Verse 1: കര്ത്താവു മോശയോടു പറഞ്ഞു: ഞാന് ഫറവോയോട് എന്തു ചെയ്യുമെന്നു നീ ഉടനെ കാണും. ശക്തമായ കരത്താല് നിര്ബന്ധിതനായി അവന് അവരെ വിട്ടയയ്ക്കും. അവരെ പുറന്തള്ളാതിരിക്കാന് വയ്യാത്തനില അവനു വന്നുകൂടും.
Verse 2: അവിടുന്നു തുടര്ന്നു: ഞാന് കര്ത്താവാണ്.
Verse 3: അബ്രാഹത്തിനും ഇസഹാക്കിനും യാക്കോബിനും സര്വശക്തനായ ദൈവമായി ഞാന് പ്രത്യക്ഷപ്പെട്ടു; എന്നാല് കര്ത്താവ് എന്ന നാമത്താല് ഞാന് എന്നെ അവര്ക്കു വെളിപ്പെടുത്തിയില്ല.
Verse 4: എങ്കിലും അവര് പരദേശികളായിപ്പാര്ത്തിരുന്ന കാനാന്ദേശം അവര്ക്കു നല്കുമെന്ന് അവരുമായി ഞാന് ഉടമ്പടി ചെയ്തിരുന്നു.
Verse 5: ഈജിപ്തുകാര് അടിമകളാക്കിയിരിക്കുന്ന ഇസ്രായേല് മക്കളുടെ ദീനരോദനം ഞാന് കേട്ടു. എന്െറ ഉടമ്പടി ഞാന് ഓര്മിക്കുകയുംചെയ്തു.
Verse 6: ആകയാല്, ഇസ്രായേല്മക്കളോടു പറയുക: ഞാന് കര്ത്താവാണ്. ഈജിപ്തുകാര് ചുമത്തിയ ഭാരം നീക്കി നിങ്ങളെ ഞാന് മോചിപ്പിക്കും. നിങ്ങളുടെ അടിമത്തത്തില് നിന്നു നിങ്ങളെ സ്വതന്ത്രരാക്കും. കൈയുയര്ത്തി അവരെ കഠിനമായി ശിക്ഷിച്ച്, നിങ്ങളെ വീണ്ടെടുക്കും.
Verse 7: ഞാന് നിങ്ങളെ എന്െറ ജനമായി സ്വീകരിക്കും; നിങ്ങളുടെ ദൈവമായിരിക്കുകയും ചെയ്യും. ഈജിപ്തുകാരുടെ ദാസ്യത്തില്നിന്ന് നിങ്ങളെ മോചിപ്പി ച്ചഞാനാണു നിങ്ങളുടെ ദൈവമായ കര്ത്താവ് എന്നു നിങ്ങള് അറിയും.
Verse 8: അബ്രാഹത്തിനും ഇസഹാക്കിനും യാക്കോബിനും വാഗ്ദാനം ചെയ്ത ദേശത്തേക്കു നിങ്ങളെ ഞാന് നയിക്കും; അതു നിങ്ങള്ക്ക് അവകാശമായിത്തരുകയും ചെയ്യും.
Verse 9: ഞാന് കര്ത്താവാണ്. ഇസ്രായേല്മക്കളോടു മോശ ഇപ്രകാരം പറഞ്ഞെങ്കിലും അവരുടെ മനോവ്യഥയും ക്രൂരമായ അടിമത്തവും നിമിത്തം അവര് അവന്െറ വാക്കുകള് ശ്രദ്ധിച്ചില്ല.
Verse 10: കര്ത്താവു മോശയോടു കല്പിച്ചു:
Verse 11: നീ പോയി ഈജിപ്തിലെ രാജാവായ ഫറവോയോട് ഇസ്രായേല്മക്കളെ വിട്ടയയ്ക്കാന് പറയുക.
Verse 12: മോശ കര്ത്താവിനോടു പറഞ്ഞു: ഇസ്രായേല് മക്കള് പോലും ഞാന് പറയുന്നതു കേള്ക്കുന്നില്ല. പിന്നെ ഫറവോ കേള്ക്കുമോ? പോരെങ്കില് ഞാന് സംസാരിക്കാന് കഴിവില്ലാത്തവനുമാണ്.
Verse 13: കര്ത്താവു മോശയോടും അഹറോനോടും കല്പിച്ചു: ഇസ്രായേല്ക്കാരെ ഈജിപ്തില്നിന്നു മോചിപ്പിക്കാന് ഞാന് നിങ്ങളെ നിയോഗിച്ചിരിക്കുന്നുവെന്ന് ഇസ്രായേല് മക്കളോടും ഈജിപ്തുരാജാവായ ഫറവോയോടും പറയുക.
Verse 14: മോശയുടെയും അഹറോന്െറയും പിതൃ ഗോത്രങ്ങളുടെ തലവന്മാര് ഇവരാകുന്നു:ഇസ്രായേലിന്െറ ആദ്യജാതനായ റൂബന്െറ പുത്രന്മാര്: ഹനോക്ക്, പല്ലു, ഹെസ്രാന്, കര്മി ഇവരാകുന്നു റൂബന് ഗോത്രത്തിലെ തലവന്മാര്.
