Verse 1: കര്‍ത്താവ്‌ ദാവീദിനെ സകല ശത്രുക്കളില്‍നിന്നും സാവൂളില്‍നിന്നും രക്‌ഷി ച്ചദിവസം ദാവീദ്‌ അവിടുത്തേക്ക്‌ ഈ കീര്‍ത്തനം ആലപിച്ചു:
Verse 2: കര്‍ത്താവല്ലോ ഉന്നതശിലയും
Verse 3: ദുര്‍ഗവും എന്‍െറ വിമോചകനും എന്‍െറ ദൈവവും എനിക്ക്‌ അഭയം തരുന്ന പാറയും പരിചയും രക്‌ഷാശൃംഗവും അഭയകേന്‌ദ്രവും; എന്‍െറ രക്‌ഷകനും അവിടുന്നാണ്‌. അങ്ങ്‌ എന്നെ അക്രമത്തില്‍നിന്നു രക്‌ഷിക്കുന്നു.
Verse 4: സ്‌തുത്യര്‍ഹനായ കര്‍ത്താവിനെ ഞാന്‍ വിളിച്ചപേക്‌ഷിക്കുന്നു; അവിടുന്നെന്നെ ശത്രുക്കളില്‍നിന്നു രക്‌ഷിക്കും.
Verse 5: മൃത്യുതരംഗങ്ങള്‍ എന്നെ വലയംചെയ്‌തു. വിനാശത്തിന്‍െറ മഹാപ്രവാഹങ്ങള്‍ എന്നെ ആക്രമിച്ചു.
Verse 6: പാതാളപാശങ്ങള്‍ എന്നെ ചുറ്റി. മരണം എനിക്കു കെണിയൊരുക്കി.
Verse 7: കഷ്‌ടതയില്‍ ഞാന്‍ കര്‍ത്താവിനെ വിളിച്ചപേക്‌ഷിച്ചു. എന്‍െറ ദൈവത്തോടു ഞാന്‍ നിലവിളിച്ചു. അവിടുന്നു തന്‍െറ ആലയത്തില്‍ നിന്ന്‌ എന്‍െറ അപേക്‌ഷ കേട്ടു. എന്‍െറ നിലവിളി അവിടുത്തെ കാതുകളിലെത്തി.
Verse 8: കര്‍ത്താവിന്‍െറ കോപത്തില്‍ ഭൂമി ഞെട്ടിവിറച്ചു. ആകാശത്തിന്‍െറ അടിസ്‌ഥാനങ്ങള്‍ ഇളകി.
Verse 9: അവിടുത്തെനാസികയില്‍നിന്നു ധൂമപടലമുയര്‍ന്നു.വായില്‍നിന്നു സര്‍വവും വിഴുങ്ങുന്ന അഗ്‌നി പുറപ്പെട്ടു,ജ്വലിക്കുന്ന കനലുകള്‍ ആളിക്കത്തി.
Verse 10: ആകാശം ചായിച്ച്‌ അവിടുന്ന്‌ ഇറങ്ങിവന്നു; കൂരിരുട്ടിനുമേല്‍ അവിടുന്ന്‌ പാദമുറപ്പിച്ചു.
Verse 11: കെരൂബിനെ വാഹനമാക്കി അവിടുന്നു പറന്നു.കാറ്റിന്‍െറ ചിറകുകളില്‍ അവിടുന്നു പ്രത്യക്‌ഷനായി.
Verse 12: അന്‌ധകാരംകൊണ്ട്‌ അവിടുന്ന്‌ ആവരണം ചമച്ചു,ജലംനിറഞ്ഞകാര്‍മേഘങ്ങള്‍ വിതാനവും.
Verse 13: അവിടുത്തെ മുന്‍പില്‍ ജ്വലിക്കുന്ന തേജസ്‌സില്‍നിന്നു തീക്കനല്‍പാറി.
Verse 14: കര്‍ത്താവ്‌ ആകാശത്തില്‍ ഇടിമുഴക്കി.അത്യുന്നതന്‍െറ ശബ്‌ദം മുഴങ്ങിക്കേട്ടു.
Verse 15: അവിടുന്ന്‌ അമ്പയച്ച്‌ അവരെ ചിതറിച്ചു.മിന്നല്‍പ്പിണര്‍കൊണ്ട്‌ അവരെ പായിച്ചു.
Verse 16: അവിടുത്തെനാസികയില്‍നിന്നുദ്‌ഗമി ച്ചക്രുദ്‌ധനിശ്വാസത്താല്‍ സമുദ്രത്തിന്‍െറ ഉള്‍ച്ചാലുകള്‍ കാണപ്പെട്ടു. ഭൂമിയുടെ അടിസ്‌ഥാനങ്ങള്‍ നഗ്‌നമാക്കപ്പെട്ടു.
Verse 17: അത്യുന്നതങ്ങളില്‍നിന്നു കൈനീട്ടി അവിടുന്ന്‌ എന്നെ പിടിച്ചു. പെരുവെള്ളത്തില്‍നിന്ന്‌ അവിടുന്ന്‌ എന്നെ പൊക്കിയെടുത്തു.
