Verse 1: റൂബന്‍െറയും ഗാദിന്‍െറയും സന്തതികള്‍ക്കു വളരെയേറെആടുമാടുകളുണ്ടായിരുന്നു. യാസേര്‍, ഗിലയാദ്‌ എന്നീ ദേശങ്ങള്‍ നല്ല മേച്ചില്‍ സ്‌ഥലമാണെന്ന്‌ അവര്‍ കണ്ടു.
Verse 2: അതിനാല്‍ അവര്‍ മോശയോടും പുരോഹിതനായ എലെയാസറിനോടും സമൂഹത്തിലെ നേതാക്കളോടും പറഞ്ഞു:
Verse 3: അത്താരോത്ത്‌, ദീബോന്‍, യാസേര്‍, നിമ്രാ, ഹെഷ്‌ബോ ണ്‍, എലെയാലെ,
Verse 4: സെബാം, നെബോ, ബയോണ്‍ എന്നിങ്ങനെ കര്‍ത്താവ്‌ ഇസ്രായേല്‍ സമൂഹത്തിന്‍െറ മുമ്പാകെ കീഴടക്കിയ ദേശം മേച്ചില്‍സ്‌ഥലമാണ്‌. ഈ ദാസര്‍ക്ക്‌ ആടുമാടുകള്‍ ഉണ്ടുതാനും.
Verse 5: ഞങ്ങളില്‍ സംപ്രീതനെങ്കില്‍ ഈ പ്രദേശം ഞങ്ങള്‍ക്ക്‌ അവകാശമായി തന്നാലും: ഞങ്ങളെ ജോര്‍ദാന്‍െറ മറുകരയിലേക്കു കൊണ്ടുപോകരുതേ!
Verse 6: മോശ ഗാദിന്‍െറയും റൂബന്‍േറ യും സന്തതികളോടു പറഞ്ഞു: സഹോദരന്‍മാര്‍യുദ്‌ധത്തിനു പോകുമ്പോള്‍ നിങ്ങള്‍ ഇവിടെ ഇരിക്കുകയോ?
Verse 7: കര്‍ത്താവ്‌ ഇസ്രായേല്‍ ജനത്തിനു നല്‍കിയിരിക്കുന്ന നാട്ടില്‍ കടക്കുന്നതില്‍ നിങ്ങള്‍ അവരെ നിരുത്‌സാഹരാക്കുന്നതെന്തുകൊണ്ട്‌?
Verse 8: നാട്‌ ഒറ്റുനോക്കാന്‍ കാദെഷ്‌ബര്‍ണയായില്‍നിന്നു നിങ്ങളുടെ പിതാക്കന്‍മാരെ ഞാനയച്ചപ്പോള്‍ അവരും ഇപ്രകാരംതന്നെ ചെയ്‌തു.
Verse 9: അവര്‍ എഷ്‌ക്കോള്‍ താഴ്‌വരയോളം ചെന്നു നാടു കണ്ടതിനുശേഷം, കര്‍ത്താവ്‌ ഇസ്രായേല്‍ ജനത്തിനു നല്‍കിയിരുന്ന നാട്ടിലേക്കു പോകുന്നതില്‍ അവരെ നിരുത്‌സാഹരാക്കി.
Verse 10: അന്നു കര്‍ത്താവിന്‍െറ കോപം ജ്വലിച്ചു. അവിടുന്നു ശപഥപൂര്‍വം അരുളിച്ചെയ്‌തു :
Verse 11: ഈജിപ്‌തില്‍നിന്നു പുറപ്പെട്ടവരില്‍ ഇരുപതും അതിനുമേലും വയസ്സുള്ളവരില്‍ ആരും, അബ്രാഹത്തിനും ഇസഹാക്കിനും യാക്കോബിനും ഞാന്‍ വാഗ്‌ദാനം ചെയ്‌ത ഭൂമി കാണുകയില്ല.
