അര്‍പ്പിക്കണം.
Verse 24: അതുപോലെ തന്നെ, ഏഴു ദിവസവും കര്‍ത്താവിന്‍െറ മുമ്പില്‍ പരിമളം പരത്തുന്ന ദഹനബലിയോടുകൂടെ ധാന്യബലിയും അര്‍പ്പിക്കണം. അത്‌ അനുദിന ദഹനബലിക്കും അതിന്‍െറ പാനീയ ബലിക്കും പുറമേയാണ്‌.
Verse 25: ഏഴാം ദിവസം വിശുദ്ധ സമ്മേളനം ഉണ്ടായിരിക്കണം; അന്നു ശ്രമകരമായ ജോലിയൊന്നും ചെയ്യരുത്‌.
Verse 26: വാരോത്‌സവത്തില്‍, കര്‍ത്താവിനു നവധാന്യബലിയായി പ്രഥമ ഫലങ്ങള്‍ അര്‍പ്പിക്കുന്ന ദിവസം വിശുദ്ധ സമ്മേളനം ഉണ്ടായിരിക്കണം. അന്നു ശ്രമകരമായ ജോലിയൊന്നും ചെയ്യരുത്‌.
Verse 27: കര്‍ത്താവിന്‍െറ മുമ്പില്‍ പരിമളം പരത്തുന്ന ദഹനബലിയായി രണ്ടു കാളക്കുട്ടികളെയും ഒരു മുട്ടാടിനെയും, ഒരു വയസ്സുള്ള ഏഴ്‌ആണ്‍ചെമ്മരിയാടുകളെയും അര്‍പ്പിക്കണം.
Verse 28: അവയുടെ കൂടെ ധാന്യബലിയായി എണ്ണ ചേര്‍ത്ത നേരിയ മാവ്‌ കാളക്കുട്ടിയൊന്നിന്‌ ഒരു എഫായുടെ പത്തില്‍ മൂന്ന്‌, മുട്ടാടിനു പത്തില്‍ രണ്ട്‌,
Verse 29: ആട്ടിന്‍കുട്ടിയൊന്നിന്‌ പത്തിലൊന്ന്‌ എന്ന തോതില്‍ അര്‍പ്പിക്കണം.
Verse 30: നിങ്ങള്‍ക്കുവേണ്ടി പ്രായശ്‌ചിത്തമനുഷ്‌ഠിക്കുന്നതിന്‌ ഒരു കോലാട്ടിന്‍മുട്ടനെ അര്‍പ്പിക്കണം.
Verse 31: അനുദിന ദഹനബലിക്കും അവയുടെ ധാന്യബലിക്കും പുറമേ ഇവയും ഇവയുടെ പാനീയബലിയും നിങ്ങള്‍ അര്‍പ്പിക്കണം. അവ ഊനമറ്റവയായിരിക്കാന്‍ പ്രത്യേകം ശ്രദ്ധിക്കണം.