Verse 1: ബാബിലോണ്‍രാജാവ്‌ നബുക്കദ്‌നേ സറും അവന്‍െറ സകല സൈന്യവും ഭൂമിയില്‍ അവന്‍െറ ആധിപത്യത്തില്‍ കീഴിലുള്ള സകല രാജ്യങ്ങളും ജനതകളും ജറുസലെമിനും അതിലെ നഗരങ്ങള്‍ക്കും എതിരായിയുദ്‌ധംചെയ്‌തുകൊണ്ടിരിക്കുമ്പോള്‍ ജറെമിയായ്‌ക്കു കര്‍ത്താവിന്‍െറ അരുളപ്പാടുണ്ടായി.
Verse 2: ഇസ്രായേലിന്‍െറ ദൈവമായ കര്‍ത്താവ്‌ അരുളിച്ചെയ്യുന്നു: യൂദാരാജാവായ സെദെക്കിയായോടു ചെന്നു പറയുക, ഈ നഗരം ബാബിലോണ്‍രാജാവിന്‍െറ കരങ്ങളില്‍ ഞാന്‍ ഏല്‍പിക്കും. അവന്‍ അത്‌ അഗ്‌നിക്കിരയാക്കും എന്ന്‌ കര്‍ത്താവ്‌ അരുളിച്ചെയ്യുന്നു:
Verse 3: നീ രക്‌ഷപെടുകയില്ല; പിടിക്കപ്പെടും; അവന്‍െറ കൈകളില്‍ ഏല്‍പിക്കപ്പെടുകതന്നെ ചെയ്യും. നിനക്കു ബാബിലോണ്‍ രാജാവിന്‍െറ മുന്‍പില്‍ നില്‍ക്കേണ്ടിവരും. നിന്നെ ബാബിലോണിലേക്കു കൊണ്ടുപോകും.
Verse 4: എങ്കിലും യൂദാരാജാവായ സെദെക്കിയാ, നീ കര്‍ത്താവിന്‍െറ വചനം കേള്‍ക്കുക, കര്‍ത്താവ്‌ നിന്നെക്കുറിച്ച്‌ അരുളിച്ചെയ്യുന്നു: നീ വാളിനിരയാവുകയില്ല. നീ സമാധാനത്തോടെ മരിക്കും.
Verse 5: നിനക്കു മുന്‍പു രാജാക്കന്‍മാരായിരുന്ന നിന്‍െറ പിതാക്കന്‍മാര്‍ക്കുവേണ്ടി ചെയ്‌തതുപോലെ സുഗന്‌ധദ്രവ്യങ്ങള്‍ നിനക്കുവേണ്ടിയും കത്തിക്കും. ഹാ! ഞങ്ങളുടെ പ്രഭു എന്നു പറഞ്ഞ്‌ അവര്‍ നിന്നെ ഓര്‍ത്തു വിലപിക്കും. ഞാനാണ്‌ ഇതു പറയുന്നത്‌- കര്‍ത്താവ്‌ അരുളിച്ചെയ്യുന്നു.
Verse 6: ജറെമിയാപ്രവാചകന്‍ ജറുസലെമില്‍വച്ച്‌ യൂദാരാജാവായ സെദെക്കിയായോട്‌ ഇതു പറഞ്ഞു.
Verse 7: അന്ന്‌ ബാബിലോണ്‍രാജാവ്‌ ജറുസലെമിനും യൂദായില്‍ അവശേഷിച്ചിരുന്ന ലാഖിഷ്‌, അസേക്കാ എന്നീ നഗരങ്ങള്‍ക്കും എതിരേയുദ്‌ധം ചെയ്യുകയായിരുന്നു. ഇവ മാത്രമായിരുന്നു യൂദായില്‍ അവശേഷി ച്ചഉറപ്പുള്ള നഗരങ്ങള്‍.
Verse 8: തങ്ങളുടെ ഹെബ്രായദാസന്‍മാരെയും ദാസിമാരെയും
Verse 9: സ്വതന്ത്രരാക്കുമെന്ന്‌ ഒരു വിളംബരം പുറപ്പെടുവിക്കാന്‍ സെദെക്കിയാരാജാവ്‌ ജറുസലെമിലെ ജനങ്ങളുമായി ഒരു ഉടമ്പടി ചെയ്‌തു. ആരും തന്‍െറ യഹൂദസഹോദരനെ അടിമയാക്കാതിരിക്കാനായിരുന്നു അത്‌. അതിനുശേഷം ജറെമിയായ്‌ക്കു കര്‍ത്താവില്‍നിന്ന്‌ അരുളപ്പാടുണ്ടായി.
Verse 10: ഉടമ്പടിയില്‍ ഒപ്പുവ ച്ചജനവും ജനനേതാക്കളും തങ്ങളുടെ ദാസീദാസന്‍മാരെ അടിമകളായി വച്ചുകൊണ്ടിരിക്കാതെ സ്വതന്ത്രരാക്കിക്കൊള്ളാമെന്നു സമ്മതിച്ചു; അതനുസരിച്ച്‌ അടിമകള്‍ക്കു സ്വാതന്ത്യ്രം നല്‍കി.
Verse 11: പിന്നീട്‌ അവര്‍ മനസ്‌സുമാറ്റി; സ്വതന്ത്രരാക്കിയ ദാസീദാസന്‍മാരെ വീണ്ടും അടിമകളാക്കി.
Verse 12: അപ്പോള്‍ കര്‍ത്താവ്‌ ജറെമിയായോട്‌ അരുളിച്ചെയ്‌തു.
