Verse 1: അതേ വര്‍ഷം, ഏഴാംമാസം എലിഷാമായുടെ മകനായ നെത്താനിയായുടെ പുത്രനും രാജവംശജനും രാജാവിന്‍െറ സേവകപ്രമുഖരില്‍ ഒരുവനുമായ ഇസ്‌മായേല്‍ പത്ത്‌ ആളുകളെയും കൂട്ടിക്കൊണ്ട്‌ മിസ്‌പായില്‍ അഹിക്കാമിന്‍െറ പുത്രന്‍ ഗദാലിയായുടെ അടുത്തു ചെന്നു.
Verse 2: അവര്‍ ഒരുമിച്ചു ഭക്‌ഷണം കഴിച്ചുകൊണ്ടിരിക്കുമ്പോള്‍ ഇസ്‌മായേലും കൂടെയുണ്ടായിരുന്ന പത്തുപേരും എഴുന്നേറ്റ്‌ ഷാഫാന്‍െറ പുത്രനായ അഹിക്കാമിന്‍െറ പുത്രനും ബാബിലോണ്‍രാജാവ്‌ ദേശത്തിന്‍െറ ഭരണാധികാരിയായി നിയമിച്ചവനുമായ ഗദാലിയായെ വാള്‍ കൊണ്ടു വധിച്ചു.
Verse 3: ഗദാലിയായോടൊപ്പം അവിടെയുണ്ടായിരുന്ന എല്ലാ യഹൂദരെയും കല്‍ദായയോദ്‌ധാക്കളെയും ഇസ്‌മായേല്‍ സംഹരിച്ചു.
Verse 4: ഗദാലിയായെ വധിച്ചതിന്‍െറ പിറ്റേ ദിവസം അതു പരസ്യമാകുന്നതിനുമുന്‍പ്‌
Verse 5: ഷെക്കെം, ഷീലോ, സമരിയാ എന്നിവിടങ്ങളില്‍നിന്ന്‌ എണ്‍പതു പുരുഷന്‍മാര്‍ മുഖം ക്‌ഷൗരം ചെയ്‌തും വസ്‌ത്രങ്ങള്‍ കീറിയും ശരീരത്തില്‍ മുറിവേല്‍പിച്ചും കര്‍ത്താവിന്‍െറ ആലയത്തില്‍ കാഴ്‌ചകളും ധൂപവും സമര്‍പ്പിക്കാന്‍ വന്നു.
Verse 6: നെത്താനിയായുടെ പുത്രന്‍ ഇസ്‌മായേല്‍ മിസ്‌പായില്‍നിന്ന്‌ അവരെ എതിരേല്‍ക്കാന്‍ വിലപിച്ചുകൊണ്ടുവന്നു. അവരെ കണ്ടപ്പോള്‍ അഹിക്കാമിന്‍െറ പുത്രനായ ഗദാലിയായുടെ അടുത്തേക്കു വരുവിന്‍ എന്നു പറഞ്ഞു.
Verse 7: അവര്‍ നഗരത്തിലെത്തിയപ്പോള്‍ നെത്താനിയായുടെ മകന്‍ ഇസ്‌മായേലും കൂടെ ഉണ്ടായിരുന്നവരുംചേര്‍ന്ന്‌ അവരെ വധിച്ച്‌ ഒരു കിണറ്റില്‍ എറിഞ്ഞുകളഞ്ഞു.
Verse 8: എന്നാല്‍, അവരില്‍ പത്തുപേര്‍ ഇസ്‌മായേലിനോട്‌, ഞങ്ങളെ കൊല്ലരുത്‌, ഞങ്ങള്‍ ഗോതമ്പ്‌, ബാര്‍ലി, എണ്ണ, തേന്‍ എന്നിവ സംഭരിച്ച്‌ വയലില്‍ ഒളിച്ചുവച്ചിട്ടുണ്ട്‌ എന്നു പറഞ്ഞു. അതിനാല്‍ അവന്‍ അവരെ മറ്റുള്ളവരോടൊപ്പം വധിച്ചില്ല.
