Verse 1: മൂന്നു വര്‍ഷത്തേക്ക്‌ സിറിയായും ഇസ്രായേലും തമ്മില്‍യുദ്‌ധമുണ്ടായില്ല.
Verse 2: മൂന്നാംവര്‍ഷം യൂദാരാജാവായയഹോഷാഫാത്ത്‌ ഇസ്രായേല്‍രാജാവിനെ സന്‌ദര്‍ശിച്ചു.
Verse 3: ഇസ്രായേല്‍രാജാവ്‌ തന്‍െറ സേവ കന്‍മാരോടു പറഞ്ഞു: റാമോത്ത്‌ഗിലയാദ്‌ സിറിയാരാജാവില്‍നിന്നു തിരിച്ചെടക്കുന്നതിനു നാം എന്തിനു മടിക്കുന്നു?
Verse 4: അതു നമ്മുടേതാണല്ലോ! അവന്‍ യഹോഷാഫാത്തിനോടു ചോദിച്ചു: എന്നോടൊപ്പം റാമോത്ത്‌ ഗിലയാദില്‍യുദ്‌ധത്തിനു പോരുമോ?യാഹോഷാഫാത്ത്‌ ഇസ്രായേല്‍രാജാവിനോടു പറഞ്ഞു: ഞാന്‍ തയ്യാറാണ്‌; എന്‍െറ സൈന്യം നിന്‍െറ സൈന്യത്തെപ്പോലെയും എന്‍െറ കുതിരകള്‍ നിന്‍െറ കുതിരകളെപ്പോലെയും തയ്യാറാണ്‌.
Verse 5: യഹോഷാഫാത്ത്‌ തുടര്‍ന്നു: ആദ്യം കര്‍ത്താവിന്‍െറ ഇംഗിതം ആരായുക.
Verse 6: ഇസ്രായേല്‍രാജാവ്‌ പ്രവാചകന്‍മാരെ വിളിച്ചുകൂട്ടി; അവര്‍ നാനൂറോളം പേരുണ്ടായിരുന്നു. അവന്‍ അവരോടു ചോദിച്ചു: ഞാന്‍ റാമോത്ത്‌ഗിലയാദ്‌ തിരിച്ചെടുക്കാന്‍യുദ്‌ധത്തിനു പോകണമോ വേണ്ടയോ? അവര്‍ പ്രതിവചിച്ചു: പോവുക, കര്‍ത്താവ്‌ അതു രാജാവിന്‍െറ കൈയില്‍ ഏല്‍പിക്കും.
Verse 7: എന്നാല്‍യഹോഷാഫാത്ത്‌ ചോദിച്ചു: കര്‍ത്താവിന്‍െറ ഇംഗിതം ആരായേണ്ടതിന്‌ ഇവിടെ വേറെപ്രവാചകനില്ലേ?
Verse 8: ഇസ്രായേല്‍രാജാവ്‌പ്രതിവചിച്ചു: നമുക്കു കര്‍ത്താവിന്‍െറ ഇംഗിതം ആരായാന്‍ ഒരാള്‍കൂടിയുണ്ട്‌. ഇംലായുടെ പുത്രന്‍മിക്കായാ. എന്നാല്‍ ഞാന്‍ അവനെ വെറുക്കുന്നു; അവന്‍ എനിക്കു തിന്‍മയല്ലാതെ നന്‍മ പ്രവചിക്കുകയില്ല.യാഹോഷാഫാത്ത്‌ പറഞ്ഞു: രാജാവ്‌ അങ്ങനെ പറയരുതേ.
Verse 9: ഉടന്‍ ഇസ്രായേല്‍രാജാവ്‌ സേവകനോട്‌ ആജ്‌ഞാപിച്ചു: ഇംലയുടെ മകന്‍ മിക്കായായെ വേഗം കൊണ്ടുവരുക.
Verse 10: ഇസ്രായേല്‍രാജാവും യൂദാരാജാവ്‌യഹോഷാഫാത്തും രാജകീയവസ്‌ത്രങ്ങളണിഞ്ഞ്‌ സമരിയായുടെ കവാടത്തിലുള്ള ഒരു മെതിസ്‌ഥലത്ത്‌ സിംഹാസനത്തില്‍ ഉപവിഷ്‌ടരായിരുന്നു; പ്രവാചകന്‍മാര്‍ അവരുടെ മുന്‍ പില്‍ പ്രവചിച്ചുകൊണ്ടിരുന്നു.
