Verse 1: ഫിലിസ്‌ത്യര്‍ കെയ്‌ലാ ആക്രമിക്കുന്നെന്നും മെതിക്കളങ്ങള്‍ കവര്‍ ച്ചചെയ്യുന്നെന്നും ദാവീദിന്‌ അറിവു കിട്ടി.
Verse 2: അതിനാല്‍ അവന്‍ കര്‍ത്താവിനോട്‌ ആരാഞ്ഞു: ഞാന്‍ പോയി ഫിലിസ്‌ത്യരെ ആക്രമിക്കട്ടെയോ? കര്‍ത്താവ്‌ ദാവീദിന്‌ അനുമതി നല്‍കി: പോയി ഫിലിസ്‌ത്യരെ ആക്രമിച്ച്‌ കെയ്‌ലാ രക്‌ഷിക്കുക. ദാവീദിനോടുകൂടെയുള്ളവര്‍ ചോദിച്ചു:
Verse 3: നമ്മള്‍ ഇവിടെ യൂദായില്‍ത്തന്നെ ഭയന്നാണു കഴിയുന്നത്‌? പിന്നെങ്ങനെ ഫിലിസ്‌ത്യരെ നേരിടാന്‍ കെയ്‌ ലായില്‍ പോകും?
Verse 4: ദാവീദ്‌ വീണ്ടും കര്‍ത്താവിനോട്‌ ആരാഞ്ഞു; കര്‍ത്താവ്‌ പറഞ്ഞു: കെയ്‌ലായിലേക്കു പോവുക. ഫിലിസ്‌ത്യരെ ഞാന്‍ നിന്‍െറ കൈയില്‍ ഏല്‍പിക്കും.
Verse 5: ദാവീദും കൂട്ടരും അവിടെച്ചെന്ന്‌ ഫിലിസ്‌ത്യരുമായി ഏറ്റുമുട്ടി. അവരുടെ ആടുമാടുകളെ അപഹരിച്ചു. വലിയൊരു കൂട്ടക്കൊല അവിടെ നടന്നു. അങ്ങനെ ദാവീദ്‌ കെയ്‌ലാ നിവാസികളെ രക്‌ഷിച്ചു.
Verse 6: അഹിമലെക്കിന്‍െറ മകന്‍ അബിയാഥര്‍ രക്‌ഷപെട്ടു കെയ്‌ലായില്‍ ദാവീദിന്‍െറ അടുത്തു വരുമ്പോള്‍ കൈയില്‍ ഒരു എഫോദും ഉണ്ടായിരുന്നു.
Verse 7: ദാവീദ്‌ കെയ്‌ലായില്‍ വന്നിട്ടുണ്ടെന്നു സാവൂളിന്‌ അറിവുകിട്ടി. അവന്‍ പറഞ്ഞു: ദൈവം അവനെ എന്‍െറ കൈയില്‍ ഏല്‍പിച്ചിരിക്കുന്നു. എന്തെന്നാല്‍, വാതിലുകളും ഓടാമ്പലുകളുമുള്ള പട്ടണത്തില്‍ പ്രവേശിച്ച്‌ അവന്‍ സ്വയം കുടുങ്ങിയിരിക്കുന്നു.
Verse 8: സാവൂള്‍ ജനത്തെ വിളിച്ചുകൂട്ടി, കെയ്‌ലായില്‍ച്ചെന്ന്‌ ദാവീദിനെയും കൂട്ടരെയും ആക്രമിക്കാന്‍ കല്‍പിച്ചു.
Verse 9: സാവൂള്‍ തനിക്കെതിരേ ദുരാലോചന നടത്തുന്ന വിവരം അറിഞ്ഞ്‌ ദാവീദ്‌ പുരോഹിതനായ അബിയാഥറിനോടു പറഞ്ഞു: എഫോദ്‌ ഇവിടെ കൊണ്ടുവരുക.
Verse 10: അനന്തരം, ദാവീദ്‌ പ്രാര്‍ഥിച്ചു: ഇസ്രായേലിന്‍െറ ദൈവമായ കര്‍ത്താവേ, എന്നെപ്രതി കെയ്‌ലാനഗരത്തെനശിപ്പിക്കാന്‍ സാവൂള്‍ ഒരുങ്ങുന്നതായി അങ്ങേദാസന്‍ കേട്ടു.
