Verse 1: നിസ്‌സാരലാഭത്തിനുവേണ്ടിപാപം ചെയ്‌തിട്ടുള്ളവര്‍ ഏറെയുണ്ട്‌. ദ്രവ്യാഗ്രഹി പലതും കണ്ടില്ലെന്നു നടിക്കുന്നു
Verse 2: കല്ലുകള്‍ക്കിടയില്‍ കുറ്റി ഉറച്ചിരിക്കുന്നതു പോലെ ക്രയവിക്രയങ്ങള്‍ക്കിടയില്‍ പാപം ഉറയ്‌ക്കുന്നു.
Verse 3: ദൈവഭക്‌തിയില്‍ ദൃഢതയുംതീക്‌ഷ്‌ണതയും ഇല്ലാത്തവന്‍െറഭവനം അതിവേഗം നശിക്കും.
Verse 4: ഉപയോഗശൂന്യമായവ അരിപ്പയില്‍ശേഷിക്കുന്നതുപോലെ മനുഷ്യന്‍െറ ചിന്തയില്‍ മാലിന്യം തങ്ങിനില്‍ക്കും.
Verse 5: കുശവന്‍െറ പാത്രങ്ങള്‍ചൂളയിലെന്നപോലെ മനുഷ്യന്‍ന്യായവാദത്തിലൂടെ പരിശോധിക്കപ്പെടുന്നു.
Verse 6: വൃക്‌ഷത്തിന്‍െറ ഫലം കര്‍ഷകന്‍െറ സാമര്‍ഥ്യം വെളിവാക്കുന്നു; ചിന്തയുടെ പ്രകടനം മനുഷ്യന്‍െറ സ്വഭാവത്തെയും.
Verse 7: ഒരുവന്‍െറ ന്യായവാദം കേള്‍ക്കാതെഅവനെ പുകഴ്‌ത്തരുത്‌; അതാണ്‌ മനുഷ്യനെ പരീക്‌ഷിക്കാനുള്ള മാര്‍ഗം.
Verse 8: നീതിയെ പിന്തുടര്‍ന്നാല്‍ നിനക്കതു ലഭിക്കും; മഹനീയ അങ്കിപോലെ അതു ധരിക്കുക.
Verse 9: പക്‌ഷികള്‍ സ്വന്തം വര്‍ഗത്തോടുകൂട്ടംചേരുന്നതുപോലെ സത്യസന്‌ധത സത്യസന്‌ധനോടു ചേരുന്നു.
Verse 10: സിംഹം ഇരയ്‌ക്കുവേണ്ടി പതിയിരിക്കുന്നു; പാപം പാപിയെ കാത്തിരിക്കുന്നു.
Verse 11: ദൈവഭക്‌തന്‍െറ വിവേകം സുദൃഢമാണ്‌. മൂഢനു ചന്‌ദ്രനെപ്പോലെ മാറ്റം സംഭവിക്കുന്നു.
Verse 12: മൂഢനെ വിട്ടൊഴിയാന്‍ നോക്കുക;ബുദ്‌ധിമാനെ വിട്ടുപോകരുത്‌.
Verse 13: ഭോഷന്‍െറ സംസാരം നിന്‌ദ്യവുംഅവന്‍െറ ചിരി അനിയന്ത്രിതവുംപാപകരവുമാണ്‌.
Verse 14: ആണയിടുന്നവരുടെ സംസാരംകേള്‍ക്കുമ്പോള്‍ രോമഹര്‍ഷം ഉണ്ടാവുന്നു; അവരുടെ കലഹം കേള്‍ക്കുന്നവന്‍ചെവി പൊത്തുന്നു.
Verse 15: അഹങ്കാരികളുടെ മത്‌സരംരക്‌തച്ചൊരിച്ചിലിനിടയാക്കുന്നു. അവരുടെ ദൂഷണം കര്‍ണകഠോരമാണ്‌.
Verse 16: രഹസ്യം പാലിക്കാത്തവനുവിശ്വസ്‌തത നഷ്‌ടപ്പെടുന്നു; അവന് ആപ്‌തമിത്രം ഉണ്ടാവുകയില്ല.
