Verse 1: കര്‍ത്താവ്‌ ജനതകള്‍ക്കെതിരേ ജറെമിയാ പ്രവാചകനോട്‌ അരുളിച്ചെയ്‌ത വചനങ്ങള്‍, ഈജിപ്‌തിനെക്കുറിച്ച്‌:
Verse 2: ജോസിയായുടെ മകനും യൂദാരാജാവുമായയഹോയാക്കിമിന്‍െറ നാലാംഭരണവര്‍ഷം ബാബിലോണ്‍രാജാവ്‌ നബുക്കദ്‌നേസര്‍യൂഫ്രട്ടീ സ്‌ നദീതീരത്തെ കര്‍ക്കെമിഷില്‍വച്ച്‌ തോല്‍പി ച്ചഈജിപ്‌തിലെ ഫറവോ ആയ നെക്കോയുടെ സൈന്യത്തിനെതിരേയുള്ള പ്രവചനം:
Verse 3: പടച്ചട്ടയും പരിചയും ധരിച്ച്‌യുദ്‌ധസന്ന ദ്‌ധരായി മുന്നേറുവിന്‍.
Verse 4: അശ്വസൈന്യമേ, കുതിരകള്‍ക്കു കോപ്പിട്ട്‌ ജീനിമേല്‍ ഇരിപ്പുറപ്പിക്കുവിന്‍. നിങ്ങള്‍ പടത്തൊപ്പി ധരിച്ച്‌ അണിനിരക്കുവിന്‍. കുന്തം മിനുക്കുവിന്‍. ഉരസ്‌ത്രാണം അണിയുവിന്‍. എന്താണ്‌ ഈ കാണുന്നത്‌?
Verse 5: അവര്‍ പരിഭ്രാന്തരായി പിന്‍വാങ്ങുന്നു. പടയില്‍ തോറ്റ അവരുടെ വീരന്‍മാര്‍ തിരിഞ്ഞുനോക്കാതെ തിടുക്കത്തില്‍ ഓടുന്നു. സംഭീതിയാണെവിടെയും - കര്‍ത്താവ്‌ അരുളിച്ചെയ്യുന്നു.
Verse 6: വേഗമേറിയവന്‌ ഓടിയകലാനോ പടയാളിക്കു രക്‌ഷപെടാനോ സാധിക്കുന്നില്ല. വടക്ക്‌യൂഫ്രട്ടീസ്‌തീരത്ത്‌ അവര്‍ കാലിടറി വീണിരിക്കുന്നു.
Verse 7: നൈലിനെപ്പോലെ ഉയരുകയും കൂലം തകര്‍ക്കുന്നപ്രവാഹംപോലെ ഇരമ്പിക്കയറുകയും ചെയ്യുന്ന ഇവന്‍ ആര്‌?
Verse 8: നൈല്‍കണക്കെ ഈജിപ്‌ത്‌ ഉയര്‍ന്നുവരുന്നു; കൂലം തകര്‍ക്കുന്ന പ്രവാഹംപോലെ തിരയടിച്ചുയരുന്നു. അവന്‍ പറഞ്ഞു: ഞാന്‍ ഉയര്‍ന്ന്‌ ഭൂമിയെ മൂടും. നഗരങ്ങളെയും നഗരനിവാസികളെയും ഞാന്‍ നശിപ്പിക്കും.
Verse 9: കുതിരകളെ, മുന്നോട്ട്‌! രഥങ്ങളേ, ഇരച്ചു കയറൂ! പടയാളികള്‍ മുന്നേറട്ടെ. പരിചയേന്തിയ എത്യോപ്യാക്കാരും പുത്തുകാരും വില്ലാളി വീരന്‍മാരായ ലിദിയാക്കാരും മുന്നേറട്ടെ.
Verse 10: സൈന്യങ്ങളുടെദൈവമായ കര്‍ത്താവിന്‍െറ ദിനമാണിത്‌ -പ്രതികാരത്തിന്‍െറ ദിനം! ശത്രുക്കളോടു പകവീട്ടുന്ന ദിനം! അവരെ സംഹരിച്ച്‌ വാളിനു മതിവരും; അവരുടെ രക്‌തം തൃപ്‌തിയാവോളം കുടിക്കും. ഉത്തരദിക്കില്‍യൂഫ്രട്ടീസ്‌ തീരത്ത്‌ സൈന്യങ്ങളുടെ ദൈവമായ കര്‍ത്താവ്‌ ഒരുയാഗം അര്‍പ്പിക്കുന്നു.