Verse 18: പ്രബലനായ ശത്രുവില്‍നിന്നും എന്നെ വെറുത്തവരില്‍നിന്നും അവിടുന്ന്‌ എന്നെ രക്‌ഷിച്ചു. അവര്‍ എന്‍െറ ശക്‌തിക്ക്‌ അതീതരായിരുന്നു.
Verse 19: അനര്‍ഥകാലത്ത്‌ അവര്‍ എന്‍െറ മേല്‍ ചാടിവീണു. കര്‍ത്താവ്‌ എനിക്ക്‌ അഭയസ്‌ഥാനമായിരുന്നു.
Verse 20: അവിടുന്ന്‌ എന്നെ വിശാലസ്‌ഥലത്തേക്ക്‌ ആനയിച്ചു. എന്നില്‍ പ്രസാദിച്ചതിനാല്‍ എന്നെ വിമോചിപ്പിച്ചു.
Verse 21: എന്‍െറ നീതിക്കൊത്തവിധം കര്‍ത്താവ്‌ എനിക്കു പ്രതിഫലം നല്‍കി. എന്‍െറ കൈകളുടെ നിര്‍മലതയ്‌ക്കു ചേര്‍ന്നവിധം എനിക്കു പകരം തന്നു.
Verse 22: കര്‍ത്താവിന്‍െറ വഴിയില്‍നിന്നു ഞാന്‍ വ്യതിചലിച്ചില്ല. തിന്‍മചെയ്‌ത്‌ എന്‍െറ ദൈവത്തില്‍ നിന്നു ഞാനകന്നുപോയില്ല.
Verse 23: അവിടുത്തെ കല്‍പനകള്‍ എന്‍െറ കണ്‍മുന്‍പിലുണ്ടായിരുന്നു. അവിടുത്തെനിയമങ്ങള്‍ ഞാന്‍ ലംഘിച്ചില്ല.
Verse 24: തിരുമുന്‍പില്‍ ഞാന്‍ നിര്‍മലനായിരുന്നു. കുറ്റങ്ങളില്‍നിന്നു ഞാന്‍ അകന്നുനിന്നു.
Verse 25: ആകയാല്‍, എന്‍െറ നീതിയും നിഷ്‌കളങ്കതയും കണ്ട്‌ കര്‍ത്താവ്‌ എനിക്കു പ്രതിഫലം നല്‍കി.
Verse 26: വിശ്വസ്‌തനോട്‌ അവിടുന്നു വിശ്വസ്‌തത പുലര്‍ത്തുന്നു. നിഷ്‌കളങ്കനോടു നിഷ്‌കളങ്കമായി പെരുമാറുന്നു.
Verse 27: നിര്‍മലനോടു നിര്‍മലമായും ദുഷ്‌ടനോടു ക്രൂരമായും അങ്ങു പെരുമാറുന്നു.
Verse 28: വിനീതരെ അങ്ങു വിടുവിക്കുന്നു. അഹങ്കാരികളെ അങ്ങു വീഴ്‌ത്തുന്നു.
Verse 29: കര്‍ത്താവേ, അങ്ങ്‌ എന്‍െറ ദീപമാണ്‌. എന്‍െറ ദൈവം, എന്‍െറ അന്‌ധകാരം അകറ്റുന്നു.
Verse 30: അങ്ങയുടെ സഹായത്താല്‍ സൈന്യനിരയെ ഞാന്‍ ഭേദിക്കും. എന്‍െറ ദൈവത്തിന്‍െറ സഹായത്താല്‍ കോട്ട ഞാന്‍ ചാടിക്കടക്കും.
Verse 31: ദൈവത്തിന്‍െറ മാര്‍ഗം അവികലമാണ്‌. തന്നില്‍ ആശ്രയിക്കുന്നവര്‍ക്ക്‌ അവിടുന്നു പരിചയാണ്‌. കര്‍ത്താവിന്‍െറ വാഗ്‌ദാനം നിറവേറ്റപ്പെടും.
Verse 32: കര്‍ത്താവല്ലാതെ ദൈവമായ ആരുണ്ട്‌? നമ്മുടെ ദൈവമല്ലാതെ ഉന്നതശിലയുണ്ടോ?
Verse 33: ദൈവമാണ്‌ എന്‍െറ സുശക്‌ത സങ്കേതം.. എന്‍െറ മാര്‍ഗം അവിടുന്നു സുരക്‌ഷിതമാക്കുന്നു.
Verse 34: അവിടുന്ന്‌ എന്‍െറ കാലുകള്‍ക്കു മാന്‍പേടയുടെ വേഗം നല്‍കി. ഉന്നതഗിരികളില്‍ എന്നെ സുരക്‌ഷിതനായി നിര്‍ത്തി.