Verse 12: എന്തുകൊണ്ടെന്നാല്‍ അവര്‍ എന്നെ പൂര്‍ണമായി അനുസരിച്ചില്ല. എന്നാല്‍, കെനീസിയക്കാരനായ യഫുന്നയുടെ മകന്‍ കാലെബും നൂനിന്‍െറ മകന്‍ ജോഷ്വയും അവിടെ പ്രവേശിക്കും. കാരണം, അവര്‍ കര്‍ത്താവിനെ പൂര്‍ണമായി അനുസരിച്ചു.
Verse 13: കര്‍ത്താവിന്‍െറ കോപം ഇസ്രായേലിനെ തിരേ ജ്വലിച്ചു; അവിടുത്തെ മുമ്പില്‍ തിന്‍മ പ്രവര്‍ത്തി ച്ചതലമുറനിശ്‌ശേഷം നശിക്കുന്നതുവരെ മരുഭൂമിയിലൂടെ നാല്‍പതുവര്‍ഷം അലഞ്ഞുതിരിയാന്‍ ഇടയാക്കുകയുംചെയ്‌തു.
Verse 14: ഇസ്രായേലിനെതിരേ കര്‍ത്താവിന്‍െറ കോപം ഇനിയും ഉഗ്രമാകാന്‍തക്ക വണ്ണം നിങ്ങളുടെ പിതാക്കന്‍മാരുടെ സ്‌ഥാനത്തു പാപികളുടെ ഗണമായി നിങ്ങള്‍ ഉയര്‍ന്നിരിക്കുന്നു.
Verse 15: എന്തെന്നാല്‍, അവിടുത്തെ അനുഗമിക്കുന്നതില്‍നിന്നു നിങ്ങള്‍ വ്യതിചലിച്ചാല്‍ അവിടുന്നു വീണ്ടും അവരെ മരുഭൂമിയില്‍ ഉപേക്‌ഷിക്കും. അങ്ങനെ ജനത്തെ മുഴുവന്‍ നിങ്ങള്‍ നശിപ്പിക്കും.
Verse 16: അപ്പോള്‍ അവര്‍ മോശയോടു പറഞ്ഞു: ഞങ്ങള്‍ ഇവിടെ ഞങ്ങളുടെ ആടുമാടുകള്‍ക്കുവേണ്ടി ആലകളും കുട്ടികള്‍ക്കുവേണ്ടി പട്ടണങ്ങളും പണിയട്ടെ.
Verse 17: എന്നാല്‍, ഇസ്രായേല്‍ ജനത്തെ ലക്‌ഷ്യത്തിലെത്തിക്കുന്നതുവരെ ഞങ്ങള്‍ ആയുധമേന്തിയുദ്‌ധത്തിനൊരുങ്ങി അവര്‍ക്കുമുമ്പേപോകാം. തത്‌സമയം ഞങ്ങളുടെ കുഞ്ഞുങ്ങള്‍ക്ക്‌ ഈ ദേശവാസികളുടെ ആക്രമണത്തെ ഭയപ്പെടാതെ കോട്ടയാല്‍ സുരക്ഷിതമായ പട്ടണങ്ങളില്‍ വസിക്കുകയും ചെയ്യാം.
Verse 18: ഇസ്രായേല്യരെല്ലാം താന്താങ്ങളുടെ അവകാശം കൈവശമാക്കുന്നതുവരെ ഞങ്ങള്‍ ഞങ്ങളുടെ വീടുകളിലേക്കു മടങ്ങുകയില്ല.
Verse 19: ജോര്‍ദാന്‍െറ മറുകരയും അതിനപ്പുറവും അവരോടൊപ്പം ഞങ്ങള്‍ ഭൂമി അവകാശമാക്കുകയില്ല. കിഴക്കു ജോര്‍ദാനിക്കരെ ഞങ്ങള്‍ക്ക്‌ അവകാശം ലഭിച്ചിട്ടുണ്ടല്ലോ.
