Verse 1: ധൂപാര്‍പ്പണത്തിനായി കരുവേലമരംകൊണ്ട്‌ ഒരു ബലിപീഠം പണിയണം. അതു സമചതുരമായിരിക്കണം.
Verse 2: നീളവും വീതിയും ഒരു മുഴം, ഉയരം രണ്ടു മുഴം; കൊമ്പുകള്‍ അതിനോട്‌ ഒന്നായി ചേര്‍ന്നിരിക്കണം.
Verse 3: മുകള്‍ഭാഗവും വശങ്ങളും കൊമ്പുകളും തങ്കംകൊണ്ട്‌ പൊതിയണം; മുകള്‍വശത്തു ചുറ്റിലും സ്വര്‍ണംകൊണ്ടുള്ള അരികുപാളി പിടിപ്പിക്കണം.
Verse 4: അതിനു കീഴേ രണ്ടു മൂലകളിലും ഓരോ സ്വര്‍ണ വളയം പിടിപ്പിക്കണം. മറുവശത്തും ഇപ്രകാരം ചെയ്യണം; അവ പീഠത്തെ വഹിക്കാനുള്ള തണ്ടുകളിടുന്നതിനാണ്‌.
Verse 5: തണ്ടുകള്‍ കരുവേലമരംകൊണ്ടുണ്ടാക്കി സ്വര്‍ണംകൊണ്ടു പൊതിയണം.
Verse 6: ഞാന്‍ നിന്നെ സന്‌ദര്‍ശിക്കുന്ന സ്‌ഥലമായ സാക്‌ഷ്യപേടകത്തിനു മുകളിലുള്ള കൃപാസ നത്തിന്‍െറയും സാക്‌ഷ്യപേടകത്തെ മറയ്‌ക്കുന്നതിരശ്‌ശീലയുടെയും മുന്‍പില്‍ അതു സ്‌ഥാപിക്കണം.
Verse 7: ഓരോ പ്രഭാതത്തിലും വിളക്കുകളൊരുക്കുമ്പോള്‍ അഹറോന്‍ പീഠത്തിന്‍മേല്‍ പരിമളദ്രവ്യങ്ങള്‍ പുകയ്‌ക്കണം.
Verse 8: സായാഹ്നത്തില്‍ ദീപം കൊളുത്തുമ്പോഴും അവന്‍ അതിന്‍മേല്‍ പരിമളദ്രവ്യങ്ങള്‍ പുകയ്‌ക്കട്ടെ. തലമുറതോറും എന്നേക്കും കര്‍ത്താവിന്‍െറ മുന്‍പില്‍ ഈ ധൂപാര്‍പ്പണം നടക്കണം.
Verse 9: അവിശുദ്‌ധ ധൂപമോ ദഹനബലിയോ ധാന്യബലിയോ അതിന്‍മേല്‍ നീ അര്‍പ്പിക്കരുത്‌.
Verse 10: ദ്രാവക നൈവേദ്യവും ഒഴിക്കരുത്‌. പാപപരിഹാരബലിയുടെ രക്‌തംകൊണ്ട്‌ വര്‍ഷത്തിലൊരിക്കല്‍ അഹറോന്‍ അതിന്‍െറ കൊമ്പുകളില്‍ പരിഹാര കര്‍മം അനുഷ്‌ഠിക്കണം. തലമുറതോറും ഇപ്രകാരം ചെയ്യണം. ഇത്‌ കര്‍ത്താവിന്‌ അതി വിശുദ്‌ധമാണ്‌.
Verse 11: കര്‍ത്താവു മോശയോട്‌ അരുളിച്ചെയ്‌തു:
Verse 12: ഇസ്രായേലില്‍ ജനസംഖ്യക്കണക്കെ ടുക്കുമ്പോള്‍ തങ്ങളുടെയിടയില്‍ മഹാമാ രി ഉണ്ടാകാതിരിക്കാന്‍ ഓരോരുത്തരും തങ്ങളുടെ ജീവനുവേണ്ടി കര്‍ത്താവിനു മോചനദ്രവ്യം കൊടുക്കണം.
Verse 13: ജനസംഖ്യക്കണക്കില്‍ ഉള്‍പ്പെടുന്ന ഓരോ വ്യക്‌തിയും വിശുദ്‌ധ മന്‌ദിരത്തില്‍ നിലവിലുള്ള കണക്കനുസരിച്ച്‌ അര ഷെക്കല്‍ വീതം കര്‍ത്താവിനു കാണിക്കയായി കൊടുക്കണം. ഒരു ഷെക്കല്‍ ഇരുപത്‌ ഗേരാ.
