Verse 1: മനുഷ്യജീവിതം നിര്‍ബന്‌ധിതസേവനം മാത്രമല്ലേ? അവന്‍െറ ദിനങ്ങള്‍ കൂലിക്കാരന്‍െറ ദിനങ്ങള്‍ക്കു തുല്യമല്ലേ?
Verse 2: അടിമ തണലിനുവേണ്ടിയെന്നപോലെയും കൂലിക്കാരന്‍ കൂലിക്കുവേണ്ടിയെന്നപോലെയും;
Verse 3: ശൂന്യതയുടെ മാസങ്ങളും ദുരിതങ്ങളുടെരാവുകളും എനിക്കു ലഭിച്ചിരിക്കുന്നു.
Verse 4: ഉറങ്ങാന്‍ കിടക്കുമ്പോള്‍ എപ്പോഴാണ്‌പ്രഭാതമാവുക എന്നു ഞാന്‍ ചിന്തിക്കുന്നു. എന്നാല്‍, രാത്രി നീണ്ടതാണ്‌.പ്രഭാതംവരെ ഞാന്‍ കിടന്നുരുളുന്നു.
Verse 5: പുഴുക്കളും മാലിന്യവും എന്‍െറ ശരീരത്തെ പൊതിഞ്ഞിരിക്കുന്നു. എന്‍െറ തൊലി വിണ്ടുകീറി ചലം ഒലിക്കുന്നു.
Verse 6: എന്‍െറ ദിനങ്ങള്‍ നെയ്‌ത്തുകാരന്‍െറ ഓടത്തെക്കാള്‍ വേഗത്തില്‍ കടന്നുപോകുന്നു. പ്രത്യാശയില്ലാതെ അസ്‌തമിക്കുന്നു.
Verse 7: എന്‍െറ ജീവന്‍ ഒരു ശ്വാസംമാത്രമാണെന്ന്‌ അനുസ്‌മരിക്കണമേ! എന്‍െറ കണ്ണുകള്‍ ഇനി ഒരിക്കലുംനന്‍മ ദര്‍ശിക്കുകയില്ല.
Verse 8: എന്നെ കാണാറുള്ള കണ്ണുകള്‍പിന്നീടൊരിക്കലും എന്നെ കാണുകയില്ല. നീ എന്നെ നോക്കിയിരിക്കേ ഞാന്‍ പൊയ്‌ക്കഴിഞ്ഞിരിക്കും.
Verse 9: മേഘങ്ങള്‍ മാഞ്ഞുമറയുന്നതുപോലെ പാതാളത്തില്‍ പതിക്കുന്നവന്‍മടങ്ങിവരുകയില്ല.
Verse 10: അവന്‍ തന്‍െറ വീട്ടിലേക്ക്‌ ഒരിക്കലുംതിരിച്ചു വരുന്നില്ല; അവന്‍െറ ഭവനം ഇനി അവനെ അറിയുകയില്ല.
Verse 11: അതിനാല്‍, എനിക്കു നിശ്‌ശബ്‌ദതപാലിക്കാന്‍ കഴിയുകയില്ല, എന്‍െറ ഹൃദയവ്യഥകള്‍ക്കിടയില്‍ ഞാന്‍ സംസാരിക്കും. എന്‍െറ മനോവേദനകള്‍ക്കിടയില്‍ ഞാന്‍ സങ്കടം പറയും.
Verse 12: അങ്ങ്‌ എനിക്ക്‌ കാവലേര്‍പ്പെടുത്താന്‍ഞാന്‍ കടലോകടല്‍ജന്തുവോ?
Verse 13: എന്‍െറ കിടക്ക എന്നെ ആശ്വസിപ്പിക്കും, എന്‍െറ തല്‍പം എന്‍െറ വ്യസനം ശമിപ്പിക്കും എന്നു ഞാന്‍ പറയുമ്പോള്‍,
Verse 14: സ്വപ്‌നങ്ങള്‍കൊണ്ട്‌ അങ്ങ്‌ എന്നെ ഭയപ്പെടുത്തുന്നു; ദര്‍ശനങ്ങള്‍കൊണ്ട്‌ എന്നെ പരിഭ്രാന്തനാക്കുന്നു.
Verse 15: അസ്‌ഥിപഞ്‌ജരമാകുന്നതിനെക്കാള്‍ കഴുത്തുഞെരിച്ചുള്ള മരണമാണ്‌ ഞാന്‍ ഇഷ്‌ടപ്പെടുന്നത്‌.
Verse 16: ഞാന്‍ ആശയറ്റവനാണ്‌; ഞാന്‍ എന്നേക്കും ജീവിച്ചിരിക്കുകയില്ല. എന്നെ ഏകനായി വിടുക; എന്‍െറ ജീവിതം ഒരു ശ്വാസം മാത്രമാണ്‌.
Verse 17: അങ്ങ്‌ മനുഷ്യനെ ഇത്ര കാര്യമാക്കാനും അവന്‍െറ പ്രവൃത്തികള്‍ ഉറ്റുനോക്കാനും
Verse 18: ഓരോ പ്രഭാതത്തിലും അവനെ പരിശോധിക്കാനും, ഓരോ നിമിഷവും അവനെപരീക്‌ഷിക്കാനും അവന്‍ ആരാണ്‌?
Verse 19: ഉമിനീര്‌ ഇറക്കാന്‍പോലും ഇടതരാതെഎത്രനാള്‍ അങ്ങ്‌ എന്നെ നോക്കിയിരിക്കും?
Verse 20: മനുഷ്യനെ ഉറ്റുനോക്കിയിരിക്കുന്നവനേ,ഞാന്‍ പാപം ചെയ്‌താല്‍ത്തന്നെ അങ്ങേക്ക്‌ അതിനെന്താണ്‌? അങ്ങ്‌ എന്തുകൊണ്ട്‌ എന്നെ ഉന്നം വച്ചിരിക്കുന്നു? എന്തുകൊണ്ടാണ്‌, ഞാന്‍ അങ്ങേക്ക്‌ ഒരു ഭാരമായിത്തീര്‍ന്നത്‌?
Verse 21: എന്‍െറ പാപങ്ങള്‍ അങ്ങേക്ക്‌ ക്‌ഷമിച്ചുകൂടേ?എന്‍െറ തെറ്റുകള്‍ പൊറുത്തുകൂടേ? ഞാന്‍ ഇപ്പോള്‍ പൊടിയില്‍ ചേരും. അങ്ങ്‌ എന്നെ അന്വേഷിക്കും, എന്നാല്‍, ഞാന്‍ ഉണ്ടായിരിക്കുകയില്ല.