Verse 11: കെനാനായുടെ മകന്‍ സെദക്കിയാ ഇരുമ്പുകൊണ്ടുകൊമ്പുകള്‍ നിര്‍മിച്ച്‌ പറഞ്ഞു: കര്‍ത്താവ്‌ അരുളിച്ചെയ്യുന്നു, സിറിയാക്കാര്‍ നശിക്കുന്നതുവരെ നീ ഇവകൊണ്ട്‌ അവരെ കുത്തിക്കീറും.
Verse 12: എല്ലാ പ്രവാചകന്‍മാരും അങ്ങനെതന്നെ പ്രവചിച്ചു. അവര്‍ പറഞ്ഞു: റാമോത്ത്‌ഗിലയാദില്‍ പോയി വിജയം വരിക്കുക; കര്‍ത്താവ്‌ അതു രാജാവിന്‍െറ കൈയില്‍ ഏല്‍പിക്കും.
Verse 13: ദൂതന്‍ ചെന്ന്‌ മിക്കായായോടു പറഞ്ഞു: ഇതാ പ്രവാചകന്‍മാര്‍ ഏകസ്വരത്തില്‍ രാജാവിന്‌ അനുകൂലമായി പ്രവചിച്ചിരിക്കുന്നു. അങ്ങും അവരെപ്പോലെ അനുകൂലമായി പ്രവചിക്കുക.
Verse 14: എന്നാല്‍ മിക്കായാ പറഞ്ഞു: കര്‍ത്താവാണേ, അവിടുന്ന്‌ അരുളിച്ചെയ്യുന്നതു ഞാന്‍ പറയും.
Verse 15: അവന്‍ വന്നപ്പോള്‍ രാജാവ്‌ ചോദിച്ചു: മിക്കായാ, ഞങ്ങള്‍ റാമോത്ത്‌ഗിലയാദില്‍യുദ്‌ധത്തിനു പോകണമോ വേണ്ടയോ? മിക്കായാ പ്രതിവചിച്ചു: നിങ്ങള്‍ പോയി വിജയം വരിക്കുക; കര്‍ത്താവ്‌ അതു രാജാവിന്‍െറ കൈയില്‍ ഏല്‍പിക്കും.
Verse 16: രാജാവ്‌ ചോദിച്ചു: കര്‍ത്താവിന്‍െറ നാമത്തില്‍ എന്നോടു സത്യമേ പറയാവൂ എന്ന്‌ എത്ര പ്രാവശ്യം ഞാന്‍ ആവശ്യപ്പെടണം?
Verse 17: മിക്കായാ പറഞ്ഞു: ഇസ്രായേല്‍ജനം ഇടയനില്ലാത്ത ആടുകളെപ്പോലെ പര്‍വതങ്ങളില്‍ ചിതറിക്കിടക്കുന്നതു ഞാന്‍ കണ്ടു; കര്‍ത്താവ്‌ അരുളിച്ചെയ്യുന്നതും കേട്ടു: ഇവര്‍ക്കു നാഥനില്ല. ഇവര്‍ സ്വഭവനങ്ങളിലേക്കു സമാധാനത്തില്‍ പോകട്ടെ.
Verse 18: ഇസ്രായേല്‍രാജാവ്‌യഹോഷാഫാത്തിനോടു പറഞ്ഞു: ഇവന്‍ എനിക്കു തിന്‍മയല്ലാതെ നന്‍മയൊന്നും പ്രവചിക്കുകയില്ല എന്നു ഞാന്‍ പറഞ്ഞില്ലേ?
Verse 19: മിക്കായാ തുടര്‍ന്നു: കര്‍ത്താവ്‌ അരുളിച്ചെയ്യുന്നതു ശ്രവിക്കുക; കര്‍ത്താവ്‌ സിംഹാസനത്തിലിരിക്കുന്നതു ഞാന്‍ കണ്ടു; സ്വര്‍ഗീയസൈന്യങ്ങള്‍ അവിടുത്തെ വലത്തും ഇടത്തും നിന്നിരുന്നു.
Verse 20: അപ്പോള്‍ കര്‍ത്താവ്‌ ചോദിച്ചു: ആഹാബ്‌ റാമോത്ത്‌ ഗിലയാദില്‍ പോയി വധിക്കപ്പെടാന്‍ ആര്‍ അവനെ വശീകരിക്കും? ഓരോരുത്തരും ഓരോ വിധത്തില്‍ മറുപടി നല്‍കി.
