Verse 1: ഇമ്മെറിന്‍െറ മകനും ദേവാലയത്തിലെ പ്രധാന മേല്‍വിചാരിപ്പുകാരനുമായ പാഷൂര്‍ എന്ന പുരോഹിതന്‍ ജറെമിയാ പ്രവചിക്കുന്നതു കേട്ടു.
Verse 2: അവന്‍ ജറെമിയാ പ്രവാചകനെ അടിച്ചിട്ട്‌ ദേവാലയത്തിലേക്കുള്ള മുകളിലെ ബഞ്ചമിന്‍കവാടത്തില്‍ ഒരു മുക്കാലിയില്‍ കെട്ടിയിട്ടു.
Verse 3: പിറ്റേദിവസം പാഷൂര്‍ ജറെമിയായെ അഴിച്ചുവിട്ടു. അപ്പോള്‍ ജറെമിയാ അവനോടു പറഞ്ഞു: കര്‍ത്താവ്‌ നിന്നെ വിളിക്കുന്നത്‌ പാഷൂര്‍ എന്നല്ല, സര്‍വത്ര ഭീതി എന്നാണ്‌.
Verse 4: കര്‍ത്താവ്‌ അരുളിച്ചെയ്യുന്നു: ഞാന്‍ നിന്നെ നിനക്കുതന്നെയും നിന്‍െറ സകല സുഹൃത്തുക്കള്‍ക്കും ഭീതിയാക്കിത്തീര്‍ക്കും. നിന്‍െറ കണ്‍മുന്‍പില്‍വച്ച്‌ അവര്‍ ശത്രുക്കളുടെ വാളിനിരയാകും. യൂദാ മുഴുവനെയും ഞാന്‍ ബാബിലോണ്‍ രാജാവിന്‍െറ കൈകളിലേല്‍പിക്കും. അവന്‍ അവരെ തടവുകാരാക്കി ബാബിലോണിലേക്കു കൊണ്ടുപോയി വാളുകൊണ്ടു വധിക്കും.
Verse 5: നഗരത്തിലെ സര്‍വസമ്പത്തും ആദായവും വില പിടിപ്പുള്ള സകല വസ്‌തുക്കളും യൂദാരാജാക്കന്‍മാരുടെ സമസ്‌ത നിക്‌ഷേപങ്ങളുംഅവരുടെ ശത്രുക്കള്‍ക്കു ഞാന്‍ കൊടുക്കും. ശത്രുക്കള്‍ അവ കൊള്ളയടിച്ച്‌ ബാബിലോണിലേക്കു കൊണ്ടുപോകും.
Verse 6: പാഷൂര്‍, നീയും നിന്‍െറ കുടുംബവും ബാബിലോണിലേക്കു നാടുകടത്തപ്പെടും. അവിടെവച്ചു നീയും നിന്‍െറ വ്യാജപ്രവചനം ശ്രവി ച്ചനിന്‍െറ കൂട്ടുകാരെല്ലാവരും മരിച്ചു മണ്ണടിയും.
Verse 7: കര്‍ത്താവേ, അങ്ങ്‌ എന്നെ വഞ്ചിച്ചിരിക്കുന്നു; ഞാന്‍ വഞ്ചിതനായി. അങ്ങ്‌ എന്നേക്കാള്‍ ശക്‌തനാണ്‌. അങ്ങ്‌ വിജയിച്ചിരിക്കുന്നു. ദിവസം മുഴുവന്‍ ഞാന്‍ പരിഹാസ പാത്രമായി. എല്ലാവരും എന്നെ അപഹസിക്കുന്നു.
Verse 8: വായ്‌ തുറക്കുമ്പോഴൊക്കെ അക്രമം, നാശം എന്നാണു ഞാന്‍ വിളിച്ചുപറയുന്നത്‌. കര്‍ത്താവിന്‍െറ വചനം എനിക്ക്‌ ഇടവിടാത്തനിന്‌ദനത്തിനും പരിഹാസത്തിനും ഹേതുവായിരിക്കുന്നു.
Verse 9: അവിടുത്തെപ്പറ്റി ഞാന്‍ ചിന്തിക്കുകയില്ല, അവിടുത്തെനാമത്തില്‍ മേലില്‍ സംസാരിക്കുകയില്ല എന്നു ഞാന്‍ പറഞ്ഞു. എന്നാല്‍ ഹൃദയത്തെ ദഹിപ്പിക്കുന്ന അഗ്‌നി എന്‍െറ അസ്‌ഥികള്‍ക്കുള്ളില്‍ അടച്ചിട്ടിരിക്കുന്നതുപോലെ എനിക്കനുഭവപ്പെട്ടു. അതിനെ അടക്കാന്‍ ശ്രമിച്ചു ഞാന്‍ തളര്‍ന്നു; എനിക്കു സാധിക്കുന്നില്ല.
