Verse 1: മാസ്‌സായിലെയാക്കേയുടെമകനായ ആഗൂറിന്‍െറ വാക്കുകള്‍. അവന്‍ ഇഥിയേലിനോട്‌ - ഇഥിയേലിനോടുംയുക്കാളിനോടും - പറയുന്നു:
Verse 2: മനുഷ്യനെന്നു കരുതാനാവാത്തമൂഢനാണു ഞാന്‍; മനുഷ്യന്‍െറ ബുദ്‌ധിശക്‌തി എനിക്കില്ല.
Verse 3: ഞാന്‍ ജ്‌ഞാനം അഭ്യസിച്ചിട്ടില്ല; പരിശുദ്‌ധനെക്കുറിച്ചുള്ള അറിവും എനിക്കില്ല.
Verse 4: സ്വര്‍ഗത്തിലേക്കു കയറുകയുംഇറങ്ങുകയും ചെയ്‌തത്‌ ആര്‌? കാറ്റിനെ മുഷ്‌ടിയില്‍ ഒതുക്കുന്നത്‌ ആര്‌? സമുദ്രങ്ങളെ വസ്‌ത്രത്തില്‍പൊതിഞ്ഞുവച്ചിരിക്കുന്നതാര്‌? ഭൂമിയുടെ അതിരുകള്‍ ഉറപ്പിച്ചതാര്‌? അവന്‍െറ പേരെന്ത്‌? അവന്‍െറ പുത്രന്‍െറ പേരെന്ത്‌? തീര്‍ച്ചയായും നിനക്കറിയാമല്ലോ.
Verse 5: ദൈവത്തിന്‍െറ ഓരോ വാക്കുംസത്യമെന്നു തെളിയുന്നു. തന്നെ അഭയം പ്രാപിക്കുന്നവര്‍ക്ക്‌ അവിടുന്ന്‌ കവചമാണ്‌.
Verse 6: അവിടുത്തെ വാക്കുകളോട്‌ഒന്നും കൂട്ടിച്ചേര്‍ക്കരുത്‌; അങ്ങനെ ചെയ്‌താല്‍, അവിടുന്ന്‌നിന്നെ കുറ്റപ്പെടുത്തും; നീ നുണയനാവുകയും ചെയ്യും.
Verse 7: രണ്ടു കാര്യങ്ങള്‍ ഞാന്‍ അങ്ങയോട്‌അപേക്‌ഷിക്കുന്നു; മരണംവരെ എനിക്ക്‌ അവനിഷേധിക്കരുതേ.
Verse 8: അസത്യവും വ്യാജവും എന്നില്‍നിന്ന്‌അകറ്റി നിര്‍ത്തണമേ; ദാരിദ്യ്രമോ സമൃദ്‌ധിയോ എനിക്ക്‌ തരരുതേ; ആവശ്യത്തിന്‌ ആഹാരം തന്ന്‌എന്നെ പോറ്റണമേ.
Verse 9: ഞാന്‍ സമൃദ്‌ധിയില്‍ അങ്ങയെഅവഗണിക്കുകയും കര്‍ത്താവ്‌ ആര്‌ എന്നു ചോദിക്കുകയും ചെയ്‌തേക്കാം; ദാരിദ്യ്രംകൊണ്ടു മോഷ്‌ടിച്ച്‌ ദൈവനാമത്തെനിന്‌ദിക്കുകയും ചെയ്‌തേക്കാം.
Verse 10: ഭൃത്യനെക്കുറിച്ച്‌യജമാനനോട്‌,അപവാദം പറയരുത്‌; അങ്ങനെ ചെയ്‌താല്‍, അവന്‍ നിന്നെ ശപിക്കുകയും നീ കുറ്റക്കാരനായികരുതപ്പെടുകയും ചെയ്യും.
Verse 11: പിതാവിനെ ശപിക്കുകയും മാതാവിന്‌നന്‍മ നേരാതിരിക്കുകയുംചെയ്യുന്നവരുണ്ട്‌.
Verse 12: നിര്‍ദോഷരെന്നു ഭാവിക്കുകയുംമാലിന്യം കഴുകിക്കളയാതിരിക്കുകയും ചെയ്യുന്നവരുണ്ട്‌.
Verse 13: കണ്ണുകളില്‍ ഗര്‍വം മുറ്റിനില്‍ക്കുന്നചിലരുണ്ട്‌.
Verse 14: വാളും കത്തിയും പോലുള്ളപല്ലുകള്‍കൊണ്ടു ദരിദ്രരെയുംഅഗതികളെയും കടിച്ചുതിന്നുന്നചിലരുണ്ട്‌.
Verse 15: കന്നട്ടയ്‌ക്കു രണ്ടു പുത്രിമാരുണ്ട്‌; തരുക, തരുക, എന്ന്‌ അവര്‍മുറവിളികൂട്ടുന്നു. ഒരിക്കലും തൃപ്‌തിയടയാത്തമൂന്നു കാര്യങ്ങളുണ്ട്‌. നാലു കാര്യങ്ങള്‍ ഒരിക്കലും മതിഎന്നു പറയുന്നില്ല;
Verse 16: പാതാളം, വന്‌ധ്യമായ ഉദരം,വെള്ളം കൊതിക്കുന്ന ഭൂമി,മതിവരാത്ത അഗ്‌നി.
