Verse 1: ജ്‌ഞാനിയായ മകന്‍ പിതാവിന്‌ആനന്‌ദമണയ്‌ക്കുന്നു; ഭോഷനായ മകനാകട്ടെ അമ്മയ്‌ക്കു ദുഃഖവും.
Verse 2: അന്യായമായി നേടിയ ധനം ഉതകുകയില്ല; നീതിയാകട്ടെ മരണത്തില്‍നിന്നുമോചിപ്പിക്കുന്നു.
Verse 3: നീതിമാന്‍മാര്‍ വിശപ്പ്‌ അനുഭവിക്കാന്‍കര്‍ത്താവ്‌ അനുവദിക്കുകയില്ല; ദുഷ്‌ടരുടെ അതിമോഹത്തെ അവിടുന്ന്‌നിഷ്‌ഫലമാക്കുന്നു.
Verse 4: അലസമായ കരം ദാരിദ്യ്രംവരുത്തിവയ്‌ക്കുന്നു; സ്‌ഥിരോത്‌സാഹിയുടെ കൈസമ്പത്തു നേടുന്നു.
Verse 5: വേനല്‍ക്കാലത്തു കൊയ്‌തെടുക്കുന്നമകന്‍ മുന്‍കരുതലുള്ളവനാണ്‌; കൊയ്‌ത്തുകാലത്ത്‌ ഉറങ്ങുന്ന മകന്‍ അപമാനം വരുത്തിവയ്‌ക്കുന്നു.
Verse 6: നീതിമാന്‍മാരുടെ ശിരസ്‌സില്‍അനുഗ്രഹങ്ങള്‍ കുടികൊള്ളുന്നു; ദുഷ്‌ടരുടെ വായ്‌ അക്രമം മറച്ചുവയ്‌ക്കുന്നു.
Verse 7: നീതിമാന്‍മാരെ സ്‌മരിക്കുന്നത്‌അനുഗ്രഹമാണ്‌; ദുഷ്‌ടരുടെ നാമം ക്‌ഷയിച്ചുപോകുന്നു.
Verse 8: ഹൃദയത്തില്‍ വിവേകമുള്ളവന്‍കല്‍പനകള്‍ ആദരിക്കും; വായാടിയായ ഭോഷന്‍ നാശമടയും.
Verse 9: സത്യസന്‌ധന്‍െറ മാര്‍ഗംസുരക്‌ഷിതമാണ്‌; വഴിപിഴയ്‌ക്കുന്നവന്‍ പിടിക്കപ്പെടും.
Verse 10: തെറ്റിനു നേരേ കണ്ണടയ്‌ക്കുന്നവന്‍ഉപദ്രവം വരുത്തിവയ്‌ക്കുന്നു; ധൈര്യപൂര്‍വം ശാസിക്കുന്നവനാകട്ടെ,സമാധാനം സൃഷ്‌ടിക്കുന്നു.
Verse 11: നീതിമാന്‍മാരുടെ അധരംജീവന്‍െറ ഉറവയാണ്‌; ദുഷ്‌ടന്‍മാരുടേതോ അക്രമത്തെമൂടിവയ്‌ക്കുന്നു.
Verse 12: വിദ്വേഷം കലഹം ഇളക്കി വിടുന്നു; സ്‌നേഹമോ എല്ലാ അപരാധങ്ങളുംപൊറുക്കുന്നു.
Verse 13: അറിവുള്ളവന്‍െറ അധരങ്ങളില്‍ജ്‌ഞാനം കുടികൊള്ളുന്നു; ബുദ്‌ധിശൂന്യന്‍െറ മുതുകില്‍വടിയാണ്‌ വീഴുക.
Verse 14: ജ്‌ഞാനികള്‍ അറിവു സംഭരിച്ചുവയ്‌ക്കുന്നു; ഭോഷന്‍െറ ജല്‍പനം നാശംവരുത്തിവയ്‌ക്കുന്നു.
Verse 15: ബലിഷ്‌ഠമായ നഗരമാണ്‌ധനികന്‍െറ സമ്പത്ത്‌; ദാരിദ്യ്രം ദരിദ്രന്‍െറ നാശവും.
Verse 16: നീതിമാന്‍മാരുടെ പ്രതിഫലംജീവനിലേക്കു നയിക്കുന്നു; ദുഷ്‌ടരുടെ നേട്ടം പാപത്തിലേക്കും.