Verse 10: പലരും അടക്കംപറയുന്നതു ഞാന്‍ കേള്‍ക്കുന്നു: സര്‍വത്ര ഭീതി! അവനെതിരേ ആരോപണം നടത്തുക, നമുക്ക്‌ അവനെതിരേ കുറ്റാരോപണം നടത്താം. എന്‍െറ കൂട്ടുകാരായിരുന്നവര്‍ ഞാന്‍ വീഴുന്നതു കാണാന്‍ കാത്തിരിക്കുകയാണ്‌. അവനു വഴിതെറ്റിയേക്കാം. അപ്പോള്‍ നമുക്ക്‌ അവന്‍െറ മേല്‍ വിജയം നേടാം; പ്രതികാരം നടത്തുകയും ചെയ്യാം.
Verse 11: എന്നാല്‍ വീരയോദ്‌ധാവിനെപ്പോലെ കര്‍ത്താവ്‌ എന്‍െറ പക്‌ഷത്തുണ്ട്‌. അതിനാല്‍ എന്‍െറ പീഡകര്‍ക്കു കാലിടറും. അവര്‍ എന്‍െറ മേല്‍ വിജയം വരിക്കുകയില്ല. വിജയിക്കാതെവരുമ്പോള്‍ അവര്‍ വല്ലാതെ ലജ്‌ജിക്കും. അവര്‍ക്കുണ്ടാകുന്ന നിത്യമായ അവമാനം ഒരിക്കലും വിസ്‌മരിക്കപ്പെടുകയില്ല.
Verse 12: സൈന്യങ്ങളുടെ കര്‍ത്താവേ, നീതിമാനെ പരിശോധിക്കുകയും ഹൃദയവും മനസ്‌സും കാണുകയും ചെയ്യുന്നവനേ, അങ്ങ്‌ അവരോടു പ്രതികാരം ചെയ്യുന്നതു കാണാന്‍ എന്നെ അനുവദിക്കണമേ. അങ്ങിലാണല്ലോ ഞാന്‍ ആശ്രയിക്കുന്നത്‌.
Verse 13: കര്‍ത്താവിനു കീര്‍ത്തനം പാടുവിന്‍; അവിടുത്തെ സ്‌തുതിക്കുവിന്‍. എന്തെന്നാല്‍, ദുഷ്‌ടരുടെ കൈയില്‍നിന്ന്‌ ദരിദ്രരുടെ ജീവനെ അവിടുന്ന്‌ രക്‌ഷിച്ചു.
Verse 14: ഞാന്‍ പിറന്ന ദിവസം ശപിക്കപ്പെട്ടതാകട്ടെ; എന്‍െറ അമ്മഎന്നെ പ്രസവി ച്ചദിവസം അനുഗ്രഹിക്കപ്പെടാതിരിക്കട്ടെ.
Verse 15: എന്‍െറ പിതാവിന്‍െറ അടുക്കല്‍ ചെന്ന്‌ നിനക്ക്‌ ഒരു പുത്രന്‍ ജനിച്ചിരിക്കുന്നു എന്ന വാര്‍ത്ത അറിയിച്ച്‌ അവനെ സന്തോഷിപ്പിച്ചവന്‍ ശപിക്കപ്പെട്ടവനാകട്ടെ.
Verse 16: കര്‍ത്താവ്‌ നിര്‍ദയം നശിപ്പി ച്ചപട്ടണംപോലെയാകട്ടെ അവന്‍ . രാവിലെ നിലവിളിയും ഉച്ചയ്‌ക്കു പോര്‍വിളിയും അവനു കേള്‍ക്കാനിടവരട്ടെ.
Verse 17: എന്തുകൊണ്ട്‌ അവന്‍ എന്നെ പിറക്കുന്നതിനുമുന്‍പു കൊന്നില്ല? എന്‍െറ അമ്മയുടെ ഉദരം എന്നേക്കും എന്‍െറ ശവകുടീരമാകുമായിരുന്നു.
Verse 18: എന്തിനാണ്‌ ഞാന്‍ ഉദരത്തില്‍നിന്നു പുറത്തുവന്നത്‌? അധ്വാനവും സങ്കടവും കാണാനോ? എന്‍െറ ദിനങ്ങള്‍ അവമാനത്തില്‍ കഴിച്ചുകൂട്ടുന്നതിനോ?