Verse 9: ഇസ്‌മായേല്‍ കൊന്നവരുടെ ശരീരങ്ങള്‍ വലിച്ചെറിയപ്പെട്ട കിണര്‍ ഇസ്രായേല്‍രാജാവായ ബാഷായെ ഭയന്ന്‌ ആസാരാജാവ്‌ സ്വരക്‌ഷയ്‌ക്കുവേണ്ടി നിര്‍മിച്ചതായിരുന്നു. നെത്താനിയായുടെ മകനായ ഇസ്‌മായേല്‍ അത്‌ മൃതദേഹങ്ങള്‍ കൊണ്ടു നിറച്ചു.
Verse 10: അതിനുശേഷം അവന്‍ മിസ്‌പായില്‍ അവശേഷി ച്ചഎല്ലാവരെയും - രാജകുമാരികളെയും, സേനാനായകനായനെബുസരദാന്‍ അഹിക്കാമിന്‍െറ മകനായ ഗദാലിയായെ ഏല്‍പ്പിച്ചവരില്‍ അവശേഷിച്ചവരെയും- തടവുകാരാക്കി അമ്മോന്യരുടെ അടുക്കലേക്കു പുറപ്പെട്ടു.
Verse 11: നെത്താനിയായുടെ മകന്‍ ഇസ്‌മായേല്‍ വരുത്തിവ ച്ചഅനര്‍ഥങ്ങള്‍ കരേയായുടെ മകന്‍ യോഹനാനും പടത്തലവന്‍മാരും അറിഞ്ഞു.
Verse 12: അവര്‍ യോദ്‌ധാക്കളെയുംകൂട്ടി ഇസ്‌മായേലിനെതിരേ പുറപ്പെട്ടു; ഗിബയോനിലുള്ള വലിയ കുളത്തിനരികേവച്ച്‌ അവനുമായി ഏറ്റുമുട്ടി.
Verse 13: കരേയായുടെ പുത്രനായ യോഹനാനെയും പടത്തലവന്‍മാരെയും കണ്ടപ്പോള്‍ ഇസ്‌മായേലിന്‍െറ കൂടെയുണ്ടായിരുന്നവര്‍ അത്യധികം സന്തോഷിച്ചു.
Verse 14: മിസ്‌പായില്‍നിന്നു തടവുകാരായി കൊണ്ടുപോയ എല്ലാവരും ഇസ്‌മായേലിനെവിട്ട്‌ കരേയായുടെ മകന്‍ യോഹനാനോടു ചേര്‍ന്നു.
Verse 15: എന്നാല്‍, ഇസ്‌മായേല്‍ എട്ടുപേരോടൊപ്പം യോഹനാനില്‍നിന്നു രക്‌ഷപെട്ട്‌ അമ്മോന്യരുടെ അടുത്തേക്ക്‌ ഓടിപ്പോയി.
Verse 16: ഗദാലിയായെ വധിച്ചതിനുശേഷം ഇസ്‌മായേല്‍ മിസ്‌പായില്‍നിന്നു തടവുകാരായി കൊണ്ടുവന്ന യോദ്‌ധാക്കളെയും സ്‌ത്രീകളെയും കുട്ടികളെയും ഷണ്‍ഡന്‍മാരെയും യോഹനാനും പടത്തലവന്‍മാരും കൂട്ടിക്കൊണ്ടുപോയി.
Verse 17: അവര്‍ ബേത്‌ലെഹെമിനു സമീപം കിംഹാംതാവളത്തില്‍ താമസിച്ചു. ഈജിപ്‌തിലേക്കു രക്‌ഷപെടുകയായിരുന്നു അവരുടെ ലക്‌ഷ്യം.
Verse 18: ദേശത്തെ ഭരണാധികാരിയായി ബാബിലോണ്‍ രാജാവു നിയമി ച്ചഗദാലിയായെ ഇസ്‌മായേല്‍ വധിച്ചതിനാല്‍ അവര്‍ കല്‍ദായരെ ഭയപ്പെട്ടു.