Verse 21: എന്നാല്‍ ആത്‌മാവു മുന്‍പോട്ടുവന്നു പറഞ്ഞു: ഞാന്‍ അവനെ വശീകരിക്കും.
Verse 22: കര്‍ത്താവു ചോദിച്ചു: എങ്ങനെ? അവന്‍ പ്രതിവചിച്ചു: ഞാന്‍ ചെന്ന്‌ അവന്‍െറ എല്ലാ പ്രവാചകന്‍മാരുടെയും അധരങ്ങളില്‍ നുണയുടെ ആത്‌മാവായി ഇരിക്കും. അവിടുന്ന്‌ കല്‍പിച്ചു: അവനെ വശീകരിക്കുക; നീ വിജയിക്കും; പോയി അങ്ങനെ ചെയ്യൂ!
Verse 23: ഇതാ, ഈ പ്രവാചകന്‍മാരുടെയെല്ലാം അധരങ്ങളില്‍ അവിടുന്ന്‌ നുണയുടെ ആത്‌മാവിനെ നിവേശിപ്പിച്ചിരിക്കുന്നു. നിനക്ക്‌ തിന്‍മ വരുത്താന്‍ അവിടുന്ന്‌ നിശ്‌ചയിച്ചിരിക്കുന്നു.
Verse 24: ഉടനെ കെനാനായുടെ മകന്‍ സെദെക്കിയാ മിക്കായായുടെ അടുത്തുവന്ന്‌, അവന്‍െറ ചെകിട്ടത്ത്‌ അടിച്ചുകൊണ്ടു ചോദിച്ചു: കര്‍ത്താവിന്‍െറ ആത്‌മാവ്‌ നിന്നോടു സംസാരിക്കാന്‍ എങ്ങനെയാണ്‌ എന്നെ വിട്ടുപോയത്‌? മിക്കായാ പറഞ്ഞു:
Verse 25: ഒളിക്കാന്‍ ഉള്ളറയില്‍ കടക്കുന്ന ദിവസം നീ അത്‌ അറിയും.
Verse 26: ഇസ്രായേല്‍രാജാവ്‌ ആജ്‌ഞാപിച്ചു: മിക്കായായെ പിടിച്ചു നഗരാധിപന്‍ ആമോന്‍െറയും രാജകുമാരന്‍ യോവാഷിന്‍െറയും അടുത്തേക്കു കൊണ്ടുപോവുക.
Verse 27: ഞാന്‍ വിജയിച്ചുമടങ്ങുന്നതുവരെ വളരെ കുറച്ചു ഭക്‌ഷണവും വെള്ളവും നല്‍കി ഇവനെ കാരാഗൃഹത്തിലിടുക എന്ന്‌ അവനോടു പറയണം.
Verse 28: മിക്കായാ പറഞ്ഞു: നീ വിജയിച്ചുമടങ്ങുകയാണെങ്കില്‍ കര്‍ത്താവല്ല എന്നിലൂടെ സംസാരിച്ചത്‌; ഞാന്‍ പറഞ്ഞത്‌ എല്ലാവരും കേട്ടല്ലോ!
Verse 29: ഇസ്രായേല്‍രാജാവും യൂദാരാജാവ്‌യഹോഷാഫാത്തും റാമോത്ത്‌ഗിലയാദിലേക്കു പോയി.
Verse 30: ഇസ്രായേല്‍രാജാവ്‌യഹോഷാഫാത്തിനോടു പറഞ്ഞു: ഞാന്‍ വേഷംമാറിയുദ്‌ധക്കളത്തിലേക്കു പോകാം. നീ രാജകീയവേഷം ധരിച്ചുകൊള്ളുക. ഇസ്രായേല്‍രാജാവ്‌ വേഷപ്രച്‌ഛന്നനായിയുദ്‌ധക്കളത്തിലേക്കു പോയി.
Verse 31: സിറിയാരാജാവ്‌ തന്‍െറ മുപ്പത്തിരണ്ടു രഥനായകന്‍മാരോടു കല്‍പിച്ചിരുന്നു: വലിയവരോടോ ചെറിയവരോടോ പൊരുതേണ്ടാ. ഇസ്രായേല്‍രാജാവിനോടു മാത്രം പടവെട്ടുക.