Verse 11: ഈജിപ്‌തിന്‍െറ കന്യകയായ പുത്രീ, ഗിലയാദിലേക്കു പോകൂ, തൈലം കൈയിലെടുക്കൂ. നീ അനവധി ഒൗഷധങ്ങള്‍ ഉപയോഗിച്ചു; എല്ലാം പാഴായിപ്പോയി. നിനക്കു രോഗശാന്തിയില്ല.
Verse 12: ജനപദങ്ങള്‍ നിന്‍െറ ലജ്‌ജാകരമായ അവസ്‌ഥയെപ്പറ്റി കേട്ടിരിക്കുന്നു. ഭൂമി മുഴുവന്‍ നിന്‍െറ നിലവിളി മുഴങ്ങുന്നു. പടയാളികള്‍ പരസ്‌പരം തട്ടിവീഴുന്നു.
Verse 13: ഈജിപ്‌തിനെ ചവിട്ടിമെതിക്കാനുള്ള ബാബിലോണ്‍രാജാവായ നബുക്കദ്‌നേസറിന്‍െറ വരവിനെക്കുറിച്ച്‌ ജറെമിയാപ്രവാചകനോടു കര്‍ത്താവ്‌ അരുളിച്ചെയ്‌തു:
Verse 14: ഈജിപ്‌തില്‍ പ്രഖ്യാപിക്കുക. മിഗ്‌ദോയിലും മെംഫിസിലും തഹ്‌പന്‍ഹസിലും വിളിച്ചുപറയുക: ഒരുങ്ങിയിരിക്കുവിന്‍, സദാ ജാഗരൂകരായിരിക്കുവിന്‍, നിങ്ങള്‍ക്കു ചുറ്റുമുള്ളവയെല്ലാം ഖഡ്‌ഗം ഗ്രസിക്കാന്‍ പോവുകയാണ്‌.
Verse 15: എന്തേഅപ്പീസ്‌ നിപതിച്ചു? നിന്‍െറ ആ കാളക്കൂറ്റന്‍ ഉറച്ചു നില്‍ക്കാഞ്ഞതെന്തുകൊണ്ട്‌? കര്‍ത്താവ്‌ അവനെ വെട്ടിവീഴ്‌ത്തിയിരിക്കുന്നു.
Verse 16: നിന്‍െറ ജനക്കൂട്ടം കാലിടറി വീണു. മര്‍ദകന്‍െറ വാളില്‍നിന്നു രക്‌ഷപെട്ട്‌ നമുക്ക്‌ സ്വന്തംനാട്ടിലേക്കും സ്വന്തം ജനത്തിന്‍െറ അടുത്തേക്കും തിരിച്ചുപോകാം എന്ന്‌ അവര്‍ പരസ്‌പരം പറഞ്ഞു.
Verse 17: അവ സരം പാഴാക്കുന്ന വായാടി എന്ന്‌ ഈജി പ്‌തുരാജാവായ ഫറവോയെ വിളിക്കുവിന്‍.
Verse 18: സൈന്യങ്ങളുടെ കര്‍ത്താവായരാജാവ്‌ തന്‍െറ നാമത്തില്‍ ശപഥം ചെയ്യുന്നു: മല കളില്‍ താബോറും സമുദ്രതീരങ്ങളില്‍ കാര്‍മലും എന്നപോലെ ഒരുവന്‍ വന്നുചേരും.
Verse 19: ഈജിപ്‌തുനിവാസികളേ, പ്രവാസത്തിനു ഭാണ്‍ഡമൊരുക്കുവിന്‍. മെംഫിസ്‌ വിജന മായ നാശക്കൂമ്പാരമായിത്തീരും.
