Verse 1: എലീഹു തുടര്‍ന്നു:
Verse 2: ബുദ്‌ധിമാന്‍മാരേ, എന്‍െറ വാക്കു ശ്രവിക്കുവിന്‍, വിജ്‌ഞാനികളേ, എനിക്കു ചെവിതരുവിന്‍.
Verse 3: നാവ്‌ ഭക്‌ഷണം രുചിക്കുന്നതുപോലെചെവി വാക്കുകളെ വിവേചിക്കുന്നു.
Verse 4: നമുക്കു ശരി ഏതെന്നു പരിശോധിക്കാം;യഥാര്‍ഥ നന്‍മ വിവേചിച്ചറിയാം.
Verse 5: ജോബ്‌ പറയുന്നു: ഞാന്‍ നിഷ്‌കളങ്കനാണ്‌, ദൈവം എന്‍െറ അവകാശം നിഷേധിച്ചിരിക്കുന്നു.
Verse 6: ഞാന്‍ നീതിമാനായിരുന്നിട്ടുംനുണയനായി എണ്ണപ്പെടുന്നു; ഞാന്‍ പാപരഹിതനായിരുന്നിട്ടുംപൊറുക്കാത്ത മുറിവുകളാണ്‌ എന്‍േറത്‌.
Verse 7: ജോബിനെപ്പോലെ ആരുണ്ട്‌? അവന്‍ വെള്ളം കുടിക്കുന്നതുപോലെദൈവദൂഷണം നടത്തുന്നു.
Verse 8: അവന്‍ തിന്‍മ പ്രവര്‍ത്തിക്കുന്നവരോടുപങ്കുചേരുകയും ദുഷ്‌ടരുടെ കൂടെ നടക്കുകയും ചെയ്യുന്നു.
Verse 9: അവന്‍ പറഞ്ഞു: ദൈവപ്രീതി നേടുന്നതു കൊണ്ട്‌ മനുഷ്യനു ഗുണമൊന്നുമില്ല.
Verse 10: അതിനാല്‍, വിജ്‌ഞാനികളേ, കേള്‍ക്കുവിന്‍: ദൈവം ഒരിക്കലും ദുഷ്‌ടതപ്രവര്‍ത്തിക്കുന്നില്ല. സര്‍വശക്‌തന്‍ വഞ്ചന കാണിക്കുന്നില്ല.
Verse 11: പ്രവൃത്തിക്കൊത്ത്‌ അവിടുന്ന്‌ മനുഷ്യനു പ്രതിഫലം നല്‍കുന്നു. അര്‍ഹതയ്‌ക്കൊത്ത്‌ അവനു ലഭിക്കുന്നു.
Verse 12: ദൈവം ദുഷ്‌ടത പ്രവര്‍ത്തിക്കുകയില്ല, സത്യം. സര്‍വശക്‌തന്‍ നീതി നിഷേധിക്കുകയില്ല.
Verse 13: ഭൂമിയുടെ ചുമതല അവിടുത്തെഏല്‍പിച്ചത്‌ ആരാണ്‌? ലോകം മുഴുവന്‍ അവിടുത്തെ ചുമലില്‍വച്ചുകൊടുത്തത്‌ ആരാണ്‌?
Verse 14: അവിടുന്ന്‌ തന്‍െറ ചൈതന്യംതന്നിലേക്കു പിന്‍വലിച്ചാല്‍, തന്‍െറ ശ്വാസം തന്നിലേക്കു തിരിച്ചെടുത്താല്‍,
Verse 15: എല്ലാ ശരീരവും ഒന്നോടെ നശിക്കും; മനുഷ്യന്‍ പൊടിയിലേക്കു മടങ്ങും.
Verse 16: വിവേകമുണ്ടെങ്കില്‍, നീ ഇതു കേള്‍ക്കുക; ഞാന്‍ പറയുന്നതു ശ്രദ്‌ധിക്കുക.
Verse 17: നീതിയെ വെറുക്കുന്നവനു ഭരിക്കാനാകുമോ? ശക്‌തനും നീതിമാനുമായവനെ നീ കുറ്റം വിധിക്കുമോ?
Verse 18: അവിടുന്ന്‌ രാജാവിനെ വിലകെട്ടവന്‍ എന്നും പ്രഭുക്കന്‍മാരെ ദുഷ്‌ടന്‍മാര്‍ എന്നും വിളിക്കുന്നു.
Verse 19: അവിടുന്ന്‌ രാജാക്കന്‍മാരോടുപക്‌ഷപാതം കാണിക്കുന്നില്ല; ധനവാന്‍മാരെ ദരിദ്രന്‍മാരെക്കാള്‍പരിഗണിക്കുന്നുമില്ല. അവരെല്ലാവരും അവിടുത്തെസൃഷ്‌ടികളല്ലേ?
Verse 20: ഒരു നിമിഷംകൊണ്ട്‌ അവര്‍ മരിക്കുന്നു; പാതിരാത്രിയില്‍, അവര്‍ ഒറ്റ നടുക്കത്തില്‍ ഇല്ലാതാകുന്നു. ആരും കൈയനക്കാതെതന്നെ ശക്‌തന്‍മാര്‍ നീങ്ങിപ്പോകുന്നു.