Verse 35: എന്‍െറ കൈകളെ അവിടുന്നുയുദ്‌ധമുറഅഭ്യസിപ്പിച്ചു. എന്‍െറ കരങ്ങള്‍ക്കു പിത്തളവില്ലു കുലയ്‌ക്കാന്‍ കഴിയും.
Verse 36: രക്‌ഷയുടെ പരിച അങ്ങ്‌ എനിക്കു നല്‍കിയിരിക്കുന്നു. അങ്ങയുടെ പരിപാലനം എന്നെ വലിയവനാക്കി.
Verse 37: എന്‍െറ വീഥി അങ്ങു വിശാലമാക്കി. എന്‍െറ കാലുകള്‍ വഴുതിയതുമില്ല.
Verse 38: ശത്രുക്കളെ ഞാന്‍ പിന്തുടര്‍ന്നു പിടിച്ചു. അവരെ സംഹരിക്കുവോളം ഞാന്‍ പിന്‍വാങ്ങിയില്ല.
Verse 39: ഞാന്‍ അവരെ സംഹരിച്ചു. എഴുന്നേല്‍ക്കാനാവാത്തവിധം അവരെ ഞാന്‍ തകര്‍ത്തു. അവര്‍ എന്‍െറ പാദങ്ങള്‍ക്കടിയില്‍ ഞെരിഞ്ഞു.
Verse 40: യുദ്‌ധത്തിനായി ശക്‌തികൊണ്ട്‌ അങ്ങ്‌ എന്‍െറ അരമുറുക്കി. എന്നെ ആക്രമിച്ചവരെ അങ്ങ്‌ എനിക്ക്‌ അധീനരാക്കി.
Verse 41: എന്‍െറ ശത്രുക്കളെ അങ്ങു പലായനം ചെയ്യിച്ചു.. എന്നെ വെറുത്തവരെ ഞാന്‍ നശിപ്പിച്ചു.
Verse 42: സഹായത്തിനുവേണ്ടി അവര്‍ മുഖമുയര്‍ത്തി, രക്‌ഷിക്കാനാരുമുണ്ടായിരുന്നില്ല. കര്‍ത്താവിനോട്‌ അവര്‍ നിലവിളിച്ചു, അവിടുന്ന്‌ ഉത്തരം അരുളിയില്ല.
Verse 43: നിലത്തെ പൂഴിപോലെ ഞാനവരെ പൊടിച്ചു. തെരുവിലെ ചെളിപോലെ ചവിട്ടിമെതിച്ചു.
Verse 44: ജനതകളോടുള്ള കലഹത്തില്‍നിന്ന്‌ അങ്ങ്‌ എന്നെ രക്‌ഷിച്ചു. അങ്ങ്‌ എന്നെ ജനതകളുടെ അധിപനാക്കി. എനിക്ക്‌ അപരിചിതമായ ജനം എന്നെ സേവിച്ചു.
Verse 45: വിദേശികള്‍ എന്നോടു കേണിരന്നു. എന്നെക്കുറിച്ചു കേട്ടമാത്രയില്‍ അവരെന്നെ അനുസരിച്ചു.
Verse 46: വിദേശീയര്‍ക്കു ധൈര്യമറ്റു. സങ്കേതങ്ങളില്‍നിന്നു വിറയലോടെ അവര്‍ പുറത്തു വന്നു.
Verse 47: കര്‍ത്താവ്‌ ജീവിക്കുന്നു. എന്‍െറ ഉന്നതശില വാഴ്‌ത്തപ്പെടട്ടെ! എന്‍െറ രക്‌ഷയുടെ ശിലയായ ദൈവം സ്‌തുതിക്കപ്പെടട്ടെ!
Verse 48: ദൈവം എനിക്കുവേണ്ടി പ്രതികാരം ചെയ്‌തു. ജനതകളെ എനിക്ക്‌ അധീനരാക്കി.
Verse 49: ശത്രുക്കളില്‍നിന്ന്‌ അവിടുന്ന്‌ എന്നെ രക്‌ഷിച്ചു.. വൈരികള്‍ക്കുമേല്‍ എന്നെ ഉയര്‍ത്തി. അക്രമികളില്‍നിന്ന്‌ അവിടുന്ന്‌ എന്നെ വിടുവിച്ചു.
Verse 50: ആകയാല്‍, കര്‍ത്താവേ, ജനതകളുടെ മധ്യേ ഞാന്‍ അങ്ങേക്കു സ്‌തോത്രം ആലപിക്കും. അങ്ങയുടെ നാമം പാടി സ്‌തുതിക്കും.
Verse 51: തന്‍െറ രാജാവിന്‌ അവിടുന്നു വന്‍വിജയം നല്‍കുന്നു. തന്‍െറ അഭിഷിക്‌തനോട്‌ അവിടുന്നു എന്നേക്കും കാരുണ്യം കാണിക്കുന്നു. ദാവീദിനോടും അവന്‍െറ സന്തതിയോടും തന്നെ. ദാവീദിന്‍െറ അന്ത്യവചസ്‌സുകള്‍