Verse 20: ഈജിപ്‌ത്‌ ചന്തമുള്ള പശുക്കുട്ടിയാണ്‌. വടക്കുനിന്നുവരുന്ന കാട്ടീ ച്ചഅതിനെ ആക്രമിക്കും.
Verse 21: അവളുടെ കൂലിപ്പട്ടാളംപോലും തടിച്ചുകൊഴുത്ത കാളക്കുട്ടിയെപ്പോലെയാണ്‌. ഇതാ, ചെറുത്തുനില്‍ക്കാനാവാതെ അവരൊന്നാകെ പിന്‍തിരിഞ്ഞോടുന്നു. അവരുടെ വിനാശദിനം എത്തിയിരിക്കുന്നു. അവരുടെ ശിക്‌ഷയുടെ മുഹൂര്‍ത്തം!
Verse 22: സീല്‍ക്കാരത്തോടെ പിന്‍വാങ്ങുന്ന പാമ്പിനെപ്പോലെയാണ്‌ അവള്‍. ശത്രുസൈന്യം അവള്‍ക്കെതിരേ വരുന്നു. മരംവെട്ടിവീഴ്‌ത്തുന്നവരെപ്പോലെ മഴുവുമായി അവര്‍ വരുന്നു.
Verse 23: എത്രനിബിഡമായിരുന്നാലും അവളുടെ വനം അവര്‍വെട്ടി നശിപ്പിക്കും. എന്തെന്നാല്‍, അവര്‍വെട്ടുകിളികളെക്കാള്‍ അസംഖ്യമാണ്‌.
Verse 24: ഈജിപ്‌തിന്‍െറ പുത്രി ലജ്‌ജിതയാകും. വടക്കുനിന്നു വരുന്ന ജനത്തിന്‍െറ കൈയില്‍ അവള്‍ ഏല്‍പിക്കപ്പെടും.
Verse 25: ഇസ്രായേലിന്‍െറ ദൈവമായ, സൈന്യങ്ങളുടെ കര്‍ത്താവ്‌ അരുളിച്ചെയ്യുന്നു: തേബസിലെ ആമോനെയും ഫറവോയെയും ഈജിപ്‌തിനെയും അവളുടെ ദേവന്‍മാരെയും രാജാക്കന്‍മാരെയും ഫറവോയുടെ ആശ്രിതരെയും ഞാന്‍ ശിക്‌ഷിക്കും.
Verse 26: അവരുടെ ജീവന്‍ വേട്ടയാടുന്ന ബാബിലോണ്‍രാജാവായ നബുക്കദ്‌നേസറിന്‍െറയും സേവകരുടെയും കൈയില്‍ ഞാന്‍ അവരെ ഏല്‍പിക്കും. എന്നാല്‍ പിന്നീട്‌ ഈജിപ്‌തു പഴയതുപോലെ ജനവാസമുള്ളതാകും.
Verse 27: എന്‍െറ ദാസനായയാക്കോബേ, ഭയപ്പെടേണ്ടാ. ഇസ്രായേലേ, പരിഭ്രമിക്കേണ്ടാ. ദൂരെദേശത്ത്‌ അടിമത്തത്തില്‍ കഴിയുന്ന നിന്നെയും നിന്‍െറ മക്കളെയും ഞാന്‍ മോചിപ്പിക്കും. യാക്കോബ്‌ മടങ്ങിവരും. അവനു ശാന്തിയും സുരക്‌ഷിതത്വവും കൈവരും. ആരും അവനെ ഭയപ്പെടുത്തുകയില്ല.
Verse 28: എന്‍െറ ദാസനായയാക്കോബേ, ഭയപ്പെടേണ്ടാ, ഞാന്‍ നിന്നോടുകൂടെയുണ്ട്‌. നിന്നെ ഞാന്‍ ഓടിച്ചുകളഞ്ഞദേശങ്ങളിലെ ജനതകളെ ഞാന്‍ നിര്‍മൂലമാക്കും. എന്നാല്‍, നിന്നെ നിശ്‌ശേഷം നശിപ്പിക്കുകയില്ല; ഉചിതമായ ശിക്‌ഷ നിനക്കു ലഭിക്കും. നിനക്കു ശിക്‌ഷ കിട്ടാതിരിക്കുകയില്ല.