Verse 14: ജനസംഖ്യക്കണക്കില്‍ ഉള്‍പ്പെടുന്ന ഇരുപത്‌ വയ സ്‌സും അതിനുമേലും പ്രായമുള്ള ഓരോ വ്യക്‌തിയും ഈ കാണിക്ക കര്‍ത്താവിനു നല്‍കണം.
Verse 15: പാപപരിഹാരത്തിനായി കര്‍ത്താവിന്‌ ഈ കാണിക്ക നല്‍കുമ്പോള്‍ അര ഷെക്കല്‍ മാത്രമേ നല്‍കാവൂ; ധനികന്‍ കൂടുതലോ ദരിദ്രന്‍ കുറവോ കൊടുക്കാന്‍ പാടില്ല.
Verse 16: ഇസ്രായേല്‍ജനത്തില്‍നിന്നു പാപപരിഹാരത്തുക സ്വീകരിച്ച്‌ സമാഗമ കൂടാരത്തിലെ ശുശ്രൂഷയ്‌ക്ക്‌ ഉപയോഗിക്കണം. അങ്ങനെ നിങ്ങള്‍ക്കു പാപപരിഹാരത്തിനുതകുംവിധം അത്‌ ഇസ്രായേല്‍ ജനത്തെ കര്‍ത്താവിന്‍െറ സ്‌മരണയില്‍ കൊണ്ടുവരും.
Verse 17: കര്‍ത്താവു മോശയോട്‌ അരുളിച്ചെയ്‌തു :
Verse 18: ഓടുകൊണ്ട്‌ ഒരു ക്‌ഷാളനപാത്രം നിര്‍മിക്കണം. അതിന്‍െറ പീഠവും ഓടുകൊണ്ടുള്ളതായിരിക്കണം. അതു സമാഗമകൂടാരത്തിനും ബലിപീഠത്തിനുമിടയ്‌ക്കു വയ്‌ക്കണം. അതില്‍ വെള്ളമൊഴിക്കണം.
Verse 19: അഹറോനും പുത്രന്‍മാര്‍ക്കും കൈകാലുകള്‍ കഴുകുന്നതിനുവേണ്ടിയാണത്‌.
Verse 20: അവര്‍ സമാഗമകൂടാരത്തില്‍ പ്രവേശിക്കുകയോ ശുശ്രൂഷയ്‌ക്കായി ബലിപീഠത്തെ സമീപിച്ച്‌ കര്‍ത്താവിന്‌ ദഹനബലിയര്‍പ്പിക്കുകയോചെയ്യുമ്പോള്‍ കൈകാലുകള്‍ കഴുകണം. അല്ലെങ്കില്‍ അവര്‍ മരിക്കും.
Verse 21: മരിക്കാതിരിക്കുന്നതിന്‌ അവര്‍ കൈകാലുകള്‍ കഴുകണം. ഇത്‌ അവര്‍ക്ക്‌ എന്നേക്കുമുള്ള ഒരു കല്‍പനയാണ്‌; അവനും അവന്‍െറ സന്തതികള്‍ക്കും തലമുറതോറുമുള്ള കല്‍പന.
Verse 22: കര്‍ത്താവു മോശയോട്‌ അരുളിച്ചെയ്‌തു:
Verse 23: മിക ച്ചസുഗന്ധദ്രവ്യങ്ങള്‍ എടുക്കുക. വിശുദ്‌ധ മന്‌ദിരത്തില്‍ നിലവിലിരിക്കുന്ന ഷെക്കലിന്‍െറ കണക്കനുസരിച്ച്‌ അഞ്ഞൂറു ഷെക്കല്‍ ശുദ്‌ധമായ മീറയും ഇരുനൂറ്റന്‍പതു ഷെക്കല്‍ സുഗന്‌ധമുള്ള കറുവാപ്പട്ടയും, ഇരുനൂറ്റന്‍പതു ഷെക്കല്‍ സുഗ ന്‌ധ സസ്യവും,
Verse 24: അഞ്ഞൂറു ഷെക്കല്‍ അമരിപ്പട്ടയും, ഒരു ഹിന്‍ ഒലിവെണ്ണയും എടുക്കുക.
Verse 25: സുഗന്‌ധ തൈലങ്ങള്‍ നിര്‍മിക്കുന്ന വിദഗ്‌ധനെപ്പോലെ ഇവയെല്ലാം കൂട്ടിക്കലര്‍ത്തി ഒരു വിശുദ്‌ധതൈലമുണ്ടാക്കണം. അതു വിശുദ്‌ധമായ അഭിഷേകതൈലമായിരിക്കും.