Verse 13: ഇസ്രായേലിന്‍െറ ദൈവമായ കര്‍ത്താവ്‌ അരുളിച്ചെയ്യുന്നു: നിങ്ങളുടെ പിതാക്കന്‍മാരെ ദാസ്യഭവനമായ ഈജിപ്‌തില്‍നിന്നുകൊണ്ടുവന്ന ദിവസം അവരുമായി ഞാന്‍ ഒരു ഉടമ്പടി ചെയ്‌തു.
Verse 14: തന്നെത്താന്‍ വിറ്റ്‌ നിനക്ക്‌ അടിമയാവുകയും ആറുവര്‍ഷം നിന്നെ സേവിക്കുകയും ചെയ്‌ത ഇസ്രായേല്‍സഹോദരനെ ഏഴാം വര്‍ഷം സ്വതന്ത്രനായി വിട്ടയയ്‌ക്കണം. എന്നാല്‍ നിങ്ങളുടെ പിതാക്കന്‍മാര്‍ എന്‍െറ വാക്കു കേള്‍ക്കുകയോ എന്‍െറ കല്‍പന അനുസരിക്കുകയോ ചെയ്‌തില്ല.
Verse 15: അടുത്ത കാലത്ത്‌ നിങ്ങള്‍ അനുതപിച്ച്‌ സഹോദരര്‍ക്കു സ്വാതന്ത്യ്രം പ്രഖ്യാപിച്ചു. എന്‍െറ സന്നിധിയില്‍, എന്‍െറ നാമം വഹിക്കുന്ന ആലയത്തില്‍വച്ച്‌ നിങ്ങള്‍ ഒരു ഉടമ്പടി ചെയ്‌തു. അത്‌ എനിക്കു പ്രീതികരമായ പ്രവൃത്തിയായിരുന്നു.
Verse 16: എന്നാല്‍ നിങ്ങള്‍ വീണ്ടും മനസ്‌സുമാറ്റി; നിങ്ങള്‍ സ്വതന്ത്രരാക്കിയ ദാസീദാസന്‍മാരെ പിന്നെയും അടിമകളാക്കിക്കൊണ്ട്‌ എന്‍െറ നാമത്തിനു കളങ്കം വരുത്തി.
Verse 17: ആകയാല്‍ കര്‍ത്താവ്‌ അരുളിച്ചെയ്യുന്നു: നിങ്ങള്‍ എന്‍െറ കല്‍പന ധിക്കരിച്ചു. നിങ്ങള്‍ സഹോദരനും അയല്‍ക്കാരനും സ്വാതന്ത്യ്രം നല്‍കിയില്ല. ഇതാ, ഞാന്‍ നിങ്ങള്‍ക്കു സ്വാതന്ത്യ്രം പ്രഖ്യാപിക്കുന്നു. വാളിനും ക്‌ഷാമത്തിനും പകര്‍ച്ചവ്യാധിക്കും ഇരയാകാനുള്ള സ്വാതന്ത്യ്രം! നിങ്ങള്‍ ഭൂമിയിലെ സകലജനതകളുടെയും ദൃഷ്‌ടിയില്‍ ബീഭത്‌സവസ്‌തുവായിത്തീരും.
Verse 18: കര്‍ത്താവ്‌ അരുളിച്ചെയ്യുന്നു: കാളക്കുട്ടിയെ വെട്ടിപ്പിളര്‍ന്ന്‌, ആ പിളര്‍പ്പിനിടയിലൂടെ കടന്ന്‌ എന്നോടു ചെയ്‌ത ഉടമ്പടി ലംഘിച്ചവരെ, ഉടമ്പടിയുടെ നിബന്‌ധനകള്‍ പാലിക്കാത്തവരെ, ഞാന്‍ ആ കാളക്കുട്ടിയെപ്പോലെയാക്കും.
Verse 19: കാളക്കുട്ടിയുടെ പിളര്‍പ്പിനിടയിലൂടെ കടന്നുപോയ യൂദാപ്രഭുക്കളെയും ജറുസലെം നേതാക്കളെയും ഷണ്‍ഡന്‍മാരെയും പുരോഹിതന്‍മാരെയും ദേശത്തെ സകല ജനത്തെയും
Verse 20: അവരുടെ ജീവന്‍ വേട്ടയാടുന്ന ശത്രുക്കളുടെ കൈകളില്‍ ഞാന്‍ ഏല്‍പിക്കും. അവരുടെ ശവശരീരങ്ങള്‍ ആകാശത്തിലെ പക്‌ഷികള്‍ക്കും ഭൂമിയിലെ മൃഗങ്ങള്‍ക്കും ഭക്‌ഷണമാകും.
Verse 21: യൂദാരാജാവായ സെദെക്കിയായെയും അവന്‍െറ പ്രഭുക്കന്‍മാരെയും അവരെ കൊല്ലാന്‍ ശ്രമിക്കുന്ന ശത്രുക്കളുടെ കൈകളില്‍ ഞാന്‍ ഏല്‍പിക്കും. അവരെ, നിങ്ങളില്‍നിന്നു പിന്‍വാങ്ങിയ ബാബിലോണ്‍രാജാവിന്‍െറ സൈന്യങ്ങളുടെ കൈയില്‍ ഞാന്‍ ഏല്‍പിച്ചുകൊടുക്കും.
Verse 22: കര്‍ത്താവ്‌ അരുളിച്ചെയ്യുന്നു: എന്‍െറ കല്‍പനയാല്‍ അവരെ ഈ പട്ടണത്തിലേക്കു ഞാന്‍ തിരിച്ചുകൊണ്ടുവരും. അവര്‍ വന്നുയുദ്‌ധംചെയ്‌ത്‌ ഈ നഗരം കീഴടക്കി അഗ്‌നിക്കിരയാക്കും. യൂദായിലെ നഗരങ്ങളെ ഞാന്‍ മരുഭൂമിക്കു തുല്യം ശൂന്യമാക്കും.