Verse 20: മോശ പറഞ്ഞു: കര്‍ത്താവിന്‍െറ മുമ്പില്‍യുദ്‌ധത്തിനു പോകാന്‍ ആയുധവുമണിഞ്ഞ്‌,
Verse 21: അവിടുന്നു ശത്രുക്കളെയെല്ലാം ഓടിച്ചു ദേശം കീഴടക്കുന്നതുവരെ, നിങ്ങളില്‍യുദ്‌ധശേഷിയുള്ളവരെല്ലാം അവിടുത്തെ മുമ്പില്‍ ജോര്‍ദാന്‍െറ മറുകരയിലേക്കു പോകുമെങ്കില്‍,
Verse 22: ദേശം കര്‍ത്താവിന്‍െറ മുമ്പില്‍ കീഴടങ്ങിക്കഴിയുമ്പോള്‍ നിങ്ങള്‍ക്കു മടങ്ങിപ്പോകാം. അപ്പോള്‍ നിങ്ങള്‍ കര്‍ത്താവിന്‍െറയും ഇസ്രായേലിന്‍െറയും മുമ്പില്‍ കുറ്റമില്ലാത്തവരായിരിക്കും; ഈ ദേശം കര്‍ത്താവിന്‍െറ മുമ്പില്‍ നിങ്ങളുടെ അവകാശമായിരിക്കുകയും ചെയ്യും.
Verse 23: അങ്ങനെ ചെയ്യുന്നില്ലെങ്കില്‍ കര്‍ത്താവിനെതിരായി നിങ്ങള്‍ പാപം ചെയ്യും. നിങ്ങളുടെ പാപം നിങ്ങളെ വേട്ടയാടുമെന്ന്‌ അറിഞ്ഞുകൊള്ളുക.
Verse 24: നിങ്ങളുടെ കുട്ടികള്‍ക്കായി പട്ടണങ്ങളും ആടുകള്‍ക്ക്‌ ആലകളും പണിയുവിന്‍; നിങ്ങള്‍ ചെയ്‌ത വാഗ്‌ദാനം നിറവേറ്റുകയും വേണം.
Verse 25: ഗാദിന്‍െറയും റൂബന്‍െറയും ഗോത്രങ്ങള്‍ മോശയോടു പറഞ്ഞു: അങ്ങു കല്‍പിക്കുന്നതുപോലെ ഈ ദാസന്‍മാര്‍ ചെയ്‌തുകൊള്ളാം.
Verse 26: ഞങ്ങളുടെ കുട്ടികളും ഭാര്യമാരും ആടുമാടുകളും ഗിലയാദിലെ പട്ടണങ്ങളില്‍ തങ്ങട്ടെ.
Verse 27: ഈ ദാസന്‍മാര്‍ അങ്ങു കല്‍പിക്കുന്നതുപോലെ ആയുധമേന്തിയുദ്‌ധത്തിനായി കര്‍ത്താവിന്‍െറ മുമ്പില്‍ പോകാം.
Verse 28: മോശ അവരെക്കുറിച്ചു പുരോഹിതനായ എലെയാസറിനോടും നൂനിന്‍െറ പുത്രന്‍ ജോഷ്വയോടും ഇസ്രായേല്‍ ഗോത്രങ്ങളുടെ ശ്രഷ്‌ഠന്‍മാരോടും പറഞ്ഞു:
Verse 29: ഗാദിന്‍െറയും റൂബന്‍െറയും പുത്രന്‍മാര്‍ ആയുധധാരികളായിയുദ്‌ധംചെയ്യാന്‍ നിങ്ങളോടൊപ്പം ജോര്‍ദാന്‍ കടന്നു കര്‍ത്താവിന്‍െറ മുമ്പില്‍ പോകുകയും നിങ്ങള്‍ക്കുവേണ്ടി ദേശം കീഴടക്കുകയും ചെയ്‌താല്‍, ഗിലയാദുദേശം അവര്‍ക്ക്‌ അവകാശമായി കൊടുക്കണം.
