Verse 1: ജ്‌ഞാനം വിളിച്ചു പറയുന്നതും അറിവ്‌ ഉച്ചത്തില്‍ ഘോഷിക്കുന്നതും കേള്‍ക്കുന്നില്ലേ?
Verse 2: വീഥികളിലും വഴിയരികിലുള്ളകുന്നുകളിലും, അവള്‍നിലയുറപ്പിക്കുന്നു.
Verse 3: നഗരകവാടത്തില്‍ വാതിലിന്‌ അരികേനിന്നുകൊണ്ട്‌ അവള്‍വിളിച്ചുപറയുന്നു;
Verse 4: മനുഷ്യരേ, ഞാന്‍ നിങ്ങളോടാണ്‌വിളിച്ചുപറയുന്നത്‌; നിങ്ങള്‍ എല്ലാവരെയുമാണ്‌ ഞാന്‍ ആഹ്വാനം ചെയ്യുന്നത്‌.
Verse 5: അല്‍പബുദ്‌ധികളേ, വകതിരിവുപഠിക്കുവിന്‍, ഭോഷരേ,ശ്രദ്‌ധിക്കുവിന്‍.
Verse 6: കേള്‍ക്കുവിന്‍, ഉത്തമമായ കാര്യങ്ങളാണ്‌ ഞാന്‍ പറയാന്‍ പോകുന്നത്‌; എന്‍െറ അധരങ്ങളില്‍നിന്ന്‌ ഉചിതമായവാക്കുകള്‍ പുറപ്പെടും.
Verse 7: ഞാന്‍ സത്യം വചിക്കും; തിന്‍മ എന്‍െറ അധരങ്ങള്‍ക്ക്‌അരോചകമാണ്‌.
Verse 8: എന്‍െറ വാക്കുകള്‍ നീതിയുക്‌തമാണ്‌; വളച്ചൊടിച്ചതോ വക്രമോ ആയിഒന്നും അതിലില്ല.
Verse 9: ഗ്രഹിക്കുന്നവന്‌ അവ ഋജുവാണ്‌; അറിവു നേടുന്നവര്‍ക്കുന്യായയുക്‌തവും.
Verse 10: എന്‍െറ പ്രബോധനം വെള്ളിക്കു പകരവും എന്‍െറ ജ്‌ഞാനം വിശിഷ്‌ടമായ സ്വര്‍ണത്തിനു പകരവും ആണ്‌.
Verse 11: എന്തെന്നാല്‍, ജ്‌ഞാനം രത്‌നങ്ങളെക്കാള്‍ ശ്രഷ്‌ഠമത്ര; നിങ്ങള്‍ അഭിലഷിക്കുന്നതൊന്നുംഅതിനു തുല്യമല്ല.
Verse 12: ജ്‌ഞാനമാണ്‌ ഞാന്‍; എന്‍െറ വാസം വിവേകത്തിലും. അറിവും വിവേചനാശക്‌തിയുംഎനിക്കുണ്ട്‌.
Verse 13: ദൈവഭക്‌തി തിന്‍മയെ വെറുക്കലാണ്‌; അഹംഭാവം, ഗര്‍വ്‌, ദുര്‍മാര്‍ഗം,ദുര്‍വചനം എന്നിവ ഞാന്‍ വെറുക്കുന്നു.
Verse 14: മാര്‍ഗനിര്‍ദേശ വൈഭവവുംകാര്യശേഷിയും എനിക്കുണ്ട്‌; അറിവും ശക്‌തിയും എന്‍േറതാണ്‌.
Verse 15: രാജാക്കന്‍മാര്‍ ഭരിക്കുന്നതും,അധികാരികള്‍ നീതി നടത്തുന്നതുംഞാന്‍ മുഖേനയാണ്‌.
Verse 16: ഞാന്‍ മുഖാന്തരം നാടുവാഴികള്‍അധികാരം നടത്തുന്നു; പ്രഭുക്കന്‍മാര്‍ ഭൂമി ഭരിക്കുന്നതുംഅങ്ങനെതന്നെ.
Verse 17: എന്നെ സ്‌നേഹിക്കുന്നവരെ ഞാനുംസ്‌നേഹിക്കുന്നു; ജാഗരൂകതയോടെ അന്വേഷിക്കുന്നവര്‍എന്നെ കണ്ടെത്തുന്നു.
Verse 18: സമ്പത്തും ബഹുമാനവും നിലനില്‍ക്കുന്ന ധനവും ഐശ്വര്യവും എന്‍െറ അടുക്കലുണ്ട്‌.
Verse 19: എന്നില്‍നിന്നുള്ള ഫലം സ്വര്‍ണത്തെക്കാള്‍, തങ്കത്തെക്കാള്‍പോലും, ശ്രഷ്‌ഠമത്ര; എന്‍െറ ഉത്‌പന്നം വിശിഷ്‌ടമായ വെള്ളിയെക്കാളും.