Verse 32: അവര്‍യാഹോഷാഫാത്തിനെ കണ്ട്‌ അതുതന്നെയാണ്‌ ഇസ്രായേല്‍രാജാവ്‌ എന്നുപറഞ്ഞ്‌ അവനെതിരേ ആക്രമണം തുടങ്ങി.യഹോഷാഫാത്ത്‌ ഉച്ചത്തില്‍ നിലവിളിച്ചു.
Verse 33: അവന്‍ ഇസ്രായേല്‍രാജാവല്ലെന്നു മനസ്‌സിലായപ്പോള്‍, അവനെതിരേയുള്ള ആക്രമണത്തില്‍നിന്നു രഥനായകന്‍മാര്‍ പിന്തിരിഞ്ഞു.
Verse 34: യദൃച്‌ഛയാ ഒരു പടയാളി എയ്‌ത അമ്പ്‌ ഇസ്രായേല്‍ രാജാവിന്‍െറ പടച്ചട്ടയുടെയും കവചത്തിന്‍െറയും ഇടയില്‍ തറച്ചു കയറി. ഉടനെ അവന്‍ സാരഥിയോടു പറഞ്ഞു: രഥം തിരിച്ച്‌ എന്നെയുദ്‌ധക്കളത്തില്‍ നിന്നു കൊണ്ടുപോവുക. എനിക്കു മുറിവേറ്റിരിക്കുന്നു.
Verse 35: അന്നു ഘോരയുദ്‌ധം നടന്നു. രാജാവിനെ സിറിയാക്കാര്‍ക്കു നേരേ രഥത്തില്‍ നിവര്‍ത്തിയിരുത്തി. മുറിവില്‍നിന്നു രക്‌തം ധാരയായി രഥത്തിനടിയിലേക്ക്‌ ഒഴുകി.
Verse 36: സന്‌ധ്യയായപ്പോള്‍ അവന്‍ മരിച്ചു. അസ്‌തമയമായപ്പോള്‍ സൈന്യങ്ങളുടെയിടയില്‍ ഓരോരുത്തനും താന്താങ്ങളുടെ നഗത്തിലേക്കോ ഗ്രാമത്തിലേക്കോ മടങ്ങിക്കൊള്ളുവിന്‍ എന്ന ശബ്‌ദം മുഴങ്ങി.
Verse 37: ആഹാബ്‌ രാജാവ്‌ മരിച്ചു; മൃതദേഹം സമരിയായില്‍ കൊണ്ടുവന്നു സംസ്‌കരിച്ചു.
Verse 38: സമരിയായിലെ കുളത്തില്‍ അവര്‍ രാജാവിന്‍െറ രഥം കഴുകി. കര്‍ത്താവ്‌ അരുളിച്ചെയ്‌തിരുന്നതുപോലെ നായ്‌ക്കള്‍ അവന്‍െറ രക്‌തം നക്കിക്കുടിച്ചു. വേശ്യകള്‍ ആ വെള്ളത്തില്‍ കുളിച്ചു.
Verse 39: ആഹാബ്‌ ദന്തഗൃഹം പണിയിച്ചതും, നഗരങ്ങള്‍ നിര്‍മിച്ചതും അവന്‍െറ മറ്റു പ്രവര്‍ത്തനങ്ങളും ഇസ്രായേല്‍രാജാക്കന്‍മാരുടെ ദിനവൃത്താ ന്തത്തില്‍ രേഖപ്പെടുത്തിയിട്ടുണ്ടല്ലോ.
Verse 40: ആ ഹാബ്‌ പിതാക്കന്‍മാരോടു ചേര്‍ന്നു. പുത്രന്‍ അഹസിയാ രാജാവായി.
Verse 41: ഇസ്രായേല്‍രാജാവ്‌ ആഹാബിന്‍െറ നാലാം ഭരണവര്‍ഷത്തിലാണ്‌ ആസായുടെ പുത്രന്‍യഹോഷാഫാത്ത്‌ യൂദായില്‍ രാജാവായത്‌.
Verse 42: അപ്പോള്‍ അവനു മുപ്പത്തിയഞ്ചു വയസ്‌സുണ്ടായിരുന്നു. അവന്‍ ജറുസലെ മില്‍ ഇരുപത്തഞ്ചുവര്‍ഷം ഭരിച്ചു. ഷില്‍ഹിയുടെ മകള്‍ അസൂബാ ആയിരുന്നു അവന്‍െറ മാതാവ്‌.