Verse 17: പ്രബോധനത്തെ ആദരിക്കുന്നവന്‍ജീവനിലേക്കുള്ള പാതയിലാണ്‌; ശാസന നിരസിക്കുന്നവന്‌ വഴി പിഴയ്‌ക്കുന്നു.
Verse 18: വിദ്വേഷം മറച്ചുവച്ചുസംസാരിക്കുന്നവന്‍ കള്ളം പറയുന്നു; അപവാദം പറയുന്നവന്‍മൂഢനാണ്‌.
Verse 19: വാക്കുകള്‍ ഏറുമ്പോള്‍തെറ്റുവര്‍ധിക്കുന്നു; വാക്കുകളെ നിയന്ത്രിക്കുന്നവന്‌വീണ്ടുവിചാരമുണ്ട്‌.
Verse 20: നീതിമാന്‍മാരുടെ നാവ്‌ വിശിഷ്‌ടമായവെള്ളിയാണ്‌; ദുഷ്‌ടരുടെ മനസ്‌സു വിലകെട്ടതും.
Verse 21: നീതിമാന്‍െറ വാക്ക്‌ അനേകരെപോഷിപ്പിക്കുന്നു; മൂഢന്‍ ബുദ്‌ധിശൂന്യതമൂലംമൃതിയടയുന്നു.
Verse 22: കര്‍ത്താവിന്‍െറ അനുഗ്രഹംസമ്പത്തു നല്‍കുന്നു; അവിടുന്ന്‌ അതില്‍ ദുഃഖം കലര്‍ത്തുന്നില്ല.
Verse 23: തെറ്റുചെയ്യുക മൂഢന്‌വെറുമൊരു വിനോദമാണ്‌; അറിവുള്ളവന്‌ വിവേകപൂര്‍വമായപെരുമാറ്റത്തിലാണ്‌ ആഹ്ലാദം.
Verse 24: ദുഷ്‌ടന്‍ ഭയപ്പെടുന്നതുതന്നെഅവനു വന്നുകൂടും; നീതിമാന്‍െറ ആഗ്രഹം സഫലമാകും.
Verse 25: ദുഷ്‌ടന്‍ കൊടുംകാറ്റില്‍നിലംപതിക്കുന്നു; നീതിമാനോ എന്നേക്കും നിലനില്‍ക്കും.
Verse 26: വിനാഗിരി പല്ലിനും, പുക കണ്ണിനുംഎന്നപോലെയാണ്‌ അലസന്‍തന്നെ നിയോഗിക്കുന്നവര്‍ക്കും.
Verse 27: ദൈവഭക്‌തി ആയുസ്‌സ്‌വര്‍ദ്‌ധിപ്പിക്കുന്നു; ദുഷ്‌ടരുടെ ജീവിതകാലംപരിമിതമായിരിക്കും.
Verse 28: നീതിമാന്‍മാരുടെ പ്രത്യാശസന്തോഷപര്യവസായിയാണ്‌; ദുഷ്‌ടരുടെ പ്രതീക്‌ഷ നിഷ്‌ഫലമാകും.
Verse 29: സത്യസന്‌ധമായി പെരുമാറുന്നവന്‌കര്‍ത്താവ്‌ ഉറപ്പുള്ള കോട്ടയാണ്‌; തിന്‍മ പ്രവര്‍ത്തിക്കുന്നവനെഅവിടുന്ന്‌ നശിപ്പിക്കുന്നു.
Verse 30: നീതിമാന്‍മാര്‍ക്ക്‌ ഒരിക്കലുംസ്‌ഥാനഭ്രംശം സംഭവിക്കുകയില്ല;ദുഷ്‌ടര്‍ക്കു ഭൂമിയില്‍ ഇടംകിട്ടുകയില്ല.
Verse 31: നീതിമാന്‍െറ അധരങ്ങളില്‍നിന്ന്‌ജ്‌ഞാനം പുറപ്പെടുന്നു; വഴിപിഴ ച്ചനാവ്‌ വിച്‌ഛേദിക്കപ്പെടും.
Verse 32: നീതിമാന്‍മാരുടെ അധരങ്ങള്‍പഥ്യമായതു പറയുന്നു; ദുഷ്‌ടരുടെ അധരങ്ങളോവഴിപിഴച്ചവയും.