Verse 20: ഞാന്‍ നീതിയുടെ മാര്‍ഗത്തിലുംന്യായത്തിന്‍െറ പാതകളിലും ചരിക്കുന്നു.
Verse 21: ഞാന്‍ എന്നെ സ്‌നേഹിക്കുന്നവരെ സമ്പന്നരാക്കി, അവരുടെ ഭണ്‍ഡാരം നിറയ്‌ക്കുന്നു.
Verse 22: കര്‍ത്താവ്‌ തന്‍െറ സൃഷ്‌ടികര്‍മത്തിന്‍െറ ആരംഭത്തില്‍, തന്‍െറ എല്ലാ ആദ്യസൃഷ്‌ടികളിലും ആദ്യത്തേതായി എന്നെ സൃഷ്‌ടിച്ചു.
Verse 23: യുഗങ്ങള്‍ക്കു മുന്‍പ്‌, ഭൂമിയുടെആവിര്‍ഭാവത്തിനു മുന്‍പ്‌, ഒന്നാമതായി ഞാന്‍ സ്‌ഥാപിക്കപ്പെട്ടു.
Verse 24: സമുദ്രങ്ങള്‍ക്കും ജലസമൃദ്‌ധമായഅരുവികള്‍ക്കും മുന്‍പുതന്നെഎനിക്കു ജന്‍മം കിട്ടി.
Verse 25: പര്‍വതങ്ങള്‍ക്കും കുന്നുകള്‍ക്കുംരൂപം കിട്ടുന്നതിനു മുന്‍പ്‌ ഞാനുണ്ടായി.
Verse 26: ഭൂമിയോ അതിലെ വയലുകളോ ആദ്യത്തെ പൂഴിത്തരിയോ നിര്‍മിക്കുന്നതിനും മുന്‍പ്‌ എനിക്കു ജന്‍മം നല്‍കപ്പെട്ടു.
Verse 27: അവിടുന്ന്‌ ആകാശങ്ങള്‍ സ്‌ഥാപിച്ചപ്പോഴും സമുദ്രത്തിനുമീതേ ചക്രവാളം നിര്‍മിച്ചപ്പോഴും
Verse 28: ഉയരത്തില്‍ മേഘങ്ങളെ ഉറപ്പിച്ചപ്പോഴും സമുദ്രത്തിന്‌ ഉറവകളെ സ്‌ഥാപിച്ചപ്പോഴും
Verse 29: ജലം തന്‍െറ കല്‍പന ലംഘിക്കാതിരിക്കാന്‍ വേണ്ടി സമുദ്രത്തിന്‌ അതിരിട്ടപ്പോഴും ഭൂമിയുടെ അടിത്തറ ഉറപ്പിച്ചപ്പോഴും
Verse 30: വിദഗ്‌ധനായ ഒരു പണിക്കാരനെപ്പോലെ ഞാന്‍ അവിടുത്തെ അരികിലുണ്ടായിരുന്നു. അനുദിനം ആഹ്ലാദിച്ചുകൊണ്ടും അവിടുത്തെ മുന്‍പില്‍ സദാ സന്തോഷിച്ചുകൊണ്ടും ഞാന്‍ കഴിഞ്ഞു.
Verse 31: മനുഷ്യന്‍ അധിവസിക്കുന്ന അവിടുത്തെ ലോകത്തില്‍ ഞാന്‍ സന്തോഷിക്കുകയും മനുഷ്യപുത്രരില്‍ ആനന്‌ദംകണ്ടെത്തുകയും ചെയ്‌തു.
Verse 32: ആകയാല്‍, മക്കളേ, എന്‍െറ വാക്കുകള്‍ ശ്രദ്‌ധിക്കുവിന്‍; എന്‍െറ മാര്‍ഗങ്ങള്‍ പിന്തുടരന്നവര്‍ ഭാഗ്യവാന്‍മാരാണ്‌.
Verse 33: പ്രബോധനം കേട്ടു വിവേകികളായിത്തീരുവിന്‍; അതിനെ അവഗണിക്കരുത്‌.
Verse 34: എന്‍െറ പടിവാതില്‍ക്കല്‍ അനുദിനം കാത്തുനിന്ന്‌, എന്‍െറ വാതിലുകളില്‍ ദൃഷ്‌ടിയുറപ്പിച്ച്‌, എന്‍െറ വാക്കു കേള്‍ക്കുന്നവന്‍ ഭാഗ്യവാന്‍.
Verse 35: എന്തെന്നാല്‍, എന്നെ കണ്ടെത്തുന്നവന്‍ ജീവന്‍ കണ്ടെത്തുന്നു; കര്‍ത്താവിന്‍െറ പ്രീതി നേടുകയുംചെയ്യുന്നു.
Verse 36: എന്നാല്‍, എന്നെ കൈവിടുന്നവന്‍ തന്നെത്തന്നെ ദ്രാഹിക്കുന്നു. എന്നെ വെറുക്കുന്നവന്‍ മരണത്തെയാണ്‌ സ്‌നേഹിക്കുന്നത്‌.