Verse 1: ഇസ്രായേല്‍ സമൂഹം മുഴുവന്‍ സീന്‍മരുഭൂമിയില്‍ നിന്നു പുറപ്പെട്ടു കര്‍ത്താവിന്‍െറ നിര്‍ദേശമനുസരിച്ച്‌ പടിപടിയായിയാത്ര ചെയ്‌ത്‌ റഫിദീമില്‍ എത്തി പാളയമടിച്ചു. അവിടെ അവര്‍ക്കു കുടിക്കാന്‍ വെള്ള മുണ്ടായിരുന്നില്ല.
Verse 2: ജനം മോശയെ കുററപ്പെടുത്തിക്കൊണ്ട്‌ ഞങ്ങള്‍ക്കു കുടിക്കാന്‍വെള്ളം തരിക എന്നു പറഞ്ഞു. മോശ അവരോടു പറഞ്ഞു: നിങ്ങള്‍ എന്തിന്‌ എന്നെ കുററപ്പെടുത്തുന്നു?എന്തിനു കര്‍ത്താവിനെ പരീക്‌ഷിക്കുന്നു?
Verse 3: ദാഹിച്ചു വലഞ്ഞജനം മോശയ്‌ക്കെതിരേ ആവലാതിപ്പെട്ടു ചോദിച്ചു: നീ എന്തിനാണു ഞങ്ങളെ ഈജിപ്‌തില്‍ നിന്നു പുറത്തേക്കു കൊണ്ടുവന്നത്‌? ഞങ്ങളും കുട്ടികളും കന്നുകാലികളും ദാഹിച്ചു ചാകട്ടെ എന്നു കരുതിയാണോ?
Verse 4: മോശ കര്‍ത്താവിനോടു നിലവിളിച്ചു പറഞ്ഞു: ഈ ജനത്തോടു ഞാന്‍ എന്താണു ചെയ്യുക? ഏറെത്താമസിയാതെ അവര്‍ എന്നെ കല്ലെറിയും.
Verse 5: കര്‍ത്താവു മോശയോട്‌ അരുളിച്ചെയ്‌തു: ഏതാനും ഇസ്രായേല്‍ ശ്രഷ്‌ഠന്‍മാരുമൊത്ത്‌ നീ ജനത്തിന്‍െറ മുന്‍പേ പോകുക. നദിയുടെമേല്‍ അടിക്കാന്‍ ഉപയോഗിച്ചവടിയും കൈയിലെടുത്തുകൊള്ളുക.
Verse 6: ഇതാ, നിനക്കു മുന്‍പില്‍ ഹോറെബിലെ പാറമേല്‍ ഞാന്‍ നില്‍ക്കും. നീ ആ പാറയില്‍ അടിക്കണം. അപ്പോള്‍ അതില്‍നിന്നു ജനത്തിനു കുടിക്കാന്‍ വെള്ളം പുറപ്പെടും. ഇസ്രായേല്‍ ശ്രഷ്‌ഠന്‍മാരുടെ സാന്നിധ്യത്തില്‍മോശ അങ്ങനെ ചെയ്‌തു.
Verse 7: ഇസ്രായേല്‍ക്കാര്‍ അവിടെവച്ചു കലഹിച്ചതിനാലും കര്‍ത്താവു ഞങ്ങളുടെ ഇടയില്‍ ഉണ്ടോ ഇല്ലയോ എന്നു ചോദിച്ചുകൊണ്ട്‌ കര്‍ത്താവിനെ പരീക്‌ഷിച്ചതിനാലും മോശ ആ സ്‌ഥലത്തിനു മാസാ എന്നും മെറീബാ എന്നും പേരിട്ടു.
Verse 8: അമലേക്യര്‍ റഫിദീമില്‍ വന്ന്‌ ഇസ്രായേല്‍ക്കാരെ ആക്രമിച്ചു.
Verse 9: അപ്പോള്‍ മോശ ജോഷ്വയോടു പറഞ്ഞു: ആളുകളെ തിരഞ്ഞെടുത്ത്‌ അമലേക്യരുമായിയുദ്‌ധത്തിനു പുറപ്പെടുക. ഞാന്‍ നാളെ ദൈവത്തിന്‍െറ വടി കൈയിലെടുത്തു മലമുകളില്‍ നില്‍ക്കും.
Verse 10: മോശ പറഞ്ഞതനുസരിച്ച്‌ ജോഷ്വ അമലേക്യരുമായിയുദ്‌ധം ചെയ്‌തു. മോശ, അഹറോന്‍, ഹൂര്‍ എന്നിവര്‍ മലമുകളില്‍ കയറിനിന്നു.
Verse 11: മോശ കരങ്ങളുയര്‍ത്തിപ്പിടിച്ചിരുന്നപ്പോഴെല്ലാം ഇസ്രായേല്‍ വിജയിച്ചുകൊണ്ടിരുന്നു. കരങ്ങള്‍ താഴ്‌ത്തിയപ്പോള്‍ അമലേക്യര്‍ക്കായിരുന്നു വിജയം.
Verse 12: മോശയുടെ കൈകള്‍ കുഴഞ്ഞു. അപ്പോള്‍ അവര്‍ ഒരു കല്ലു നീക്കിയിട്ടു കൊടുത്തു. മോശ അതിന്‍മേല്‍ ഇരുന്നു. അഹറോനും ഹൂറും അവന്‍െറ കൈകള്‍ ഉയര്‍ത്തിപ്പിടിച്ചുകൊണ്ട്‌ ഇരുവശങ്ങളിലും നിന്നു. സൂര്യാസ്‌തമയം വരെ അവന്‍െറ കൈകള്‍ ഉയര്‍ന്നുതന്നെ നിന്നു.
Verse 13: ജോഷ്വ അമലേക്കിനെയും അവന്‍െറ ആളുകളെയും വാളുകൊണ്ട്‌ അരിഞ്ഞു വീഴ്‌ത്തി.
Verse 14: കര്‍ത്താവു മോശയോട്‌ അരുളിച്ചെയ്‌തു: ഇതിന്‍െറ ഓര്‍മ നിലനിര്‍ത്താനായി നീ ഇത്‌ ഒരു പുസ്‌തകത്തിലെഴുതി, ജോഷ്വയെ വായിച്ചു കേള്‍പ്പിക്കുക. ആകാശത്തിന്‍ കീഴില്‍ നിന്ന്‌ അമലേക്കിന്‍െറ സ്‌മ രണ ഞാന്‍ നിശ്‌ശേഷം മായിച്ചുകളയും.
Verse 15: മോശ അവിടെ ഒരു ബലിപീഠം നിര്‍മിച്ച്‌ അതിനുയാഹ്‌വെനിസ്‌സി എന്നു പേരു നല്‍കി.
Verse 16: എന്തെന്നാല്‍, അവന്‍ പറഞ്ഞു: കര്‍ത്താവിന്‍െറ പതാക കൈയിലെടുക്കുവിന്‍. തലമുറതോറും കര്‍ത്താവ്‌ അമലേക്കിനെതിരായിയുദ്‌ധംചെയ്‌തുകൊണ്ടിരിക്കും.