Verse 15: ശിമയോന്െറ പുത്രന്മാര്:യെമുവേല്, യാമീന്, ഓഹദ്, യാക്കീന്, സോഹാര്, കാനാന്കാരിയില്നിന്നുള്ള ഷാവൂല്. ഇവരാകുന്നു ശിമയോന്െറ ഗോത്രത്തിലെ കുലത്തലവന്മാര്.
Verse 16: കുലങ്ങളനുസരിച്ചുലേവിയുടെ പുത്രന്മാരുടെ പേരുകള്: ഗര്ഷോന്, കൊഹാത്ത്, മെറാറി. ലേവിയുടെ ജീവിതകാലം നൂറ്റിമുപ്പത്തേഴു വര്ഷമായിരുന്നു.
Verse 17: ഗര്ഷോന്െറ പുത്രന്മാര്: ലിബ്നി, ഷിമെയി എന്നിവരും അവരുടെ കുടുംബങ്ങളും. കൊഹാത്തിന്െറ പുത്രന്മാര്: അമ്രാം, ഇസ്ഹാര്, ഹെബ്രാണ്, ഉസ്സിയേല്.
Verse 18: കൊഹാത്തിന്െറ ജീവിതകാലം നൂറ്റിമുപ്പത്തിമൂന്നു വര്ഷമായിരുന്നു.
Verse 19: മെറാറിയുടെ പുത്രന്മാര്: മഹ്ലി, മൂഷി. തലമുറയനുസരിച്ചു ലേവിയുടെ കുടുംബങ്ങള് ഇവയാണ്.
Verse 20: അമ്രാം തന്െറ പിതൃസഹോദരിയായ യോക്കെബെദിനെ ഭാര്യയായി സ്വീകരിക്കുകയും അവളില് അവനു അഹറോന്, മോശ എന്നിവര് ജനിക്കുകയും ചെയ്തു. അമ്രാമിന്െറ ജീവിതകാലം നൂറ്റിമുപ്പത്തേഴു വര്ഷമായിരുന്നു. ഇസ്ഹാറിന്െറ പുത്രന്മാര്: കോറഹ്, നെഫെഗ്, സിക്രി.
Verse 21: ഉസ്സിയേലിന്െറ പുത്രന്മാര്:
Verse 22: മിഷായേല്, എല്സാഫാന്, സിത്രി.
Verse 23: അഹറോന്, അമ്മീനാദാബിന്െറ മകളും നഹ്ഷോന്െറ സഹോദരിയുമായ എലിഷേബായെ ഭാര്യയായി സ്വീകരിക്കുകയും അവളില് അവന് നാദാബ്, അബീഹു, എലെയാസര്, ഇത്താമാര് എന്നീ പുത്രന്മാര് ജനിക്കുകയുംചെയ്തു.
Verse 24: കോറഹിന്െറ പുത്രന്മാര്: അസ്സീര്, എല്ക്കാനാ, അബിയാസാഫ്. ഇവരാണു കോറഹ് വംശ ജര്.
Verse 25: അഹറോന്െറ പുത്രനായ എലെയാസര് പുത്തിയേലിന്െറ പുത്രിയെ ഭാര്യയായി സ്വീകരിക്കുകയും അവളില് അവന് ഫിനെഹാസ് എന്ന പുത്രന് ജനിക്കുകയും ചെയ്തു. ഇവരാണ് ലേവി ഗോത്രത്തിലെ കുലത്തലവന്മാര്.
Verse 26: ഈജിപ്തു രാജ്യത്തുനിന്ന് ഇസ്രായേല്ക്കാരെ സംഘം സംഘമായി പുറത്തുകൊണ്ടുവരുകയെന്ന് കര്ത്താവു കല്പിച്ചത് ഈ അഹറോനോടും മോശയോടുമാണ്.
Verse 27: ഇസ്രായേല്ക്കാരെ ഈജിപ്തില് നിന്നു പുറത്തുകൊണ്ടുവരാന്വേണ്ടി ഈജിപ്തിലെ രാജാവായ ഫറവോയോടു സംസാരിച്ചത് ഇവരാണ്.
Verse 28: ഈജിപ്തില്വച്ചു കര്ത്താവ് മോശയോടു സംസാരി ച്ചദിവസം
Verse 29: അവിടുന്ന് ഇപ്രകാരം അരുളിച്ചെയ്തു: ഞാന് കര്ത്താവാണ്. ഞാന് നിന്നോടു കല്പിക്കുന്നതെല്ലാം ഈജിപ്തിലെ രാജാവായ ഫറവോയോടു നീ പറയുക.
Verse 30: മോശ കര്ത്താവിനോടു പറഞ്ഞു: സംസാരിക്കാന് കഴിവില്ലാത്തവനാണു ഞാന്. ഫറവോ എന്െറ വാക്കുകള് ശ്രദ്ധിക്കുമോ?