Verse 1: ഞാന്‍ ഇതെല്ലാം കാണുകയുംകേള്‍ക്കുകയും ഗ്രഹിക്കുകയും ചെയ്‌തിട്ടുണ്ട്‌.
Verse 2: നിങ്ങളറിയുന്നത്‌ ഞാനും അറിയുന്നു, ഞാന്‍ നിങ്ങളെക്കാള്‍ താഴെയല്ല.
Verse 3: ഞാന്‍ സര്‍വശക്‌തനോടു സംസാരിക്കും, ദൈവവുമായിന്യായവാദം നടത്താന്‍ ഞാന്‍ തയ്യാറാണ്‌.
Verse 4: നിങ്ങളാകട്ടെ വ്യാജംകൊണ്ടു വെള്ളപൂശുന്നു; നിങ്ങള്‍ വിലയില്ലാത്ത വൈദ്യന്‍മാരാണ്‌.
Verse 5: നിങ്ങള്‍ മൗനമവലംബിച്ചിരുന്നെങ്കില്‍ അതു നിങ്ങള്‍ക്കു ജ്‌ഞാനമാകുമായിരുന്നു.
Verse 6: ഇപ്പോള്‍ എന്‍െറ ന്യായവാദം ശ്രവിക്കുവിന്‍, അഭ്യര്‍ഥനകള്‍ ശ്രദ്‌ധിക്കുവിന്‍.
Verse 7: നിങ്ങള്‍ ദൈവത്തിനുവേണ്ടി നുണ പറയുമോ? അവിടുത്തേക്കുവേണ്ടി വഞ്ചന സംസാരിക്കുമോ?
Verse 8: നിങ്ങള്‍ ദൈവത്തോടു പക്‌ഷപാതം കാണിക്കുമോ? അവിടുത്തേക്കുവേണ്ടിന്യായവാദം നടത്തുമോ?
Verse 9: അവിടുന്ന്‌ നിങ്ങളെ പരിശോധിച്ചാല്‍ നിങ്ങളില്‍ നന്‍മ കണ്ടെണ്ടത്തുമോ? അല്ലെങ്കില്‍, മനുഷ്യനെ വഞ്ചിക്കുന്നതുപോലെ അവിടുത്തെ വഞ്ചിക്കാന്‍ നിങ്ങള്‍ക്കു കഴിയുമോ?
Verse 10: രഹസ്യമായി പക്‌ഷപാതം കാണിച്ചാല്‍ നിശ്‌ചയമായും അവിടുന്ന്‌ നിങ്ങളെ ശകാരിക്കും.
Verse 11: അവിടുത്തെ പ്രതാപം നിങ്ങളെ ഭയപ്പെടുത്തുകയില്ലേ? അവിടുത്തെക്കുറിച്ചുള്ള ഭീതി നിങ്ങളുടെമേല്‍ പതിക്കുകയില്ലേ?
Verse 12: നിങ്ങളുടെ സൂക്‌തങ്ങള്‍ നാശത്തിന്‍െറ പഴമൊഴികളത്ര. നിങ്ങളുടെന്യായവാദം കളിമണ്‍കട്ടപോലെ ദുര്‍ബലമാണ്‌.
Verse 13: നിശ്‌ശബ്‌ദരായിരിക്കുവിന്‍, ഞാന്‍ സംസാരിക്കട്ടെ. എനിക്ക്‌ എന്തും സംഭവിച്ചുകൊള്ളട്ടെ.
Verse 14: ഞാന്‍ എന്‍െറ മാംസം ചവയ്‌ക്കാനും ജീവന്‍ കൈയിലെടുക്കാനും ഒരുക്കമാണ്‌.
Verse 15: പ്രത്യാശയറ്റ എന്നെ ദൈവം വധിച്ചാല്‍ത്തന്നെ എന്ത്‌? എങ്കിലും അവിടുത്തെ മുഖത്തുനോക്കിഞാന്‍ വാദിക്കും.
Verse 16: അധര്‍മി അവിടുത്തെ മുന്‍പില്‍ വരുകയില്ല. ഇതായിരിക്കും എന്‍െറ രക്‌ഷ.
Verse 17: എന്‍െറ വാക്ക്‌ ശ്രദ്‌ധിച്ചു കേള്‍ക്കുവിന്‍. എന്‍െറ പ്രഖ്യാപനം നിങ്ങളുടെ കാതില്‍ മുഴങ്ങട്ടെ!
Verse 18: ഞാന്‍ എന്‍െറ ന്യായവാദം തയ്യാറാക്കിയിട്ടുണ്ട്‌. ഞാന്‍ നിര്‍ദോഷനെന്നു പ്രഖ്യാപിക്കപ്പെടുമെന്ന്‌ എനിക്കുറപ്പുണ്ട്‌.
Verse 19: എന്നോടു തര്‍ക്കിക്കാന്‍ ആരുണ്ട്‌? എന്നെ നിശ്‌ശബ്‌ദനാക്കി വധിക്കാന്‍ ആരുണ്ട്‌?
Verse 20: രണ്ടു കാര്യങ്ങള്‍ മാത്രം എനിക്കു നല്‍കുക, ഞാന്‍ അങ്ങില്‍നിന്ന്‌ ഒളിക്കുകയില്ല
Verse 21: അങ്ങയുടെ കരങ്ങള്‍ എന്നില്‍നിന്നു പിന്‍വലിക്കുക. അങ്ങയെക്കുറിച്ചുള്ള ഭീതി എന്നെപരിഭ്രാന്തനാക്കാതിരിക്കട്ടെ!
Verse 22: എന്നിട്ടു വിളിക്കുക, ഞാന്‍ മറുപടി നല്‍കാം. അല്ലെങ്കില്‍ ഞാന്‍ സംസാരിക്കാം,അങ്ങ്‌ ഉത്തരം പറയുക.
Verse 23: എന്‍െറ പാപങ്ങളും അപരാധങ്ങളും എത്ര? എന്‍െറ അതിക്രമങ്ങളും പാപങ്ങളുംഏവയെന്നു പറയുക.
Verse 24: അങ്ങ്‌ എന്തുകൊണ്ടു മുഖം മറയ്‌ക്കുന്നു? എന്തുകൊണ്ടു ശത്രുവിനെപ്പോലെഎന്നെ കരുതുന്നു?
Verse 25: കൊഴിയുന്ന ഇലയെ അങ്ങ്‌ ഭയപ്പെടുത്തുമോ? ഉണങ്ങിയ പതിരിനെ അങ്ങ്‌ അനുധാവനം ചെയ്യുമോ?
Verse 26: അങ്ങ്‌ എനിക്കെതിരായി കഠിനമായആരോപണങ്ങള്‍ എഴുതുന്നു. എന്‍െറ യൗവനത്തിലെ അകൃത്യങ്ങളുടെഫലം എന്നെ അനുഭവിപ്പിക്കുന്നു.
Verse 27: അങ്ങ്‌ എന്‍െറ കാലുകള്‍ ആമത്തിലിടുകയുംഎന്‍െറ വഴികളെ നിരീക്‌ഷിച്ചുകൊണ്ടിരിക്കുകയും ചെയ്യുന്നു. എന്‍െറ കാലടികള്‍ക്ക്‌ അങ്ങ്‌ പരിധി വച്ചിരിക്കുന്നു.
Verse 28: ചീഞ്ഞഴിഞ്ഞപദാര്‍ഥംപോലെയുംചിതല്‍തിന്ന വസ്‌ത്രംപോലെയുംമനുഷ്യന്‍ നശിച്ചുപോകുന്നു.