Verse 1: ജോബ്‌ പറഞ്ഞു:
Verse 2: ഇന്നും എന്‍െറ ആവലാതി തിക്‌തമാണ്‌. ഞാന്‍ എത്ര വിലപിച്ചിട്ടുംഎന്‍െറ മേലുള്ള അവിടുത്തെ കരം ഭാരമേറിയതാണ്‌.
Verse 3: എവിടെ ഞാന്‍ അവിടുത്തെ കണ്ടെണ്ടത്തുമെന്നറിഞ്ഞിരുന്നെങ്കില്‍! അവിടുത്തെ സിംഹാസനത്തെ സമീപിക്കാന്‍ കഴിഞ്ഞിരുന്നെങ്കില്‍!
Verse 4: എന്‍െറ പരാതി അവിടുത്തെ മുന്‍പില്‍ബോധിപ്പിക്കുകയും ഞാന്‍ ന്യായവാദം നടത്തുകയും ചെയ്യുമായിരുന്നു.
Verse 5: അവിടുന്ന്‌ എനിക്ക്‌ എന്തു പ്രത്യുത്തരംനല്‍കുമെന്നും എന്നോട്‌ എന്തു സംസാരിക്കുമെന്നുംഞാന്‍ അറിയുമായിരുന്നു.
Verse 6: അവിടുന്ന്‌ തന്‍െറ ശക്‌തിയുടെമഹത്ത്വത്തില്‍ എന്നോടുന്യായവാദം നടത്തുമോ? ഇല്ല, അവിടുന്ന്‌ ഞാന്‍ പറയുന്നത്‌ ശ്രദ്‌ധിക്കും.
Verse 7: നീതിമാന്‌ അവിടുത്തോട്‌ വാദിക്കാന്‍ കഴിയും; എന്‍െറ വിധിയാളന്‍ എന്നെ എന്നേക്കുമായി മോചിപ്പിക്കും.
Verse 8: ഇതാ, ഞാന്‍ മുന്‍പോട്ടു പോയാല്‍അവിടുന്ന്‌ അവിടെയില്ല; പുറകോട്ടുപോയാലും അവിടുത്തെകാണാന്‍ സാധിക്കുകയില്ല.
Verse 9: ഇടത്തുവശത്തു ഞാന്‍ അവിടുത്തെ അന്വേഷിക്കുന്നു; എന്നാല്‍, എനിക്കവിടുത്തെ കാണാന്‍ സാധിക്കുന്നില്ല, വലത്തുവശത്തേക്കു തിരിഞ്ഞാലും ഞാന്‍ അവിടുത്തെ കാണുന്നില്ല.
Verse 10: എന്നാല്‍, എന്‍െറ വഴി അവിടുന്ന്‌ അറിയുന്നു. അവിടുന്ന്‌ എന്നെ പരീക്‌ഷിച്ചുകഴിയുമ്പോള്‍ ഞാന്‍ സ്വര്‍ണംപോലെ പ്രകാശിക്കും.
Verse 11: എന്‍െറ പാദങ്ങള്‍ അവിടുത്തെകാല്‍പാടുകളില്‍ ഞാന്‍ ഉറപ്പിച്ചു; ഞാന്‍ അവിടുത്തെ പാത പിന്‍തുടര്‍ന്നു;ഒരിക്കലും വ്യതിചലിച്ചില്ല.
Verse 12: അവിടുത്തെ കല്‍പനകളില്‍നിന്നുഞാന്‍ വ്യതിചലിച്ചില്ല. അവിടുത്തെ മൊഴികള്‍ എന്‍െറ ഹൃദയത്തില്‍ഞാന്‍ നിധിപോലെ സൂക്‌ഷിച്ചു.
Verse 13: അവിടുന്ന്‌ മാറ്റമില്ലാത്തവനാണ്‌.അവിടുത്തെ പിന്‍തിരിപ്പിക്കാന്‍ ആര്‍ക്കു കഴിയും? താന്‍ ആഗ്രഹിക്കുന്നത്‌ അവിടുന്ന്‌ ചെയ്യുന്നു.
Verse 14: എനിക്കായി നിശ്‌ചയിച്ചിട്ടുള്ളത്‌ അവിടുന്ന്‌ നിറവേറ്റും. അങ്ങനെയുള്ള പലതും അവിടുത്തെ മനസ്‌സിലുണ്ട്‌.
Verse 15: അതിനാല്‍, അവിടുത്തെ സാന്നിധ്യത്തില്‍ ഞാന്‍ വിറകൊള്ളുന്നു; അവിടുത്തെപ്പറ്റി ചിന്തിക്കുമ്പോള്‍ഞാന്‍ ഭയപ്പെടുന്നു.
Verse 16: ദൈവം എന്‍െറ ഹൃദയത്തെ ദുര്‍ബലമാക്കി. സര്‍വശക്‌തന്‍ എന്നെ പരിഭ്രാന്തനാക്കി.
Verse 17: ഞാന്‍ അന്‌ധകാരത്തില്‍ ആമഗ്‌നനായി; അന്‌ധതമസ്‌സ്‌ എന്‍െറ മുഖത്തെ ആവരണം ചെയ്യുന്നു.