Verse 21: എന്തെന്നാല്‍, അവിടുത്തെ കണ്ണുകള്‍മനുഷ്യന്‍െറ വഴികളില്‍ പതിയുന്നു. അവന്‍ ഓരോ അടി വയ്‌ക്കുന്നതുംഅവിടുന്ന്‌ കാണുന്നു.
Verse 22: തിന്‍മ പ്രവര്‍ത്തിക്കുന്നവര്‍ക്ക്‌മറഞ്ഞിരിക്കാന്‍ നിഴലോഅന്‌ധകാരമോ ഉണ്ടാവില്ല.
Verse 23: ദൈവസന്നിധിയില്‍ന്യായവിധിക്കുപോകാന്‍ ആര്‍ക്കും അവിടുന്ന്‌ സമയം നിശചയിച്ചിട്ടില്ല.
Verse 24: അവിടുന്ന്‌ ശക്‌തന്‍മാരെ വിചാരണകൂടാതെ തകര്‍ത്തുകളയുന്നു; മറ്റുള്ളവരെ തല്‍സ്‌ഥാനത്തുപ്രതിഷ്‌ഠിക്കുന്നു.
Verse 25: അവരുടെ പ്രവൃത്തികള്‍ അറിയുന്നഅവിടുന്ന്‌ രാത്രിയില്‍ അവരെതകിടം മറിക്കുകയും അവര്‍ നശിപ്പിക്കപ്പെടുകയും ചെയ്യുന്നു.
Verse 26: അവരുടെ ദുഷ്‌ടത നിമിത്തം മനുഷ്യരുടെ മുന്‍പാകെ അവരെ അവിടുന്ന്‌ ശിക്‌ഷിക്കുന്നു.
Verse 27: അവിടുത്തെ അനുഗമിക്കുന്നതില്‍നിന്ന്‌അവര്‍ വ്യതിചലിച്ചു, അവിടുത്തെ മാര്‍ഗങ്ങളെ അവര്‍ അവഗണിച്ചു.
Verse 28: ദരിദ്രരുടെ നിലവിളി അവിടുത്തെസന്നിധിയില്‍ എത്തുന്നതിന്‌അവര്‍ ഇടയാക്കി. പീഡിതരുടെ കരച്ചില്‍ അവിടുന്ന്‌ശ്രവിക്കുകയും ചെയ്‌തു.
Verse 29: ദുഷ്‌ടന്‍ ഭരിക്കുകയും ജനങ്ങളെ കെണിയില്‍പ്പെടുത്തുകയുംചെയ്യുന്നത്‌ തടയാതെ അവിടുന്ന്‌നിശ്‌്‌ശബ്‌ദനായിരുന്നാല്‍ ആര്‍ക്ക്‌ അവിടുത്തെ കുററം വിധിക്കാന്‍ കഴിയും?
Verse 30: അവിടുന്ന്‌ മുഖം മറച്ചാല്‍ ജനതയ്‌ക്കോവ്യക്‌തിക്കോ അവിടുത്തെകാണാന്‍ കഴിയുമോ?
Verse 31: ഞാന്‍ ശിക്‌ഷ അനുഭവിച്ചു; ഇനി ഞാന്‍ കുററം ചെയ്യുകയില്ല. എനിക്ക്‌ അജ്‌ഞാതമായ തെറ്റുണ്ടെങ്കില്‍കാണിച്ചുതരണമേ!
Verse 32: ഞാന്‍ അനീതി പ്രവര്‍ത്തിച്ചിട്ടുണ്ടെങ്കില്‍ ഇനി അത്‌ ആവര്‍ത്തിക്കുകയില്ല എന്ന്‌ ആരെങ്കിലും ദൈവത്തോടുപറഞ്ഞിട്ടുണ്ടോ?
Verse 33: നീ തിരസ്‌കരിക്കുന്നതുകൊണ്ട്‌അവിടുന്ന്‌ നിന്‍െറ ഇഷ്‌ടംഅനുസരിച്ച്‌ ശിക്‌ഷ നല്‍കണമോ? നീയാണ്‌ ഞാനല്ല തീരുമാനിക്കേണ്ടത്‌. അതിനാല്‍, നിനക്ക്‌ അറിയാവുന്നത്‌പ്രസ്‌താവിച്ചുകൊള്ളുക.
Verse 34: എന്‍െറ വാക്കു കേള്‍ക്കുന്ന വിവേകികളും ജ്‌ഞാനികളും പറയും:
Verse 35: ജോബ്‌ അറിവില്ലാതെ സംസാരിക്കുന്നു. കാര്യമറിയാതെയാണ്‌ അവന്‍ പറയുന്നത്‌.
Verse 36: ദുഷ്‌ടനെപോലെ മറുപടിപറയുന്നതുകൊണ്ട്‌ ജോബിനെ അവസാനംവരെപരീക്‌ഷിച്ചിരുന്നെങ്കില്‍!
Verse 37: അവന്‍ പാപം ചെയ്‌തു; ഇപ്പോള്‍ ധിക്കാരവും കാണിക്കുന്നു. അവന്‍ നമ്മുടെ മധ്യത്തില്‍ പരിഹസിച്ചു കൈകൊട്ടുകയും നിര്‍ത്താതെ ദൈവദൂഷണം പറയുകയും ചെയ്യുന്നു.