Verse 1: കര്‍ത്താവു മോശയോട്‌ അരുളിച്ചെയ്‌തു:
Verse 2: ഒന്നാം മാസത്തിന്‍െറ ഒന്നാം ദിവസം നീ സമാഗമകൂടാരം സ്‌ഥാപിക്കണം.
Verse 3: സാക്‌ഷ്യപേടകം അതിനുള്ളില്‍ പ്രതിഷ്‌ഠിച്ച്‌ തിരശ്‌ശീലകൊണ്ടു മറയ്‌ക്കണം.
Verse 4: മേശ കൊണ്ടുവന്ന്‌ അതിന്‍െറ ഉപകരണങ്ങളെല്ലാം അതിന്‍മേല്‍ ക്രമപ്പെടുത്തിവയ്‌ക്കണം. വിളക്കുകാല്‍ കൊണ്ടുവന്ന്‌ അതിന്‍മേല്‍ വിളക്കുകള്‍ ഉറപ്പിക്കുക.
Verse 5: ധൂപാര്‍ച്ചനയ്‌ക്കുള്ള സ്വര്‍ണപീഠം സാക്‌ഷ്യപേടകത്തിന്‍െറ മുന്‍പില്‍ സ്‌ഥാപിക്കുകയും കൂടാരവാതിലിന്‌യവനിക ഇടുകയും വേണം.
Verse 6: സമാഗമകൂടാരത്തിന്‍െറ വാതിലിനു മുന്‍പില്‍ നീ ദഹനബലിപീഠം സ്‌ഥാപിക്കണം.
Verse 7: സമാഗമ കൂടാരത്തിന്‍െറയും ബലിപീഠത്തിന്‍െറയും മധ്യേ ക്‌ഷാളനപാത്രംവച്ച്‌ അതില്‍ വെള്ളമൊഴിക്കുക.
Verse 8: ചുറ്റും അങ്കണമൊരുക്കി അങ്കണകവാടത്തില്‍യവനിക തൂക്കിയിടണം.
Verse 9: അതിനുശേഷം അഭിഷേകതൈലമെടുത്ത്‌ കൂടാരവും അതിലുള്ള സകലതും അഭിഷേ ചിക്കുക. അങ്ങനെ കൂടാരവും അതിലെ ഉപകരണങ്ങളും ശുദ്‌ധീകരിക്കുക. അവ വിശുദ്‌ധമാകും.
Verse 10: ദഹനബലിപീഠവും അതിലെ ഉപകരണങ്ങളും അഭിഷേചിച്ചു ശുദ്‌ധീകരിക്കുക.
Verse 11: ബലിപീഠം അതിവിശുദ്‌ധമാകും. ക്‌ഷാളനപാത്രവും അതിന്‍െറ പീഠവും അഭിഷേചിച്ചു ശുദ്‌ധീകരിക്കണം.
Verse 12: അനന്തരം, അഹറോനെയും അവന്‍െറ പുത്രന്‍മാരെയും സമാഗമകൂടാരത്തിന്‍െറ വാതില്‍ക്കല്‍ കൊണ്ടുവന്ന്‌ വെള്ളംകൊണ്ടു കഴുകണം.
Verse 13: അ ഹറോനെ നീ വിശുദ്‌ധ വസ്‌ത്രങ്ങളണിയിക്കുകയും അഭിഷേചിച്ചു ശുദ്‌ധീകരിക്കുകയും വേണം. അങ്ങനെ അവന്‍ പുരോഹിത പദവിയില്‍ എന്നെ ശുശ്രൂഷിക്കട്ടെ.
Verse 14: അവന്‍െറ പുത്രന്‍മാരെകൊണ്ടുവന്ന്‌ അങ്കികളണിയിക്കണം.
Verse 15: അവരുടെ പിതാവിനെ അഭിഷേചിച്ചതുപോലെ അവരെയും അഭിഷേകം ചെയ്യണം. പുരോഹിതരെന്ന നിലയില്‍ അവര്‍ എനിക്കു ശുശ്രൂഷ ചെയ്യട്ടെ. അവരുടെ ഈ അഭിഷേകം അവരെ തലമുറകളിലൂടെ നിലനില്‍ക്കുന്ന നിത്യപൗരോഹിത്യത്തില്‍ ഭാഗഭാക്കുകളാക്കും.
Verse 16: മോശ അപ്രകാരം പ്രവര്‍ത്തിച്ചു; കര്‍ത്താവു തന്നോടു കല്‍പിച്ചതെല്ലാം അവന്‍ അനുഷ്‌ഠിച്ചു.
Verse 17: രണ്ടാംവര്‍ഷം ഒന്നാംമാസം ഒന്നാം ദിവസം കൂടാരം സ്‌ഥാപിക്കപ്പെട്ടു.
Verse 18: മോശ കൂടാരമുയര്‍ത്തി; അതിന്‍െറ പാദകുടങ്ങളുറപ്പിച്ചു; പലകകള്‍ പിടിപ്പിച്ചു; അഴികള്‍ നിരത്തി, തൂണുകള്‍ നാട്ടി.
Verse 19: കര്‍ത്താവു കല്‍പിച്ചതുപോലെ, മോശ കൂടാരത്തിന്‍െറ വിതാനം ഒരുക്കി, വിരികള്‍ നിരത്തി.
Verse 20: അവന്‍ ഉടമ്പടിപ്പത്രികയെടുത്തു പേടകത്തില്‍ വച്ചു. തണ്ടുകള്‍ പേടകത്തോടു ഘടിപ്പിച്ചു. പേടകത്തിനുമീതേ കൃപാസനം സ്‌ഥാപിക്കുകയും ചെയ്‌തു.
