Verse 1: വെള്ളി കുഴിച്ചെടുക്കുന്ന ഖനികളും സ്വര്‍ണം ശുദ്‌ധീകരിക്കുന്ന സ്‌ഥലങ്ങളുമുണ്ട്‌.
Verse 2: ഇരുമ്പ്‌ ഭൂമിയില്‍ നിന്നെടുക്കുന്നു, ചെമ്പ്‌ അതിന്‍െറ അയിരില്‍നിന്ന്‌ഉരുക്കിയെടുക്കുന്നു.
Verse 3: മനുഷ്യന്‍ അന്‌ധകാരത്തെ വകവയ്‌ക്കാതെ കൊടും തമസ്‌സിന്‍െറ അങ്ങേഅതിര്‍ത്തിയില്‍അയിരിനുവേണ്ടി തിരയുന്നു.
Verse 4: മനുഷ്യവാസമുള്ള പ്രദേശങ്ങളില്‍നിന്ന്‌അകലെ താഴ്‌വരയില്‍ അവര്‍ ഖനികള്‍ കുഴിക്കുന്നു; അവരെയാത്രക്കാര്‍ വിസ്‌മരിച്ചുപോയി. അവര്‍ മനുഷ്യരില്‍നിന്നകലെ ഖനികളില്‍ കയറില്‍ത്തൂങ്ങിക്കിടന്ന്‌ പണിയെടുക്കുന്നു.
Verse 5: ഭൂമിയില്‍നിന്ന്‌ ആഹാരം ലഭിക്കുന്നു; എന്നാല്‍, അതിന്‍െറ അധോഭാഗംഅഗ്‌നിയാലെന്നപോലെ തിളച്ചുമറിയുന്നു.
Verse 6: അതിന്‍െറ കല്ലുകള്‍ക്കിടയില്‍ഇന്‌ദ്രനീലവും സ്വര്‍ണത്തരികളും ഉണ്ട്‌.
Verse 7: കഴുകന്‍ ആ വഴി അറിയുന്നില്ല;പ്രാപ്പിടിയന്‍ അതു കണ്ടിട്ടില്ല.
Verse 8: ഘോരമൃഗങ്ങള്‍ ആ വഴി നടന്നിട്ടില്ല. സിംഹവും അതിലേ പോയിട്ടില്ല.
Verse 9: മനുഷ്യന്‍ തീപ്പാറയില്‍ കൈവയ്‌ക്കുന്നു. അവന്‍ പര്‍വതങ്ങളെ വേരൊടെ മുറിച്ചുകളയുന്നു.
Verse 10: പാറയില്‍ അവന്‍ ചാലുകള്‍ കീറുന്നു. വിലപിടി ച്ചഓരോ പദാര്‍ഥവുംഅവന്‍െറ കണ്ണില്‍പ്പെടുന്നു.
Verse 11: വെള്ളം ഒലിച്ചിറങ്ങാത്തവിധം അവന്‍ അരുവികള്‍ക്ക്‌ അണ കെട്ടുന്നു. മറഞ്ഞിരുന്നവ അവന്‍ പുറത്തെടുക്കുന്നു.
Verse 12: എന്നാല്‍, ജ്‌ഞാനം എവിടെ കണ്ടെണ്ടത്തും? അറിവിന്‍െറ സ്‌ഥാനം എവിടെ?
Verse 13: അങ്ങോട്ടുള്ള വഴി മനുഷ്യന്‍ അറിയുന്നില്ല. ജീവിക്കുന്നവരുടെ നാട്ടില്‍ അതു കണ്ടുകിട്ടുകയുമില്ല.
Verse 14: അഗാധത പറയുന്നു: അത്‌ എന്നിലില്ല. സമുദ്രം പറയുന്നു: അത്‌ ഇവിടെയില്ല.
Verse 15: സ്വര്‍ണം കൊടുത്താല്‍ അതു കിട്ടുകയില്ല. വെള്ളി തൂക്കിക്കൊടുത്താലും അതിന്‍െറ വിലയാവുകയില്ല.
Verse 16: ഓഫീര്‍പ്പൊന്നും ഇന്‌ദ്രനീലവുംഗോമേദകവും അതിന്‍െറ വിലയ്‌ക്കു തുല്യമല്ല.
Verse 17: സ്വര്‍ണത്തിനും സ്‌ഫടികത്തിനുംഅതിനോടു സമാനതയില്ല. തങ്കംകൊണ്ടുള്ള ആഭരണങ്ങള്‍ക്കുവേണ്ടിയുംഅതു കൈമാറാന്‍ പറ്റുകയില്ല.
Verse 18: പവിഴത്തിന്‍െറ യോ പളുങ്കിന്‍െറ യോ പേരു പറയുകപോലും വേണ്ടാ; ജ്‌ഞാനം മുത്തിനെക്കാള്‍ അമൂല്യമാണ്‌.
Verse 19: എത്യോപ്യായിലെ പുഷ്യരാഗത്തെയും ഇതിനോടു താരതമ്യപ്പെടുത്തുക സാധ്യമല്ല. തങ്കംകൊണ്ടും അതിന്‍െറ വിലനിശ്‌ചയിക്കാന്‍ കഴിയുകയില്ല.
Verse 20: അപ്പോള്‍, ജ്‌ഞാനം എവിടെനിന്നു വരുന്നു? അറിവ്‌ എവിടെ സ്‌ഥിതിചെയ്യുന്നു?
Verse 21: ജീവിക്കുന്നവരുടെ കണ്ണില്‍നിന്ന്‌ അതു മറയ്‌ക്കപ്പെട്ടിരിക്കുന്നു; ആകാശപ്പറവകള്‍ക്കും അത്‌ അഗോചരമാണ്‌.
Verse 22: നരകവും മരണവും പറയുന്നു: ഞങ്ങള്‍ അതെപ്പറ്റി കേട്ടിട്ടേയുള്ളു.
Verse 23: അതിലേക്കുള്ള വഴിയും അതിന്‍െറ ആസ്‌ഥാനവും ദൈവം അറിയുന്നു.
Verse 24: എന്തെന്നാല്‍, അവിടുന്ന്‌ ഭൂമിയുടെഅതിര്‍ത്തിവരെ കാണുന്നു. ആകാശത്തിന്‍കീഴുള്ളതെല്ലാം അവിടുന്ന്‌ ദര്‍ശിക്കുന്നു.
Verse 25: അവിടുന്ന്‌ കാറ്റിനു ശക്‌തികൊടുക്കുകയും വെള്ളത്തിന്‍െറ അളവു നിശ്‌ചയിക്കുകയും ചെയ്‌തപ്പോള്‍
Verse 26: മഴയ്‌ക്കൊരു നിയമവും ഇടിമിന്നലിനൊരുമാര്‍ഗവും നിര്‍ണയിച്ചപ്പോള്‍
Verse 27: അവിടുന്ന്‌ ജ്‌ഞാനത്തെ ദര്‍ശിക്കുകയുംപ്രഖ്യാപിക്കുകയും ചെയ്‌തു. അവിടുന്ന്‌ അതിന്‍െറ ആഴം അളക്കുകയുംമൂല്യം നിര്‍ണയിക്കുകയും ചെയ്‌തു.
Verse 28: അവിടുന്ന്‌ മനുഷ്യനോടു പറഞ്ഞു: ജ്‌ഞാനം കര്‍ത്താവിനോടുള്ള ഭക്‌തിയാണ്‌. തിന്‍മയില്‍നിന്ന്‌ അശലുന്നതാണു വിവേകം.