Verse 26: സമാഗമകൂടാരവും സാക്‌ഷ്യപേടകവും അതുകൊണ്ട്‌ അഭിഷേകം ചെയ്യണം.
Verse 27: മേശയും വിളക്കുകാലും അവയുടെ ഉപകരണങ്ങളും, ധൂപപീഠവും
Verse 28: ദഹന ബലിപീഠവും ഉപകരണങ്ങളും, ക്‌ഷാളനപാത്രവും അതിന്‍െറ പീഠവും നീ അഭിഷേചിക്കണം.
Verse 29: ഏറ്റവും പരിശുദ്‌ധമാകേണ്ടതിന്‌ അവയെ നീ വിശുദ്‌ധീകരിക്കണം. അവയെ സ്‌പര്‍ശിക്കുന്നതെല്ലാം വിശുദ്‌ധമാകും.
Verse 30: പുരോഹിതരായി എനിക്കു ശുശ്രൂഷ ചെയ്യാന്‍ വേണ്ടി അഹറോനെയും പുത്രന്‍മാരെയും അഭിഷേകം ചെയ്യുകയും വേര്‍തിരിച്ചു നിര്‍ത്തുകയും ചെയ്യുക.
Verse 31: നീ ഇസ്രായേല്‍ക്കാരോടു പറയണം: ഇതു തലമുറതോറും എനിക്കായുള്ള അഭിഷേക തൈലമായിരിക്കും.
Verse 32: ഇതു സാധാരണക്കാരുടെമേല്‍ ഒഴിക്കരുത്‌. കൂട്ടുവസ്‌തുക്കള്‍ ഈ കണക്കില്‍ ചേര്‍ത്ത്‌ മറ്റൊരു തൈലമുണ്ടാക്കുകയുമരുത്‌. ഇതു വിശുദ്‌ധമാണ്‌. നീ ഇതിനെ വിശുദ്‌ധമായി കരുതണം.
Verse 33: ആരെങ്കിലും ഇതുപോലൊരു ചേരുവ ഉണ്ടാക്കുകയോ സാധാരണക്കാരന്‍െറ മേല്‍ ഒഴിക്കുകയോ ചെയ്‌താല്‍ അവന്‍ തന്‍െറ ജനത്തില്‍നിന്നു വിച്‌ഛേദിക്കപ്പെടണം.
Verse 34: കര്‍ത്താവ്‌ മോശയോട്‌ അരുളിച്ചെയ്‌തു: ദേവദാരുതൈലം, നറുമ്പശ, ഗുല്‍ഗുലു, കുന്തുരുക്കം എന്നീ സുഗന്‌ധദ്രവ്യങ്ങള്‍ സമമായി എടുക്കുക.
Verse 35: സുഗന്‌ധതൈലം നിര്‍മിക്കുന്ന വിദഗ്‌ധനെപ്പോലെ ഇവയെല്ലാം കൂട്ടിക്കലര്‍ത്തി ഉപ്പും ചേര്‍ത്ത്‌ ധൂപാര്‍പ്പണത്തിനുള്ള വിശുദ്‌ധമായ സുഗന്‌ധദ്രവ്യമുണ്ടാക്കുക.
Verse 36: അതില്‍നിന്നു കുറെയെടുത്ത്‌ നേര്‍മയായി പൊടിച്ച്‌ ഒരു ഭാഗം ഞാന്‍ നിങ്ങളെ സന്‌ദര്‍ശിക്കുന്ന സമാഗമകൂടാരത്തിലെ സാക്‌ഷ്യപേടകത്തിന്‍െറ മുന്‍പില്‍ വയ്‌ക്കുക. അതിനെ ഏറ്റവും പവിത്രമായി കരുതണം.
Verse 37: നിങ്ങള്‍ക്കുവേണ്ടി ഈ ചേരുവക്കണക്കനുസരിച്ച്‌ സുഗന്‌ധദ്രവ്യം ഉണ്ടാക്കരുത്‌; കര്‍ത്താവിനു വിശുദ്‌ധമായ ഒന്നായി ഇതിനെ കരുതണം.
Verse 38: പരിമളത്തിനുവേണ്ടി ആരെങ്കിലും അതുണ്ടാക്കിയാല്‍ അവന്‍ തന്‍െറ ജനത്തില്‍നിന്നു വിച്‌ഛേദിക്കപ്പെടണം.