Verse 11: കെയ്‌ലാ നിവാസികള്‍ എന്നെ അവന്‍െറ കൈയില്‍ ഏല്‍പിച്ചുകൊടുക്കുമോ? അങ്ങയുടെ ദാസന് കേട്ടതുപോലെ സാവൂള്‍ ഇങ്ങോട്ടുവരുമോ? ഇസ്രായേലിന്‍െറ ദൈവമായ കര്‍ത്താവേ, അങ്ങയുടെ ദാസന് ഉത്ത രമരുളണമേ! അവന്‍ വരുമെന്നു കര്‍ത്താവ്‌ അറിയിച്ചു.
Verse 12: ദാവീദ്‌ ചോദിച്ചു: കെയ്‌ലാക്കാര്‍ എന്നെയും എന്‍െറ ആള്‍ക്കാരെയും സാവൂളിന്‍െറ കൈയില്‍ ഏല്‍പിച്ചുകൊടുക്കുമോ? കര്‍ത്താവ്‌ പറഞ്ഞു: അവര്‍ നിന്നെ ഏല്‍പിച്ചു കൊടുക്കും.
Verse 13: ഉടനെ ദാവീദും അറുനൂറോളം വരുന്ന അവന്‍െറ ആള്‍ക്കാരും കെയ്‌ലായില്‍നിന്നു പുറത്തുകടന്ന്‌ എങ്ങോട്ടെന്നില്ലാതെയാത്രയായി. കെയ്‌ലായില്‍നിന്ന്‌ അവന്‍ രക്‌ഷപെട്ടു എന്ന്‌ അറിഞ്ഞപ്പോള്‍ സാവൂള്‍യാത്രനിറുത്തിവച്ചു.
Verse 14: ദാവീദ്‌ സിഫ്‌ മരുഭൂമിയിലെ കുന്നുകളില്‍ ഒളിസ്‌ഥലങ്ങളില്‍ താമസിച്ചു. സാവൂള്‍ ദിനംതോറും അവനെ അന്വേഷിച്ചുകൊണ്ടിരുന്നു. എന്നാല്‍, ദൈവം അവനെ സാവൂളിന്‍െറ കൈയിലേല്‍പിച്ചില്ല.
Verse 15: തന്‍െറ ജീവനെത്തേടിയാണ്‌ സാവൂള്‍ സഞ്ചരിക്കുന്നതെന്ന്‌ അറിഞ്ഞപ്പോള്‍ ദാവീദ്‌ ഭയപ്പെട്ടു. അവന്‍ സിഫ്‌ മരുഭൂമിയിലെ ഹോറെഷിലായിരുന്നു.
Verse 16: സാവൂളിന്‍െറ മകന്‍ ജോനാഥാന്‍ ഹോറെഷില്‍ എത്തി. ദാവീദിനെ ദൈവനാമത്തില്‍ ധൈര്യപ്പെടുത്തി. അവന്‍ പറഞ്ഞു: ഭയപ്പെടേണ്ട.
Verse 17: എന്‍െറ പിതാവ്‌ സാവൂളിന്‌ നിന്നെ പിടികിട്ടുകയില്ല. നീ ഇസ്രായേലിന്‍െറ രാജാവാകും. ഞാന്‍ നിനക്കു രണ്ടാമനുമായിരിക്കും. എന്‍െറ പിതാവിനും ഇതറിയാം.
Verse 18: അവര്‍ ഇരുവരും കര്‍ത്താവിന്‍െറ സന്നിധിയില്‍ ഒരുടമ്പടിചെയ്‌തു. ദാവീദ്‌ ഹോറെഷില്‍ താമസിച്ചു. ജോനാഥാന്‍ വീട്ടിലേക്കു തിരിച്ചുപോയി.
Verse 19: സിഫുകാര്‍ ഗിബെയായില്‍ സാവൂളിന്‍െറ യടുക്കല്‍ച്ചെന്നു പറഞ്ഞു: ഞങ്ങളുടെ സമീപം ജഷിമോനു തെക്ക്‌ ഹോറെഷിലുള്ള ഹാക്കിലാക്കുന്നിലെ സങ്കേതങ്ങളില്‍ ദാവീദ്‌ ഒളിച്ചിരിക്കുന്നു. ആകയാല്‍, രാജാവേ, അങ്ങേക്ക്‌ ഇഷ്‌ടമുള്ളപ്പോള്‍ വരുക.
