Verse 1: കരുവേലമരംകൊണ്ട്‌ ഒരു ബലിപീഠം പണിയണം. അതു സമചതുരമായിരിക്കണം. നീളവും വീതിയും അഞ്ചുമുഴം, ഉയരം മൂന്നുമുഴം.
Verse 2: ബലിപീഠത്തിന്‍െറ നാലു മൂല കളിലും അതോട്‌ ഒന്നായിച്ചേര്‍ന്നുനില്‍ക്കുന്ന നാലു കൊമ്പുകള്‍ നിര്‍മിച്ച്‌ ഓടുകൊണ്ടു പൊതിയണം.
Verse 3: ചാരപ്പാത്രങ്ങള്‍, കോരിക കള്‍, താലങ്ങള്‍, മുള്‍ക്കരണ്ടികള്‍, അഗ്‌നികലശങ്ങള്‍ എന്നിങ്ങനെ ബലിപീഠത്തിങ്കല്‍ ആവശ്യമുള്ള ഉപകരണങ്ങളെല്ലാം ഓടുകൊണ്ടു നിര്‍മിക്കണം.
Verse 4: ബലിപീഠത്തിനുവേണ്ടി ഓടുകൊണ്ടുള്ള അഴികളുപയോഗിച്ച്‌ വലയുടെ രൂപത്തില്‍ ഒരു ചട്ടക്കൂടുണ്ടാക്കണം. അതിന്‍െറ നാലു മൂലയിലും ഓരോ ഓട്ടുവളയം ഘടിപ്പിക്കണം.
Verse 5: ചട്ടക്കൂടു ബലിപീഠത്തിന്‍െറ മുകളിലത്തെ അരികുപാളിക്കു കീഴില്‍ ഉറപ്പിക്കണം. അതു ബലിപീഠത്തിന്‍െറ മധ്യഭാഗം വരെ ഇറങ്ങി നില്‍ക്കണം.
Verse 6: കരുവേലമരംകൊണ്ടു ബലിപീഠത്തിനു തണ്ടുകള്‍ നിര്‍മിച്ച്‌ ഓടുകൊണ്ടു പൊതിയണം.
Verse 7: ബലിപീഠം വഹിച്ചുകൊണ്ടു പോകാനായി അതിന്‍െറ ഇരുവശങ്ങളിലും വളയങ്ങള്‍ ഘടിപ്പിച്ച്‌ അവയിലൂടെ തണ്ടുകള്‍ ഇടണം.
Verse 8: പലകകള്‍കൊണ്ട്‌, അകം പൊള്ളയായി, ബലിപീഠം പണിയണം; മലയില്‍വച്ച്‌ കാണിച്ചുതന്നതുപോലെയാണ്‌ പണിയേണ്ടത്‌.
Verse 9: കൂടാരത്തിന്‌ ഒരു അങ്കണം ഉണ്ടാക്കണം. അങ്കണത്തിന്‍െറ തെക്കുഭാഗത്ത്‌ നേര്‍മയായി നെയ്‌തെടുത്ത ചണത്തുണികൊണ്ട്‌ നൂറുമുഴം നീളത്തില്‍ ഒരു മറഉണ്ടാക്കിയിരിക്കണം.
Verse 10: അതിന്‌ ഇരുപതു തൂണുകള്‍വേണം. തൂണുകളുടെ പാദകുടങ്ങള്‍ ഓടുകൊണ്ടുള്ളതായിരിക്കണം. തൂണുകള്‍ക്ക്‌ വെള്ളികൊണ്ടുള്ള കൊളുത്തുകളും പട്ടകളും ഉണ്ടായിരിക്കണം.
Verse 11: അപ്രകാരം തന്നെ, വടക്കുഭാഗത്ത്‌ നെടുകെ നൂറുമുഴം നീളമുള്ള മറയും മറതൂക്കുന്നതിന്‌ ഇരുപത്‌ തൂണുകളും അവയ്‌ക്ക്‌ ഇരുപത്‌ ഓട്ടുപാദകുടങ്ങളും വെള്ളികൊണ്ടുള്ള കൊളുത്തുകളും പട്ടകളും ഉണ്ടായിരിക്കണം.