Verse 17: പിതാവിനെ പരിഹസിക്കുകയും അമ്മയെ അവജ്‌ഞയോടെ ധിക്കരിക്കുകയും ചെയ്യുന്നവന്‍െറ കണ്ണ്‌ മലങ്കാക്കകള്‍ കൊത്തിപ്പറിക്കുകയുംകഴുകന്‍മാര്‍ തിന്നുകയും ചെയ്യും.
Verse 18: മൂന്നു കാര്യങ്ങള്‍ എനിക്ക്‌അത്യദ്‌ഭുതകരമാണ്‌. നാലുകാര്യങ്ങള്‍ എനിക്ക്‌ മനസ്‌സിലാകുന്നില്ല:
Verse 19: കഴുകന്‍െറ ആകാശത്തിലൂടെയുള്ള പാത, സര്‍പ്പത്തിന്‍െറ പാറയിലൂടെയുള്ള വഴി, കപ്പലിന്‍െറ സഞ്ചാര പഥം, കന്യകയോടുള്ളയുവാവിന്‍െറ പെരുമാറ്റം.
Verse 20: വ്യഭിചാരിണിയുടെ രീതി ഇതാണ്‌, അവള്‍ വിശപ്പടക്കി മുഖംതുടച്ചുകൊണ്ടു പറയുന്നു: ഞാന്‍ ഒരു തെറ്റും ചെയ്‌തില്ല.
Verse 21: മൂന്നു കാര്യങ്ങള്‍ ഭൂമിയെ വിറകൊള്ളിക്കുന്നു; നാലുകാര്യങ്ങള്‍ അസഹ്യമാണ്‌.
Verse 22: രാജാവായി ഉയര്‍ന്ന അടിമ,മൃഷ്‌ടാന്നഭോജനം കഴി ച്ചഭോഷന്‍,
Verse 23: സ്‌നേഹിക്കപ്പെടാത്ത ഭാര്യ, യജമാനത്തിയുടെ സ്‌ഥാനം അപഹരി ച്ചദാസി.
Verse 24: ഭൂമിയിലെ നാലു ജീവികള്‍തീരെ ചെറുതാണ്‌, എങ്കിലും അസാമാന്യബുദ്‌ധിപ്രകടിപ്പിക്കുന്നു.
Verse 25: എറുമ്പിന്‍കൂട്ടം എത്രയോ ദുര്‍ബലം! എങ്കിലും അവ വേനല്‍ക്കാലത്ത്‌ആഹാരം കരുതിവയ്‌ക്കുന്നു.
Verse 26: കുഴിമുയല്‍ - കെല്‍പ്പില്ലാത്ത ഒരു കൂട്ടം; എങ്കിലും അവ പാറകളില്‍ പാര്‍പ്പിടംനിര്‍മിക്കുന്നു.
Verse 27: വെട്ടുകിളികള്‍ക്കു രാജാവില്ല; എങ്കിലും അവ അണിയണിയായി നീങ്ങുന്നു.
Verse 28: പല്ലി കൈയിലൊതുങ്ങാനേയുള്ളു; എങ്കിലും അതു രാജകൊട്ടാരങ്ങളില്‍പ്പോലും കയറിപ്പറ്റുന്നു.
Verse 29: മൂന്നുകൂട്ടര്‍ കാല്‍വയ്‌പില്‍പ്രൗഢി പുലര്‍ത്തുന്നു; നാലു കൂട്ടര്‍ക്കു നടത്തത്തില്‍ ഗാംഭീര്യമുണ്ട്‌:
Verse 30: മൃഗങ്ങളില്‍ കരുത്തേറിയതും, ഒന്നിനെയും കൂസാത്തതുമായ സിംഹം,
Verse 31: ഞെളിഞ്ഞുനടക്കുന്ന പൂവന്‍കോഴി, മുട്ടാട്‌, സൈന്യങ്ങളെ നയിക്കുന്ന രാജാവ്‌.
Verse 32: നീ നിന്നെത്തന്നെ പുകഴ്‌ത്തിക്കൊണ്ട്‌ഭോഷത്തം കാട്ടുകയോ തിന്‍മയ്‌ക്ക്‌കളമൊരുക്കുകയോ ചെയ്യുന്നവനാണെങ്കില്‍, നിശ്‌ശബ്‌ദത പാലിക്കുക.
Verse 33: എന്തെന്നാല്‍, പാലു കടഞ്ഞാല്‍ വെണ്ണകിട്ടും; മൂക്കിനടിച്ചാല്‍ ചോരവരും; കോപം ഇളക്കിവിട്ടാല്‍ കലഹമുണ്ടാകും.