Verse 17: സുഹൃത്തിനെ സ്‌നേഹിക്കുകയും അവനോടു വിശ്വസ്‌തത പാലിക്കുകയും ചെയ്യുക; നീ അവന്‍െറ രഹസ്യം വെളിപ്പെടുത്താന്‍ ഇടയായാല്‍ അവനോടുകൂടെ നടക്കരുത്‌.
Verse 18: എന്തെന്നാല്‍, ശത്രുവിനെ നശിപ്പിക്കുന്നതു പോലെ നീ അയല്‍ക്കാരന്‍െറ സൗഹൃദം നശിപ്പിച്ചു.
Verse 19: കൈയിലിരുന്ന പക്‌ഷിയെ തുറന്നു വിടുന്നതു പോലെ നീ അയല്‍ക്കാരനെ അകറ്റി; അവനെ വീണ്ടും കിട്ടുകയില്ല.
Verse 20: പിന്‍തുടരാന്‍ ആകാത്തവിധംഅവന്‍ അകന്നിരിക്കുന്നു, വലയില്‍നിന്നു മാന്‍ എന്നപോലെഅവന്‍ രക്‌ഷപെട്ടിരിക്കുന്നു.
Verse 21: മുറിവാണെങ്കില്‍ വച്ചുകെട്ടാം,ദൂഷണത്തിനു ശേഷവുംഅനുരഞ്‌ജന സാധ്യതയുണ്ട്‌; രഹസ്യം വെളിപ്പെടുത്തിയാല്‍, പിന്നെപ്രതീക്‌ഷയ്‌ക്കു വകയില്ല.
Verse 22: കണ്ണു ചിമ്മുന്നവന്‍ തിന്‍മ നിനയ്‌ക്കുന്നു; അവനെ തടയാന്‍ ആര്‍ക്കും കഴിയുകയില്ല.
Verse 23: നീ കേള്‍ക്കേ അവന് മധുരമായി സംസാരിക്കും, നിന്‍െറ വാക്കുകളെ അവന് ശ്ലാഘിക്കും. എന്നാല്‍, പിന്നീട്‌ അവന് സ്വരം മാറ്റും; നിന്‍െറ വാക്കുകൊണ്ടുതന്നെ നിന്നെ കുടുക്കും.
Verse 24: ഞാന്‍ വെറുക്കുന്ന പലതുമുണ്ട്‌.എന്നാല്‍, ഒന്നും അവനു തുല്യമല്ല; കര്‍ത്താവുപോലും അവനെ വെറുക്കും.
Verse 25: നേരേ മുകളിലേക്കു കല്ലെറിയുന്നവന്‍തന്‍െറ തലയിലേക്കു തന്നെയാണ്‌എറിയുന്നത്‌; ചതിപ്രയോഗം ചുറ്റും മുറിപ്പെടുത്തുന്നു.
Verse 26: താന്‍ കുഴി ച്ചകുഴിയില്‍ താന്‍തന്നെ വീഴും; താന്‍ വ ച്ചകെണിയില്‍ താന്‍തന്നെ കുടുങ്ങും.
Verse 27: താന്‍ ചെയ്‌ത തിന്‍മ തന്‍െറ മേല്‍തന്നെ പതിക്കും. അത്‌ എവിടെനിന്നു വന്നെന്ന്‌അവന്‍ അറിയുകയില്ല.
Verse 28: അഹങ്കാരിയില്‍നിന്ന്‌ പരിഹാസവുംദൂഷണവും പുറപ്പെടുന്നു; പ്രതികാരം സിംഹത്തെപ്പോലെഅവനുവേണ്ടി പതിയിരിക്കുന്നു.
Verse 29: ഭക്‌തന്‍ വീഴുമ്പോള്‍ ആനന്‌ദിക്കുന്നവന്‍ കെണിയില്‍ കുടുങ്ങും; മരണത്തിനുമുമ്പ്‌ വേദന അവനെ വിഴുങ്ങും.
Verse 30: കോപവും ക്രോധവും മ്ലേച്ഛമാണ്‌; അവ എപ്പോഴും ദുഷ്‌ടനോടുകൂടെയുണ്ട്‌.