Verse 12: പടിഞ്ഞാറു ഭാഗത്തെ മുറ്റത്തിന്‍െറ വീതിക്കൊത്ത്‌ അന്‍പതുമുഴം നീളമുള്ള മറയും പത്തു തൂണുകളും അവയ്‌ക്ക്‌ പത്തു പാദകുടങ്ങളും ഉണ്ടായിരിക്കണം.
Verse 13: കിഴക്കുഭാഗത്തെ മുറ്റത്തിന്‍െറ വീതി അന്‍പതു മുഴമായിരിക്കണം.
Verse 14: കവാടത്തിന്‍െറ ഒരു വശത്ത്‌ പതിനഞ്ചു മുഴം നീളമുള്ള മറയും മൂന്നു തൂണുകളും അവയ്‌ക്ക്‌ മൂന്നു പാദകുടങ്ങളും ഉണ്ടായിരിക്കണം.
Verse 15: കവാടത്തിന്‍െറ മറുവശത്തും പതിനഞ്ചു മുഴം നീളമുള്ള മറയും, മൂന്നു തൂണുകളും അവയ്‌ക്ക്‌ മൂന്നു പാദകുടങ്ങളുംവേണം.
Verse 16: അങ്കണകവാടത്തിന്‌ ഇരുപതുമുഴം നീളമുള്ള ഒരുയവനിക ഉണ്ടായിരിക്കണം. നീലം, ധൂമ്രം, കടുംചെമപ്പ്‌ എന്നീ നിറങ്ങളുള്ളതും നേര്‍മയായി നെയ്‌തെടുത്തതും ചിത്രത്തയ്യല്‍കൊണ്ട്‌ അലങ്കരിച്ചതുമായ ചണവസ്‌ത്രം കൊണ്ടാണ്‌യവനിക നിര്‍മിക്കേണ്ടത്‌. അതിനു നാലു തൂണുകളും അവയ്‌ക്കു നാലു പാദകുടങ്ങളും ഉണ്ടായിരിക്കണം.
Verse 17: അങ്കണത്തിനു ചുറ്റുമുള്ള തൂണുകള്‍ക്കെല്ലാം വെള്ളികൊണ്ടുള്ള പട്ടകളും കൊളുത്തുകളും ഓട്ടുപാദകുടങ്ങളും ഉണ്ടായിരിക്കണം.
Verse 18: അങ്കണത്തിന്‍െറ നീളം നൂറുമുഴവും വീതി അന്‍പതു മുഴവും ആയിരിക്കണം. അതിനു ചുറ്റും അഞ്ചുമുഴം ഉയരത്തില്‍ നേര്‍മയായി നെയ്‌തെടുത്ത്‌ ചണത്തുണികൊണ്ടുള്ള മറയും തൂണുകള്‍ക്ക്‌ ഓടുകൊണ്ടുള്ള പാദകുടങ്ങളും ഉണ്ടായിരിക്കണം.
Verse 19: കൂടാരത്തിലെ ഉപയോഗത്തിനുള്ള എല്ലാ ഉപകരണങ്ങളും കൂടാരത്തിന്‍െറയും അങ്കണത്തിന്‍െറയും മറകള്‍ക്കുവേണ്ട കുറ്റികളും ഓടുകൊണ്ടു നിര്‍മിച്ചവയായിരിക്കണം.
Verse 20: വിളക്ക്‌ എപ്പോഴും കത്തിനില്‍ക്കുന്നതിന്‌, ആട്ടിയെടുത്ത ശുദ്‌ധമായ ഒലിവെണ്ണകൊണ്ടുവരാന്‍ ഇസ്രായേല്‍ക്കാരോടു പറയണം.
Verse 21: സമാഗമകൂടാരത്തിനുള്ളില്‍ സാക്‌ഷ്യപേടകത്തിനു മുന്‍പിലുള്ള തിരശ്‌ശീലയ്‌ക്കു വെളിയില്‍ വിളക്ക്‌ സന്‌ധ്യമുതല്‍പ്രഭാതംവരെ കര്‍ത്താവിന്‍െറ മുന്‍പില്‍ കത്തിനില്‍ക്കാന്‍ അഹറോനും അവന്‍െറ പുത്രന്‍മാരും ശ്രദ്‌ധിക്കട്ടെ. ഇസ്രായേല്‍ക്കാര്‍ തലമുറതോറും അനുഷ്‌ഠിക്കേണ്ട ശാശ്വത നിയമമാണിത്‌.