Verse 43: അവന്‍ പിതാവായ ആസായുടെ മാര്‍ഗത്തില്‍ ചരിച്ചു; അതില്‍നിന്നു വ്യതിചലിച്ചില്ല. കര്‍ത്താവിനു പ്രീതികരമായതു പ്രവര്‍ത്തിച്ചു. എങ്കിലും പൂജാഗിരികള്‍ നശിപ്പിച്ചില്ല. ജനം അവിടെ തുടര്‍ന്നും ബലികളും ധൂപവും അര്‍പ്പിച്ചു.
Verse 44: യഹോഷാഫാത്ത്‌ ഇസ്രായേല്‍രാജാവുമായി സമാധാനത്തില്‍ വര്‍ത്തിച്ചു.
Verse 45: യഹോഷാഫാത്തിന്‍െറ പ്രവര്‍ത്തനങ്ങളും ശക്‌തിവൈഭവവുംയുദ്‌ധങ്ങളും യൂദാരാജാക്കന്‍മാരുടെ ദിനവൃത്താന്തത്തില്‍ രേഖപ്പെടുത്തിയിട്ടുണ്ടല്ലോ.
Verse 46: തന്‍െറ പിതാവ്‌ ആസായുടെ കാലത്തു തുടര്‍ന്നുപോന്ന ദേവപ്രീതിക്കുള്ള പുരുഷവേശ്യാസമ്പ്രദായം അവന്‍ നാട്ടില്‍നിന്നും ഉന്‍മൂലനം ചെയ്‌തു.
Verse 47: അക്കാലത്ത്‌ ഏദോമില്‍ രാജാവില്ലായിരുന്നു; ഒരു രാജപ്രതിനിധിയാണ്‌ ഭരണം നടത്തിയിരുന്നത്‌.
Verse 48: യഹോഷാഫാത്ത്‌ ഓഫീറില്‍നിന്നു സ്വര്‍ണം കൊണ്ടുവരാന്‍ താര്‍ഷീഷ്‌കപ്പലുകള്‍ നിര്‍മിച്ചു. എന്നാല്‍, എസിയോന്‍ഗേബറില്‍ വച്ച്‌ തകര്‍ന്നതിനാല്‍ അവയ്‌ക്കു പോകാന്‍ കഴിഞ്ഞില്ല.
Verse 49: ആഹാബിന്‍െറ പുത്രന്‍ അഹസിയായഹോഷാഫാത്തിനോടു ചോദിച്ചു: എന്‍െറ സേവകന്‍മാര്‍ നിന്‍െറ സേവ കന്‍മാരോടൊപ്പം കപ്പലില്‍ പോകാന്‍ അനുവദിക്കുമോ?യഹോഷാഫാത്ത്‌ സമ്മതിച്ചില്ല.യഹോഷാഫാത്ത്‌ തന്‍െറ പിതാക്കന്‍മാരോടു ചേര്‍ന്നു.
Verse 50: പിതാവായ ദാവീദിന്‍െറ നഗരത്തില്‍ പിതാക്കന്‍മാരുടെ കല്ലറയില്‍ അവനെ സംസ്‌കരിച്ചു. അവന്‍െറ പുത്രന്‍യഹൊറാം രാജാവായി.
Verse 51: യൂദാരാജാവായയഹോഷാഫാത്തിന്‍െറ പതിനേഴാംഭരണവര്‍ഷം ആഹാബിന്‍െറ പുത്രന്‍ അഹസിയാ സമരിയായില്‍ ഇസ്രായേലിന്‍െറ ഭരണം ഏറ്റെടുത്തു. അവന്‍ രണ്ടുവര്‍ഷം ഭരിച്ചു.
Verse 52: അവന്‍ കര്‍ത്താവിന്‍െറ സന്നിധിയില്‍ തിന്‍മ പ്രവര്‍ത്തിച്ചു. പിതാവിന്‍െറയും, നെബാത്തിന്‍െറ മകനും ഇസ്രായേലിനെ പാപത്തിലേക്കു നയിച്ചവനുമായ ജറോബോവാമിന്‍െറയും മാര്‍ഗത്തില്‍ അവന്‍ ചരിച്ചു.
Verse 53: അവന്‍ ബാലിനെ സേവിച്ചാരാധിച്ചു. തന്‍െറ പിതാവിനെപ്പോലെ ഇസ്രായേലിന്‍െറ ദൈവമായ കര്‍ത്താവിനെ എല്ലാവിധത്തിലും പ്രകോപിപ്പിച്ചു.