Verse 30: എന്നാല്‍, അവര്‍ നിങ്ങളോടൊപ്പംയുദ്‌ധ സന്നദ്‌ധരായി വരുന്നില്ലെങ്കില്‍ കാനാന്‍ദേശത്തു നിങ്ങളുടെ ഇടയില്‍ ആയിരിക്കട്ടെ അവര്‍ക്ക്‌ അവകാശം.
Verse 31: ഗാദിന്‍െറയും റൂബന്‍െറയും സന്തതികള്‍ പറഞ്ഞു: കര്‍ത്താവ്‌ അരുളിച്ചെയ്‌തതുപോലെ ഈ ദാസര്‍ പ്രവര്‍ത്തിച്ചുകൊള്ളാം.
Verse 32: ജോര്‍ദാനിക്കരെ ഞങ്ങള്‍ കൈവശമാക്കിയ പ്രദേശം ഞങ്ങളുടേതാകേണ്ടതിന്‌ ആയുധധാരികളായി ഞങ്ങള്‍ കര്‍ത്താവിന്‍െറ മുമ്പില്‍ കാനാനിലേക്കു പോകാം.
Verse 33: അമോര്യരാജാവായ സീഹോന്‍െറയും ബാഷാന്‍രാജാവായ ഓഗിന്‍െറയും രാജ്യങ്ങളടങ്ങുന്ന പ്രദേശം മുഴുവനും അതിലുള്ള പട്ടണങ്ങളും ഗാദിന്‍െറയും റൂബന്‍െറയും ഗോത്രങ്ങള്‍ക്കും ജോസഫിന്‍െറ പുത്രനായ മനാസ്സെയുടെ അര്‍ധഗോത്രത്തിനുമായി മോശ നല്‍കി.
Verse 34: ഗാദിന്‍െറ ഗോത്രക്കാര്‍ ദീബോന്‍,
Verse 35: അത്താരോത്ത്‌, അരോവേര്‍, അത്രാത്ത്‌ഷോഫാന്‍,
Verse 36: യാസേര്‍, യോഗ്‌ബഹാ, ബേത്‌നിമ്രാ, ബേത്‌ഹാരന്‍ എന്നീ പട്ടണങ്ങളും ആടുകള്‍ക്കുള്ള ആല കളും പണിതു; പട്ടണങ്ങള്‍ മതിലുകെട്ടി ഉറപ്പിച്ചു.
Verse 37: റൂബന്‍െറ ഗോത്രക്കാര്‍ ഹെഷ്‌ബോണ്‍, എലെയാലെ, കിര്യാത്തായിം,
Verse 38: പിന്നീടു പേരു മാറ്റിയ നെബോ, ബാല്‍മെയോണ്‍ എന്നീ പട്ടണങ്ങളും സിബ്‌മാ പട്ടണവും പണിതു. അവര്‍ പണിത പട്ടണങ്ങള്‍ക്കു വേറെപേരുകള്‍ നല്‍കി.
Verse 39: മനാസ്സെയുടെ മകനായ മാഖീറിന്‍െറ പുത്രന്‍മാര്‍ ഗിലയാദ്‌ കീഴടക്കി; അവിടെയുണ്ടായിരുന്ന അമോര്യരെ ഓടിച്ചുകളഞ്ഞു.
Verse 40: മനാസ്സെയുടെ മകനായ മാഖീറിന്‌ മോശ ഗിലയാദ്‌ കൊടുത്തു; അവന്‍ അവിടെ താമസിച്ചു.
Verse 41: മനാസ്സെയുടെ പുത്രന്‍യായീര്‍ പിടിച്ചടക്കിയ ഗിലയാദ്‌ ഗ്രാമങ്ങള്‍ക്കു ഹഋാേത്ത്‌-യായീര്‍ എന്ന്‌ അവന്‍ പേരിട്ടു.
Verse 42: കെനാത്തും അ തിന്‍െറ ഗ്രാമങ്ങളും നോബഹ്‌ പിടിച്ചടക്കി; അവന്‍ തന്‍െറ പേരനുസരിച്ച്‌ അതിനെ നോബഹ്‌ എന്നു വിളിച്ചു.