Verse 20: അവനെ രാജാവിന്‍െറ കൈയില്‍ ഏല്‍പിച്ചുതരുന്ന കാര്യം ഞങ്ങള്‍ ഏറ്റിരിക്കുന്നു.
Verse 21: സാവൂള്‍ പറഞ്ഞു: കര്‍ത്താവ്‌ നിങ്ങളെ അനുഗ്രഹിക്കട്ടെ! നിങ്ങള്‍ക്ക്‌ എന്നോട്‌ ദയ തോന്നിയല്ലോ.
Verse 22: നിങ്ങള്‍ പോയി സൂക്‌ഷ്‌ മമായി അന്വേഷിക്കുവിന്‍. അവന്‍െറ ഒളിസ്‌ഥലം എവിടെയെന്നും ആരെല്ലാം അവനെ കണ്ടിട്ടുണ്ടെന്നും മനസ്‌സിലാക്കുവിന്‍. അവന്‍ വലിയ തന്ത്രശാലിയാണെന്നാണ്‌ ഞാന്‍ കേട്ടിരിക്കുന്നത്‌.
Verse 23: ആകയാല്‍, അവന്‍െറ ഒളിസ്‌ഥലങ്ങളെല്ലാം കണ്ടുപിടിച്ചതിനുശേഷം തിരികെവന്നു സൂക്‌ഷ്‌മവിവരം എന്നെ അറിയിക്കുവിന്‍. അപ്പോള്‍ ഞാന്‍ നിങ്ങളോടു കൂടെ പോരാം. അവന്‍ നാട്ടിലെ വിടെയെങ്കിലുമുണ്ടെങ്കില്‍ യൂദായിലെ ആയിരങ്ങളില്‍നിന്ന്‌ അവനെ ഞാന്‍ തേടിപ്പിടിക്കും.
Verse 24: അവര്‍ പുറപ്പെട്ട്‌ സാവൂളിനു മുന്‍പേ സിഫിലേക്കു പോയി. ദാവീദും അനുചരന്‍മാരും ജഷിമോനു തെക്ക്‌ അരാബായിലെ മാവോന്‍മരുഭൂമിയിലായിരുന്നു.
Verse 25: സാവൂളും സേവകരും അവനെ അന്വേഷിച്ചു പുറപ്പെട്ടു. ഇതറിഞ്ഞദാവീദ്‌ മാവോന്‍മരുഭൂമിയിലുള്ള പാറക്കെട്ടിലേക്കു പോയി. സാവൂള്‍ ഇതു കേട്ട്‌, ദാവീദിനെ പിന്തുടര്‍ന്ന്‌ ആ മരുഭൂമിയിലെത്തി.
Verse 26: സാവൂള്‍ മലയുടെ ഒരു വശത്തുകൂടിയും ദാവീദും അനുചരന്‍മാരും മറുവശത്തുകൂടിയും പോയി. സാവൂളില്‍നിന്നു രക്‌ഷപെടാന്‍ ദാവീദ്‌ ബദ്‌ധപ്പെടുകയായിരുന്നു. ദാവീദിനെയും അനുയായികളെയും പിടിക്കാന്‍ സാവൂളും സൈന്യവും അടുത്തുകൊണ്ടിരുന്നു.
Verse 27: അപ്പോള്‍ ഒരു ദൂതന്‍ വന്നു സാവൂളിനോടു പറഞ്ഞു: വേഗം വരണം, ഫിലിസ്‌ത്യര്‍ നമ്മുടെ രാജ്യത്തെ ആക്രമിച്ചിരിക്കുന്നു.
Verse 28: ഇതുകേട്ട്‌ അവന്‍ ദാവീദിനെ പിന്തുടരാതെ, ഫിലിസ്‌ത്യര്‍ക്കെ തിരേ പുറപ്പെട്ടു. അങ്ങനെ ആ സ്‌ഥലത്തിനു രക്‌ഷപെടലിന്‍െറ പാറഎന്നു പേരുണ്ടായി. ദാവീദ്‌ അവിടെ നിന്നു എന്‍ഗേദിയിലെ ഒളിസ്‌ഥലങ്ങളില്‍ ചെന്നു പാര്‍ത്തു.