Verse 21: കര്‍ത്താവു കല്‍പിച്ചതുപോലെ, മോശ സാക്‌ഷ്യപേടകം കൂടാരത്തിനുള്ളിലേക്കു കൊണ്ടുവന്നു. അതു തിരശ്‌ശീലകൊണ്ടു മറച്ചു.
Verse 22: അവന്‍ സമാഗമകൂടാരത്തില്‍ ശ്രീകോവിലിന്‍െറ വടക്കുവശത്തായിയവനികയ്‌ക്കുവെളിയില്‍ മേശ സ്‌ഥാപിച്ചു.
Verse 23: അതിന്‍മേല്‍ കര്‍ത്താവു കല്‍പിച്ചതുപോലെ അവിടുത്തെ മുന്‍പില്‍, ക്രമപ്രകാരം അപ്പവും വച്ചു.
Verse 24: സമാഗമകൂടാരത്തില്‍ മേശയ്‌ക്കെ തിരായി ശ്രീകോവിലിന്‍െറ തെക്കുവശത്തു വിളക്കുകാല്‍ സ്‌ഥാപിച്ചു.
Verse 25: കര്‍ത്താവു കല്‍പിച്ചതുപോലെ, മോശ കര്‍ത്താവിന്‍െറ മുന്‍പില്‍ വിളക്കുകള്‍ വച്ചു.
Verse 26: സമാഗമകൂടാരത്തില്‍ തിരശ്‌ശീലയുടെ മുന്‍പില്‍ ധൂപാര്‍ച്ചനയ്‌ക്കുള്ള സ്വര്‍ണപീഠം സ്‌ഥാപിച്ചു.
Verse 27: കര്‍ത്താവു കല്‍പിച്ചതുപോലെ, മോശ അതിന്‍മേല്‍ പരിമളദ്രവ്യങ്ങള്‍ പുകച്ചു.
Verse 28: കൂടാരത്തിന്‍െറ വാതില്‍ക്കല്‍ തിരശ്‌ശീല തൂക്കിയിട്ടു.
Verse 29: കര്‍ത്താവു കല്‍പിച്ചതുപോലെ സമാഗമകൂടാരത്തിന്‍െറ വാതില്‍ക്കല്‍ ദഹനബലിപീഠം സ്‌ഥാപിക്കുകയും അതിന്‍മേല്‍ ദഹനബലിയും ധാന്യബലിയും അര്‍പ്പിക്കുകയും ചെയ്‌തു.
Verse 30: സമാഗമകൂടാരത്തിനും ബലിപീഠത്തിനും മധ്യേ ക്‌ഷാളനപാത്രം വച്ച്‌ അതില്‍ ക്‌ഷാളനത്തിനുള്ള വെള്ളമൊഴിച്ചു.
Verse 31: ഈ വെള്ളംകൊണ്ടു മോശയും അഹറോനും അഹറോന്‍െറ പുത്രന്‍മാരും കൈകാലുകള്‍ കഴുകി.
Verse 32: കര്‍ത്താവു മോശയോടു കല്‍പിച്ചതുപോലെ, അവര്‍ സമാഗമകൂടാരത്തില്‍ പ്രവേശിക്കുമ്പോഴും ബലിപീഠത്തെ സമീപിക്കുമ്പോഴും ക്‌ഷാളന കര്‍മം അനുഷ്‌ഠിച്ചുപോന്നു.
Verse 33: അവന്‍ കൂടാരത്തിനും ബലിപീഠത്തിനും ചുറ്റും അങ്കണമുണ്ടാക്കി. അങ്കണകവാടത്തില്‍യവനികയിട്ടു. അങ്ങനെ, മോശ ജോലി ചെയ്‌തുതീര്‍ത്തു.
Verse 34: അപ്പോള്‍ ഒരു മേഘം സമാഗമകൂടാരത്തെ ആവരണംചെയ്‌തു. കര്‍ത്താവിന്‍െറ മഹത്വം കൂടാരത്തില്‍ നിറഞ്ഞുനിന്നു.
Verse 35: മോശയ്‌ക്കു സമാഗമകൂടാരത്തില്‍ പ്രവേശിക്കാന്‍ കഴിഞ്ഞില്ല; കാരണം, മേഘം അതിനെ ആവരണം ചെയ്‌തിരുന്നു. കര്‍ത്താവിന്‍െറ മഹത്വം കൂടാരത്തില്‍ നിറഞ്ഞുനിന്നിരുന്നു.
Verse 36: മേഘം കൂടാരത്തില്‍നിന്ന്‌ ഉയരുമ്പോഴാണ്‌ ഇസ്രായേല്‍ജനംയാത്രപുറപ്പെട്ടിരുന്നത്‌.
Verse 37: മേഘം ഉയര്‍ന്നില്ലെങ്കില്‍, അതുയരുന്ന ദിവസംവരെ അവര്‍ പുറപ്പെട്ടിരുന്നില്ല.
Verse 38: കര്‍ത്താവിന്‍െറ മേഘം പകല്‍സമ യത്ത്‌ കൂടാരത്തിനു മുകളില്‍ നിലകൊണ്ടിരുന്നു; രാത്രിസമയത്ത്‌ മേഘത്തില്‍ അഗ്‌നി ജ്വലിച്ചിരുന്നു. ഇസ്രായേല്‍ജനംയാത്രയുടെ ഓരോ ഘട്ടത്തിലും ഇതു ദര്‍ശിച്ചു.